Екипата на Реал Мадрид дојде до својот 15-ти трофеј од Лигата на шампионите, откако на „Вембли“ во Лондон ја совлада Борусија Дортмунд со 2-0. „Кралевите“ долго се мачеа, противникот беше далеку поопасен на тревникот и сериозно го загрозуваше голот на Куртоа.

Во првото полувреме токму белгискиот голман, но и стативата го спасија Реал Мадрид, но во вториот дел комплетно различна слика во Лондон. „Кралевите“ жестоко напаѓаа, а Кобел ја држеше Борусија во игра. Корнерите на Тони Крос беа најголема опасност, а токму после еден корнер на германецот, Дани Карвахал погоди за водство од 1-0 во 74-тата минута.

Само девет минути подоцна, голема грешка на одбраната на Борусија Дортмунд. Подарок на Белингам, кој проигрува до Винисиус, а овој без поголеми проблеми го совлада голманот на Борусија откако излезе очи во очи со него.

https://www.youtube.com/watch?v=URE7kQz4Flg

До крајот на мечот, Фулкруг во 87-мата минута успеа да погоди за намалување на водството на Реал, но асистентот судија веднаш реагираше и сигнализираше офсајд, а исправноста на неговата одлука ја потврди и ВАР системот.

قول لريال

🎥- تابع الحساب الأساسي : @AZiiHD

#UCLfinal | #APorLa15 pic.twitter.com/7mZ0gmR5SD

— تغطيه MM (@feca19ea9f) June 1, 2024

За тренерот на Реал Мадрид, Карло Анчелоти, ова е петти трофеј во Лигата на шампионите, трет со „кралевите“, додека два освои со екипата на Милан.

Извор: Спортманија

The post Реал Мадрид ја освои Лигата на шампионите appeared first on Република.

Реал Мадрид и Борусија Дортмунд играат без голови 0-0 на полувреме во финалето од Лигата на шампионите. Милионерите и тоа како треба да жалат што немаат предност по првиот дел бидејќи и тоа како беа подобар противник во првите 45 минути.

Стартот на натпреварот го одбележа голем безбедносен пропуст откако на „Вембли“ беа потребни само 20 секунди за еден навивач да влезе на теренот. Се играше 20 секунда кога еден расположен авантурист дојде до Џуд Белингем. Веднаш потоа влегоа уште тројца навивачи, а мечот беше во прекин дури две минути.

Во првите дваесет минути и двата тима беа внимателни, па мечот не ни донесе никакво поголемо возбудување. Првата вистинска шанса ја имаа „милионерите“ во 21. минута кога Адејеми излезе сам пред Тибо Куртоа, но едноставно младиот фудбалер се изгуби и не успеа ниту да шутне кон голот на Белгиецот.

Само минута подоцна Филкруг ја погоди стативата, но и доколку беше постигнат гол тој ќе беше поништен бидејќи германскиот напаѓач беше во офсајд. Mилионерите повторно имаа шанса во 28. минута и тоа повторно преку Карим Адејеми, но и овој удар го спречи Тибо Куртоа.

Нова шанса имаше Дортмунд во 41. минута по одличниот шут на Сабицер, но повторно Тибо Куртоа беше на висина на задачата и ги задржа почетние 0-0.

Извор: Екипа

The post Нерешено на полувреме од финалето во ЛШ, Дортмунд има зошто да жали appeared first on Република.

Финалето во Лигата на шампионите на „Вембли“ започна со прекин. Еден фан од трибините влета на теренот и им донесе работа на редарите.

Уште во воведните секунди, тројца фанови влегоа на терен за да направат „селфи“ со Џуд Белингем и успеаја во тоа. Откако ја направија фотографијата, еден од нив ја изведе прославата „Сиууу“ на Роналдо, па беше соборен од редарите.

Pitch invader came to take a pic with Jude bellingham 😭 #ucl #UCLfinal
pic.twitter.com/IzcyxfOFPr

— JACE (@jace_mcfc) June 1, 2024

The post Прекин на финалето во ЛШ за „селфи“ со Белингем и „Сиууу“! appeared first on Република.

Групната фаза во Лигата на шампиони (ЛШ) ќе почне на 19 септември, а уште во првото коло нè очекуваат две дербија од групата Ф.

Најинтересните дуели се играат во „групата на смртта“, каде што Милан ќе се соочи со Њукасл, а ПСЖ во Париз ќе ја пречека Борусија Дортмунд.

Финалето во елитното натпреварување се игра на 1 јуни на „Вембли“.

The post Две дербија уште во прво коло – познат распоредот во ЛШ appeared first on Република.