коридор Archives - Република

Николоски: Паралелно ќе работиме на реконструкција и изградба на брза пруга на Коридор 10

Александрија — Fri, 04 Oct 2024 08:39:10 +0000

Пругата на Коридор 10 е приоритет и затоа ќе ги вложиме сите напори оваа пруга да биде извор на приходи за државата и целата економија. За да нема застој во железничкиот транспорт, паралелно ќе ја реконструираме пругата од Табановце до Гевгелија, а во исто време ќе работиме и на изградба на нова пруга на Коридор 10. Ова го истакна заменик претседателот на Владата и министер за транспорт Александар Николоски во интервју за поткастот „Каде се парите“.

Проект за реконструкција има, истакна министерот Николоски и додаде дека проектот предвидува брзина на возовите од 80 km за карго превоз и 120 km за патнички превоз. Дополнително истакна дека проценетата вредност би изнесувала околу 250 милиони евра и ќе се изврши комплетна реконструкција на потегот Табановце-Гевгелија.

За 2 до 3 години ќе ја реконструираме целата делница од Табановце до Гевгелија. Проект имаме, ЕУ дава позитивни сигнали да финансира преку ИПА 3 компонентата од каде би можеле да добиеме околу стотина милиони евра, а околу 150 милиони евра треба да ги обезбедиме од домашниот буџет. Реконструкцијата подразбира целосна смена на пругата, реконструкција на седум моста, добро е што има постојана електрификација и ќе се постави ИТС систем. И ова е реално и вака мораме да правиме паралелен процес додека градиме нова пруга за да не ни се случи примерот со Србија кога карго превозот запре додека вршеа реконструкција на пругата Белград – Ниш - истакна Николоски.

Во однос на изградбата на брза пруга тој потенцираше дека потребата од брза пруга е огромна за Македонија, за целиот регион и Европа, која пак ја препознала оваа идеја и е подготвена да ја финансира. Исто така министерот во поткастот објави дека за брза пруга постоел проект од 1978 година со 4 линии.

Треба допрва да има физибилити и предфизибилити студија. Мое лично мислење е дека треба да одиме со пруга над 200 km на час. И мислам треба да одиме по наједноставниот терен, а тој би бил од Табановце па да се спушти под Куманово до Свети Николе, потоа Штип, Радовиш, Струмица и да се врзе на Миравци, Гевгелија и Солун. Секако треба да се направи триаголник кој ќе го поврзе Скопје со брзата пруга. Дали тоа ќе го покаже предфизибилити и физибилити студијата не знам, но мислам дека ова е најлогичното решение. Во однос на цените, со овие цени сега брза пруга би чинела околу 2,3 до 2,5 милијарди евра, а за оперативна да биде од почеток на градба до прва операција на воз, би ни требало околу 5 години. Во однос на финансирањето знам дека нема да бараме пари од Кина, Русија и Саудиска Арабија. Ако ЕУ сака да ја финансира е добродојдена, но прво мора да го обезбедиме финансирањето пред да почнеме да ја градиме - истакна министерот Николоски.

The post Николоски: Паралелно ќе работиме на реконструкција и изградба на брза пруга на Коридор 10 appeared first on Република.

МНР: Македонија ги презема сите активности за доизградба на коридорите 8 и 10, очекуваме Бугарија да ја унапреди инфраструктурата на Коридор 8 и да ги исполни обврските од Билатералниот договор од 1993 година

Nena — Tue, 30 Jul 2024 13:03:35 +0000

Република Македонија е силно посветена на остварување на поставените цели во рамките на НАТО и на создавање регионална инфраструктура, како дел од Европската мрежа на коридори, кои имаат за цел да го засилат економското влијание и да ја олеснат трговијата и транспортот во регионот, стои во писменото соопштение на МНР.

Земјаќи ја предвид геополитичката позиција на транспортните коридори 8 и 10, Република Македонија ги презема сите неопходни активности за нивна доизградба и модернизација.

