Заменикот претседател на Владата задолжен за политички систем, Љупчо Димовски, во рамките на меѓувладината седница помеѓу Република Македонија и Република Унгарија оствари билатерална средба со Заменикот претседател на Владата на Република Унгарија Золт Семјен.

Соговорниците разговараа за повеќе актуелни теми при што истакнаа дека Македонија со Унгарија споделуваат исти традиционални вредности во многу сфери, пред сѐ во делот на проширувањето на ЕУ, а претходно НАТО, и секако во делот на економијата и слободата на вероисповед и правото на верско изразување.

Исто така беше потенцирано дека имплементацијата на стратешките проекти подразбира зајакнување на суверенитетот на земјата, но и на ЕУ, особено заради интеграција на регионот во целина. Инаку, Унгарија е силен поддржувач за наше забрзано и целосно европско интегрирање.

The post Димовски- Семјен: Унгарија е силен поддржувач за наше забрзано и целосно европско интегрирање appeared first on Република.

Заменикот-претседател на Владата задолжен за политички систем, Љупчо Димовски денеска во Охрид оствари билатерална средба со вицепремиерот на Унгарија Золт Семјен во рамките на меѓувладината седница меѓу Република Македонија и Република Унгарија.

Соговорниците, како што соопшти Владата, разговарале за повеќе актуелни теми при што заклучиле дека двете држави споделуваат исти традиционални вредности во многу сфери, пред сѐ во делот на проширувањето на Европската унија, економијата и слободата на вероисповест и правото на верско изразување.

На средбата, како што е наведено, било потенцирано дека имплементацијата на стратешките проекти подразбира зајакнување на суверенитетот на земјата и ЕУ, особено заради интеграција на регионот во целина.

Унгарија, како штое нагласено, е силен поддржувач за наше забрзано и целосно европско интегрирање.

The post Македонија и Унгарија споделуваат исти традиционални вредности во многу сфери appeared first on Република.

Лидерот на Социјалистичката партија Љупчо Димовски за барањето за влез на Бугарите во Уставот Димовски вели дека немаат ништо против , но оти тоа треба да биде на рамноправна основа.

Доколку се случи тоа и ќе инсистираме на реципроцитет и Македонците да бидат дел од бугарскиот Устав-вели Димовски за „Република“.

The post Димовски: Барањето за влез на Бугарите во Уставот треба да биде на рамноправна основа appeared first on Република.

После сѐ што се случи изминатите седум години и она „шарено лудило“ од кое почна државата да тоне сосема е нормално расположението на граѓаните биде против власта и за промени.

Ниту еден сектор во државата не функционира, образование здравство, стопанството, земјоделството.Се е закочено и се тоне предупредува лидерот на Социјалистичката партија Љупчо Димовски.

Тој во интервјуто за „Република“ вели дека луѓето имаат се помалку пари и оти инфлацијата е сѐ повисока и парите се толку обезвреднети што нѐ потсетува на едни стари времиња од поранешната држава кога имавме високи цени и безвредни пари.

Она што беше до вчера сто денари како вредност сега е илјада денари-споредува Димовски.

Лидерот на СПМ е убеден дека предноста на Силјановска пред Пендаровски ќе биде крунисано со еден голем триумф зато што, според него, таа тоа го залужува.

Наместо да имаме претседател кој се занимава со периферни работи и лични задоволства ќе имаме претседателка која што ќе се грижи за сите граѓани и која ќе биде во тек со сите процеси во општеството и неизоставен фактор кога се носат сите крупни одлуки  за македонскиот народ и држава.

За барањето за влез на Бугарите во Уставот Димовски вели дека немаат ништо против , но оти тоа треба да биде на рамноправна основа.

Доколку се случи тоа и ќе инсистираме на реципроцитет и Македонците да бидат дел од бугарскиот Устав-вели Димовски.

Димовски посочува дека под водство на оваа власт го доведовме во прашање опстанокот на македонскиот народ и држава.

Затоа не смее да се однесуваме несериозно на претстојните избори и претседателски и парламентарни.

Димовски смета дека СДСМ идеолошки е изгубена партија.

