Кумановската полиција денеска ги демантираше гласините за обиди за киднапирање ученици. Оттаму велат дека не е регистрирана ниту една појава за ваков настан и дека се преземаат мерки за безбедност на малолетници.

- СВР Куманово најостро ги демантира гласините што се шират помеѓу граѓаните на Општина Куманово за наводни киднапирања, односно обиди за киднапирања на малолетници. Ве известуваме дека станува збор за дезинформации, кои имаат за цел да предизвикаат страв и паника кај граѓаните на Куманово. Имено, во СВР Куманово изминатиов период не е регистрирана ниту една пријава за таков настан. Притоа напоменуваме дека полициските службеници секојдневно вршат физичко обезбедување пред училиштата, редовно се реализираат превентивни активности помеѓу основците и средношколците, со цел одржување на јавниот ред и мир, препознавање на социо-девијантните појави, спречување на болестите на зависност и превенирање на насилството, со посебен акцент на меѓуврсничкото насилство, соопшти СВР Куманово.

Полицијата апелираше до граѓаните да останат смирени и да не придонесуваат во ширење паника која може да наштети на сите, а особено на најмладите.

The post СВР Куманово ги демантираше шпекулациите за наводни обиди за киднапирање малолетници appeared first on Република.

Пронајдени две тела на починати лица мигранти покрај пругата во кумановското село Табановце, соопшти денеска полицијата која се уште врши проверки за утврдување на идентитетот.

Денеска во 15:42 часот во СВР Куманово било пријавено дека покрај железничка пруга во село Табановце, Кумановско, биле пронајдени две тела на починати лица-мигранти и сè уште се вршат проверки за утврдување на нивниот идентитет, соопшти СВР Куманово.

Екипа на кумановската полиција извршила увид на место на настанот.

The post Тела на двајца мигранти се пронајдени покрај пругата кај Табановце appeared first on Република.