Во делот на патната инфраструктура оваа година се завршува изградбата на експресниот пат од Куманово до Крива Паланка и преку завршената рехабилитација на патниот правец од Крива Паланка до границата со Република Бугарија, што претставува вкупна инвестиција од 105 милиони евра, со што ќе се создаде ново модерно патно решение, кое значително ќе влијае врз размената на добра и услуги, како и на зголемување на економската соработка меѓу двете земји.

Воедно, потсетуваме дека претходно целосно ја рехабилитиравме автопатската делница Скопје - Куманово и со овие инвестиции го намаливме времетратењето на патување на релација Скопје - Софија на помалку од 2 часа и 30 минути.

Во однос на железничкиот Коридор 8, Република Македонија е свесна за геостратешкото значење на овој патен коридор и како земја реализира бројни активности за регионално поврзување и завршување на оската Запад-Исток.

Во тој контекст, нагласуваме дека во фаза на реализација е изградбата на пругата од Куманово до Бељаковце, што претставува инвестиција од 40 милиони евра. Воедно, истакнуваме дека во фаза на реализација е и изградбата на пругата од Бељаковце до Крива Паланка, што е инвестиција вредна 155 милиони евра. Дополнително, во фаза сме на тендерска постапка за избор на Изведувач за изградба на последната делница од Крива Паланка до граничен премин Деве Баир, пруга која завршува во претпоставен тунел.

Исто така, Република Македонија ги превзема и исполни сите обврски од Билатералниот договор од 1993 година за изградба на граничниот премин Берово – Клепало, како и инфраструктурата до граничниот премин.

Имајќи го предвид горенаведеното, уште еднаш нагласуваме дека Република Македонија ги презема сите неопходни активности за изградба на повеќе крупни регионално – инфраструктурни проекти кои се од споделено стратешко значење за земјава, регионот и Европската унија.

Во таа смисла истакнуваме, дека со цел успешна реализација на ваквите проекти, особено значајно е да постои целосна подготвеност за соработка и од страна на Република Бугарија. Во оваа прилика, искрено очекуваме Република Бугарија да ги преземе сите неопходни активности во насока на унапредување на инфраструктурата на Коридор 8, како и да ги исполни обврските кои произлегуваат од Билатералниот договор од 1993 година за изградба на граничниот премин Берово – Клепало.

Изградбата на патната и железничката инфраструтруктура во регионални рамки ќе биде успешно реализирана само ако сите земји долж Коридорот 8 континуирано преземаат заеднички активности за нивен развој и модернизација. Тоа е наша долготрајна заложба на која посветено работиме и очекуваме еднаков степен на соработка и конструктивност и од останатите инволвирани страни во овој процес, велат оттаму.

The post МНР: Македонија ги презема сите активности за доизградба на коридорите 8 и 10, очекуваме Бугарија да ја унапреди инфраструктурата на Коридор 8 и да ги исполни обврските од Билатералниот договор од 1993 година appeared first on Република.

Желба има за градење, но не и работници: До „Бехтел и Енка“ стигнале само 360 сивија за 2.000 работни места

Александрија — Thu, 14 Sep 2023 16:39:05 +0000

По повод официјалниот почеток на градежните активности на делницата Прилеп – Битола како дел од Коридорот 10д, надлежните оценуваат дека е мал бројот на македонски работници кои до сега аплицирале за вработување во конзорциумот „Бехтел и Енка“ за изградба на патните коридори во земјава.

Бехтел и Енка во моментов разгледуваат 360 сивија од македонски граѓани од сите различни профили. И тоа е малку, бидејќи во моментов на конзорциумот му се потребни 2.000 работници - истакна денеска премиерот Димитар Ковачевски.

Планот е да се организираат саеми за вработување за да се најдат работници.

До сега саеми за вработување се одржаа во Тетово, Гостивар и во Битола. Вакви саеми ќе бидат организирани и во други градови од државата со цел да бидат пополнат позициите.