Кај нив нема ништо од идеологија, освен гол интерес и жед за власт.Тоа е партија која нема чуство и чуство за национална припадност.Се откажаа од асномска Македонија и НОБ  и не ја потврдија државотворноста на која толку се повикуваа.

Димовски како поранешен министер за земјоделство вели дека не може да се прави споредба со состојбата во земјоделството тогаш и сега.

Не може да се прави споредба.Ништо не е останато од пред десет години кога имавме едно современо земјоделство со високи приноси и откупни кампањи на сите земјоделски производи.Но сето тоа падна во вода и од добро организарана аграрна земја се претворени во држава која што е  е увозно зависна од храна.

Димовски испраќа порака за масовност на изборите и оти граѓаните треба да бидат свесни и да ја земат во предвид целата состојба во државата како последица од владеењето на СДСМ.

Масовноста значи дека гласовите на граѓаните ќе бидат поверодостојни а тоа ќе значи дека победата на опозицијата „За обнова на Македонија“ ќе биде уште повеќе изразена.Битно е да имаме голема бројка на освоени мандати затоа што на тој начин ќе можеме да ја составиме Владата за побрзо време.Укажувам и на потребата за градење на единство.Мораме да бидеме единствени во македонското национално ткиво затоа што на тој начин единствено ќе можеме да бидеме отпорни на сите притисоци кои доаѓаат од надвор.Како пример треба да го имаме однесувањето на нашата пратеничка група која беше под жесток притисок, меѓутоа кога сме сите заедно тогаш сме најмногу отпорни.Тоа треба да го пренесеме и кај македонските граѓани, да имаме масовност и единство.Така ќе бидме многу отпорни и ќе учествуваме во ресетирањето, променените и во повторната изградба на нашата држава-порачува Димовски.

Целиот разговор слушнете го во видеоинтервјуто кое го водеше Игор Чавески

https://www.youtube.com/watch?v=BCgPgY6GYGw

The post Димовски: Потребно е единство и масовност на изборите appeared first on Република.

СДСМ е идеолошки изгубена и непрепознатлива партија. Таа  е заталкана партија, вели лидерот на Социјалитичката партија Љупчо Димовски.

@republika.onlineДимовски♬ original sound - Republika online

Кај нив нема ништо од идеологија, освен гол интерес и жед за власт.Тоа е партија која нема чуство и чуство за национална припадност.Се откажаа од асномска Македонија и НОБ  и не ја потврдија државотворноста на која толку се повикуваа-вели Димовски во интервјуто за „Република“ кое ќе биде објавено утре.

The post Димовски: СДСМ е идеолошки изгубена партија appeared first on Република.

Пратеникот Љупчо Димовски, претседател на Социјалистичката партија на Македонија обвинува дека незаконска распределба на земјоделско земјиште. Тој во фејсбук статус обвинува:

Решение во временски период од 15 дена, во 4 чекори за решавање на проблемот наметнат од Љупчо Николовски за договорите за закуп на земјоделското земјиште во Свети Николе:

Крајно несериозен и неприфатлив е односот на ресорниот министер Николовски за Договорите за закуп на земјоделското земјиште во Свети Николе, особено со второто Соопштение до собраниската Комисијата за земјоделство, шумарство и водостопанство, очигледен пример како надвор од законот Извршната власт се меша и врши притисок врз Законодавната власт. Кога министер директно се обраќа до пратеник и претседател на собраниска комисија, прескокнувајќи го премиерот и претседателот на Собранието.

Во случајов се работи за 84 и повеќе корисници на земјоделско земјиште во Свети Николе, на кои по сила на закон им истекол Договорот за закуп. Тие во рокот на важење на договорите уредно и благовремено, согласно член 39 став 5, а во врска со член 1 од Закон за Земјоделско земјиште доставиле Барање за продолжување на договорите, со што е започната управна постапка, а површините ги засадиле - посеале во производната 2023 година и очекуваат род во реколта 2024 година.

