Од ВМРО-ДПМНЕ велат дека изградбата на коридорите 8 и 10Д не е ништо ново во Македонија, тоа се проекти од стратешко значење за државата. Коридорите биле дел од предизборните и владините програми на ВМРО-ДПМНЕ и коалицијата многу долг период.

Тоа за што ВМРО-ДПМНЕ беше против, а и денеска е, да не се прават договори на штета на граѓаните и наместо за реализација на капитални проекти, народните пари да завршуваат во приватни џебови.

 

Завршувањето на народните пари во приватни џебови, место за реализација на капитални инфраструктурни проекти и патишта, беше одлика на седум годишно владеење на СДС.

 

Таков е и примерот со изградбата на коридорите, каде што во последните две години владеење на СДС за изградба на коридорите се потрошија околу 350 милиони евра пари на граѓаните, а на терен се немаше изградено ниту еден милиметар автопат. Работата тапкаше во место, а завршена беше експропријација на само неколку десетина парцели.

 

Со ВМРО-ДПМНЕ на власт работните активности на терен веќе почнаа, а завршена е и експропријацијата на половина од парцелите низ кои ќе поминува трасата.

 

За разлика од СДС, владата предводена од ВМРО-ДПМНЕ посветено работи на тоа Македонија да ја направи домаќин на три раскрсници, а тоа е транспортна, железничка и енергетска раскрсница, се вели во реакцијата на ВМРО-ДПМНЕ.

The post ВМРО-ДПМНЕ: Владата посветено работи за Македонија да ја претвори во домаќин на три крстосници appeared first on Република.

Денеска за нас ова претставува значаен момент бидејќи после две години, буквално после две години, ветувања и празни муабети денеска конечно може да се види нешто коешто треба да претставува дел од оној сон којшто го имаме како Влада, а тоа е како нашата земја да биде држава домаќин на три раскрсници. А тоа е раскрсница транспортна, железничка и енергетска. Тоа е нашиот сон. Тоа е мојот личен сон и ќе сторам сѐ како претседател на Владата да стане и реалност.

Ова денеска после надзорот во работата на автопатската делница Гостивар – Букојчани го истакна претседателот на Владата, Христијан Мицкоски.

Ние сме земја којашто за жал не излегува на море и тоа некој може да го смета како недостаток, но ние треба да сме умни и тој недостаток да го направиме во наша предност, бидејќи сме природна крстосница на два многу значајни коридори, Коридорот 8 и Коридорот 10, порача Мицкоски.

Најави дека после надзорот на овој дел од Коридорот 8, во сабота со одговорните лица од конзорциумот „Бехтел и Енка“ ќе го посетат и другото место каде што се гради, а тоа е делницата помеѓу Прилеп и Битола.

Тоа е она коешто треба да претставува наш приоритет, а од работата изминативе четири месеци како Влада и три месеци како раководство во ЈПДП, можеме да забележиме дека се направено двојно, тројно повеќе работи споредено со две години претходно. И тоа се гледа. И сега веќе ова не е магија, не е илузија, ова е вистина. Ги гледаме работите на терен како се работат, рече Мицкоски.

Овие преговори заедно со раководството на компанијата „Бехтел“ започнаа уште при оние контакти во Вашингтон, кога бев на посета во Вашингтон, на Самитот на НАТО, продолжија тука и гледате еве кога ќе се постигне заеднички, кога ќе има дијалог, кога ќе се разговара, може да се постигне и напредок. Тој напредок сите можеме сега да го видиме и јас сум навистина горд што сме денеска овде и што во периодот којшто следи ќе имаме уште многу пријатни и убави вести за вас, за македонската јавност и македонските граѓани, најави дел и потпретседателот на Владата и министер за транспорт, господинот Александар Николовски. Така што, уште еднаш сакам на сите да им се заблагодарам за учеството, за придонесот во изминативе би рекол ефективни три месеци. Тоа се луѓето пред сѐ во Јавното претпријатие за државни патишта коишто го координираат целиот овој процес заедно со луѓето од конзорциумот „Бехтел и Енка“, Министерството за транспорт, Министерството за животна средина, јас колку можам помагам нормално онаму каде што се бара и моја помош, Амбасадата се разбира на Соединетите Американски Држави. Да се заблагодарам на вас медиумите коишто го следите овој процес и да посакам уште многу многу вакви убави, би рекол, моменти. Се разбира тука нераскинлива алка се и општините низ коишто ќе поминуваат овие коридори. Благодарност и до градоначалниците, порача Мицкоски.

Заедно со премиерот, увид во работата на автопатот Гостивар-Букојчани извршија и потспретседателот и министер за транспорт и врски, Александар Николоски, директорот на ЈПДП Коце Трајановски и американската амбасадорка Анџела Прајс Агелер.

The post Работиме сонот Македонија да биде домаќин на три раскрсници да стане реалност appeared first on Република.

Македонија не ги оправда надежите за уставни измени – основен услов за продолжување на пристапните преговори со Европската Унија. Ова за Бугарското национално радио (БНР) го изјави Мануел Сарацин, специјалниот германски пратеник за Западен Балкан, пренесува бугарски „Труд“.

Според Сарацин, европскиот транспортен Коридор 8 е од стратешко значење за регионот.

„За време на моите разговори во Софија разбрав дека Бугарија е збунета, но и загрижена од ова барање на Скопје“, вели Сарацин откако министерот за транспорт Александар Николоски побара парите за Коридорот 8 да се пренаменат за Коридорот 10.

Дополнително, тој коментира дека европскиот транспортен коридор 8 е од стратешко значење за регионот, но според него, новата влада во Скопје неделава покажала оти изгубила интерес за негово спроведување.

Инаку, Коридорот 8 треба да ги поврзе италијанското пристаниште Бари и албанското Драч со Скопје, Софија и Црното Море.

https://republika.mk/vesti/ekonomija/nikoloski-vladata-ke-bara-del-od-sredstvata-za-izgradba-na-pruga-do-bugarija-da-se-prenamenat-za-brzata-pruga-na-koridorot-10/

Забелешката е дека наместо овој коридор, во Скопје се дало приоритет на Коридорот 10, кој ги поврзува Австрија, Словенија, Хрватска, Србија, Македонија и Грција.

„Транспортните коридори во Европа се во надлежност на Брисел. Лично верувам дека не е во надлежност на една земја да ги менува европските приоритети во транспортната политика. Ова е долг и комплициран процес со многу различни договори. За време на моите разговори во Софија, разбрав дека Бугарија е збунета, но и загрижена од ова барање на Скопје. Изградбата на Коридорот 8 секако е од стратешко значење“, вели Сарацин на оваа тема.

Прашан за декларацијата на германскиот парламент, Бундестагот, во која за Република Македонија се зборува како за држава определена за членство во ЕУ како ниедна друга во регионот, Сарацин вели:

„За жал, нашите надежи за посветеност на Скопје за промена на Уставот на Република Македонија не беа оправдани. Оваа промена е главниот услов на Советот на ЕУ од Преговарачката рамка за Скопје“.

Тој вели дека декларацијата на Бундестагот имала за цел да биде мост преку кој ќе премине политичкото раководство на Република Македонија, истовремено покажувајќи му на народот дека нема причина за загриженост за идентитетот, јазикот и културата и дека Германија е на нивна страна.

„Но, во исто време, тоа беше сигнал за Бугарија дека сме обединети во нашето верување дека бугарското население во Македонија ќе биде вклучено во Уставот“, вели германскиот пратеник за Западен Балкан.

Тој смета дека се работи за убав и стабилен мост, но македонската страна, како што вели, сè уште не може да помине по него. Според Сарацин, Бугарија има многу можности преку својата посветеност на европската интеграција на Западен Балкан да заработи уште поголема почит од другите земји членки на ЕУ.

Ставот на Сарацин доаѓа откако министерот за транспорт Александар Николоски ја обвини Бугарија дека нема проект за Коридорот 8.

Како што рече тој деновиве, постои долгогодишна желба да се изгради пруга меѓу Скопје и Софија, но прашањето е како, кога Бугарија не е сериозна за проектот. Поради тоа тој побара парите да бидат пренаменети за Коридорот 10.

