Крис Рок беше пречекан со аплауз кога во средата вечерта излезе на сцената во Бостон на својот прв настап откако Вил Смит му удри шлаканица на Оскарите.

Присутните во публиката мораа да ги предадат своите мобилни телефони пред почетокот на шоуто, а Рок кога се качи на сцената им се заблагодари на поддршката.

Па, каков ви беше вам викендот - праша Рок на почетокот, пред да каже дека нема намера да се занимава со инцидентот бидејќи „се уште го обработува тоа што се случило“.

Немам што да кажам за тоа, па ако дојдовте за тоа... се уште работам на тоа што се случи, па ќе зборувам за тоа во одреден момент. Кога конечно ќе се справам со инцидентот, „ќе бидам сериозен“, но сега ќе кажам неколку вицови - изјави Рок, кој очигледно беше прилично вознемирен поради тоа што се случи.

Настапот, сепак, не мина без инциденти, откако еден маж беше избркан од шоуто откако извика „Вил Смит“.

На тоа, Рок малку изнервиран ја праша публиката: „Дали ова шоу ќе оди вака?“

The post Прв настап на Крис Рок по Оскарите: Тој вознемирен и без коментар, човек од публиката избркан поради провокација appeared first on Република.

Вил Смит му се извини на Крис Рок за инцидентот на Оскарите, кога му удри шамар на сцената, опишувајќи го своето однесување како неприфатливо и неоправдано. Во исто време, Академијата за филмска уметност и наука кажа дека би можела да преземе мерки против Смит, иако одземањето на Оскарот, што му беше доделен набргу потоа, не е спомнато.

„Академијата не одобрува насилство во која било форма. Вечерва со задоволство ги прославуваме нашите 94-ти оскаровци, кои го заслужуваат овој момент на признание од нивните колеги и љубители на филмот ширум светот“.

„Сакам јавно да му се извинам на Крис. Претерав и тоа беше погрешно“, изјави Смит.

 

View this post on Instagram

 

A post shared by Will Smith (@willsmith)

Тој се качи на сцената откако Рок кажа шега за избричената глава на неговата сопруга Џејда Пинкет-Смит, која се бори со алопеција поради што ѝ опаѓа косата, при што го удри и потоа се врати на своето место во публиката. Набргу потоа, Смит го прими Оскарот за најдобра машка улога и се извини, но не и на Рок.

„Насилство во секоја форма е отровно и уништувачко. Моето однесување беше неприфатливо и неоправдано. Шегите на нечија сметка се дел од нашата работа, но шегата за медицинската состојба на Џејда беше премногу за мене и реагирав емотивно“, напиша Смит на Инстаграм.

Џејда има алопеција, односно опаѓање на косата од 2018 година. Алопеција може да се појави каде било на телото, но најчесто се појавува на главата и тоа повеќе кај мажите. Причините можат да бидат наследни, медицински или поради хормонски промени.

View this post on Instagram

A post shared by Will Smith (@willsmith)

The post Смит се извини: Шегата за медицинската состојба на Џејда беше премногу за мене и реагирав емотивно appeared first on Република.

На доделувањето на Оскарите се случи инцидент, кога комичарот Крис Рок ја коментираше Џејда Пинкет-Смит, сопругата на Вил Смит. Тој пак, веднаш потоа отиде до сцената и му удри шлаканица на својот колега. – Не ја спомнувај жена ми со твојата еб**а уста!, извика Смит.

Од она што требаше да излезе шега, за Вил Смит беше навреда кога колегата Крис Рок му рече дека неговата сопруга Џејда може да ја игра „Г.И.Џејн“ во вториот дел зошто нема коса, па стана и му удри шлаканица на сцената.

„Џејдa, едвај го чекам вториот дел од тој филм“, рече Крис, а актерката ги преврте очите.

Кавгата продолжи и со пцовки од страна на Вил Смит, на што публиката остана шокирана, мислејќи отпрвин дека се работи за шега, но кога Вил Смит почна гласно да го пцуе Крис Рок, на сите им стана јасно дека малку недостасувало да дојде и до физичка пресметка на сцената.

Снимката брзо стана вирална, зошто никој не очекуваше ваков испад на актерот и немаа време да реагираат на пцовките кои за првпат се слушнаа на Оскарите без цензура.

Невкусната шега на Крик Рок беше навредлива за Вил Смит и за Џада која уште лани отворено зборуваше дека има агресивна форма на алопеција од која ја загубила косата за само еден ден, а потоа воопшто не и порасанла и за тоа нема лек.

Вил Смит пак, кусо потоа го доби одличјето за најдобар глумец за улогата во „Кралот Ричард“, па во говорот, со солзи, сепак говореше за љубовта меѓу луѓето – особено меѓу својот народ. Тој притоа напомна и дека по своевидниот скандал, глумецот Дензел Вашингтон го повикал и го потсетил да се смири, оти „во најважните мигови ѓаволот доаѓа по своето“, како што му рекол дека обично се случува.

Брачната двојка Смит подолго време е во незавидни односи со Крис Рок.

The post Вил Смит му влепи шлаканица на комичарот Крис Рок: Не ставај ја жена ми со твојата еб**а уста! appeared first on Република.

На доделувањето на Оскарите се случи инцидент, кога комичарот Крис Рок ја коментираше Џејда Пинкет Смит, сопругата на актерот Вил Смит. Тој рече дека Џејда, која носи многу кратка фризура бидејќи има алопеција, личи на Деми Мур во филмот „Џи Ај Џејн“.

Нејзиниот сопруг, Вил Смит прво се насмеа на шегата, а потоа, одеднаш стана од местото, излезе на сцената и го удри со сета сила по лице комичарот. Откако му удри шлаканица на Крис Рок, Вил Смит се врати на своето место и двапат го опцу Крис – „не го земај името на мојата сопруга во својата е…на уста“.

Комичарот, но и цела публика беа шокирани од физичкиот испад на Вил Смит. Оскаровката Лупита Нјонго, која седеше непосредно до Смит, не можеше да го скрие непријатното изненадување на нејзиното лице.

Вил Смит штотуку ми удри шлаканица, рече шокираниот Крис откако ја доби шлаканицата.

Тоа се случи малку пред Вил Смит да биде прогласен за победник во категоријата најдобра машка улога во филмот „Кралот Ричард“.

Откако ја прими златната статуетка, очигледно освестен што направил, Вил Смит заплака додека држеше говор. Актерот ѝ се извини на Академијата за филмски уметници.

Сакам да се извинам на Академијата и на номинираните, ова е прекрасен момент и не плачам затоа што ја добив наградата. Не се работи за тоа, потребно е сите други луѓе да се осветлат со светлина. Уметноста го имитира животот, сега изгледам како тој „лудиот татко“. Но, поради љубов луѓето прават луди работи. Многу работи се многу комплицирани за мене, но – ви благодарам за оваа чест, на овој момент, ви благодарам во името на Ричард и во име на целото семејство Вилијамс. Се надевам дека Академијата повторно ќе ме покани – изјави Смит.

https://youtu.be/xe-CTh9Sbr0

The post Скандал на Оскарите: Вил Смит го удри в лице и го опцу Крис Рок на сцена! appeared first on Република.