Тимот за транзиција на новоизбраниот американски претседател Доналд Трамп синоќа соопшти дека републиканскиот оперативец кој ги претстави потенцијалните контури на мировниот план за Украина со поддршка на САД не зборувал во име на новоизбраниот претседател.

Брајан Ланза, долгогодишен стратег на Републиканската партија, изјави за Би-Би-Си дека администрацијата на Трамп ќе побара од украинскиот претседател Володимир Зеленски „пореалистична визија за мирот“.

Тој изјави дека приоритет на новата американска администрација во Украина ќе биде воспоставување мир, а не враќање на изгубената украинска територија, вклучувајќи го и Крим.

„Доколку претседателот Зеленски дојде на маса и каже дека можеме да имаме мир само ако го вратиме Крим, ќе ни покаже дека е несериозен. Крим е изгубен“, рече тој.

Портпаролот на транзицискиот тим на Трамп негираше дека Ланза зборува во име на Трамп. Неговиот тим за транзиција моментално ги прегледува кандидатите за позиции во администрацијата и развива политики што Трамп би можел да ги усвои за време на неговиот втор мандат.

„Брајан Ланза беше под договор за кампањата“, рече анонимниот портпарол. „Тој не работи за претседателот Трамп и не зборува во негово име“, додаде тој.

Трамп за време на предизборната кампања изјави дека ќе најде решение за завршување на војната „во рок од еден ден“, но не објасни како ќе го направи тоа.

Според медиумите, Зеленски и Трамп неделава разговарале телефонски, по американските избори, а во разговорот се вклучил и поддржувачот на Трамп, милијардерот Илон Маск. Трамп претходно одби да ја исклучи можноста за отстапување на украинска територија на Русија и беше нејасен во изјавите за конфликтот.

Некои од неговите истакнати сојузници дадоа предлози за мир што во пракса ќе резултира со долгорочна руска контрола врз областите меѓународно признати како украинска територија.

Русија го анектира полуостровот Крим во 2014 година. Повеќе од две и пол години по започнувањето на сеопфатната инвазија на Украина, руските сили контролираат нешто помалку од 20 отсто од украинската територија. Зеленски постојано изјави дека мирот не може да се воспостави се додека руските сили се присутни во Украина и додека не ја вратат целата територија што моментално е под руска контрола, вклучувајќи го и Крим.

Неговиот „план за победа“, откриен минатиот месец, го вклучува тоа барање, како и повикот Украина да се приклучи на НАТО, на што Русија се противи.

Рускиот претседател Владимир Путин во јуни рече дека условите за мировни преговори вклучуваат откажување на Украина од четири региони кои Москва ги анектираше иако не ги контролира целосно.

The post Трамп се огради од републиканскиот стратег кој рече дека Крим ќе остане руски appeared first on Република.

На социјалните мрежи е објавено видео од украинскиот напад со касетна муниција на преполна плажа во Севастопол на Крим.

Снимките направени од камерите за набудување на плажата го фатиле моментот на нападот извршен со американска ракета АТАКМС на 23 јуни. Снимката покажува како делови од балистичката ракета АТАКМС со касетна муниција паѓаат во водата, додека неколку фрагменти експлодираат и на плажата.

Во моментите на експлозијата, голем број туристи панично трчаат по плажата обидувајќи се да се скријат од експлозиите на подмуницијата.

Во нападот загинаа најмалку тројца цивили, а преку 100 луѓе, меѓу кои и деца, беа повредени.

The post Касетната муниција експлодира додека туристите панично бегаат по плажата: Објавен моментот од украинскиот ракетен напад врз Крим appeared first on Република.

Украинската војска соопшти дека извршила успешни напади врз руските системи за воздушна одбрана на Крим.

Ракетните системи земја-воздух биле оштетени во воздушни напади недалеку од пристанишниот град Севастопол, соопшти украинскиот Генералштаб во објава на Фејсбук.

Во нападите во текот на ноќта биле уништени и резерви на муниција, се вели во соопштението.

Гувернерот на Севастопол, Михаил Развозаев, претходно на Телеграм објави дека бил одбиен украински ракетен напад.

Тврдењата на двете страни немаат официјална потврда.

The post Украина погодила руски системи за воздушна одбрана на Крим appeared first on Република.

Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим.

Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск.

Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море.

Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми.

Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски

The post Русите неутрализирале сто украински дронови кои летале кон Крим appeared first on Република.