„Бараме и од Европската банка за обнова и развој и од Европската инвестициска банка, со кои потпишале договор претходната влада на СДСМ и ДУИ, тие средства да се пренаменат за изградба на брза пруга по Коридорот 10 и рехабилитација на постојниот коридор 10. Од Табановце до Гевгелија, значи од границата со Србија до границата со Грција за да можат возовите да одат со 100 до 120 километри на час, рехабилитација на постојната пруга, проект што ќе чини 250 милиони евра“, рече Николоски.

The post Сарацин: Бугарија е збунета од барањето на Николоски appeared first on Република.

Генералниот секретар на ВМРО-ДПМНЕ, Ѓорѓија Сајкоски во рамките на активноста за посета на населени места и средби со граѓани, денеска беше во Општина Маврово и Ростуше каде што ги посети населените места Маврови Анови и Врбен.

Истакна дека од денешните средби со граѓаните може да слушнат и да констатираат дека во овој македонски туристички центар изминатите шест години, ниту локалната, ниту централната власт нема ништо инвестирано и дека единствено што е направено од градоначалникот е урбанистичкиот хаос.

Сајкоски се осврна и на проектот за коридорот 8 со кој владата не ја поврзува општина Кичево, туку дека истиот ќе завршува само до Зајас, со што остануваат уште 16 километри до Кичево кои нема да бидат опфатени во автопатското решение Гостивар – Букојчани.

„Граѓаните се загрижени и за проектите кои што владата ги најавува, односно автопатите од коридорот 8 и коридорот 10, за средствата кои ќе бидат потрошени милијарда и 300 милиони, средста кои што неотчетно оваа влада ќе ги троши. Но, исто така, сакам да им порачам на владата дека манипулира со граѓаните со овој проект, бидејќи кажува дека ќе се направи автопатско решение со кое ќе се затвори коридорот 8. Меѓутоа, од она што го презентираа и кажаа дека ќе прават автопатско решение Гостивар – Букојчани, а не го поврзуваат Кичево или остануваат уште 16 киломентри кои нема да бидат поврзани. Ова автопатско решение е автопатско решение од коридорот 8 кој ќе завршува, најверојатно, само до Зајас“, истакна Сајкоски.

The post Сајкоски: Владата не гради автопат до Кичево, туку до Зајас appeared first on Република.

За коридор за кој нема ниту основен проект, веќе платени над 130 милиони евра...за завршување(готов проект) и комплетно опремување на штипската Клиничка болница се потребни не повеќе од 30 милиони евра, пишува на Фејсбук, Владимир Милошев, кој беше државен секретар во Министерството за здравство од 2017 до 2020 година, а исто така беше и претседател на СДСМ во Штип од 2012 до 2017 година

The post Изгубен компас: За коридор без основен проект веќе платени 130 милиони евра, а за штипската болница се потребни не повеќе од 30 милиони евра appeared first on Република.

ВМРО лаже, многу и бесрамно или пак можеби едноставно не разбираат, објави попладнево првиот вицепремиер и министер за политички систем и односи меѓу заедниците Артан Груби на Фејсбук, откако претходно, исто така, во објава на оваа социјална мрежа, пратеникот на ВМРО-ДПМНЕ, Тони Јаревски го обвини дека станува „фабрика за производство на лажни вести“ и дека компанијата „Бехтел и Енка“ на тендер во Србија учествувала со двојно поевтини суми отколку кај нас.

Груби во објавата посочува дека „Бехтел и Енка“ гради автопатот во Србија без тендер, со посебен закон, со истиот договор како и нашиот, поскапо по километар отколку кај нас и со многу поскап консултант отколку кај нас.

Почитувани граѓани, не дозволете да ве лажат: ништо не може да ја спречи изградбата, само ја прави поскапа и подолга. Блокадата на ВМРО и Левица може да ги чини граѓаните над 100 милиони евра и две години подолга изградба на автопат. Пратениците одлучуваат дали автопатите ќе се градат побрзо и поевтино или побавно и поскапо, додаде Груби во објавата.

Јаревски, претходно денеска на Фејсбук изнесе тврдење дека „Бехтел и Енка“ во Србија се одбрани со тендер, дека автопатот што го градат таму со приближно иста должина како и кај нас вреди 750 милиони евра, а во земјава - 1.350 милијарди евра, дека километар автопат во Србија чини 7 милиони евра, а тука 20 милиони евра, како и дека надзорот на изградбата кај нашиот северен сосед го врши професионална компанија, а на „фирма за долна облека со 4 вработени“ како кај нас.

https://republika.mk/vesti/makedonija/jarevski-do-grubi-stanuvash-fabrika-za-proizvodstvo-na-lazhni-vesti-behtel-i-enka-vo-srbija-uchestvuvashe-na-tender-so-duplo-poevtini-sumi-od-tuka/

ВМРО-ДПМНЕ не е против градба на автопат, напротив истиот автопат за Коридорот 8 го има и во нашата програма, но сме против пљачката на векот каква сега имаме пред очи... Друг пат Груби кога ќе произведува лажни вести, нека има на ум дека се што лета не се јаде..., посочува Јаревски во својот Фејсбук статус.

Неговата денешна објава претставуваше реакција на синоќешниот Фејсбук статус на првиот вицепремиер Груби, во кој тој наведе дека „Бехтел и Енка“ гради и во Србија со „истиот посебен закон и со истиот договор“.

- И кај нас специјалниот закон го изгласа Собранието, се потпиша договор со истата компанија за изградба на коридорите 8 и 10Д, а неделава Владата плати 117 милиони евра за аванс и мобилизација, наведе Груби во вчерашната објавата, дидавајчи дека лажните вести и блокадата на опозицијата во Собранието не можат да ја запрат изградбата, туку само ја поскапуваат и го продолжуваат рокот за завршување.

The post Груби: Ништо не може да ја спречи изградбата на Коридорите 8 и 10д appeared first on Република.

Веќе влегуваме во реализација, следни се проектирањата, испитувањата на терен, мобилизација на механизација, поставување кампови. Граѓаните во наредниот период ќе се уверат во реализацијата, порачува министерот за транспорт и врски Благој Бочварски во видео интервју за МИА, во однос на изградбата на автопатските делници на коридорите 8 и 10д  со Договорот со американско-турскиот конзорциум „Бехтел и Енка“.

Убеден  сум, вели министерот, дека ќе покажеме дека со овој модел ќе имаме подобар начин, реализација  и прогрес на изградбата на автопатските делници.

Тој информира за првиот трансфер на средства кон Јавното претпријатие за државни патишта (ЈПДП) за овој проект, истакнувајќи дека се врши согласно Програмата за финансирање на изградбата на коридорите за 2023 година усвоена од Владата. Бочварски ги отфрла тврдењата во јавноста дека ќе се исплаќаат пенали кон „Бехтел и Енка“ поради недонесените законски измени, што се заглавени во Собранието. Детално ги објаснува предложените измени на законите за урбанистичко планирање и за градење, а се осврнува и постапката за експропријација.

Со Бочварски во интервјуто разговараме и за состојбата со изградбата на автопатите Кичево-Охрид и Скопје-Блаце, како и за субвенциите во авиосообраќајот.

Во продолжение следува интервјуто во целост со видео материјал: 

По долго време се очекува старт на изградба на нови автопати. Голема вредност на проектот од 1,3 милијарди евра најмалку според досегашните сознанија, нов модел, и со изведба и со проектирање, многу реакции и критики во јавноста од старт за изборот на надзорот, околу објавата на содржината на Договорот, отворени се предмети од Антикорупциската комисија, Јавното обвинителство, редица критики од опозицијата. Колку за Вас како ресор што е клучен за овој проект е товар ваквиот негов старт и кои се вашите очекувања?