Во текот на продолжување на градбата на автопатските делници, потребата од работници ќе се искачи до 8.000 работници на патните правци кои што ги работи „Бехтел и Енка“.

Премиерот Димитар Ковачевски денеска по повод официјалниот почеток на градежните активности на делницата Прилеп – Битола како дел од Коридорот 10д, оцени дека е мал бројот на македонски граѓани кои до сега аплицирале за вработување во конзорциумот „Бехтел и Енка“ за изградба на патните коридори во земјава

The post Желба има за градење, но не и работници: До „Бехтел и Енка“ стигнале само 360 сивија за 2.000 работни места appeared first on Република.

„Бехтел и Енка“ денеска ќе почнат со градежни активности на Коридорот 8

Александрија — Tue, 12 Sep 2023 07:55:19 +0000

Првиот вицепремиер Артан Груби денеска ќе има свое обраќање по кое со минирање во близина на селото Горна Бањица, на потегот меѓу Гостивар и Кичево ќе биде означен стартот на теренските работи од изградбата на Коридорот 8 кој ќе го гради американско – турскиот конзорциум „Бехтел и Енка“ врз основа на договор кој македонската влада го попиша пред шест месеци и со кој се предвидува изградба на автопатска делница на потегот Гостивар – Букојчани. Предвидено е да се се работи и на делниците Требеништа – Ќафасан и Тетово – Гостивар.

Неофицијално, како подизведувачи се јавуваат компаниите „АК инвест“, „Еуровиа“ и „Стентон градба“ како дел од најавените домашни компании на кои изведувачот им го има доверено извршувањето на дел од работите.

Тетовската компанија „Ак инвест“ има сериозно портфолио со голем број проекти.

„Еуровиа“ е фирмата која го доби тендерот за пренамена на спортскиот центар Борис Трајковски за конференцијата на министерскиот совет на ОБСЕ.

Битолската фирма „Стентон градба“ е една од најзвучните во градот под Пелистер, во последните 12 месеци има добиено 21 тендер

The post „Бехтел и Енка“ денеска ќе почнат со градежни активности на Коридорот 8 appeared first on Република.

Бочварски: Почнуваме со изградба со најкрупниот проект во Пелагонија, автопатот Прилеп-Битола е можност за силен економски развој на регионот

Nena — Fri, 12 May 2023 13:08:07 +0000

“Денеска започнуваме со изградба на ново модерно автопатско решение од Прилеп до Битола во должина од 39,3 километри. Веќе не зборуваме за програмски ветувања, зборуваме за старт на најголемиот капитален проект во Пелагонскиот регион. Секој вложен денар на државата е влог за граѓаните за безбедни и модерни сообраќајници, за развој на локалните бизниси, за подобро регионално поврзување со соседите”, истака денеска министерот Благој Бочаврски на настанот по повод започнување на изградбата на автопатската делница Прилеп-Битола на Коридор 10 д.

Во прилог го пренесуваме интегрално обраќањето на министерот Бочварски:

Доаѓајки денеска на овој најголем, најзначаен настан за Пелагонија и патувајќи во правец од Скопје до ова место, од Гевгелија до тука и од Меџитлија исто така до тука, верувам дека по пат забележавте бројна механизација како интензивно работи на изградба и рехабилитација на европските коридори.

Тоа се инвестициите во патната инфраструктура со кои Македонија ја модернизираме, економски ја зајакнуваме и ја правиме подобро место за живеење за сите наши граѓани.

Нема подобар момент да се собереме, сите пријатели на Македонија, нашите партнери - земјите членки од ЕУ и заеднички да го означиме најголемиот инфраструктурен проект во новата историја на земјата кој се реализира овде во Пелагонискиот регион.

Знам колку оваа автопатска делница е приоритетна за Прилеп, за Крушево, за Битола, Могила, Новаци, Ресен и за сите останати од Пелагонија кои живеат или транзитираат од тука.

И ова е силна порака од Владата до сите граѓани и стопанствници од регионот.

