Кинескиот премиер Ли Кечијанг изјави дека ситуацијата во Украина е „загрижувачка“ и дека е важно да се поддржат Украина и Русија во преговорите за прекин на огнот.

Говорејќи на прес-конференција на крајот од годишната парламентарна сесија, Ли не одговори директно на новинарски прашања за тоа дали Кина ќе се воздржи од осуда на Русија без оглед што прави таа земја и дали Кина е подготвена да обезбеди дополнителна економска и финансиска поддршка за Русија која се соочува со санкции.

Кина и Русија воспоставија многу блиско партнерство, а Кина одби да го осуди рускиот напад врз Украина или да го нарече инвазија.

Пекинг во повеќе наврати го изрази своето противење на , како што наведува, „незаконските санкции наметнати од Запад кон Русија“, повикувајќи на решение на кризата преку преговори.

The post Ли: Важно е да се поддржат Украина и Русија во преговорите за прекин на огнот appeared first on Република.