Многумина имаат навика да користат иста лозинка за секоја корисничка сметка на интернет – без оглед дали се работи за е-пошта или за социјалните мрежи, луѓето ја користат истата комбинација за сѐ. Тоа е така најчесто затоа што на тој начин шифрата најлесно се помни.

Сепак, користењето иста лозинка на повеќе места е „рецепт за катастрофа“, според стручњакот за кибербезбедност, Јевгениј Касперски. Неговиот тим неодамна спроведе истражување коешто покажа дека околу 45 отсто од лозинките можат да бидат хакирани за помалку од 60 секунди, па во таа смисла, на пример не е мудро ниту да се користат имиња во лозинките. Се наведува хакерите направиле повеќе од 32 милиони обиди да научат лични лозинки во 2023 година, а тој број во иднина само ќе расте.

– Луѓето несвесно создаваат „човечки“ лозинки што содржат зборови од речникот на нивниот мајчин јазик – имиња, бројки итн., односно комбинации коишто лесно ќе ги запомнат. Но, дури и навидум силните комбинации ретко се сосем случајни, па алгоритмите можат да ги погодат, објасни Касперски.

Така, додавањето по некој број, неколку големи букви и други симболи, ќе ја направи шифрата посилна. Се препорачува и помош од програма управувач со лозинки.

– Не користете лозинки што лесно може да се погодат од вашите лични податоци, како што се родендени, имиња на членови на семејството, домашни миленици или вашето име. Ова се често првите претпоставки што хакерот ќе се обиде да ги направи… Натаму, изберете двофакторна автентикација (2ФА). Иако не е директно поврзана со јачината на лозинката, 2ФА додава дополнителен слој на безбедност. Дури и ако некој ја открие вашата лозинка, сепак ќе му треба додатна автентикација за да пристапи до вашата сметка, додаде тој.

Управувачот со лозинки е битна препорака што може да биде од помош, а има многу бесплатни апликации достапни за „Андроид“ и „ИОС“.

The post Користењето иста лозинка на повеќе места значи поголема опасност од пробивање appeared first on Република.

Објавени се најчесто користените лозинки во 2023 година, кои многу лесно се погодуваат, што им го олеснува пристапот на хакерите до сметките на Интернет.

Експертите за интернет безбедност секогаш предупредуваат дека треба да бидете многу внимателни при изборот на лозинки и да смислите покомплицирана шифра за хакерите да не ги добијат вашите доверливи информации, па дури и пари, но многумина сепак користат едноставни зборови или комбинации на бројки за оваа намена.

Повеќе од 4,5 милиони луѓе сè уште го користат зборот „лозинка“ за нивната лозинка, што ја прави најкористена лозинка во 2023 година. „123456“ е втората најпопуларна лозинка во светот и прва во Велика Британија, со „123456789“ на третото место.

Ако хакерите добијат пристап до вашите сметки, последиците може да бидат огромни. Силните лозинки се од суштинско значење за вашата онлајн безбедност.

Истражувањето беше спроведено од NordPass, услугата за управување со лозинки на NordVPN, чии експерти за интернет безбедност ги проучуваа лозинките собрани од јавно достапни извори – вклучително и темната мрежа, каде што ги наоѓаат криминалците.

Интересно е тоа што аналитичарите открија дека луѓето имаат тенденција да користат силни лозинки за сметки за е-пошта и социјалните мрежи.

Стариот трик за замена на буквите со броеви на симболи исто така не е безбеден како некогаш, па можеби оние што користат лозинка од „P@ssw0rd“ или слично треба да ја сменат.

Најкористените лозинки во 2023 година во Велика Британија:

123456
password
qwerty
liverpool
123456789
arsenal
12345678
12345
abc123
Chelsea
qwerty123
football
dragon
password1
cheese
letmein
1q2w3e4r
monkey
killer
rangers

The post 20-те најчести лозинки во 2023 година, сите се мета на хакери appeared first on Република.