Напаѓачот на Ал-Наср, Кристијано Роналдо се обидува да го убеди играчот од средниот ред на Јувентус, Пол Погба да му се приклучи на саудискиот клуб, пренесува „ТутоЈуве“.

Според извор на весникот, 39-годишниот Португалец веќе го повикал Французинот да дојде во Ал-Наср.

Погба и Роналдо играа заедно за Манчестер Јунајтед во сезоната 2021/22.

Јувентус претходно потврди дека 31-годишниот играч од средниот ред ќе го напушти тимот.

На 29 февруари, Погба беше суспендиран на четири години поради прекршување на антидопинг правилата. Во неговото тело било откриено покачено ниво на тестостерон.

Во октомври се дозна дека периодот на дисквалификација на играчот е намален од 4 години на 18 месеци. Тој ќе може да се врати на терените во март 2025 година.

The post Кристијано Роналдо го кани Погба во Ал-Наср appeared first on Република.

Капитенот на португалската репрезентација Кристијано Роналдо се запиша во листата стрелци во победата синоќа од 2-1 над Хрватска во Лигата на нации, што е негов 900. гол во професионалната фудбалска кариера.

https://republika.mk/sport/fudbal/ronaldo-go-proveri-zadnikot-na-georgina/

Триесетидеветгодишниот напаѓач бурно го прослави јубилејниот гол што го постигна во 34. минута за водство од 2-0.

„Тоа беше емоција“, изјави Роналдо по натпреварот на „Стадионот на светлината“ во Лисабон.

„Се чини дека бројката од 900 гола е само пресвртница, но само јас и луѓето околу мене знаеме колку е тешко да се работи секој ден за да бидеш физички и психички способен да ја достигнеш таа бројка“, додаде португалската ѕвезда.

Фудбалерот на саудиски Ал-Наср и поранешен играч на Реал Мадрид, Јувентус, Манчестер Јунајтед и Спортинг истакна дека долго време сакал да стигне до таа бројка на голови.

„Знаев дека ќе го постигнам тоа бидејќи продолжив да играм фудбал, па нормално е тоа да се случи“, изјави Роналдо кој со Португалија освои два трофеи, Европското првенство во 2016 година и Лигата на нации во 2019 година.

„Овие други работи не ме мотивираат, но уживам во фудбалот во секое време. Рекордите доаѓаат природно. Не уривам рекорди, тие ме следат“, додаде Роналдо

The post Рекордите го следат Роналдо appeared first on Република.

Роналдо ја искористи кратката пауза во првенството на Саудиска Арабија поради натпреварите од Лигата на нации за да отпатува на краток одмор.

Тој на јахта ужива со својата партнерка Георгина и децата. За момент Кристијано се занесе и провери дали до него е Герогина.

The post Роналдо го провери задникот на Георгина appeared first on Република.

Кристијано Роналдо, легендарниот португалски фудбалер е прогласен за најдобар стрелец во Лигата на шампионите на сите времиња.

Претседателот на УЕФА, Александар Чеферин му ја врачи наградата на Роналдо.

Роналдо постигна 140 гола на 183 натпревари во Лигата на шампионите за 18 години, следен од Меси со 129 голови, додека Роберт Левандовски е трет со 94 гола.

Роналдо, моментално капитен на Саудиска Ал Наср петпати ја освојуваше Лигата на шампионите, во 2008 година со Манчестер Јунајтед, а во 2014, 2016, 2017 и 2018 година со Реал Мадрид.

Тој е и рекордер по бројот на голови во една сезона во Лигата на шампионите, постигнувајќи 17 гола во сезоната 2013/14.

Cristiano Ronaldo has been honored with a special award as the UEFA Champions League All-Time Top Scorer 🐐

📝 Appearances: 183
⚽️ Goals: 140
🏆 UCL trophies: 5 pic.twitter.com/D5QEzwzj5d

— ESPN FC (@ESPNFC) August 29, 2024

The post Роналдо ја доби наградата за најдобар стрелец во историјата на Лигата на шампионите appeared first on Република.