Руските системи за противвоздушна одбрана уништиле четири ракети со долг дострел АТАКМС испратени во Украина од САД и лансирани од украинските сили врз полуостровот Крим, соопшти руското Министерство за одбрана.

Сè уште не се познати обемот и влијанието на овој последен напад на Крим.

Официјален Киев сè уште јавно не ги коментирал тврдењата на Русија.

https://republika.mk/vesti/svet/rusija-najavi-razorna-odmazda-dokolku-ukraina-go-napadne-krimskiot-most/

The post Украинските сили го нападнале Крим со американски ракети appeared first on Република.

Русија предупреди дека ќе изврши „разорувачки одмазднички напад“ доколку Украина, со поддршка на Западот, го нападне Крим или Кримскиот мост што го поврзува полуостровот на Црното Море со јужниот дел на Русија, кој Киев веќе двапати се обиде да го урне.

Официјална Москва соопшти дека верува оти Украина, која неодамна од САД доби системи за наведувачки ракети со долг дострел АТАКМС, планира да го нападне мостот на 9 мај или пред денот кога Русија ќе ја одбележи победата на Советскиот Сојуз над нацистичка Германија во Втората светска војна.

https://republika.mk/vesti/svet/sholts-faten-na-delo-eve-kako-germanija-planirala-da-go-srushi-krimskiot-most/

Крим стана дел од Русија во 2014 година. Официјален Киев претходно соопшти дека ја смета за нелегална изградбата на патно-железничкиот мост од Русија до Крим и вели дека сака да го врати Крим.

Портпаролката на руското Министерство за надворешни работи, Марија Захарова, ги наведе изјавите и објавите на официјални претставници на Украина и на Европската Унија на социјалните мрежи, кои најавуваат дека мостот е на нишан на украинските сили.

https://republika.mk/vesti/svet/eksplozii-na-krimskiot-most-zagina-brachen-par-nivnata-kerka-povredena/

Подготовките да се нападне сега се спроведуваат отворено, со наметлива храброст и апсолутна директна и бесрамна поддршка на колективниот Запад. Би сакала да ги предупредам Вашингтон и Брисел дека секоја агресивна акција против Крим не е само осудена на пропаст, туку ќе наиде на разорен одмазднички напад, рече таа.

Захарова истакна дека британскиот министер за надворешни работи, Дејвид Камерон изјави дека Украина има право да користи оружје што и го праќа Велика Британија за да гаѓа цели во Русија, што го нарече доказ дека Западот води хибридна војна против Руската Федерација.

https://republika.mk/vesti/svet/ja-isprobuvashe-negovata-izdrzlivost-putin-so-mercedes-se-vozeshe-po-napadnatiot-krimski-most/

The post Русија најави разорна одмазда доколку Украина го нападне Кримскиот мост appeared first on Република.

Средновековниот пештерски манастир Челтер Мармара на Крим е свето место со неверојатна архитектонска структура.  Изграден во средниот век, околу 8 век. Комплексот вклучува нешто повеќе од педесет пештери.

Во античко време, повеќето од нив биле поврзани со разни скали и премини. Покрај пештерите, во комплексот имало и ќелии во кои живееле светите браќа, трпезарија која се користела за јадење и четири мали цркви.

Овој манастир е врежан во стрмните на планината Челтер Каја (турски значи „решеткаста карпа“). Името „мармара“ буквално значи „мермер“ и потекнува од името на средновековно село, чии урнатини се наоѓаат на овие падини.

Монашките пештери биле вдлабени во карпите во пет реда: ќелии, трпезарија, домаќинство и магацини, како и голема пештерска црква со колонада.

The post Педесет пештери вдлабени во карпите: Средновековниот манастир Челтер Мармара на Крим е свето архитектонско чудо appeared first on Република.

Директорот на руската Служба за надворешно разузнавање, Сергеј Наришкин, денеска изјави дека одлуката на поранешниот советски лидер Никита Хрушчов во 1954 година за предавање на Крим на Украина е „непростлива и трагична“ грешка.

Нарушкин, кој е и претседател на Руското историско друштво, на одбележувањето на десетгодишнината од присоединувањето на Крим кон Русија, истакна дека тоа бил „неуставен и волунтаристички чекор“ на Хрушчов.

Размислувајќи за историјата на Крим и Севастопол, не можеме а да не почувствуваме длабоко разочарување од непростливата, трагична грешка направена од Никита Сергеевич Хрушчов во едно време. Меѓутоа, тогаш веќе беше јасно дека овој неуставен, волунтаристички чекор директно противречи на аспирациите на жителите на полуостровот, посочи Наришкин.