-Сакам да го истакнам најпрвин значењето на овој проект. Коридорите 8 и 10 се од стратешко значење за државата. Коридорот 10 веќе го завршивме со доведување на ниво на автопат, а моментно работиме на неколку позиции на рехабилитација на таа делница. Што се однесува до Коридорот 8 имаме сериозни отстапувања од нивото на автопатската делница на западниот дел од државата. Како држава сме се обврзале дека двата главни паневропски коридора ќе ги доведеме на ниво на поголема безбедност, на ниво на автопатски решенија, експресни делници и оти ќе успееме практично државава, од кружен тек на Балканот да ја направиме крстосница. И имајќи предвид дека 30-ина години зборуваме за патиштата, за Коридор 8, за Коридор 10 д, за сите овие проекти во дел на подобрување на инфраструктурата во државата, мораме да признаеме дека денеска се уште зборуваме за, на пример делницата Градско – Дреново – Фариш која што 20 години се најавува, се зборува дека ќе се започне да се гради, денеска се гради, но во меѓувреме имавме едно откажување на еден изведувач, второ откажување на вториот изведувач. И на Ранковце – Паланка исто така старт на градежни работи, застој, откажување на изведувачите, проблеми со проектите, одново репроектирање на делниците од страна на ЈПДП, па повторно влегување во работа, варијации во однос на проектите. Тоа значи дека тој модел покажал голем број слабости во реализацијата на проектите.

Токму поради тоа, овој модел на проектирање и градба сме го дискутирале и со професори од Градежен факултет дека несомнено ќе даде подобар прогрес и подобар резултат во работењето. И за мене како министер за транспорт, и за Владата, е клучно брзо да ги реализираме и затвориме прашањата во градбата на паневропските коридори. А ако сакаме да го направиме тоа час поскоро, тоа мораме да го направиме со моделот на проектирање и градба. Тоа значи  компанијата која што ќе биде изведувач на терен да ја има обврската и да проектира и паралелно со тоа да гради.

Сега се отвори второ прашање. Во нашите законски регулативи и процедури треба да се испроектира цела една делница, на пример Тетово – Гостивар па потоа да се влезе во експропријација на терен, па потоа да влезе со одобрение за градба изведувачот со работа за да потоа кога се јавуваат одредени репроектирања имаме постојано барања за дополнување на одобрението за градење, за измени во тек на градба. Тоа ја обременува целата градба на проектот.

Во овој проект е предвидено фазна градба што значи дека таму каде што на одредена делница или локација имаме земјиште на Република Македонија, што е имотно-правно чисто, тогаш таму изведувачот влегува, проектира и веднаш почнува со градба. Додека го гради тој дел или таа делница, таа фаза, продолжува со проектирање, со експропријација на останатите делници и продолжува со градба и на останатите делници од, на пример, секцијата Прилеп – Битола или Тетово – Гостивар. Тоа за нас е важно за да влеземе и брзо да реализираме и градиме.  Факт е дека овој модел не е доволно познат во државата, но и тоа како има примена и во околните земји и покажува добар резултат и прогрес на терен. Токму поради тоа е донесен и Законот пред околу две години, каде што се пропишани процедури на делување и движење се до избор на изведувачот и потоа во останатите фази на реализација. Така што, сметам дека наш стратешки национален врвен интерес е час поскоро да ги изградиме паневропските коридори заради тоа што Македонија веќе нема време за губење.

Две години по најавата за овој проект – потпишувањето на Меморандумот, носењето на законот, месец и половина по потпишувањето на Договорот со изведувачот, што се случува реално на терен? Почна да се применува Договорот со „Бехтел и Енка“, што прави изведувачот на терен?

-Согласно Договорот, односно Законот, согласно Програмата  што ја има донесено Владата, изведувачот по стартот на реализација на договорот започнува со сите постапки на проектирање. Откако ќе заврши проектирањето на експропријација на одредени делници ќе започне испитување на теренот. Тоа се геомеханички и геотехнички испитувања на трасата, бидејќи тие се клучни испитувања за да потоа кога ќе се проектира се испроектира правилно и за да при градбата потоа немаме проблем. Многупати говорев досега, проблемот, на пример со Кичево – Охрид, е токму од слабите геомеханички испитувања, од лошиот проект, од стариот проект којшто бил направен во минатото за да денеска ни ја обременува градбата и постојано се навраќаме на дополнување на проектите и дополнителни испитувања со цел да се заврши проектот. И тоа не  чини многу време и многу пари. Денеска овој процес којшто започнува, компанијата започнува со проектирање, мобилизација, испитување на теренот, веднаш потоа ќе започне со поднесување на проектите за урбанизам, за одобрување на трасата и паралелно со тоа ќе започне со поставување на кампови за работниците, за инженерскиот персонал со што ќе се влезе и во работа на терен. Тоа е утврдено согласно Договорот и согласно таквиот Договор секоја од страните треба да продолжи да ја реализира својата обврска за да може да ги завршиме делниците час поскоро за да бидат ставени во функција за граѓаните.

Колкав е тимот на „Бехтел и Енка“ што е сега на терен и на кои делници е? Дали веќе се прават првичните испитувања на сите четири предвидени делници?

-Предвидено е на сите четири делници, односно Тетово – Гостивар, Гостивар – Букојчани и Прилеп – Битола да се започнат истрагите, постапките, проектирањето и сите процедури веднаш, додека за делницата Требеништа – Струга – Ќафасан има уште одредени анализи коишто се прават со цел да се презентира планот на идниот проект пред Јавното претпријатие за државни патишта за да се утврди трасата. Во однос на другите делници веќе имаме појасна слика во тоа каде поминува трасата и токму поради тоа компанијата веќе може да започне со проектирање и да влезе потоа со работа. Така што, стартот на градежни работи значи и тоа - мобилизација од инженерски персонал до механизација, до работници кои ќе влезат на терен и ќе го реализираат тоа што ќе биде направено согласно проектната документација. Јас сум убеден дека по квалитетно направен проект, односно дизајн или основен проект за градење понатаму проектот на градбата ќе оди многу побрзо, поедноставно и ќе немаме проблеми при реализацијата на градежните активности. Значи, кога имаме добра техничка документација сигурен сум дека градбата ќе оди многу подобро. Добри анализи – градбата ќе тече побрзо. Доколку имаме слаби анализи на почетокот за трасата, за теренот тогаш ќе ни се јавуваат до крајот на градежните работи многу проблеми и проектот ќе трае со реализација многу подолго.

Тие се веќе на терен, ги контактираат ли и нашите градежници?

-Компанијата „Бехтел“, согласно Законот, има обврска да ангажира најмалку 51 процент домашни ресурси, што значи дека овде спаѓаат и човечки ресурси, но и механизација, подизведувачи коишто ќе работат на терен. Секоја од компаниите овде од Македонија која што смета дека може да одговори на задачите, на предизвикот да влезе и да работи на овие делници од коридорите 8 и 10д, може секако да влезе во разговори со компанијата „Бехтел“ со цел да се најде на пазарот во однос на овие проекти.

Работиме и на многу други проекти, како Ранковце – Крива Паланка таму исто така имаме доста градежни работи. Овде е секако и делницата Градско – Дреново – Фариш каде што исто така имаме тешка механизација, превојот Плетвар го завршиме, се работи на рехабилитација на Битола – Меџитлија. Така што, домашните компании и тоа како имаат работа и се пронаоѓаат во домашните проекти во делот на градењето и на инфраструктурата. Но, ова е уште еден, најголем проект, и убеден сум дека ќе се пронајдат и ќе можат да излезат на терен да работат заедно со оваа, една од најголемите светски реномирани компании, секако да добијат и дополнително знаење и можности за понатаму да продолжат да се градат овде и надвор од државата на други проекти.

Има голем оптимизам од ваша страна, меѓутоа проектот стартува со постојната законска регулатива во ситуација кога се заглавени предложените пакет-законски измени што треба да ја забрзаат целата активност и од вашиот ресор има два закона, за урбанистичко планирање и за градба коишто треба да претрпат измени во оваа насока. Што ќе значат измените, зошто се носат?

