Ракометната федерација на Словенија (РЗС) ја раскина соработката со селекторот Љубомир Врањеш по неуспехот на националниот тим да ја мине групната фаза на Европското првенство (ЕП).

Триумфот над македонските ракометари во воведното коло беше единствената победа на составот предводен од Врањеш, по што последователните порази од Данска и Црна Гора означија крај на настапот на Словенците на ЕП.

Свесни сме дека разочарувањето е големо, но и победите и поразите се составен дел од спорот. Ракометната федерација на Словенија детално ќе го анализира настапот на Европското првенство и ќе се обиде да ја открие причината за еден од најскромните настапи на нашиот национален тим на големите натпреварувања - соопштиja од РЗС.

Наследникот на Швеѓанецот Врањеш на словенечката клупа се очекува да биде познат во следните неколку недели.

The post Џабе победата против Македонија: Словенечките ракометари останаа без селектор appeared first on Република.

Селекторот на Словенија, Љубомир Врањеш очекува тежок натпревар со македонската репрезентација на стартот на Европското ракометно првенство.

– Во последната година напредуваа. Со нетрпение го очекуваме натпреварот, знаеме дека ќе биде тежок, Македонците се силни во одбраната, имаат добар голман, а во нападот го имаат Кирил Лазаров, еден од најопасните и најстарите играчи на ЕП. Знаеме и некои нивни слабости, изјави Врањеш.

Миха Зарабец подетално се осврна на македонскиот нашиот национален тим.

– Тие сигурно ја променија играта во транзицијата, трчаат многу повеќе, побрзи се, но сепак имаат проблем што мораат да менуваат доста играчи од одбрана во напад и обратно. Мораме да оствариме предност од тоа со нашиот ритам. Но, од друга страна, дефинитивно имаме квалитет што треба да го докажеме. Навистина мораме да дадеме се од себе и добро да го отвориме првенството, изјави Зарабец.

Почетокот на натпреварот е вечер во 18 часот.

Покрај овие две селекции, во групата која ќе се игра во Дебрецин, Унгарија се и репрезентациите на Црна Гора и на Данска

The post Словенечкиот селектор стравува од Македонија appeared first on Република.