Статус на полуостровот Крим денес е спорен, бидејќи и Русија и Украина тврдат дека е дел од нивната теритрорија. До 11 март 2014 година Крим беше дел од Украина, кога пратениците во Парламентот на Автономна Република Крим изгласа Декларацијата за независност на Крим од од Украина, во што учествуваа и претставниците на Севастопол, додека на референдумот одржан на 16 март 2014 година, жителите на Крим изгласаа присоединување на Крим кон Русија. Украина не ги призна резултатите од овој референдум.

На 17 март Врховниот совет на Крим ја усвои резолуцијата за независност од Украина и се обратил до Русија за прием на Република Крим во составот на Руската Федерација. На денешен ден пред десет години Република Крим влегува во составот на Руската федерација врз основа на договорот кој го потпишаа рускиот претседател Владимир Путин и лидерите од Крим. Истиот ден и Севастопол e дел од Руската федерација како град со федерален статус.

The post Наришкин: Хрушчов направи непростлива грешка со Крим appeared first on Република.

Крим стана дел од Русија благодарение на демократскиот референдум, изјави американскиот новинар Такер Карлсон.

– На Крим се одржа референдум на кој огромното мнозинство граѓани, 90 отсто од руското население на Крим, беа прашани дали сакаат да бидат дел од Украина по пучот во 2014 година или дел од Русија. И рекоа Русија. Би рекол дека тоа е демократски процес – рече Карлсон.

The post За Такер Карлсон Крим е Русија appeared first on Република.

Руските пратеници доставија до Думата, Долниот дом на Парламентот, предлог-закон за поништување на советската одлука од 1954 година со која полуостровот Крим, дотогаш дел од Русија, и беше предаден на Украина.

Овој потег треба да создаде правна основа за Русија да може да тврди дека Крим, полуостровот на Црното Море што го анектираше од Киев во 2014 година, всушност никогаш не бил дел од Украина.

Нацрт-законот, предложен од членовите на двата дома на рускиот Парламент, ја опишува одлуката од 1954 година како произволна и незаконска бидејќи не се одржа референдум, а советските власти немаа право, без согласност, да доделуваат територија од една конститутивна република на друга.

Не е соопштено кога ќе се расправа за предлог-законот.

Рускиот претседател Владимир Путин го осуди предавањето на Крим во 1954 година, кога на власт беше Никита Хрушчов, нарекувајќи го потегот кршење на тогашните закони.

Жителите на Крим, како и остатокот од Украина, гласаа со мнозинство за независност на референдум во времето на распадот на Советскиот Сојуз, а Русија и Украина меѓусебно си ги признаа границите.

Сепак, Москва ја презеде воената контрола на Крим во 2014 година и го анектираше на референдум што Украина и западните влади го сметаат за незаконски.

The post Руските пратеници сакаат да ја поништат советската одлука за давање на Крим на Украина appeared first on Република.

На Телеграм се  објави аудио снимка од разговор меѓу високи офицери на Бундесверот за нападот на мостот на Крим со проектили Таурус.Снимката која трае 38 минути и 13 секунди.

Во разговорор на германските офицери за тоа „како ќе го бомбардираат мостот на Крим“. На разговорот, кој се одржал на 19 февруари, присуствувале шефот на операции и вежби на воздушната команда на Бундесверот Френк Грефе, инспекторот на Би-Би-Си Инго Герхарц и вработени во центарот за воздушни операции на Вселенската команда на Бундесверот Фенске и Фростед.

Соговорниците предложиле, меѓу другото, целата операција да се подели во фази и да се обратат до Велика Британија за помош во планирањето. Еден од офицерите рече и дека за нападот може да се користат проектили Таурус доколку се користи францускиот ловец Рафал.

Покрај тоа, за време на разговорите, германската армија се обидела да најде начин да го нападне мостот без да ја направи Германија страна во конфликтот. Една од опциите била обуката на Украинците.

The post Шолц фатен на дело: Еве како Германија планирала да го сруши кримскиот мост appeared first on Република.

Првите катови на зградите покрај Црното Море во градот Сочи се поплавуваат. Шестметарски бранови го зафатија крајбрежјето од Одеса преку Крим па сѐ до Сочи соборувајќи дрвја. Ветрот шиба со 130 километри на час Речиси половина милион жители на Крим останаа без струја, а во невремето исчезнало едно лице, соопшти руското Министерство за вонредни ситуации.