-И по сегашната законска легислатива овој проект може да продолжи да се реализира, но доколку сакаме тој да заврши во пократки рокови тогаш секако дека е добро да се влезе во корекција на законите или измена и дополна на законите каде што ќе може овој проект да се работи побрзо и секако граѓаните да имаат можност многу побрзо да ги користат овие автопатски делници. Верувајте, една или една и пол година доколку заврши порано целиот проект тоа значи многу за економијата, за безбедноста во сообраќајот. Јас сакам да го отворам прашањето колку ние ќе заштедиме, на пример со безбедноста во сообраќајот, или на пример, со бројот на жртви во сообраќајот доколку една година или две години порано завршиме со реализација на овој проект. Колку ќе добиеме побезбедни патишта, тоа не се кратки или мали или незначителни делници, 110 километри автопатски делници значат многу во дел на безбедноста во сообраќајот на една земја и сметам дека за нас стратешки интерес е да ги завршиме час поскоро. За не зборувам колкави се ефектите во делот на економијата, бидејќи кога ќе ги реализираме тие проекти порано тогаш ќе можат и да се отворат – развијат нови економски капацитети во сите региони. Исто така и рамномерниот регионален развој во Битола, во Прилеп, во регионот. И јас затоа повторувам ајде да отидеме во Битола и во Прилеп или во Тетово и Гостивар, во Струга и Охрид да ги прашаме граѓаните кои им е клучниот и најголем проблем на граѓаните од тие региони. Сите до еден ќе кажат клучно прашање е решавањето на инфраструктурата. И ние сме ветиле и сме земале обврска и во програмите на Владата и во законските одредби дека ние инфраструктурата мораме да ја подобриме. Да не се развива и концентрира целата економија во главниот град, туку да можеме да ја дисперзираме практично целата економија.

Да ги појасните законските измени. Што се менува?

-Во однос на законските измени, во Законот за урбанистичко планирање практично правиме постапка за урбанистички проекти од стратешки и национален интерес каде што ќе бидат реализирани овие урбанистички проекти со пократки рокови каде што институциите коишто даваат мислења на реализацијата на ваквите коридори или на ваквите проекти и опфати каде што ќе поминува оваа инфраструктура треба побрзо да ги дадат своите мислења и побрзо да одговорат за да може да биде одобрен инфраструктурниот проект.

Кога станува збор во Законот за градење, таму велиме дека најпрвин треба да биде одобрен урбанистичкиот проект којшто ја утврдува трасата. Кога ќе биде одобрен појасот каде што ќе поминува идниот автопат тогаш проектантот  и изведувачот можат да започнат со градба на поодделни делници, односно фазно градење во делницата, на пример Прилеп – Битола, и тие може да започнат на пример на 10 километри од таа делница каде што ќе имаат проект со ревизија, со сите статички документи потребни и геомеханички испитувања и се што е потребно во делот на одобрувањето на проектот, но ќе почнат да го градат фазно. Кога ќе ја комплетираат целата делница со градење тогаш со проект за употреба поднесуваат барање до Министерството за транспорт и врски за да тој пат кога ќе биде изграден биде ставен во употреба и тогаш се дава дозвола за употреба на тој автопат. Така што, не се заобиколуваат процедурите. Важно е дека наоѓаме модел со цел да овозможиме фазно да се гради секоја поодделна делница со цел да заштедиме на време.

Има критики за постапката за експропријација што ќе се применува..,

-Во однос на постапката за експропријација ние повторивме и директорката на Управата за имотноправни работи која што работи на таа законска материја, исто така информираше дека воведување во владение кое што беше како оспорено во делот на земјиштето е возможно и со денешниот закон за експропријација и тој член постои, така што во тој дел нема некоја голема измена и од тој аспект сметам дека воопшто нема некоја голема разлика, односно доусогласување на Законот за експропријација со Законот за урбанистичко планирање, бидејќи Законот за урбанистичко планирање е стожерот кога се гради одреден објект. Врз база на тој закон треба да се надоградат сите наредни закони, и Законот за градење и Законот за експропријација, Законот за земјоделско земјиште исто така, со цел да може да се усогласат терминологиите во однос на сите останати закони. Бидејќи, ние велиме дека овие проекти започнуваат со одобрување на урбанистички проект за објекти со стратешко значење. Кога ќе се одобри таков проект таа формулација и таа дефиниција мора да биде препознаена и во другите закони. Заради тоа, се прават повеќе измени во другите закони. Заради тоа велам, во делот на воведување во владение со одлука на Влада после донесено решение од страна на Управата за имотно-правни работи и денес Владата може да донесе воведување во владение на некоја градежна компанија која што работи на терен. Но, важно е да знаат граѓаните, бидејќи имаше и за тоа отворено дискусија во јавноста кој и како ќе прави проценка на нивниот имот каде што ќе се експроприра, Бирото за судски вештачења е државна институција, која што и денеска, но и утре, и на овој проект и на сите останати, прави проценка за имотот на граѓаните којшто треба да биде експроприран и овде останува релацијата помеѓу државата и граѓаните што имаат имот по трасата. Овде изведувачот е настрана од оваа постапка. Ние овде зборуваме за процедура во која што одреден граѓанин којшто има имот – земјиште на одредена траса и треба да биде експроприрано поради тоа што влегува во овие коридори од јавен интерес, тогаш Бирото за судски вештачења прави проценка на неговиот имот, потоа Управата за имотно-правни работи го повикува сопственикот на земјиштето, му ја дава понудата што ја добила од Бирото за судски вештачења за експропријација на земјиштето. Доколку се согласи сопственикот, тогаш се оди на склучување на договор и исплата на средства кон граѓанинот. Но, доколку не се согласи, тогаш постапката може да продолжи и во Управен суд за да граѓанинот докаже дека одредено земјиште чини помалку или повеќе во однос на неговиот имот. И овде постапката останува иста и ќе биде запазена целосно, така што граѓаните треба да знаат дека овде нема некои позначителни промени.

Веќе е потврдена и првата исплата за изведувачот. Колку финансии се исплатени и како ќе се одвива целата постапка за исплатите?

Во однос на исплатата, во Законот, кој е објавен веќе две години, а има и Програма за финансирање на патна инфраструктура на Коридор 8 и Коридор 10д, што ја донесе Владата и е исто така објавена во Службен весник, стои дека финансиските ресурси за спроведување на проектот се обезбедуваат од Буџетот на Македонија, преку Министерството за  транспорт и врски, во форма на трансфер до ЈПДП.

Практично ние првиот трансфер веќе го исплативме до ЈПДП, согласно Програмата  што ја има донесено Владата и е објавена во Службен весник. Тоа не е тајна и не е нешто што се крие за да се создава некаква нервоза во јавноста бидејќи и тоа може да се провери. Кон ЈПДП  се исплатени средства од 117 милиони евра или во износ од 7,254 милијади денари. Оттаму, проектното одделение коешто е формирано во ЈПДП работи во директен  контакт и комуникација со компанијата „Бехтел“ во реализација на останатите чекори и процедури  согласно Програмата, согласно Договорот и согласно Законот.

Секој проект, кој почнува во државата, дали се работи за инфраструктурен, патишта, железници, училишта, изградба на нови објекти, секогаш се  пропишува авансна исплата, исто и за мобилизација на компанијата која ја добила работата и токму тоа во овој Договор е истото потпишано. Ние веќе влегуваме во реализација, следни се проектирањата, испитувањата на терен, мобилизација на механизација, поставување кампови. Граѓаните во наредниот период ќе се уверат во реализацијата. Убеден  сум дека ќе покажеме дека со овој модел ќе имаме подобар начин, реализација  и прогрес на изградбата на автопатските делници бидејќи граѓаните за тоа не избрале - да ги реализираме проектите што се од национално и геостратешко значење. Триесет и две години ние се уште зборуваме дали треба да се изградат автопатиштата или не, 32 години зборуваме за патот кон Прилеп, 32 години зборуваме за патот кон Битола, за патот кон Охрид - Коридор 8, а се работи за значително тежок терен особено во западниот дел на државата и ние мораме да влеземе во реализација на овие проекти и прашања кои се од интерс на граѓаните.

Веќе се реализирани првите исплати, Опозициската ВМРО-ДПМНЕ изнесе тврдење дека согласно Договорот, којшто не е објавен во јавноста и се инсистира на тоа, државата веќе презела обврска за исплата на над 300 милиони евра по основ на пенали и аванс. Што е вистината од тоа?

Веќе информиравме дека имаме Закон, Договор, Програма за исплата, во која е наведено дека ќе се исплаќаат средства во транши од Министерството за транспорт и врски кон ЈПДП, а понатаму ЈПДП  го менаџира целиот проект со својот тим, надозорот и компанијата изведувач. Потврдивме дека секоја исплата што ќе ја има ќе биде објавена јавно и како што информиравме и денеска, како и претходно, а и во иднина ќе информираме,секоја наредна исплата што ќе ја има кон ЈПДП, а и понатаму од ЈПДП кон изведувачот ќе биде јавно објавена. Важно е да се сконцентрираме и фокусираме за реализација на проектот бидејќи државата, граѓаните немаат време за губење.