Не е јасно што правел Николовски до 14 февруари 2024 година, зошто не постапил согласно овластувањата од член 39 став 1. Тоа е денот кога се распишани Изборите и кога во сила стапува Изборниот законик за доследна примена на член 8а и Законот за изменување и дополнување на Законот за Влада објавен во Службен весник број 140 во 2018 година.

Со непостапувањето на ресорниот министер до денес, јасно е дека „молчењето е одобрување од Управата“, односно министерот е должен да си ја заврши работата според Закон.

Во однос на Соопштението од министерот до собраниската Комисија за земјоделство, шумарство и водостопанство во кое е наведено дека корисниците на закуп ќе бидат избришани од ЕРЗС и дека наводно нема да добијат субвенции, повеќе од јасно е дека ресорниот министерот не разбира дека „предходно површините се посеани во 2023 година, а родот се чека во 2024 година“, а уште повеќе и за фактот дека не станува збор за раскинати договори за закуп со Изјави за раскинување заради непочитување на договорните обврски, туку за престанување по сила на закон во однос на рокот на важење, како и за фактот дека тие повеќе од уредно и благовремено поднеле барање за продолжување, но МЗШВ затаило или неодговорило со постапувањето, односно продолжувањето со што тие неможат да бидат избришани од евиденцијата на Агенцијата за катастар на недвижности.

За појаснување на ресорниот министер и тие што го советуваат, за сè што не е уредено со одредбите од договорите за закуп важат одредбите од Закон за облигациони односи. На закупците не им е одземено владението, тие и понатаму го владетат и го користат, а според Законот за сопственост и други стварни права член 126 и член 127, каде е уредено дека посеани или засадени растенија кои пуштиле корен се сопственост на оној кој ги посеал/засадил согласно и облигационото право, стануваат и сопственици на плодот/реколтата, што значи на корисниците на закуп им следуваат субвенциите.

Во прилог на ова и како пример, токму на барање на Владата на Република Македонија и тогаш предводена од СДСМ и ДУИ, Државната комисија за спречување на корупција во 2017 година кога биле распишани Избори за градоначалници и за совети на општините, со писмен акт Мислење за повеќе прашања, заведено под број 44/4620/2 од 17.08.2017 година, ја известува за тоа што е дозволено и како да се постапува во време на избори...
Така во точка 53 повеќе од јасно се има произнесено дека од аспект на одредбите од Законот за спречување на корупција во услови на распишани избори „Постои законска пречка до Собранието да се доставуваат текстови на предлог закони и нивни измени“ ...
Во точка 66, од аспект на одредбите од Законот за спречување на корупција во услови на распишани избори, јасно се има произнесено дека „Не постои законска пречка во однос на законот за земјоделско земјиште да се склучуваат договори со непосредна спогодба“.
Вакво мислење има и во 2015 година...

Кој е начинот како да се реши проблемот:

Согласно Законот за Влада, ресорниот министер и дополнителниот заменик министер заеднички со врзан потпис потребно е да достават Допис до Државната комисија за спречување на корупција со итност во постапувањето за добивање на позитивно мислење;
Согласно Законот за Влада, ресорниот министер и дополнителниот заменик министер заеднички со врзан потпис, согласно член 39 став1 од Законот за земјоделско земјиште, да достават Допис и до Државното правобранителство, за добивање на позитивно мислење;
Со овие две позитивни мислења, согласно Законот за Влада ресорниот министер и дополнителниот заменик министер заеднички со врзан потпис да достават Информација до Владата на Република Македонија со предлог за секој поединечен корисник од тие 85 корисници, а ќе бидат повеќе, да се донесе Одлука за склучување на Анекс на Договор за закуп;
По донесената Одлука за секој поединечно да се изврши објавување во Службен весникна РМ;
По објавата во Службен весник на РМ, согласно Законот за Влада ресорниот министер и дополнителниот заменик министер потребно е заеднички со врзан потпис да ги потпишат сите Анекси на договорите.

На овој начин и според овие чекори, не случајно создадениот проблем, се решава не за 2 месеци, како што несериозно и паушално кажува Николовски, туку во рок од 15 дена.

The post Димовски: Четири чекори за решавање на проблемот со земјоделското земјиште во Свети Николе, наметнат од Николовски appeared first on Република.