Кристијано Роналдо го отвори својот официјален канал на YouTube и брзо собори  рекорд.

Само 90 минути му беа доволни на Португалецот да добие дури 1.000.000 претплатници, што е апсолутен рекорд на оваа платформа. Никој пред Роналдо не успеа да стигне до милион корисници за толку кратко време.

The post Малку му беше Инстаграм: Роналдо отвори јутуб канал и ги сруши сите рекорди appeared first on Република.

Најдобриот грузиски фудбалер, Квича Кварацхелија, ги сподели своите очекувања за натпреварот со Португалија од 3. коло од групата Ф Европското првенство.

Не се чувствувам нервозен. Сонував да играм против Роналдо. Тој повеќе не настапува во Европа, но соништата се остваруваат. Се надевам дека ќе ми го даде својот дрес. Можевме да постигнеме повеќе со Чешка и Турција, но искуството одлучува многу. Не дојдовме овде како туристи и сè уште имаме шанса да одиме понатаму, изјави Кварахцелија за „РБ Спорт“.

Грузиската репрезентација загуби од Турција (1:3) во првото коло, а одигра нерешено 1:1 со Чешка во 2. коло на ЕУРО2024 година. Со овие резултати, Грузија е на последното место во групата  е пред испаѓање од турнирот. За да избегнат такво нешто, на Грузијците им е потребна победа.

Натпреварот против Грузија - Португалија ќе се игра во Гелзенкирхен со почеток во 21 часот.

The post Кварцхелија за дуелот со Португалија: Се надевам дека Кристијано Роналдо ќе ми го даде дресот appeared first on Република.

Вереницата на Роналдо беше најгласниот навивач на натпреварот во Дортумнд. Можеби таа беше амајлијата во победата на Портуалија над Турција со што Португалците обезбедија пласман во втората фаза.

На стадионот „Синал идуна парк“ сите гледаа во градите на Георгина. Имаа и зошто.

The post Најголемите гради во Дортмунд, а и пошироко appeared first on Република.

Репрезентацијата на Португалија направи пресврт и забележа крајно драматична победа од 2:1 над Чешка во натпревар од групата Ф на двете селекции на ЕП 2024.

Иако „морнарите“ целосно доминираа на натпреварот, Чесите изненадувачки поведоа преку Лукаш Провод во 62. минута.

Иберијците сепак успеаја да израмнат по автоголот на Робин Хранац во 69. минута, а во продолжението дефанзивецот направи кикс, што го искористи Франциско Консеисао и на тој начин португалската резерва го постигна победничкиот гол на натпреварот.

На тој начин Португалија стартуваше со победа во групата Ф, а во следниот натпревар в сабота ќе се соочи со Турција. Истиот ден, Чешка ќе се обиде да ги освои првите бодови против дебитантот на турнирот Грузија.

Уште пред почетокот на мечот во Лајпциг бевме сведоци на два рекорда. Кристијано Роналдо стана играчот со најмногу настапи на европските првенства - 6. А уште еден од лидерите на Португалија, Пепе, стана најстариот играч кој се појавил во европските завршници - 41 година и 113 дена.

The post Португалија едвај до победа, Роналдо лут што не постигна гол appeared first on Република.

Португалската фудбалска ѕвезда, Кристијано Роналдо, е најдобар стрелец во историјата на европските првенства со 14 голови, кои ги постигна на пет континентални турнири.

Во Португалија 2004 постигна два гола, еден во 2008 година, три во 2012 година, уште три на ЕП во 2016 година, додека на последниот европски турнир постигна пет голови.

На второ место е легендарниот француски фудбалер и поранешен претседател на Европската фудбалска федерација (УЕФА), Мишел Платини, кој сите свои девет голови ги постигна на Европското првенство во Франција во 1984 година, каде „триколорите“ ја освоија титулата победувајќи ја Шпанија со 2-0 во финалето.