Нема време за  губење, но пакетот закони се заглавени во Собранието, а изведувачот е на терен со постојната законска регулатива со којашто реално побавно ќе се одвиваат работите. И тука е аргументот на опозицијата и на останатите  критичари дека ќе плаќаме пенали. 

-Пенали во договорот нема. Во законот и во Договорот и во Програмата за исплата, точно е утврдено кои се ставките кои ќе бидат исплатени, но важно е компаниите да влезат на терен да ги реализираат своите обврски што ги имаат кон државата. Доколку државата не ги смени законите, не се донесат законите во Парламентот, ние продолжуваме со работа по постојната законска регулатива. Од исклучително значење е тоа да го знаат граѓаните. Ако останеме со оваа регулатива продолжуваме со работа. Не е точно дека државата е обврзана  да менува закони. Државата,  односно Владата, Парламентот и сите институции, можат да продолжат со реализација на Договорот согласно постојната законска регулатива. Доколку се променат законите, овозможиме повеќе работа на терен и реализација на проектот согласно Законот за урбанистичко планирање и Законот за градење, тогаш секако можеме да се увериме дека  и побрзо ќе оди реализацијата на проектот.

Може ли да ни се повтори сценариото со Кичево – Охрид? 

Морам да истакнам дека проблемите што ги имавме од Кичево-Охрид се дијаметрално  спротивни од концепцијата на  овој проект бидејќи таму е почнат проект со реализација на техничка документација од 2002, 2003, 2004 година кога се работела, а проектот почнува да се гради во 2013, односно од почетокот на проектирање до почетокот на градбата имате 10 години. Колку измени на терен, на трасата, моежеле да се случат за 10 години? За да потоа имаше и проблеми со косините, недоволно испроектирани косини, дополнување на преоктната документација, недоволно добри истраги и потоа влегува состојбата во којашто изведувачот или државата влегува во спорови заради тоа дека има лош проект, дека треба да се репроектира, да се дополни, и тука доаѓаме до сите застои. Овде е дијаметрално спротивно заради тоа што фазата на проектирање и градење ја делегираме на компанијата која што е изведувач и таа компанија може да започне веднаш со проектирање по фази и да влезе во реализација на проектот на терен. Така што, тоа е на некој начин во реално време. Тој проектира и веднаш излегува на терен гради. И не може да се случат некакви промени од испитувањата на терен до реализацијата на целиот проект.

Како ги коментирате тврдењата на опозицијата дека  проектот ќе чини 30 проценти повеќе од првично најавеното, над две милијарди евра? 

-Не сметам дека треба да нагаѓаме колку ќе чини проектот после четири, пет или шест години во зависност од тоа по која законска регулатива ќе работиме. Сметам дека треба да го почитуваме Законот што е донесен и дека во Договорот е предвидено да се работи согласно ФИДИК правилата. Во тие ФИДИК правила е утврдено наплаќање на средства и финансии кон изведувачот по утврдени количини на терен кога ќе се излезе, така што секоја количина ископана земја, асфалт, бетонирање и секоја друга постапка која што се води, проектирање ќе биде соодветно потврдено од надзорниот орган, од  пиајуединицата во ЈПДП и потоа платена, како што практично и на секој еден друг проект тоа е процедура на одобрување на финансиски средства. Согласно тој Договор за работа, согласно Законот и согласно Програмата ќе продолжиме да работиме со цел да ги реализираме проектите коишто се од стратешко значење и интерес на граѓаните и на државата.

Кои се вашите очекувања и прогнози за комплетирање на Коридорот 8, еве како прв од коридорите што и беше промовиран? 

-Јас очекувам конечно да се зафатиме сите со работа, да почнеме да работиме. Ова е проект којшто треба да остави белег и трага за граѓаните, за државата. Ова е проект не на Владата, не на една или две или три политички партии и коалиции, ова е проект на сите граѓани. Ова е проект којшто треба да биде поддржан од сите, бидејќи еве и опозицијата повторува дека тоа е проект којшто и тие го имаат предвидено и тие даваат поддршка за реализација на инфраструктурните проекти во државата. Токму поради тоа треба да се концентрираме на работа на терен, реализација на проектот. Убеден дека граѓаните ќе го препознаат како квалитетен и добар проект. Убеден сум дека и во наредниот период државата и во иднина ќе реализира проекти на ваков начин, не проекти коишто се проектираат во деведесеттите, се градат во 2010, а завршуваат со градба во 2020 или во 2025. Тоа е нешто за кое што не сум подготвен да разговарам бидејќи кога зборуваме на пример, еве за пругата кон Бугарија, колку години се гради? Пругата кон Бугарија од деведесеттата е почната. а имаме променето повеќе од три-четири изведувачи, повеќе пати постапки и пруга се уште немаме и тоа ли е моделот за којшто треба да зборуваме. Тоа е модел којшто треба веднаш јасно и гласно да кажеме -  ова се напушта бидејќи сме имале и се покажало дека имаме проблеми во реализацијата кога се работи за проекти од стратешки и национален интерес.

Го браните новиот модел,  очекувањата на јавноста се големи, и на бизнисот и на сите, да имаме побрза реализација на капиталните проекти, но што со еден од најгорливите - автопатот Кичево – Охрид?  Имаше препроектирања, одобрувања на нови инфраструктурни проекти, анекси на Договорот во неколку наврати и се уште немаме реален исход на терен за да се вози по таа делница. Премиерот најави дека на почетокот на следната година ќе се возиме по таа делница. Како е реално сега таму? 

-Да не се повторувам во делот на разликата или на тоа што не треба да влегуваме во такви процеси со такви стари проекти коишто ќе ни направат проблем во реализацијата, како што е проектот Кичево – Охрид. Но, важно е дека ние и како Влада денеска и во изминатите неколку години, знам јас и во Министерството службите и во ЈПДП колку само координација, колку само средби со 20-ина институции имаме остварено, со цел да ги расчистиме и решиме сите прашања и проблеми. Јас денеска можам да потврдам дека сите најголеми прашања, проблеми, инфраструктурни проекти се одобрени, на терен е завршена експропријацијата која што постојано се повторуваше, се јавуваше дополнителна експропријација со истата процедура како што ќе оди и оваа со овој проект. Целата експропријација е решена. Останува фронтот за работа на изведувачите каде што реално правиме голем притисок да ја завршат својата задача, а тоа е реализација - да вклучат повеќе механизација, повеќе луѓе на терен со цел да се заврши проектот бидејќи, пак ќе повторам, тоа е од исклучително значење и за Охрид и за Струга, но и за целиот регион и тоа е дел практично од Коридорот 8. Продолжуваме со максимален ангажман за реализација на проектот и запазување на роковите кон изведувачот.

Има ли пенали за изведувачот, што предвидува Договорот ако не ги запази роковите? 

-Во однос на Кичево – Охрид таму може на крајот да се случи да имаме арбитражна постапка во која што државата и изведувачот ќе докажуваат кој каде доцнел. Дали државата со проектната документација, со одредени постапки, изведувачот со одредени процедури во делот на градењето. На крај, тоа се арбитражни куќи коишто водат постапки и носат одлуки за тоа кој каде ги пропуштил роковите и процедурите. Но, како и да е, за нас, ние, токму поради тоа формиравме единица која што во Министерството работи исклучиво за решавање на сите овие прашања. Кога дојдов во Министерството имаше 70-ина инфраструктурни проекти и сите беа одобрени, потоа продолжи постапката во имотно-правни со експропријација, така што проблемите ги расчистивме, а од друга страна за работата останува на изведувачите да го завршат својот дел.

Кога може да очекуваме возење барем по дел од таа автопатска делница? 