Веќе не зборуваме за програмски ветувања, зборуваме за старт на најголемиот капитален проект во Пелагонскиот регион.

Капиталните проекти ги реализираме одлучно и оправдано затоа што Пелагонискиот регион мора да се развива. Секој вложен денар на државата е влог за граѓаните за безбедни и модерни сообраќајници, за развој на локалните бизниси, за подобро регионално поврзување со соседите.

Денеска започнуваме со изградба на ново модерно автопатско решение од Прилеп до Битола во должина од 39,3 километри.

Во оваа прилика сакам да честитам на целиот тим од државни институции што изминатиов период напорно работеа за да се обезбедат сите услови за почеток на оваа градба.

Од денеска изведувачот ги започнува подготвителните работи и геотехничките истраги на терен и во наредниот период ќе бидеме сведоци на огромно градилиште по целата траса на овој патен правец.

Ова е можност за ангажирање на домашната градежна оператива, што значи нови вработувања, а посебно развој на градежната дејност.

Сите сме свесни, градбата нема да биде лесна работа, ни претстојат огромни предизвици на терен во овие неколку години но сакам да уверам дека максимално сме фокусирани на изградбата на овој автопат а исто така и на изградбата на делниците на Коридорот 8.

Оттука и потребата да направиме измени во регулативата да ја забрзаме и да ја направиме поекономична и поефикасна изградбата на овие автопати на двата европски коридори.

Нашата иднина е европска и преку изградба и модернизација на коридорите земјава ќе ја доближиме чекор поблизу до европското семејство на развиени земји.

Преземавме обврска пред граѓаните, Република Македонија да биде подобро место за живеење. И таквата обврска ја реализираме на терен.

Сакам да се обратам до сите жители од овој регион - Пелагонискиот регион го градиме и економски го правиме уште посилен и поразвиен.

Нашата порака до целиот бизнис сектор е следна: Реализирајте ги вашите бизнис планови и инвестирајте овде, а државата преку реализација на ваквите проекти ви помага да бидете поконкурентни и посупешни.

И заради тоа, инвестираме во изградба на нов експресен пат од Градско до Прилеп – следната година ќе возиме по нов експресен пат.

Комплетно го реконструиравме Плетвар.

Започнуваме со најголемиот инфраструктураен проект - изградбата на оваа автопатска делница од Прилеп до Битола.

Го реконструираме патот од Битола до границата со Грција, а во истовреме проектираме нов експресен пат исто така од Битола до граниниот премин Меџитлија.

Изградивме магистрален гасовод низ цела Пелагонија.

Ова се инвестициите со кои комплетно го подигнуваме Коридорот 10-Д почнувајќи од автпатот од Градско се до границата со Грција на повиско и поквалитетн ниво од сегашниот патен правец.

Инвестирајќи во модерни патишта, создаваме услови за подобра и просперитетна иднина за сегашните и идните поколенија.

Македонија мора да биде инфраструктурно средена држава, економски центар и вистинска крстосница на Балканот”, се обрати министерот Бочварски.

The post Бочварски: Почнуваме со изградба со најкрупниот проект во Пелагонија, автопатот Прилеп-Битола е можност за силен економски развој на регионот appeared first on Република.

Оваа Влада функционира на типот „слушајте што зборувам, не гледај што правам

Игор Чавески — Wed, 15 Mar 2023 21:11:25 +0000

Станува збор за една многу сомнителна врска, една многу сомнителна корпорација или конгломерат на фирми, а во исто време се исплаќаат по околу 300 илјади евра по човек во тие фирми, што значи еден таканаречен експерт, еден консултант ќе добива 300 илјади евра паушал за својата работа и оправдани ми се чини дека ни се сомнежите дека станува збор за сериозна коруптивна зделка, особено имајќи предвид дека не станува збор за некои светски експерти кои што би биле ангажирани, туку станува збор за луѓе од најблиското соседство, дали од Србија дали од Црна Гора.

