За секој километар што фудбалерите на Леганес ќе го истрчаат на утрешниот натпревар во Ла Лига против Севиља, овој шпански прволигаш ќе донира по 100 евра за настраданите од поплавите на југоистокот на Шпанија.

Леганес ќе донира по 100 евра за секој истрчан километар на нашите играчи со што напорите на теренот ќе послужат за нешто повеќе од победа“, изјави денеска претседателот на клубот Џеф Луноу.

„Сакаме да го покажеме нашето единство со луѓето од Валенсија, и дека не постои дистанца што може да ги раздвои луѓето“, додаде тој.

Леганес, прволигаш од предградието на Мадрид, исто така, собра 200 тони хуманитарна помош претходно откако неговите навивачи, вработени и симпатизери донесоа храна, облека и други потреби.

Најмалку 219 лица загинаа, а по околу 80 сè уште се трага, кога пред десетина дена пороите предизвикани од обилните врнежи поплавија многу места во регионот на Валенсија. Куќите се под вода и кал, а многу луѓе останаа без имот во најголемата природна катастрофа во Шпанија во последните децении.

The post За секој истрчан километар донација од 100 евра за поплавената Валенсија appeared first on Република.

Хавиер Тебас изјави дека Ла Лига губи 700 милиони евра годишно поради пиратеријата. Проблемот со онлајн пиратеријата во спортот беше главна тема на говорот на претседателот на шпанската фудбалска лига на Генералното собрание на ОН.

Според Тебас, лигата повеќе од 11 години се бори против нелегален стриминг на натпреварите од шпанското првенство. Тој повторно го нарече пиратеријата „најголем проблем во светот на фудбалот и спортската индустрија воопшто“.

Тебас проценува дека финансиските загуби на Ла Лига поради нелегалните преноси изнесуваат 700 милиони евра годишно - 300 милиони во Шпанија и уште 400 милиони во остатокот од светот.

Оваа сезона Ла Лига обезбеди согласност од судовите и почна да ги казнува стриматерите кои незаконски пристапувале до содржината.

Пријавено е дека се изречени „илјадници казни“ во висина до 450 евра. Тебас тврди дека значителен дел од казните се платени, а казнетите престанале со пиратеријата.

Претседателот на Ла Лига исто така истакна дека организацијата подготвила 70 тужби против луѓето од Гугл, кои ги смета за соучесници во организирањето пиратски преноси

The post Поради стримовите и пиратските преноси Ла Лига губи 700 милиони евра годишно appeared first on Република.

Барселона на домашен терен ја победи Селта со 3:2 во натпреварот од 6. коло на шпанското фудбалско првенство. Каталонците победија, иако до 81. минута губеа со резултат 0:2.

На тој начин, Барселона стана првиот клуб во шпанскиот шампионат, по 22 години, кој направил пресврт, губејќи со два гола разлика по 80. минута.

Последен пат Атлетик Билбао направи ваков резултатски пресврт во ноември 2001 година, исто така совладувајќи ја Селта (3:2).

Барселона има 16 бодови и е на првото место во поредокот во Ла Лига. Реал Мадрид има 15 бода и еден натпревар помалку.

The post Барселона победи иако губеше со 2:0 во 81. минута – прв клуб во Шпанија со таков успех во последните две децении appeared first on Република.

Барселона на гостински терен против Хетафе ќе ја почне одбраната на титулата во новата сезона во шпанската Ла Лига која ќе стартува викендот на 12 и 13 август.

Како што објави денеска Фудбалската федерација на Шпанија, првото Ел Класико во новата сезона е на програмата на 19 октомври во Барселона, а реваншот во Мадрид на 21 април идната година, кога ќе се игра 32. коло.

Мадридски Реал ќе ја почне новата сезона како гостин против Атлетик Билбао, додека Атлетико Мадрид на отворањето ќе го пречека повратникот во прволигашкото друштво Гранада.

Сезоната 2023/24 во Шпанија ќе заврши на 26 мај.

The post Шпанската Ла Лига стартува на 12 август appeared first on Република.

Алавес по продолженија го победи Леванте со 1:0 во реваншот од плејофот за промоција во Ла Лига. Стрелец на единствениот гол во 120+9. минута беше Асиер Виљабре, реализирајќи пенал.

По резултатите од две средби, Алавес победи со вкупни 1:0 и се врати во Ла Лига една година подоцна. Во сезоната 2021/22, тимот заврши на 20. место во шпанското првенство и испадна.

Нови членови во најквалитетната шпанска фудбалска лига во сезоната 2023/24 ќе бидат и Гранада и Лас Палмас.

The post Алавес со гол од пенал во 120+9 минута се врати во Првата лига на Шпанија appeared first on Република.

Фудбалерот на Реал Мадрид, Винисиус Жуниор изрази критики за судењето во шампионатот на Шпанија.

Бразилецот смета дека не е заштитен од грубите стартови врз него, а напротив, судиите него веднаш го санкционираат за секој малку поостар дуел.

Кога ме фаулираат, судиите не ги вадат картоните. Штом првпат ги прекршам правилата, веднаш добивам картон. Не може играчот со најмногу фаули врз него да има најмногу опомени. Со Реал Мадрид тоа се случува постојано. Судијата вади картон во 89. минута, кога веќе 15 пати сум удрен. Подобро е да не го дава воопшто - ќе има повеќе време за играта. Не сакам да бидам во повластена позиција, туку сакам да реагираат кога треба и да даваат картони во оние ситуации кога треба да се дадат, изјави Винисиус.

Дваесет и двегодишниот Бразилец оваа сезона има 38 настапи за Реал Мадрид, постигна 18 гола и имаше девет асистенции. Тој има добиено седум жолти картони во Ла лига, каде што е играч со најголем број на фаули направени врз него.

The post Винисиус: Кога постојано ме фаулираат судиите не обрнуваат внимание, а кога јас ќе направам и најмал фаул веднаш жолт картон appeared first on Република.

Шпанската Ла Лига до надлежните власти пријавила обид за местење фудбалски натпревар, откако поранешниот играч на Џирона, Адај Бенитез, обелодени дека му биле понудени пари неговиот тим да загуби.

Ла Лига го пријави случајот откако Бенитез, гостувајќи во спортска емисија, изјави дека му биле понудени 50.000 евра Џирона да загуби натпревар на крајот на сезоната 2016/17.

Бенитез изјави дека не го прифатил тоа, но не откри други детали за тоа кој му понудил пари.

Минатиот месец шпанската полиција уапси шест лица поради нивна наводна вмешаност во план да го наместат резултатот на натпревар од Купот на кралот во 2021 година. Натпреварот кој беше под истрага е победата на Леванте над нисколигашот Хуракан Мелил од 8-0.

The post Шпанската Ла лига пријави обид за местење натпревар appeared first on Република.