Аргентинските власти обвинија три лица во врска со смртта на пејачот Лијам Пејн, објави Обвинителството. Меѓу обвинетите се лице наводно блиско со Пејн, хотелски работник и осомничен дилер на дрога.

Пејачот почина на 16 октомври по пад од балкон на третиот кат на луксузен хотел во туристичката населба Палермо во Буенос Аирес. Неговото тело е пронајдено во внатрешниот двор на хотелот „Касасур“.

Алкохол, кокаин и антидепресиви на рецепт биле пронајдени во крвта на Пејн по неговата смрт, соопштија надлежните.

Подоцна полицијата извршила рација во одморалиштето. Запленети се предмети, како компјутерски хард-дискови и снимки од камерите на хотелот.

The post Три лица обвинети за смртта на Лијам Пејн appeared first on Република.

Таткото на Лијам Пејн е виден како заминува од мртовечница во Буенос Аирес, каде што се верува дека го зел телото на својот син.

Погребот на пејачот е најавен за следната недела, а според официјалните лица, телото на Лијам е подготвено да биде вратено во Велика Британија по долги полициски истраги.

Три недели по трагичната смрт на пејачот, комплетирана е потребната документација за неговото тело да биде вратено дома, пишува аргентинскиот весник La Nacion.

Властите сè уште не ги објавиле сите детали за смртта на пејачот, бидејќи истрагата за околностите на смртта продолжува.

Пејачот на поранешната група „One Direction“, Лијам Пејн, почина по пад од тераса во Буенос Аирес, а токсиколошката анализа во неговата крв открила неколку видови наркотици.

Обвинителите ја истражуваат теоријата од смртта на Лијам дека тој бил во „полу-или целосна несвест“ за време на очигледна епизода на дрога.

The post Таткото на Лијам Пејн го презел неговото тело, погребот најавен за идната недела appeared first on Република.

Резултатите од токсиколошката анализа се објавени како дел од истрагата за смртта на пејачот Лијам Пејн, кој почина на 16 октомври откако падна од третиот кат во хотел во Буенос Аирес.

Лијам Пејн имал траги од комбинација на дрога во неговиот систем, вклучително и „розов кокаин“ кога паднал во смрт од балконот на хотелот, јавуваат аргентинските медиуми.

Прелиминарните резултати од токсиколошките тестови открија траги од кокаин, бензодиазепини, крек кокаин и розов кокаин, кој е комбинација од метамфетамин, кетамин и МДМА, пишува Дејли Меил.

Полицијата трага по дилери кои го снабдувале пејачот со наркотици.

Обдукцијата покажа дека пејачот починал од повеќе повреди, меѓу кои и фрактура на черепот, додека во неговата хотелска соба биле пронајдени бел прав, траги од хемиски супстанци и дрога.

The post Објавени токсиколошките резултати на Лијам Пејн: Полицијата трага по дилери, еве што имал во крвта appeared first on Република.

Поранешниот член на светската поп-сензација, групата „Оне директион“, Лијам Пејн почина на 31 година во Аргентина откако паднал од третиот кат на хотел во Буенос Аирес. Полицијата кажа дека го пронашла телото на Пејн откако итните служби реагирале на повик во луксузната населба Палермо.

Според полицијата на Буенос Аирес, полицајците во прв момент реагирале на пријава за „агресивен маж кој можеби бил под дејство на алкохол или дрога“. Кога пристигнале во хотелот, им било кажано дека се слушнал гласен звук во внатрешниот двор на хотелот, каде што потоа го пронашле телото.

Пејн претрпел сериозни повреди, ќе биде спроведена обдукција, изјави директорот на итните медицински служби Алберто Крешенти, кој не сакаше да коментира за околностите на падот.

Пејн се стекна со светска слава како дел од популарниот бојбенд формиран во шоуто „Икс фактор“ во 2010, што го сочинуваа и Хари Стајлс, Луис Томлинсон, Нијал Хоран и Зајн Малик.

 

View this post on Instagram

 

A post shared by Liam Payne (@liampayne)

The post На 31-година почина Лијам Пејн од „Оне директион“ appeared first on Република.