Рокот е 31.12.2023 и секако очекувам компаниите, градежните компании, подизведувачите на терен да го дадат својот максимум и да вклучат максимално расположлива механизација и технички персонал со цел да се влезе во завршницата на овој проект. Тоа што го гледам на терен е големо засилување на градежните работи, и на делницата од Охрид кон Аеродромот Охрид кон клучката Подмоље, кај клучката веќе се гледа завршницата. Имаме уште една клучка кај аеродромот Охрид. Понатаму, имаме продолжување на градежните работи по целата траса и кон Кичево во реално потешкиот дел од теренот. Се работи на целиот дел од трасата. Сме овозможиле услови на компаниите и секако ќе информираме за целиот прогрес на работите, а наш врвен интерес е да се заврши во рокот како што е и зацртано согласно со Законот.

Што се случува со автопатот Скопје – Блаце, со подготвителните активности за втората фаза? 

-Првата фаза се работи. Морам да потенцирам, за втората фаза имаме техничка асистенција во делот на постапката за распишување на тендер која што е при самиот крај. Очекувам на средината на оваа година, така како што зборувавме и на претходните неколку настапи и на прашања во делот на Скопје – Блаце, дека некаде до мај - јуни, средината на оваа година, треба веќе да се направат последните подготовки за распишување на тендерот за втората делница што ќе се води согласно правилата на ЕБРД. Очекувам и таму кога ќе биде избран изведувач веднаш потоа согласно процедурите на банката да се влезе и таму со работа.

Минатата недела по пауза од една година повторно стартуваше лет со субвенции од државата. На повторениот повик што го спроведовте беа одобрени вкупно пет нови авиолинии. Меѓутоа, најавивте можности и за нов повик. Не сте задоволни од исходот на последниот повик, имавте поголеми очекувања? 

-Задоволен сум од повикот којшто веќе заврши. Имавме две компании коишто се јавија на повикот. Избравме пет нови линии коишто ги информиравме дека се избрани и јас сум сосема задоволен согласно очекувањата, согласно нашите анализи дека имаме дополнително нови можности за граѓаните, дополнително нови линии и дестинации во Европа. На пример, ако ја земам дестинацијата Љубљана каде што имаме традиционални врски со Словенија, имаме многу луѓе коишто исто така студираат таму, имаме релации на граѓани од Словенија коишто имаат овде бизнис контакти во Македонија и многу граѓани досега пристапувале за повторно обновување на оваа линија и ни е драго што еве ја понудија една од компаниите. Во однос на Луфтханза компанијата не информираше дека ќе започне со оперирање на линијата Скопје – Франкфурт без субвенции така што на наредниот повик, јас информирав веќе, дека ние можеме пред крајот на оваа година да распишеме и нов повик каде што ќе повикаме нови компании дополнително или оние коишто имаат интерес да се јават на дополнителна понуда кон граѓаните на Македонија со цел да се воспостават и нови дестинации и нови линии. Отворени сме за соработка со сите компании коишто сметаат дека може да влезат на пазарот на Македонија и сум убеден дека ќе има интерес за тоа.

Новинар: Лидија Велковска Фото: Дарко Попов Видео и монтажа: Андреј Бранковиќ

The post Бочварски се колне: Граѓаните ќе се уверат дека автопатите ќе се изградат appeared first on Република.

ВМРО-ДПМНЕ го анализира последното интервју на премеирот Димитар Ковачевски. Според нив, тоа е показна вежба како изгледаат лагите на власта.

Прво Ковачевски по објавените сомнежи за криминал упатуваше на тоа одговори за договорот да се побараат во американските власти, а СДС го обвини ВМРО-ДПМНЕ дека е против САД. Амбасадата на САД јавно се огради од договорот со Бехтел и Енка и прстот го посочи кон Ковачевски, добивајќи ладен туш, што е јасно дека Ковачевски манипулирал.

 

Втората лага беше тврдењето на Ковачевски дека: „најмалку 51% од работниците ќе бидат ангажирани од Македонија“. Откако ВМРО-ДПМНЕ објави документ каде јасно се гледа дека дури 70% од работниците ќе бидат странци, стана јасно дека Ковачевски повторно лажел и денес ретерира велејќи дека не мислел на бројот на работници, туку на компаниите. Што е уште една небулоза и лага.

 

Третата лага е новата инвестиција со која се фали Ковачевски. Јагео е присутна во Македонија преку Кемет електроникс, фирма ќерка која ја донесе ВМРО-ДПМНЕ, тоа не е нова инвестиција, туку проширување. Добро е што ќе се отворат нови работни места, но е жално што СДС по 6 годони власт уште нема нови инвестиции.

 

Четврта лага е дека договорот за Бехтел и Енка е тајна. Тој не смее да е тајна, но владата намерно не го објавува и го крие за да се сокрие криминалот.

 

Петта манипулација е што Ковачевски одбегнува да одговори зошто прифатил да плати дебели пенали и трошоци на Бехтел и Енка, а за возрат да ја зголеми работната недела. Зошто прифатил во земја со континентално право да се суспендира правниот систем и да важи англосаксонското право, како и да даде одговор зошто прифатил експропријацијата на легални објекти и дивоградби да биде по иста цена, и зошто за сите грешки при проектирањето на Бехтел и Енка трошоците ќе ги сноси државата, стои во анализата на интервјуто на премеирот.

На крајот, од опозициската партија заклучуваат дека од историска градба Ковачевски и Груби направија историска кражба од Коридорот 8.

The post Најмалку 5 лаги на Ковачевски во најновото интервју appeared first on Република.

Со огласот на Јавното претпријатие за државни патишта (ЈПДП) за вработување на 30-тина лица во новоформираната Проектна единица за спроведување на договорот за изградба на автопатите на коридорите 8 и 10 д, очигледно е дека Артан Груби формира ново министерство, кое за предизборни цели ќе располага со огромни средства за корупција, обвинуваат од Демократскиот сојуз.

Од партијата велат дека огласот за ангажирање на помошник координатор на проектот директно го заобиколува директорот на ЈПДП, а со тоа и Министерството за транспорт и врски кои се надлежни за изградба на автопатите.

Наместо нив, Артан Груби, кој е министер за политички систем и координатор за спроведување на договорот, кој го креираше како координатор на Комитетот за подготовка на договорот, директно ќе одлучува за ангажирање на лојални партиски кадри во Проектната единица, за легализација на дивоградби на теренот, за сеча на шуми и сл. и всушнот за исплата и распределба на финансиски средства од неколку стотини милиони евра, пишуваат од ДС.

Според партијата на Павле Трајанов, најновиот развој на настаните само ги зголемува сомнежите за коруптивноста на овој проект, кој, како што велат, власта ќе го злоупотреби со легализација на криминалот преку донесување на девет закони во скратена постапка.

The post Груби формира ново министерство за проектот „Бехтел и Енка“ appeared first on Република.

Законите за Коридорите кои СДС и ДУИ сакаат на брза лента да ги изгласаат го дерогираат правото и  стимулираат незаконие.Со законските измени кои ги предлагаат СДС и ДУИ се овозможува при изградбата на Коридорите да бидат обештетени и дивоградбите кои ќе се најдат на трасата, предупредуваат од ВМРО-ДПМНЕ.

Законските измени кои ги предлагаат СДС и ДУИ овозможуваат буквално да бидат легализирани дивоградби кои сега ќе бидат изградени, само со цел потоа да бидат обештетени.СДС и ДУИ стимулираат незаконие и овозможуваат расипничко трошење на народни пари во милионски износ.Со секој обид за своите незаконитости да се правдаат со Бехтел и Енка само покажува колку всушност се заглавени во калта, па незнаејќи како да излезат вмешуваат странски фирми.Самите СДС и ДУИ го минираат проектот за изградба на Коридорите 8 и 10д. И СДС и ДУИ со својата нетранспарентност го загрозуваат јавниот интерес, а тој е највисок, и не може да има повисок интерес, бидејќи граѓаните се тие кои го плаќаат проектот, и тие треба да знаат како се трошат нивните пари.

The post ДУИ и помалиот коалициски партнер СДСМ сакаат на брзина и „европски“ да ги изгласаат законите за коридорите appeared first on Република.

Од Демократски сојуз инсистираат да биде објавен Договорот за изградба на коридорите 8 и 10 д со „БЕХТЕЛ И ЕНКА“ и тој да биде предмет на стручна анализа и јавна расправа, особено што причина за законските измени се обврските вградени во договорот и прифатени од преговарачите и Владата.

