По информацијата, која ја изненади јавноста, дека Обединети за Македонија на Љубе Бошкоски ќе коалицира со ВМРО-ДПМНЕ, Бошкоски вели дека неговата одлука, која се уште не е конечна, е од чисто идеолошка причина.

На прашањето на „Фокус” да ги појасни мотивите за коалицирање со партијата, бидејќи обвинуваше дека поради поранешните челници на партијата заврши во затвор, Бошковски вели:

Во 2009 година ја напуштив ВМРО-ДПМНЕ, но идеологијата НЕ. Тоа го сторив поради тоталитарното владеење на двајцата братучеди, Груевски и Мијалков, со кое не можев да се согласам како демократ. Сведоци на нивните политики беа сите граѓани. Режимот на Груевски и неговиот братучед го достигнаа врвот со монтажа на предметите „Кампања” и „Ровер”, поради кои поминав години во затвор. И да, по сето тоа, граѓаните со право ќе се запраашаат што барам со ВМРО-ДПМНЕ? Но сакам да потсетам дека од Југославија, па навака, мене не ме прескокнал ниту еден режим, како и оној во времето на Хари Костов за „Раштански лозја”. Значи нема режим кој ме прескокнал!, истакнува Бошкоски за „Фокус”.

Сепак, како што вели, и покрај се, неговата идеологија е ВМРО.

The post Бошкоски: Коалицирањето со ВМРО-ДПМНЕ е од идеолошка причина appeared first on Република.

Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека било вклучено во дејствија на кривично дело – Грабнување од член 141 став 2 во врска со став 1 од Кривичниот законик.

Осомничениот на 3 март, заедно со уште две други лица против кои веќе се води истрага, учествувале во дејствија на грабнување на едно лице во Кисела Вода. Се преземаат дејствија за лишување од слобода на осомничениот.

The post Истрага против уште едно лице за грабнување на внукот на Љубе Бошкоски appeared first on Република.

Љубе Бошковски не е советник за странски инвестиции, туку со владин договор е ангажиран како соработник во службите во делот на привлекување на странски инвестиции, уште пред јас да дојдам како претседател на Владата, изјави денеска премиерот Димитар Ковачевски, прашан дали во неговата канцеларија уште работи Бошковски, кој се наоѓа на црната листа на САД.

Ковачевски потенцираше дека Бошковски има активности во делот на промоција на државата во Хрватска, со оглед на тоа дека Хрватска е еден од инвеститорите во Македонија.

Според него, моралните и етичките аспекти на ставањето на црна листа на кој било поединец се прашања за тој поединец, а нашите правосудни институции треба да ги испитаат сите наоди и да донесат соодветни одлуки.

САД е најголемиот стратешки партнер на државата. Кај градоначалникот на Струга се работи за основи кои се сериозни, и непримерно е институциите на држава која се наоѓа на 8 илјади километри од тука да имаат основ за истражување, а нашите да немаат. Да упатам порака до опозицијата да кажат каде го кријат предметот за нивната дивоградба која е конфискувана како нелегално стекнат имот, а тоа е дирекцијата во која се наоѓа партијата ВМРО-ДПМНЕ - рече Ковачевски одговорајќи на новинарско прашање, по посетата на компанијата за производство на фина картонска амбалажа „Еврос Комерц“ во Старо Нагоричане.

The post Бошковски не е советник, туку соработник во Владата уште пред јас да дојдам како претседател, тврди Ковачевски appeared first on Република.

Две лица се приведени и за нив се бара притвор како осомничени дека учествувале во грабнувањето на Самоил Костадиновски, внук на Љубе Бошкоски, дознава Макфакс од извори во Кривичниот суд.

Се чека судија да одлучи дали ќе им определи 48-часовен притвор како што побарал обвинителот кој го води случајот.

МВР во дневниот билтен на 5 март објави дека е исчезнато 26-годишно лице.

„На 4 март во 8 часот во СВР Скопје, М.К. (32) од Скопје пријавил дека од домот се оддалечил неговиот брат С.К. (26). Се преземаат мерки за пронаоѓање на лицето“, информира МВР.

Исчезнувањето на момчето го пријавил неговиот брат. Се стравува дека 26-годишникот е киднапиран откако бил повикан на средба во Кисела Вода или Драчево и потоа му се губи трагата.

The post Приведени двајца осомничени за киднапирањето на внукот на Љубе Бошковски appeared first on Република.

Еден од најкарактеристичните примери за паразитирање на грбот на граѓаните е Љубе Бошкоски кој зема 50.000 евра за мандат, а никој не знае ни што работи ни што придонесува за тие пари, обвинуваат од ВМРО-ДПМНЕ, продолжувајќи ја листата на функционери на власта како дел од аферата „Паразити“.

Аферата „Паразити“ секој нов ден покажува нов аздислак на власта на СДСМ и ДУИ во време на криза. Додека од народот бараат да стега ремен, да се тушира со поладна вода, да готви во мали тенџериња, тие немаат абер да ги скратат баснословните хонорари и плати на функционерите кои ги именуваат. Таков е примерот и со Љубе Бошкоски, кој зема 50.000 евра за мандат, а никој не знае што работи и што придонесува за тие пари. Фестим Халили, пак, од позиција директор на ФИТР зема 1.000 евра месечно и речиси 50.000 евра за мандат, за нешто за кое граѓаните немаат апсолутно никаква корист. Уште еден пример за неразумна плата е и Миѓен Селмани член на Управен одбор и директор во М-НАВ кој зема 3.000 евра месечно или 144.000 евра за мандат“, наведуваат од ВМРО-ДПМНЕ.

Од партијата додаваат дека власта на СДСМ и ДУИ во оваа криза има други приоритети, различни од тие на народот.

На власта приоритет и се непродуктивните трошења, криминалот и полнењето на функционерските џебови“, се вели во партиското соопштение на ВМРО-ДПМНЕ.

The post Љубе Бошковски добива хонорар од 50.000 евра, а никој не знае што работи appeared first on Република.

Хрватска го отфрли обвинението против Љубе Бошкоски за случајот “Раштански лозја”. Овој случај е повеќе од една деценија во Пула, а судот го држеше замрзнат бидејќи Бошкоски беше во затвор, пренесува А1он.

Поранешниот министер за внатрешни работи истакна дека со оваа пресуда завршува дводеценискиот политички прогон против него. Бошкоски, по министерската функција мина низ неколку судски процеси поради кои речиси десет години беше во затвор.

Половина од затворските години беа во Хаг, половина кај нас за случајот “Кампања” за кој повторно се води судски процес, а Бошкоски докажува дека бил политичка жртва.

The post Отфрлено обвинението против Љубе Бошкоски за „Раштански лозја“ appeared first on Република.