Значи не станува збор за некои светски познати експерти или светски познати компании, туку компанија која што има седиште во Велес, компанија која што е директно поврзана со криминал во Ерменија и компании кои што имаат кинески менаџмент, ова во неговото гостување во емисијата „Интервју во Шења“ на ТВ Шења, зборувајќи за сомнителниот договор и можните злоупотреби во постапката за избор на надзорните фирми за мониторинг на изградбата на коридорите 8 и 10-Д.
Тој исто така додаде дека оваа влада сака да се прикаже како проевропска и проамериканска, а од друга страна соработува со фирми кои се поврзани со Русија, вели Стефан Андоновски од ВМРО-ДПМНЕ.

„Оваа влада функционира на типот „слушајте што зборувам, не гледај што правам. Имаше една многу сериозна набавка, компјутерска опрема за МВР која што беше од Босна и Херцеговина со директни врски со Руската Федерација и со сегашниот претседател на Република Српска, Милорад Додик. Има и бројни вакви случаи кои што ни се појавуваат, но не можеме како опозиција сите доволно да ги до истражиме имајќи во вид дека обвинителството е многу пасивно и не реагира навреме“, потенцираше Андоновски додаде дека кревањето на темата е многу значајно па затоа се надева дека институциите ќе си ја завршат работата и ќе се превенира ваквиот договор:

„Сега слушнавме дека има размислувања за отворање предмет и за овој случај. Има коментари дека и Обвинителството размислувало да отвори некоја предистражна постапка по допрен глас. Алармантно е што не само ние туку и истражувачки агенции од поширокиот регион го отворија ова прашање. Видов дека беше поставено како прашање и на глобалниот претставник за антикорупција на Стејт департментот на САД, тој сигурно не беше запознаен со овој единствен предмет, но мислам дека кревањето на темата е многу значајно и се надеваме дека ќе превенираме. Се надевам дека институциите го слушаат барем тој претставник затоа што многу долго време некако јавно владата се колне во таа врска со САД и стратешкото партнерство, но кога станува збор за пракса гледаме дека се или не знаат или не биле тука или не се информирани“.

The post Оваа Влада функционира на типот „слушајте што зборувам, не гледај што правам appeared first on Република.

Денеска во Владата потпишување на договор за коридорите 8 и 10 Д

Александрија — Wed, 08 Mar 2023 08:05:31 +0000

Во Владата денеска ќе биде потпишан договорот за коридорите 8 и 10 д помеѓу Министерството за транспорт и врски, Јавното претпријатие за државни патишта и конзорциумот „Бехтел и Енка“.

На настанот по овој повод ќе се обратат премиерот Димитар Ковачевски, првиот заменик на претседателот на Владата на Република Македонија и министер за политички систем и односи меѓу заедниците, Артан Груби, министерот за транспорт и врски, Благој Бочварски, директорот на Јавното претпријатие за државни патишта, Ејуп Рустеми и генералниот директор за нискоградба „Бехтел“, Марк Алисон.

Владата на вчерашната седница го одобри склучувањето на договорот за изградбата на коридорите 8 и 10 д. Како што рече синоќа во телевизиско гостување првиот вицепремиер во Владата и министер за политички систем и односи меѓу заедниците Артан Груби, се работи за изградба на автопатишта од 110 километри, што ќе чини 1,3 милијарди евра или два милиони евра по километар.

The post Денеска во Владата потпишување на договор за коридорите 8 и 10 Д appeared first on Република.

Груби: Коридорот 8, чекор кон заедништво и нула отворени прашања со соседите

Александрија — Sat, 29 Oct 2022 12:30:40 +0000

Првиот потпретседател на Владата и министер за политички систем и односи меѓу заедниците, Артан Груби, денес придружуван од премиерот Димитар Ковачевски, бугарскиот премиер Галеб Донев, министри, заменици на министрите и високи функционери поставија камен-темелник за продолжување на работите на пругата како дел од проектот Коридорот 8.