На третото место се поранешниот англиски репрезентативец Алан Ширер и Французинот Антоан Гризман со по седум голови.

Следуваат Швеѓанецот Златан Ибрахимовиќ, Португалецот Нуно Гомеш, Белгиецот Ромелу Лукаку, Холанѓаните Патрик Клајверт и Руд ван Нистелрој, Французинот Тиери Анри, Англичанецот Вејн Руни и Шпанецот Алваро Мората со по шест голови.

The post Кристијано Роналдо најдобар стрелец во историјата на европските првенства appeared first on Република.

Селекторот на фудбалската репрезентација на Португалија, Роберто Мартинез го објави проширениот состав за претстојното Европско првенство во 2024 година.

Суперѕвездата Кристијано Роналдо е во тимот за континенталниот шампионат и покрај неговата поодмината фудбалска возраст. Роналдо има 39 години, но продолжува да постигнува голови во првенството на Саудиска Арабија за Ал-Наср.

Доколку забележи некоја минутажа на првенството, Роналдо ќе го собори сопствениот рекорд од шест настапи на ЕП. Своето деби го имаше на Евро 2004, кое се одржа во Португалија, а во 2016 година со португалскиот тим ја освои европската титула.

Португалија на ЕП 2024 е во група со Турција, Грузија и Чешка.

Составот на Португалија:

Голмани: Диого Коста (Порто), Жозе Са (Вулверхемптон), Руи Патрисио (Рома)

Одбрана: Антонио Силва (Бенфика), Данило Переира (ПСЖ), Диого Далот (Манчестер Јунајтед), Гонзало Инасио (Спортинг), Жоао Кансело (Барселона), Нелсон Семедо (Вулверхемптон), Нуно Мендеш (ПСЖ), Пепе (Порто), Рубен Дијаз (Манчестер Сити)

Играчи од средниот ред: Бруно Фернандеш (Манчестер Јунајтед), Жоао Невеш (Бенфика), Жоао Палиња (Фулам), Отавио (Ал-Наср), Рубен Невеш (Ал-Хилал), Витиња (ПСЖ)

Напаѓачи: Бернардо Силва (Манчестер Сити), Кристијано Роналдо (Ал-Наср), Диого Жота (Ливерпул), Франциско Консеисао (Порто), Гонзало Рамос (ПСЖ), Жоао Феликс (Барселона), Педро Нето (Вулверхемптон) и Рафаел Леао (Милан).

The post Роналдо со рекордно учество на ЕП appeared first on Република.

Кристијано Роналдо го доби случајот против Јувентус за неисплатени плати во износ од 19,5 милиони евра, објави „Газета дело спорт“. По даноците, пак, напаѓачот ќе добие само 9,77 милиони евра.

Пандемијата на коронавирус која избувна во пролетта 2020 година донесе проблеми за италијанскиот гигант. Поради финансиските проблеми кои следеа, клубот се договори со своите играчи да им исплати само дел од платите, а по извесно време, кога работите се стабилизираа, да им го исплатат остатокот. Така Роналдо се согласи на оваа шема, но така Јуве никогаш не му го плати она што му го должи.

Во врска со ова, Роналдо поднесе тужба и на крајот ја доби. Згора на тоа, „бјанконерите“ сега ќе треба да му ја платат и каматата за предметната сума.

Кристијано играше за италијанскиот тим од 2018 до 2021 година и забележа 134 натпревари со 101 гол и 22 асистенции

The post Koj има да има уште повеќе : Роналдо ќе добие екстра пари од Јувентус appeared first on Република.

Фудбалерот на Ал-Наср, Кристијано Роналдо ќе биде суспендиран на два натпревара, пишува „Asharq Al-Awsat“.

Според тамошниот медиум, откако 39-годишниот Португалец беше исклучен во полуфиналето на Суперкупот на Саудиска Арабија со Ал-Хилал (1:2), дисциплинската комисија на фудбалската федерација ќе одлучи да го дисквалификува Роналдо две средби.