Јасно и гласно изјавувам дека за мене овој договор, овие документи, оваа информација, заклучоците не се прифатливи и уште од сега напоменувам дека јас немам намера да гласам за уставните измени кои што ќе следат после ова. Јас зборувам како претседател на Социјалистичката партија на Македонија во името на македонските социјалисти и потврдувам ова што претходно го кажав - истакна од собраниуската говорница, Љупчо Димовски, претседател на СПМ и пратеник од коалицијата „Обнова на Македонија“.

Димовски истакна дека Ковачевски ја донесе Македонија во подредена ситуација иако има дадено заклетва дека ќе го штити интегритетот на државата.

Меѓутоа жал ми е што не е тука премиерот Ковачевски којшто истовремено е претседател на Социјалдемократскиот сојуз и којшто ни го нуди ова неприфатливо решение. А, ќе напоменам дека токму тој има дадено свечена изјава односно заклетва дека ќе го штити интегритетот на државата, на Република Македонија и покрај останатите работи дека никогаш нема да ја донесе Република Македонија во подредена ситуација, на каква што сега истата е изложена. Премиерот Ковачевски најави широки консултации меѓутоа покрај интерните, внатре коалициони разговори и разговорите со одредени невладини организации и експерти, но не смогна храброст, ако ништо друго, за да бидат навистина широки консултациите, да ја повика и Социјалистичката партија на Македонија, како една од најстарите политички партии - изјави пратеникот.

Димовски посочи дека Ковачевски влегува во апокалиптично сценарио.

Вие побарувавте единство, ние ви пруживме рака, но таа рака ја одбивте. Затоа, ние единството го градиме со македонскиот народ надвор пред Собрание. Меѓутоа, особено ме радува затоа што ваши членови се повеќе и во поголем број се приклучуваат на собраниот народ.

 

А, што е тоа другото што е неприфатливо за нас? Неприфатлив е предлогот затоа што е спротивен на националните интереси на Македонија и го негира националниот идентитет, историја и јазик. Недостасува и до ден денеска и официјален документ, Протокол во кој се образложени условите кои Република Бугарија ги дефинира и во чие исполнување според членот 12 од Договорот за добрососедство ќе зависи целиот интегративен процес на државата.

 

Целата постапка на преставување на францускиот предлог, ургентноста и криење на документи создадоа широк простор за сомневање кај народот дека нешто не е во ред со процесот и дека нешто се крие. Францускиот предлог е катастрофален, го вклучува билатералниот спор во преговарачкиот процес на ЕУ, давајќи им легитимитет и охрабрување на членките на ЕУ да ги блокираат кандидатите. И со таков пристап бугарските барања се надредени над позицијата на Македонија, па затоа предлогот е неурамнотежен и неприфатлив - нагласи пратеникот.

Димовски истакна дека Уставот не треба да се отвора пред почетокот на преговорите. И најмалку тоа да биде со реципроцитет.

https://www.youtube.com/watch?v=KGwiUSrbGwM

The post Димовски: Јасно и гласно кажувам дека францускиот предлог не е прифатлив и немам намера да гласам за уставните измени коишто ќе следат по ова appeared first on Република.

Поранешниот министер за земјоделство, Љупчо Димовски на својот Фејсбук профил понуди две насоки кои ќе овозможат како што тој вели зголемување на вкупното земјоделско производство. Неговиот став ви го пренесуваме во целост:

Многу е важно индивидуалните земјоделски производители да се охрабрат и без страв од некаков ризик да ги започнат земјоделските активности во обработката на земјоделските површини за производство на жито, за што е потребно и државата дополнително да ги мотивира. На Македонија и е потребно секое парче земјоделско земјиште за производство на пченица. Впрочем често пати земјоделското производство било едно од носечките стопански гранки, особено во услови какви што се денешниве.

И во оваа прилика ќе потсетам на иницијативата од пред неколку години на земјите членки на ЕУ, особено на оние со високо развиено земјоделско производство, а произлезена од заедничката земјоделска политика за потребата од зголемување на земјоделските површини кои ќе се обработуваат, односно за зголемувањето на производството на земјоделските кутури. Потточно зголемување на производството на храна.

