14-годишнo момче од Ленинградската област во Русија, во ренот на Санкт Петербург, одгледувал 35.000 лалиња во гаражата на својот татко и ги продал на Денот на вљубените за околу 20 илјади евра (два милиони рубљи).

Момчето било мотивирано да почне бизнис од неговите родители откако тие одбиле да му купат Плејстејшн 5. Татко му го советувал самиот да заработи за конзолата и му помогнал да постави стаклена градина во гаражата.

Момчето планира следната година да одгледува 200.000 цвеќиња и да заработи најмалку пет пати повеќе од досега.

The post 14-годишно момче почнало да одгледува лалиња во гаражата за да си купи Плејстејшн – заработило 20 илјади евра appeared first on Република.

Одлична идеја за Велигденските празници, толку многу е убаво што нема да можете да го тргнете погледот од нив, ќе ви биде жал да ги јадете, а верувајте – превкусни се. Оваа идеја на снаа ми многу лесно се реализира, па дури и сами можете да го менувате рецептот, бидејчи крајниот резултатот е нешто навистина прекрасно.

Доколку се трудите на трпезата да имате не само вкусни јадења, туку и декоративни, тогаш дефинитивно сте на правото место – ќе се обидам најдобро што умеам да ви објаснам, но и целата постапка е забележана преку фотографии.

Имено, од едноставни варени јајца можете да приготвите многу вкусни и прекрасни на изглед – лалиња! Прочитајте го деталниот рецепт и проследете ги сите чекори кои се многу едноставни. Еве што ви е потребно за да ги приготвите Велигденските лалиња од варени јајца:

ПОТРЕБНИ СОСТОЈКИ: 7 јајца, 9 морски стапчиња (или риба по ваш избор, може и рендана шунка или друго по ваш избор), 200 г крем сирење, 1 мала лажичка мелен црн пипер или по вкус, 1 лажичка сол, може малку кари зачин по вкус и млад кромид (дршките, а може и млад лук)

ПОСТАПКА: Јајцата најпрво треба тврдо да се сварат. Во водата ставете малку сол и малку сода бикарбона, па ставете ги јајцата претходно отстојани на собна температура (да не се директно извадени од фрижидер), па од моментот на зовривање оставете да се варат 10 минути.

Сварените јајца веднаш прелијте ги со ладна вода, па откако ќе се оладат, излупете ги. Потоа од едниот крај засечете ги со остар нож во вид на крст. Засекот треба да биде доволно голем за да може жолчката да ја извадите од внатре без да ја оштетите белката.

Овој дел од постапката е најделикатниот, зошто треба да бидете внимателни и да не ја оштетите белката. Ова направете го со сите јајца, а жолчките соберете ги во посебен сад. Потоа подгответе го филот:

Во еден длабок сад изрендајте ги претходно сварените морски стапчиња. Наместо нив може да користите рендана шунка, ситно сечкано бело месо, туна од конзерва или некоја друга риба по ваш избор.

Потоа изрендајте ги жолчките, зачинете со сол, црн пипер, кари или некој зачин по ваш вкус, па додајте го крем сирењето и добро измешајте.

По желба може да додадете и малку мајонез за вкус. Филот префрлете го во слаткарски шприц, па наполнете ги белките во засеците.

Со помош на пластична цевка за сок направете мало вдлабнување во кое ќе ја ставите дршката од младиот кромид. Потребни се онолку млади кромитчиња колку што имате јајца, а во случајов седум. Може да декорирате и со магдонос или власец. Вашите пролетни лалиња од варени јајца се готови.

извор: нмд.мк

The post Направете лалиња од варени јајца appeared first on Република.

Кокаинот и милиони евра од продажбата на парите од дрогата на Кавачкиот клан биле транспортирани низ Балканот во саксии со лалиња. Српската полиција влегла во трага на една таква компанија чија основна дејност бил увоз на цвеќе, особено лалиња, од Холандија.

„Нечистите“ пари дошле од таа земја, во која биле испорачани од Шпанија, спакувани и транспортирани во Србија и Црна Гора кај Радоје Звицер и неговите соборци, тимот на Вељко Беливук. На овој начин стигнале милиони евра.

Кога вмешаните во транспортот ќе почувствувале дека ќе има проблеми и детален претрес на царинска испостава, на камионите кои се движеле пред нив испраќале лажни пријави за дрога. Полицијата и цариниците ги запреа тие камиони на штрек, додека „наполнетите“ товарни возила непречено минувале.

Во Холандија парите биле спакувани во вакум кеси, кои биле ставени во саксии под цвеќето напишано во декларациите и на тој начин преминале неколку граници кон Србија и Црна Гора

The post Kланот на Звицер парите од дрогата ги пренесувале во саксии со лалиња appeared first on Република.