Криењето на договорот од јавноста, експертите и од пратениците, само ги засилува сомнежите и веќе изнесените информации, дека тој овозможува коруптивни активности и претставува своевиден ГРАБЕЖ НА СТОЛЕТИЕТО.

 

Демократскиот сојуз ги повикува сите пратеници да отфрлат продолжение на расправата по законите во скратена постапка и да инсистираат за нив да се расправа во редовна и јавна дискусија, откако зад законите ќе застане Владата, а не група пратеници.

 

Доколку продолжи мајоризацијата на ДУИ и СДСМ, тогаш ќе предложиме имплементацијата на договорот да се одложи преку измена на Законот за утврдување на јавен интерес и номинирање на стратешки партнер за изградба на автопатите на коридорите 8 и 10 д.

 

Доколку и натаму главна улога има Артан Груби, претходно како координатор на Комитетот за преговори при склучување на договорот со „БЕХТЕЛ и ЕНКА“, а сега како Координатор за спроведување на договорот, кој тврди дека договорот е „тајна и никогаш нема да се објави“, можно е да останеме и без пари и без автопати, се наведува во соопштението на Демократски сојуз.

Оттаму додаваат дека досега проценетата вредност на овој проект е една милијарда и шестотини милиони евра (1,6 милијарди евра), но според проценките на експертите и поради лабавите клаузули во Договорот, можно е сумата да достигне и до 2 милијарди евра.

The post Демократски сојуз бара да се објави договорот со „Бехтел и Енка“ за да се спречи грабеж на столетието appeared first on Република.

Груби и Ковачевски го кријат договорот за изградбата на коридорите, затоа што тој договор ќе ја покаже целата нивна неодговорност како власт кон народните пари, велат од ВМРО-ДПМНЕ, додавајќи дека „ова криминално дуо прифатило договор по непостоечки закони и прифатило обврски дека тие закони ќе ги измени, а доколку тоа не се случи во одреден рок тогаш тоа веднаш повлекува исплата 53 милиони евра буџетски средства како дополнителни трошоци, што би рекла Владата како ублажена форма на пенали“.

Обврската која ја презеле во име на Собранието е да го изменат законот за работни односи и да дозволат 60 часовна работна недела. Патем Уставниот суд ваквото нешто го прогласил за неуставно со одлука од јули 2022 година. Токму таа одлука на Уставниот суд е основа за кривичен прогон на Артан Груби, Димитар Ковачевски и осстанатите кои 8 месеци подоцна склучиле штетен договор кој значи дополнителни трошоци, или казнени пенали од вкупна вредност околу 200 милиони евра во времетраењето на изградбата на коридорите.

Освен тоа самата изјава на Груби дека ако не сакаат наши работници ќе бидат донесени странци да работат 60 часа, не само што значи навреда на сопствените граѓани, значи и непочитување на одлука на Уставниот суд, што само по себе е дело за санкционирање.

Крими тандемот Ковачевски-Груби е до гуша во кал. Затоа се нервозни, затоа се препелкаат, затоа бегаат од одговори и затоа го кријат договорот. Не може да има вакви тајни договори кога се работи за народни пари.

Ковачевски и Груби дебело загазија и за ова дебело ќе одговараат, велат од партијата.

The post Одлуката на Уставниот суд од јули 2022 е основа за кривичен прогон на Груби и Ковачевски appeared first on Република.

Премиерот Димитар Ковачевски и првиот вицепремиер Артан Груби не успеаја да се координираат околу тоа дали скандалозниот договор кој нивната Влада го потпиша со „Бехтел и Енка“ е државна тајна или не, но и двајцата знаат едно - македонската јавност не смее да го види.

За ова коментира и поранешниот министер Џевдет Хајредини, кој вели дека „секогаш договорите на крадците биле тајни“.

„Груби: Договорот е државна тајна! Тоа не е ништо чудно.“ Не може и не треба да биде државна тајна нешто што го знае некој како Груби, вели тој.

The post Хајредини: Не може и не треба да биде државна тајна нешто што го знае некој како Груби appeared first on Република.

Лидерот на ВМРО-ДПМНЕ Христијан Мицкоски го повика претседателот на државата Стево Пендаровски да не ги потпишува законите поврзани со изградбата на коридорите 8 и 10д кои се во собраниска процедура.

Мицкоски денеска во одговор на новинарски прашања рече дека она што загрижува е тоа што целиот процес околу изградбата на коридорите се одвива нетранспарентно и јавноста нема увид во договорот.

Сега излегуваат со некакви соопштенија каде што велат дека не се плаќаат пенали, туку биле дополнителни трошоци. Човек да не може да се изначуди на нивната глупост на отворена сцена. Затоа го имаме Пендаровски кој во улога на аналитичар се служи со народни мудрости, наместо да каже што ќе преземе. Јас го повикувам да не се крие позади Собранието и да излезе да се одважи и тие законски решенија кои ќе дојдат кај него да не ги потпише. Да не го суспендираме правиот поредок во државата и Уставот и еднаш во овие пет години како претседател да одработи во интерес на граѓаните и државата, изјави Мицкоски при денешната посета на општина Аеродром.

Во однос на ставот на Владата за продолжување на работните часови од 40 на 60 часа, Мицкоски рече дека вчерашниот владин одговор не заслужува никаков коментар, но посочи дека тоа е кривично дело.

Тоа што тие го кажуваа вчера не заслужува буквално никаков кометар, но сакам уште еднаш да ги предупредам, дека свесно ја ставаат државата во подредена положба. Тоа е кривично дело и ќе повторам за ова кривично дело од првиот до последниот ќе одговараат, изјави Мицкоски.

Осврнувајќи се на вчерашната изјава на претседателот на државата дали ќе се кандидира на следните претседателски избори, Мицкоски рече дека Пендаровски со неговите изјави не престанува да се нуди на владејачката коалиција СДСМ и ДУИ мислејќи дека ќе биде повторно претседателски кандидат.

Морам да го разочарам дека тој е најпосакуваниот противник за опозицијата на следните претседателски избори бидејќи сигурно ќе доживее дебакл од граѓаните и ќе изгуби, така што сите овие гимнастики и салта на отворена сцена не му доликуваат бидејќи сепак некакво портфолио на политичката сцена и треба достоинствено уште овие неколку месеци да ги одработи и да замине во историјата како еден лош пример како треба еден претседател да се однесува на една држава, рече Мицкоски.

Претседателот Пендаровски вчера за централниот дневник на телевизија „Сител“ изјави дека ќе ги чека финалните верзии на пакетот закони пред да одлучи дали ќе ги потпише указите.

The post Мицкоски го повика Пендаровски да не ги потпишува законите поврзани со изградбата на коридорите 8 и 10д appeared first on Република.

Премиерот Димитар Ковачевски денеска изјави дека е лага и ширење невистини тоа што го кажува потпретседателот на ВМРО-ДПМНЕ, Александар Николоски во врска со Договорот за коридорите 8 и 10 д со конзорциумот „Бехтел и Енка“.

Ковачевски уште еднаш ги повика владите на САД и на Турција да кажат дали во изминатите две години, откако се подготвува овој проект, некој од нашата држава од нив или од нивни компании, побарал нешто.

https://republika.mk/vesti/makedonija/duri-i-da-se-donese-zakonot-posle-45-dena-sumata-od-53-milioni-evra-ke-se-plati/

Според премиерот, ВМРО-ДПМНЕ повторно потврди дека единствено знае да шири хистерија и лаги и да го блокира Собранието. Тоа го правеше, нагласи, со сите битни законски решенија и со сите големи инфраструктурни проекти.