Напоменувам дека во ЕУ постои единствена заедничка земјоделска политика која е обврзувачка и се почитува од сите нејзини членки, што доволно говори за значењето на овој сектор на кој му се посветува особено внимание.

Секако и Република Македонија, иако сèуште неполноправен член на ЕУ, преку прилагодувањето на своето законодавство кон европското Acquis communautaire и во делот на аграрните политики требаше да ја следи политиката на зголемување на сопственото земјоделско производство. Ова е особено важно затоа што секоја земја која има земјоделско производство може самостојно да ги задоволи потребите на својот пазар, односно на населението, што значи дека таа е отпорна на надворешните влијанија, таа е незавидна и е во состојба самата да се грижи за сопствените граѓани и нивните потреби.

Воените случувања придонесоа за значително и сериозно пореметување на пазарот со земјоделските производи, односно со тешко надоместливи количини, пред сè на житарици, кои во значителен процент од светското производство, дури до 35%, се произведуваат во регионот на конфликт. Затоа е сè поочигледен недостатокот од овие земјоделски стратегиски производи. Како последица од пореметувањето на понудата и побарувачката пазарниот механизам реагира со драстично зголемување на нивната цена, односно со сè поголемиот недостаток на житарици.

Македонија е дел од заедничкиот глобален пазар и таа е подложна на влијанието на понудата и побарувачката на земјоделски производи, односно на храна. И нашата држава не е исклучок затоа што и таа како и сите останати држави се соочува со сериозни проблеми во обезбедувањето на стратегиските земјоделски култури.

Затоа мора да се дејствува во две насоки:

- Во обезбедувањето на дефицитарните земјоделски производи со увоз; и

- Во интензивирањето на сопственото земјоделско производство.

Тоа значи проширување на обработливите земјоделски површини, во зголемување на приносот по единица површина и конечно во зголемувањето на вкупното земјоделско производство.

Ова е сериозен предизвик за македонскиот аграр.

Правилните и интензивни земјоделски политики во изминатиот петнаесет годишен период во Република Македонија дадоа резултат во зголемувањето на земјоделско производство скоро кај сите култури. Со примена на добрата земјоделска пракса и современите технологии и механизација постепено и приносот бележи зголемување, а непосредната финансиска поддршка на земјоделските стопанства во одреден период ги даде и поскауваните резултати.

Меѓутоа, како пример ќе го земам полјоделството, односно производството на житните култури, изминативе неколку години се соочуваме со намалување на вкупната земјоделска обработлива површина и на вкупното производство на пченица, јачмен, рʼж или ориз.

Вкупните потреби на Република Македонија за пченица на годишно ниво изнесуваат од 310 до 330 илјади тони.

Овој индикатор е всушност клучниот проблем со кој нашата држава ќе се соочи во текот на оваа земјоделска година, па и подолго. Затоа во оваа прилика ќе потсетам на 2014 година кога Македонија произведе 335 илјади тони пченица на над 100 хектари земјоделско земјиште.

Меѓутоа, последниве неколку години земјоделските површини посеани со пченица изнесуваат околу 78 илјади хектари. Доколку просечниот принос на еднициа површина хетар изнесува околу 3,4 тони, тогаш вкупното производство на пченица ќе изнесува околу 265 илјади тони. Тоа е недостаток од најмалку 45 до 65 илјади тони. Во оваа прилика не навлегувам дали целата произведена количина на пченица се користи за човечка исхрана или значителен дел од неа, заради недоволниот квалитет (помала хектолитарска тежина, помалку протеини и слично), се користи како сточна храна. За нас во вој случај е најважно што поголемо производство на пченица, без оглед на нејзиниот квалитет.

Според податоците со кои располагам, иако сеидбените активности штотуку се започнати, до овој момент со пченица се посеани само 3.449 хектари. Очекувањата се дека и оваа година ќе бидат посеани истите површини како што биле и минатата година, со многу мали отстапки.