Коридорот 8, патниот и железничкиот сообраќај се најголемите инфраструктурни инвестиции од постоењето на нашата држава, тие се важна економска артерија, стратешки цели од кои нема враќање назад, тие се идната перспектива за развој на државата и конкретизирање на стратегијата за подобар квалитет на животот - истакна Груби.

Тој додаде дека оваа Влада е Влада на реализација на големите ветувања и на подобрување на неправдите и големите задоцнувања. Влада и прогресивно мнозинство кои ги затвораат отворените прашања. Влада која има нула отворени прашања со соседите. Влада која има нула отворени прашања меѓу заедниците. Влада про-НАТО и про-ЕУ. Влада која го поврзува крајбрежјето на Црното море со Јадранското Море со железници, автопати и енергетика.

Коридорот 8, патниот и железничкиот сообраќај се најголемите инфраструктурни инвестиции од постоењето на нашата држава, тие се важна економска артерија, стратешки цели од кои нема враќање назад, тие се идната перспектива за развој на државата и конкретизирање на стратегијата за подобар квалитет на животот. Многу брзо ќе направиме уште еден голем чекор заедно со почетокот на изградбата на автопатот, Коридор 8 - изјави Груби.

The post Груби: Коридорот 8, чекор кон заедништво и нула отворени прашања со соседите appeared first on Република.

Русите отвораат два поморски коридори во Црното и Азовското Мре

Александар Арсовски — Wed, 08 Jun 2022 11:44:13 +0000

Руското Министерство за одбрана соопшти дека создало услови за два поморски хуманитарни коридори со цел да се овозможи безбедно движење на бродовите во Црното и Азовското Море.

Руската Федерација презема голем број мерки за да ја обезбеди безбедноста на цивилната пловидба во водите на Црното и Азовското Море.

Се уште постои опасност за пловидба и оштетување на пристанишната инфраструктура поради отстранувањето на украинските мини откорнати од сидрата долж брегот на црноморските држави - се вели во соопштението на руското министерство.

The post Русите отвораат два поморски коридори во Црното и Азовското Мре appeared first on Република.

Украина договори коридор за евакуација од Мариупол

Александрија — Wed, 20 Apr 2022 06:38:55 +0000

Украина соопшти дека се договорила со руските сили денеска да се отвори безбеден коридор за цивилите да го напуштат разурнатиот пристаништен град Мариупол.

Успеавме да постигнеме прелиминарен договор за хуманитарен коридор за жени, деца и стари лица, напиша на социјалните мрежи украинската вицепремиерка Ирина Верешчук. ј

The post Украина договори коридор за евакуација од Мариупол appeared first on Република.

Луѓето го напуштаат градот: Профункционира хуманитарниот коридор од Мариупол

Александрија — Mon, 14 Mar 2022 20:05:36 +0000

Профункционира „зелениот" хуманитарен коридор од Мариупол, објави на својата фејсбук-страница заменик-градоначалникот на тој град Петрор Андјушенко.

Колони автомобили излегуваат од градот и се движат во правец на Запорожје, каде што е организирана прва помош.

Андрјушенко напиша дека според ситуацијата во 12 часот, де факто се почитува режимот на прекин на огнот и дека автомобилите без проблем ги минуваат контролните пунктови.

До 12 часот повеќе од 160 цивилни автомобили успеале да излезат од опколениот југоисточен украински град по хуманитарната рута за евакуација, соопштија градските власти.

Коридорот е за приватни автомобили и оди преку Бердјанск кон Мариупол.

Според него, ова е единствениот усогласен хуманитарен коридор во моментов. Сепак, тој додаде дека локалните власти не можат целосно да ја гарантираат безбедноста на оваа рута.

Жестоките бомбардирања во Мариупол оставија околу 400.000 жители без проточна вода, греење и храна.

Повеќе од 2.100 жители на градот се убиени во руската инвазија, според градските власти.

The post Луѓето го напуштаат градот: Профункционира хуманитарниот коридор од Мариупол appeared first on Република.