По испрашувањето на напаѓачот за инцидентот, играчот изјави дека е незаслужено исклучен.

Роналдо на мечот против Ал-Хилал го турна противникот без топка по страничната линија, откако претходно му ја исфрли топката од раце. Откако напаѓачот доби црвен картон, замавна со тупаница кон судијата.

Оваа сезона Роналдо одигра 37 натпревари, постигнувајќи 36 гола и 12 асистенции

The post Роналдо под суспензија appeared first on Република.

Кристијано Роналдо е прогласен за играч на месец март во фудбалското првенство на Саудиска Арабија.

Минатиот месец Португалецот учествуваше во два натпревари на Ал-Наср во првенството на Саудиска Арабија. На натпреварот со Ал Раед (1:3), Роналдо одигра 90 минути и не постигна гол, а на натпреварот против Ал-Таи (5:1), беше творец на хет-трик.

Ова е четврта награда за играч на месецот во саудиска лига за Роналдо оваа сезона. Тој претходно беше најдобар во август, септември и декември.

Роналдо има 33 гола и 11 асистенции на 34 натпревари за Ал-Наср во сите натпреварувања. Тој ја предводи листата на најдобри стрелци во првенството на Саудиска Арабија со 26 гола.

The post Роналдо е играч на месецот во Саудиска Арабија appeared first on Република.

Ништо не му одеше на Роналдо во Љубљана. Освен што Португалија загуби од Словенија, Кристијано се караше со кого стигне.

Капак на сѐ беше крајот на мечот кога доби бакнеж од еден словенечки навивач.

Фанот искоментира: На ова чекав 20 години.

Кој знае дали бакнежот му се допадна на Кристијано.

The post Му се допадна ли? Роналдо доби машки бакнеж appeared first on Република.

Португалскиот напаѓач Кристијано Роналдо ќе го пропушти пријателскиот натпревар со Шведска, објави „ESPN“. Португалскиот селектор Роберто Мартинез ќе му даде малку одмор на 39-годишниот напаѓач.

Роналдо ќе му се приклучи на националниот тим во пресрет на натпреварот против Словенија.

Репрезентацијата на Португалија на 21 март ќе игра на домашен терен против Шведска, а на 26 март ќе се соочи со Словенија на гостински терен.

Во досегашната 21-годишна репрезентативна кариера Роналдо има одиграно 205 натпревари и постигнато 128 голови

The post И тој е човек: Роналдо нема да игра против Шведска и Словенија appeared first on Република.

Саудиски Ал Наср загуби на пенали од Ал Аин во четвртфиналето на азиската Лига на шампиони. Во реваншот одигран синоќа во Ријад тимот на Роналдо победи со 3:2 по продолженија. Основните 90 минути завршија со 2:1, а во дополнителните 30 беа постигнати по еден гол на двете страни, па се дојде до вкупни  4:4 заедно со резултатот (1:0) од првиот натпревар.

Во пенал серијата за Ал Наср погоди само Роналдо, додека за тимот од ОАЕ ги реализира првите три удари од 11 метри и избори четвртфинале.

Во полуфиналето на азиската Лига на шампиони, Ал Аин ќе се сретне со победникот од двојката Ал Хилал - Ал Итихад.

The post На Роналдо не му оди во Саудиска Арабија appeared first on Република.

Напаѓачот на Ал-Наср, Кристијано Роналдо е критикуван за неговиот гест по победата во натпреварот од шампионатот на Саудиска Арабија со Ал-Шабаб (3:2), пренесува „Асошиетед прес“.

Откако Андерсон Талиска го постигна победничкиот гол во 86. минута, многу навивачи на Ал Шабаб почнаа да го скандираат името на Лионел Меси. Како одговор на ова, 39-годишниот Португалец покажа непристоен гест кон трибините. Локалните медиуми јавуваат дека Саудиската фудбалска федерација покренала истрага против Роналдо.

pic.twitter.com/WKj2jIrTk4

— @TrollFootball Videos (@TF_Video) February 25, 2024

Самиот Роналдо постигна гол на овој натпревар - реализираше пенал во 21. минута.