Службите од министерството цела ноќ евакуирале луѓе од поплавените куќи. Возовите доцнеа, а во еден момент беше затворен и аеродромот.

На социјалните мрежи се шпекулира дека брановите однеле ровови од фронтот кои ги ископале Русите во Евпаторија заедно со објекти за стрелање и инженерски згради.

Storm in Sochi, Russia.
27-11-2023 pic.twitter.com/GjWut6kOtP

— Kirill Bakanov (@WeatherSarov1) November 27, 2023

The post Половина милион жители на Крим останаа без струја appeared first on Република.

Украински проектил уништи нов брод на руската морнарица во градот Керч на полуостровот Крим, соопштија синоќа украинските воздухопловни сили.

Генерал-полковник Микола Олешчук на својот канал на Телеграм објави видео од нападот на бродоградилиштето Залиј во Керч, на крајниот исток на полуостровот. Од снимката не може да се утврди дали бродот навистина бил погоден.

The Russian Ship Karakurt-class ship “Askold” was struck by 3 missiles today (likely Storm Shadow Cruise Missiles) at the shipbuilding yard in Kerch, Crimea

The new ship was launched in 2021, it can carry up to 8 Kalibr ot Onyx missiles and has a Pantsir-M air defense system pic.twitter.com/HdNZy9vWIy

— Ukraine Battle Map (@ukraine_map) November 4, 2023

За нападот објавија и руски медиуми, повикувајќи се на информации добиени од Министерството за одбрана во Москва.

Руските медиуми пренесуваат дека бродоградилиштето било нападнато во саботата вечерта. Од 15 ракети насочени кон таа локација, 13 од нив биле соборени од противвоздушна одбрана, пренесоа медиумите, додавајќи дека руското министерство потврдило оштетување на еден брод.

Бродоградилиштето Залиј е едно од најголемите во Источна Европа. Тоа е под санкции на западните земји.

Олешук тврди дека бродот требало да биде испратен во Црното Море за да истрела крстосувачки ракети на украинска територија.

The post Украинците уништиле новоизграден руски борбен брод во Керч на Крим appeared first on Република.

Руските власти на Крим го ставија на аукција претходно национализираниот стан на сопругата на украинскиот претседател Олена Зеленска во Јалта, проценувајќи го на 24,6 милиони рубљи (околу 2,5 милиони евра). Известувањето е објавено на руската веб-страница „ГИС Торги“, пренесува Укринформ, повикувајќи се на руските медиуми.

„Предмет на лицитацијата е имотот лоциран на адреса Крим, Јалта, општина Ливадија, улица Батурина, зграда 44 А, стан 501, со вкупна почетна минимална вредност од 24.642.490 рубљи“, се наведува во соопштението.

Пријавите за наддавање се затвораат на 26 октомври, а самата аукција ќе се одржи на 30 октомври.

The post Русија го стави на аукција станот на сопругата на Зеленски во Јалта appeared first on Република.

Украинската воена разузнавачка агенција (ГРУ) утринава соопшти дека украински дрон ноќеска погодил руска воена база на Крим, додека локалното население тврди дека има жртви, јавуваат британските медиуми.

Претставници на ГРУ изјавија дека во нападот била нападната и погодена 126-та крајбрежна одбранбена бригада, чие седиште се наоѓа во градот Перевалњоје, на повеќе од 200 километри од територијата контролирана од Киев.

Потврдуваме дека дојде до погодок – изјави портпаролот на ГРУ, Андриј Јусов за порталот Лига.Нет, пренесен од британските медиуми.

Жителите на Перевалњоје на Телеграм пишуваат дека слушнале експлозии од воената база и тврдат дека има жртви.

„Две лица загинаа на полигонот, а едно е префрлено во болница во тешка состојба“, напишал еден од корисниците на Телеграм, додека друг изјавил дека влезот во градот е затворен.

Од друга страна, руската противвоздушна одбрана рано утринава уништила украинско беспилотно летало над Москва, соопшти руското Министерство за одбрана.

Како што се наведува во соопштението, дронот бил соборен над московската населба Истра, јави Тасс.

Градоначалникот на Москва, Сергеј Собјанин, на својот канал Телеграм, потврди дека дронот бил соборен додека се приближувал кон центарот на руската престолнина и дека во овој настан нема повредени.