Мое длабоку уверување е дека оваа земјоделска година потребно е зголемување на активностите од страна на индивидуалните земјоделски произведувачи, помалите земјоделски стопанства, но и големите земјоделски системи да се посветат на обработување на што поголема земјоделска површина посеана со пченица. На тој начин многу е битно во што поголем процент да ја обезбедиме потребната количина за задоволување на домашните потреби.

Многу е важно индивидуалните земјоделски производители да се охрабрат и без страв од некаков ризик да ги започнат земјоделските активности во обработката на земјоделските површини за производство на жито, за што е потребно и државата дополнително да ги мотивира. На Македонија и е потребно секое парче земјоделско земјиште за производство на пченица. Впрочем често пати земјоделското производство било едно од носечките стопански гранки, особено во услови какви што се денешниве.

Што се однесува на висината на откупната цена сметам дека оваа година и производителите и особено откупувачите е потребно да бидат свесни дека, со оглед на приликите и берзантските движења на цената на меркантилната пченица, но и проценката на вкупната намалена понуда, нужно нејзината висина во целост да ги исполни очекувањата на земјоделските произведувачи со правилно, праведно и чесно вреднување на нивниот труд и производ, за што е потребна и поддршката од надлежните институции.

Воедно, потребно е иницирање за враќање на одгледувањето на сончогледот или обновување на организираното производство на шеќерната репа, со што преку нивнтата преработка би се задоволиле потребите на домашниот пазар преку преработка и домашно производство со масло за јадење и шеќер.

Како залог за обезбедување на услови на стабилно земјоделско производство и во следниот период и задоволување на домашните потреби со сопствено произвдство.

The post Димовски: Македонија мора да дејствува во две насоки за нејзиното земјоделство appeared first on Република.

Многу е важно индивидуалните земјоделски производители да се охрабрат и без страв од некаков ризик да ги започнат земјоделските активности во обработката на земјоделските површини за производство на жито, за што е потребно и државата дополнително да ги мотивира. На Македонија и е потребно секое парче земјоделско земјиште за производство на пченица. Впрочем често пати земјоделското производство било едно од носечките стопански гранки, особено во услови какви што се денешниве, пишува на Фејсбук поранешниот министер за земјоделство, Љупчо Димовски.

И во оваа прилика ќе потсетам на иницијативата од пред неколку години на земјите членки на ЕУ, особено на оние со високо развиено земјоделско производство, а произлезена од заедничката земјоделска политика за потребата од зголемување на земјоделските површини кои ќе се обработуваат, односно за зголемувањето на производството на земјоделските кутури. Потточно зголемување на производството на храна.
Напоменувам дека во ЕУ постои единствена заедничка земјоделска политика која е обврзувачка и се почитува од сите нејзини членки, што доволно говори за значењето на овој сектор на кој му се посветува особено внимание.

Секако и Република Македонија, иако сèуште неполноправен член на ЕУ, преку прилагодувањето на своето законодавство кон европското Acquis communautaire и во делот на аграрните политики требаше да ја следи политиката на зголемување на сопственото земјоделско производство. Ова е особено важно затоа што секоја земја која има земјоделско производство може самостојно да ги задоволи потребите на својот пазар, односно на населението, што значи дека таа е отпорна на надворешните влијанија, таа е незавидна и е во состојба самата да се грижи за сопствените граѓани и нивните потреби.

Воените случувања придонесоа за значително и сериозно пореметување на пазарот со земјоделските производи, односно со тешко надоместливи количини, пред сè на житарици, кои во значителен процент од светското производство, дури до 35%, се произведуваат во регионот на конфликт. Затоа е сè поочигледен недостатокот од овие земјоделски стратегиски производи. Како последица од пореметувањето на понудата и побарувачката пазарниот механизам реагира со драстично зголемување на нивната цена, односно со сè поголемиот недостаток на житарици.

Македонија е дел од заедничкиот глобален пазар и таа е подложна на влијанието на понудата и побарувачката на земјоделски производи, односно на храна. И нашата држава не е исклучок затоа што и таа како и сите останати држави се соочува со сериозни проблеми во обезбедувањето на стратегиските земјоделски култури.

