На 18.10.2024 во 12.30 часот полициски службеници од Полициската станица за граничен надзор и граничен премин Богородица во близина на наплатната станица Гевгелија, во правец кон Скопје, сопреле патничко возило „фолксваген“ со скопски регистарски ознаки, сопственост на рент а кар агенција од Скопје, а управувано од И.А.(54) од Турција.

Притоа во возилото се откриени седум лица илегални мигранти од Сирија, од кои три лица се малолетни. И.А. е лишен од слобода и по документирање на случајот ќе биде поднесен соодветен поднесок.

Исто така на 18.10.2024, во 12.10 часот на крстосницата кај Богданци при контрола на патничко возило „фолксваген поло“ со црногорски национални ознаки, сопственост на рент а кар агенција, а управувано од С.Ј.Ф., турски државјанин со привремен престој во Црна Гора, биле пронајдени пет лица илегални мигранти од кои две малолетни лица. С.Ј.Ф. е лишен од слобода и по документирање на случајот ќе биде поднесен соодветен поднесок.

The post Во неколку акции приведени криумчари на мигранти appeared first on Република.

Тежок инцидент се случиј во зелениот појас на албанско – косовската граница, во близина на преминот Морина, во кој сириски државјани шверцери на мигранти пукале врз албанската полиција, на што таа одговорила, но нема повредени, јавија албанските медиуми повикувајќи се на полициско соопштение.

Според полицијата во Кукс, финализирана е акцијата „Структурирање“ при што дошло до размена на оган меѓу полицајците и трговците со луѓе. Во истата куршумите продреле во заштитната облека на двајца полицајци, кои за чудо не се повредени. Разбиена е криминална група која организирала меѓународен шверц на имигранти од трети земји, од Грција кон Албанија, Косово и Србија, со крајна дестинација земјите од ЕУ, наведуваат медиумите.

Уапсени се петмина сириски и еден алжирски државјани, а се трага по еден алжирски државјанин.

Полициските службеници ги предупредиле да застанат на што дел употребиле огнено оружје, сериозно загрозувајќи ги животите на полициските службеници. Веднаш било комуницирано со Граничната полиција на Косово, за блокирање на границата од косовска страна, а по неколкучасовна потера, полициските служби успеале да ги уапсат шесте лица, стои во полициското соопштение.

Процедурните материјали се предадени на Обвинителството при Основниот суд од општата надлежност Кукс за понатамошни дејствија.

The post Престрелка меѓу полицијата и шверцери на мигранти на албанската граница appeared first on Република.