Единицата за економски и компјутерски криминал при СВР Скопје поднесе кривична пријава против двајца скопјани, поради постоење основи на сомнение за сторено кривично дело „измама”.

Како што информираат од МВР, пријавените, Ф.С. (33) и Ф.Ј. (31), во текот на ноември 2022 година креирале оглас на еден од порталите регистрирани за огласување дека наводно продаваат стан и презеле фотографии од друг огласен стан за продажба. На тој начин тие довеле во заблуда оштетено лице од Кавадарци дека огласениот стан за продажба е сопственост на правно лице на кое што застапник бил второпријавениот.

„Тие, исто така, на оштетениот, преку апликацијата вибер му покажале слики од станот и го навеле да им уплати 5.000 евра капар за купопродажба на станот на сметка на правното лице на второпријавениот. После тоа, тие и понатаму го држеле во заблуда оштетениот со најразлични изговори околу купопродажбата на станот, а откако увидел дека од купопродажбата на огласениот стан нема ништо, односно дека е измамен, тој го пријавил случајот во полиција“, се наведува во соопштението од МВР.

The post Купувал стан во Скопје преку вибер: Кавадарчанец наседнал на измамници appeared first on Република.

Купувањето на Гезтепе од страна на Роман Абрамович е готова работа. Ова го тврди „Д-Смарт Спор“ кој пишува дека рускиот бизнисмен и клубот си подале рака. Наводно двете страни веќе се договориле, а сите детали ќе биле објавени во петок.

За првпат информации околу можно купување на Гезтепе од страна на Абрамович се појавија на 23. март. Претходно рускиот милијардер најави продажба на Челси поради санкциите од Британија.

Гезтепе е тим од Измир, третиот по големина град во Турција. За овој тим настапува Адис Јаховиќ, кој вторпат се врати во тимот. Во моментов екипата се бори за опстанок, и се наоѓа на 18. место со 27 бодови од 31 меч.

The post Абрамович купува нов фудбалски клуб appeared first on Република.