По инцидентот, трите главни московски аеродроми Шереметјево, Домодедово и Внуково ги прекинаа летовите.

The post Украински дрон погодил руска воена база на Крим appeared first on Република.

Руските сили за воздушна одбрана синоќа соборија украинска ракета над полуостровот Крим, се тврди во соопштение на руското Министерство за одбрана.

Нема жртви или материјална штета, се дополнува во соопштението, објавено на апликацијата „Телеграм“.

Во соопштението се наведува дека Украина истрелала ракета од систем за противвоздушна одбрана С-300 кој бил модифициран за да погодува копнени цели.

The post Русија тврди дека соборила украинска ракета над Крим appeared first on Република.

Руското Министерство за одбрана рано утринава соопшти дека спречило обид за напад со околу 20 украински беспилотни летала, што биле насочени кон цели на полуостровот Крим.

Рускиот систем за противвоздушна одбрана успеал да собори вкупно 14 украински беспилотни летала, а уште шест биле попречени во мисијата со електронско наведување, соопшти руското МО и додава дека во нападот нема жртви или материјална штета.

Руската војска вчера соопшти дека уништила украинско беспилотно летало во западниот дел на Москва, во екот на зголемувањето на ваквите напади врз руската престолнина.

The post Руското МО тврди дека ноќеска соборило 20 украински дронови над Крим appeared first on Република.

Американскиот милијардер, Илон Маск, одбил да и даде на Украина пристап до мрежата „Старлинк“ во близина на Крим, пишува „Њујорк Тајмс“.

Според извори запознаени со ситуацијата, Маск неколку пати го ограничуваше пристапот до „Старлинк“ за време на конфликтот. Во еден момент, тој го одби барањето на украинската војска да го вклучи терминалот во близина на Крим, пишува њујоршкиот дневен весник.

Според „Њујорк Тајмс“, тоа влијаело на стратегијата на бојното поле.

Како што се наведува во весникот, Маск има „црвени линии“ кои не ги поминува, а меѓу нив е и потенцијален напад на Вооружените сили на Украина на Крим со помош на неговите технологии. Маск, исто така, го прекинал пристапот на украинската војска до некои од терминалите на „Старлинк“ поради неплаќање закуп од 2.500 долари месечно за секоја инсталација.

„Старлинк“ е сателитска мрежа дизајнирана да обезбеди широкопојасен интернет пристап насекаде во светот. Од 2018 година проектот го спроведува „Спејс екс“ во сопственост на Илон Маск.

The post Њујорк Тајмс: Маск не и дозволил на Украина пристап до „Старлинк“ во близина на Крим appeared first on Република.

Рускиот претседател Владимир Путин синоќа изјави дека Министерството за одбрана подготвува предлози за руски одговор на нападот што го оштети мостот Керч, што ги поврзува Крим со јужна Русија, за што ја обвини Украина, јави Скај Њуз.

На крајот од средбата со националните и регионалните претставници за проценка на последиците од експлозијата, што беше пренесувана на телевизија, рускиот претседател нападот врз мостот го нарече „суров и бесмислен чин“ - означувајќи го како „терористички акт“, бидејќи, како што тврдеше, мостот со месеци наназад не бил користен за снабдување на руските сили кои се борат во Украина.

Ќе има одговор од Русија на терористичкиот напад на мостот на Крим. Министерството за одбрана подготвува релевантни предлози. Она што се случи беше уште еден терористички напад на режимот во Киев, кој немаше логика од воена гледна точка, наведе рускиот претседател.

Украина официјално не ја презеде одговорноста, но медиумите во земјата соопштија дека украинските безбедносни служби разместиле поморски дронови.

The post Путин: Руската војска подготвува одговор за нападот врз мостот на Крим appeared first on Република.

Безбедносните сили спречиле атентат на шефот на Крим, Сергеј Аксјонов, соопшти Федералната служба за безбедност на Русија (ФСБ).

Како што е наведено, приведен е државјанин на Русија, роден 1988 година, кој бил регрутиран од Службата за безбедност на Украина и кој на територијата на Украина се обучувал за извидувачки и субверзивни активности, вклучително и за мини и експлозиви, пренесува РИА Новости.

Тој наводно планирал да го разнесе автомобилот на Аксјонов, но бил уапсен додека ја земал бомбата од скривалиштето.

The post ФСБ: Спречен атентат врз шефот на Крим appeared first on Република.