Затоа мора да се дејствува во две насоки:
– Во обезбедувањето на дефицитарните земјоделски производи со увоз; и
– Во интензивирањето на сопственото земјоделско производство.
Тоа значи проширување на обработливите земјоделски површини, во зголемување на приносот по единица површина и конечно во зголемувањето на вкупното земјоделско производство.
Ова е сериозен предизвик за македонскиот аграр.
Правилните и интензивни земјоделски политики во изминатиот петнаесет годишен период во Република Македонија дадоа резултат во зголемувањето на земјоделско производство скоро кај сите култури. Со примена на добрата земјоделска пракса и современите технологии и механизација постепено и приносот бележи зголемување, а непосредната финансиска поддршка на земјоделските стопанства во одреден период ги даде и поскауваните резултати.

Меѓутоа, како пример ќе го земам полјоделството, односно производството на житните култури, изминативе неколку години се соочуваме со намалување на вкупната земјоделска обработлива површина и на вкупното производство на пченица, јачмен, рʼж или ориз.

Вкупните потреби на Република Македонија за пченица на годишно ниво изнесуваат од 310 до 330 илјади тони.

Овој индикатор е всушност клучниот проблем со кој нашата држава ќе се соочи во текот на оваа земјоделска година, па и подолго. Затоа во оваа прилика ќе потсетам на 2014 година кога Македонија произведе 335 илјади тони пченица на над 100 хектари земјоделско земјиште.

Меѓутоа, последниве неколку години земјоделските површини посеани со пченица изнесуваат околу 78 илјади хектари. Доколку просечниот принос на еднициа површина хетар изнесува околу 3,4 тони, тогаш вкупното производство на пченица ќе изнесува околу 265 илјади тони. Тоа е недостаток од најмалку 45 до 65 илјади тони. Во оваа прилика не навлегувам дали целата произведена количина на пченица се користи за човечка исхрана или значителен дел од неа, заради недоволниот квалитет (помала хектолитарска тежина, помалку протеини и слично), се користи како сточна храна. За нас во вој случај е најважно што поголемо производство на пченица, без оглед на нејзиниот квалитет.

Според податоците со кои располагам, иако сеидбените активности штотуку се започнати, до овој момент со пченица се посеани само 3.449 хектари. Очекувањата се дека и оваа година ќе бидат посеани истите површини како што биле и минатата година, со многу мали отстапки.

Мое длабоку уверување е дека оваа земјоделска година потребно е зголемување на активностите од страна на индивидуалните земјоделски произведувачи, помалите земјоделски стопанства, но и големите земјоделски системи да се посветат на обработување на што поголема земјоделска површина посеана со пченица. На тој начин многу е битно во што поголем процент да ја обезбедиме потребната количина за задоволување на домашните потреби.

Многу е важно индивидуалните земјоделски производители да се охрабрат и без страв од некаков ризик да ги започнат земјоделските активности во обработката на земјоделските површини за производство на жито, за што е потребно и државата дополнително да ги мотивира. На Македонија и е потребно секое парче земјоделско земјиште за производство на пченица. Впрочем често пати земјоделското производство било едно од носечките стопански гранки, особено во услови какви што се денешниве.

Што се однесува на висината на откупната цена сметам дека оваа година и производителите и особено откупувачите е потребно да бидат свесни дека, со оглед на приликите и берзантските движења на цената на меркантилната пченица, но и проценката на вкупната намалена понуда, нужно нејзината висина во целост да ги исполни очекувањата на земјоделските произведувачи со правилно, праведно и чесно вреднување на нивниот труд и производ, за што е потребна и поддршката од надлежните институции.

Воедно, потребно е иницирање за враќање на одгледувањето на сончогледот или обновување на организираното производство на шеќерната репа, со што преку нивната преработка би се задоволиле потребите на домашниот пазар преку преработка и домашно производство со масло за јадење и шеќер.
Како залог за обезбедување на услови на стабилно земјоделско производство и во следниот период и задоволување на домашните потреби со сопствено производство.

The post Димовски: Индивидуалните земјоделци да се охрабрат и да ги започнат активностите за производство на жито appeared first on Република.