Ал-Наср е на второто место во поредокот на првенството на Саудиска Арабија со 52 бода. Ал Шабаб има 24 бодови на 12. позиција

The post Се изнервира поради Меси: За покажување на меѓуножјето Роналдо ќе биде сериозно казнет appeared first on Република.

Кристијано Роналдо ги загуби нервите неколку пати за време и по поразот на неговиот Ал-Насер од Ал-Хилал со 2:0 вчеравечер за купот „Ријад сезона“ во Саудиска Арабија, кој се играше неколку дена пред продолжението на првенството.

Веќе за време на натпреварот, петкратниот освојувач на „Златната топка“ беше испровоциран од навивачите кои скандираа „Меси, Меси“.

Во еден момент Роналдо се сврте кон нив и им рече

„Јас сум тука...не Меси“.

Потоа, на враќање кон соблекувалната, кон Кристијано беа фрлени два шала со белези на Ал Хилал. Португалецот зграпчи еден, се избриша со него и демонстративно го фрли на земја.

На крајот, напаѓачот на Ал-Насер беше видно вознемирен откако тој и неговите соиграчи мораа да поминат низ коридорот од противничките фудбалери. При добивањето на својот медал, се гледа дека Кристијано му објаснува нешто на шеикот што ја доделува наградата.

Ал-Хилал победи по головите на Сергеј Милинковиќ-Савиќ и Салем Алдаусари

The post Роналдо се налути што навивачите скандираа „Меси, Меси“ appeared first on Република.

„ЕА Спортс ФЦ 24“ и „еФудбал 2024“ имаат нов ривал на повидок. Долгоочекуваниот УФЛ се уште е во развој, но неговите креатори открија дека Кристијано Роналдо не е само амбасадор на играта, туку и инвеститор во проектот.

Кристијано се приклучува на УФЛ како инвеститор!“, стои во објавата на сите социјални мрежи.

Од компанијата додаваат дека се возбудени што ќе соработуваат со славниот фудбалер и ќе создадат реална игра за љубителите на фудбалот ширум светот, што ќе го промени спортскиот пазар.

Оваа порака е придружена со фотографија од португалскиот напаѓач и фраза „УФЛ, Кристијано Роналдо“, а проектот е вреден 40 милиони долари.

Симулацијата на играта би можела да биде објавена веќе во 2024 година, иако нема официјален датум на издавање, а нејзината валидност е потврдена за ПС5, ПС4, ИксБокс серија Х/С, ИксБокс еден и ПЦ. Ќе има режим „Фри то плеј“, што подразбира можност за играње без дополнителни трошоци, но основните функции може да влезат во таа комбинација.

На овој начин би можеле да се плаќаат разни дополнителни давачки по цени кои досега не се детализирани.

The post Роналдо влезе во бизнис вреден 40 милиони долари, сериозно планира да ја размрда конкуренцијата appeared first on Република.

Капитенот на португалската фудбалска репрезентација, Кристијано Роналдо е задоволен од победата на неговата репрезентацијата над Босна и Херцеговина во квалификациите за Европското првенство 2024. Португалците синоќа во Зеница триумфираа со 5:0.

- Уште една победа и добра игра од целиот тим! Првото место во групата е загарантирано! Сè уште сме силни! – напиша фудбалерот на социјалните мрежи.

На оваа средба 38-годишниот португалски напаѓач постигна два гола.

Репрезентацијата на Португалија со 24 бода го зазема првото место во групата Ј. Селекцијата обезбеди пласман во завршниот дел на Еуро 2024 откако ја совлада Словачка (3:2) во натпреварот од 7. коло

The post Роналдо задоволен од „петардата“ во Зеница appeared first on Република.