Тоа што го кажува потпретседателот на ВМРО-ДПМНЕ е една обична лага и ширење невистини, како што прават неговите колеги и неговиот претседател кој цел ден само се заканува и ништо не работи. Договорот со „Бехтел и Енка“ е јавно потпишан врз основа на посебен Закон, одобрен во Собранието од сите пратеници. Ги има поминато сите законски процедури за склучување. Договорот во над 400 страници ги дефинира условите за изградба на автопатот. Има и измени на неколку закони за обезбедување услови за забрзување на постапката за изградба на овие две големи делници. Намерата е да се изгради модерен автопат за пет години, со сума соодветна за таков проект. Пратениците имаат можност да ги одобрат тие одредби според процедурите. Сите други одредби во законот се согласно специјалниот закон што е донесен, рече Ковачевски.

https://republika.mk/vesti/makedonija/grubi-javnosta-nema-da-go-vidi-dogovorot-so-bektel-i-enka-bidejki-e-klasifitsiran/

Во врска со наводното зголемување на работната недела од 40 на 60 часа, тој повторно кажа дека се работи за законска измена што се однесува само на ваков стратешки проект од национален интерес, а интенцијата е, на секој работник кој ќе сака да работи повеќе од законски пропишаното, доброволно, да му биде платен секој прекувремен час и да добие 50 отсто поголема дневница во недела.

Со тоа ќе останат повеќе пари во државата, ќе се забрза изградбата на коридорите и ќе се намали сумата на чинење на проектот. Останува на пратениците тоа да го разгледаат, рече Ковачевски.

https://republika.mk/vesti/makedonija/nikoj-ne-ve-tera-so-sila-ako-nema-rabotnitsi-shto-ke-rabotat-60-chasa-nedelno-ke-uvezeme-so-stranstvo-poracha-grubi/

Премиерот соопшти и дека денеска министерот за транспорт и врски и претседателот на Управувачкиот комитет за коридорите 8 и 10д ќе имаат брифинг со медиумите, на кој ќе може да се информираат за сите детали и прашања околу овој проект.

Сите лаги што ги кажува ВМРО-ДПМНЕ ќе се демантираат. Единствено што гледаме секое утро се лаги, невистини и хистерија кои ги шири опозицијата. Се што кажаа досега, излажаа. Прво, за нашиот пат во ЕУ рекоа дека ќе сме го изгубеле македонскит јазик, лажеа, потоа зборуваа дека ќе сме биле асимилирани, помина скоро цела година од прифаќање на европскиот предлог, но ние сме Македонци и таа лага падна во вода. Сега мора да измислат нова лага за да избегаат од најголемата лага - изборот на градоначалник на Скопје. ВМРО-ДПМНЕ кандидираше градоначалник, две години од мандатот поминуваат, ниту еден проект немаат направено, се што беше претходно почнато, е заглавено. Погледнете ги проектите за 11 години на ВМРО-ДПМНЕ, на пример автопатот Кичево - Охрид, почнат беше во 2013 година со погрешена траса и неколку години требаше да се менува целиот проект. Тие така работат што точно се гледа од судските случаи кои ги имаат. Дали некој зел нешто, така размислуваат, истакна Ковачевски.

ВМРО-ДПМНЕ, подвлече премиерот, нема учествувано во ниту една државотворна одлука на земјава - членството во НАТО, Договорот со Грција, почетокот на преговорите со ЕУ со заштитен македонски јазик и идентитет, европскиот предлог, Договорот со ФРОНТЕКС.

The post Ковачевски вели дека сè што кажал Николоски е лага, а потоа потврдува дека се спремаат законски измени appeared first on Република.

Објаснувајќи ги измените на Законот за работни односи на новинарски брифинг за контроверзниот договор кој Владата го постигна со „Бехтел и Енка“, пвиот вицепремиерот Артан Груби убедуваше дека е неопходно да се донесат законските измени со цел коридорите да бидат изградени и поевтино и побрзо.

Ние сакаме проектот да чини поевтино и да се изгради побрзо. Во спротивно ќе чини и повеќе и ќе се гради повеќе време, вели Груби.

На прашањето како според новиот закон работниците ќе работат 60 часови кога тоа е противуставно Груби вели дека секаде има заклучоци.

Ако нема доволно работна сила ќе се увезува од странство. Никој не ги тера со сила, предупреди Груби.

Претходно Груби потврди дека јавноста нема да го види договорот, за кој протекоа скандалозни детали, бидејќи е „класифициран и во него има деловни тајни“

https://republika.mk/vesti/makedonija/grubi-javnosta-nema-da-go-vidi-dogovorot-so-bektel-i-enka-bidejki-e-klasifitsiran/

The post Никој не ве тера со сила, ако нема работници што ќе работат 60 часа неделно ќе увеземе со странство, порача Груби appeared first on Република.

Вицеремиерот Артан Груби на новинарски брифинг, на кој одговараше прашања за изградбата на коридорите 8 и 10д, рече дека јавноста нема да го види контроверзниот договор со „Бехтел и Енка“, бидејќи е „класифициран и во него има деловни тајни“.

Компанијата исто така не дозволува да биде објавен. Единствен кој го има договорот е Јавното обвинителство.

Тоа е секаде каде што гради овој конзорциум. Така беше и во Србија и на Блискиот исток. Тоа не е ништо чудно, рече Груби на брифингот со новинарите.

Координаторот на проектот објасни дека без да се донесат законските решенија проектот ќе чини повеќе, а ако се донесат ќе чинат помалку.

Проектотот треба да заврши за 4 години и 7 месеци. Тоа е единствената разлика, објасни Груби.

The post Груби: Јавноста нема да го види договорот со „Бектел и Енка“ бидејќи е класифициран appeared first on Република.

Mинистерот за транспорт и врски Благој Бочварски денеска во просториите на Министерството за транспорт и врски оствари работна средба со претставниците на Сојуз на синдикати на Македонија и претставници од Здруженито на градежништвото индустријата на градежни материјали и неметалите.

На средбата се разговарало за пакетот законски измени кои се опфатени за изградба на Коридорите 8 и 10-Д, посебно во делот на надлежностите на Министерството за транспорт и врски, односно Законот за градење и Законот за урбанистичко планирање.

Како што соопштија од Министерството за транспорт и врски, Бочварски го потенцирал проектот за доизградба на Коридорот 8 и Коридорот 10-Д како „најзначаен инфраструктурен капитален проект со стратешко значење, на кој се посветува огромно внимание и посочи дека претставува огромна можност домашната градежната оператива да биде вклучена во неговата реализација“.

Министерот побара целосна поддршка од градежните комори се со цел брза, навремена и ефикасна изградба на автопатските делници на споменатите коридори, се наведува во соопштението.

Од Здружение на градежништвото индустријата на градежни материјали и неметалите истакнале дека „ги препознаваат предностите на измените на Законот за градење и Законот за урбанистичко планирање, како и Законот за експропријација, со можност постапките да се применуваат и врз другите капитални проекти“.

На средбата се отворило и прашањето за Законот за работни односи и неговата примена во проектот за изградба на автопатските делници на Коридорите 8 и 10, при што се разгледале неколку опции и Министерството и ССМ се согласиле на нова средба со конкретни предлози по празниците.

The post Бочварски се сретна со ССМ, ги кажал плановите за измените на Законот за работни односи appeared first on Република.

Потпретсетелот на ВМРО-ДПМНЕ Александар Николоски открива нови детали од договорот на Владата со „Бехтел и Енка“, кој не се дава на увид на јавноста:

https://republika.mk/vesti/makedonija/vmro-dpmne-bara-javnosta-da-go-vidi-dogovorot-so-bektel-i-enka-za-izgrdba-na-koridorite/

Откако Владата ги потврди моите наводи дека доколку не се воведе 60 часовна работна недела Македонија ќе плаќа огромни пенали или „дополнителни трошоци за изведба“ како што ги нарекува Владата, би сакал со јавноста да го споделам документот во кој се наведени пеналите/трошоците кои ќе ги платат сите граѓани:

- минимум 53 милиони евра еднократно

- 2 165 000 евра секој месец!

Тоа што сакам да го обелоденам е дека согласно истиот договор Македонија ќе ги плати овие пари доколку законот за 60 часовна работна недела не се донесе во рок од 45 ДЕНА по потпишување на договорот со Бехтел и Енка!

Исто така пишува дека дури и да се донесе законот после овие 45 дена сумата од 53 милиони евра ЌЕ СЕ ПЛАТИ!

Договорот Влада - Бехтел и Енка беше потпишан на 8ми Март, а 45 дена поминуваат на 22ри Април! Тоа значи дека на 23ти Април сите граѓани на Македонија ЗА НИШТО ќе треба да платат 53 МИЛИОНИ ЕВРА!

Ова не е само основ за ОСТАВКА на Ковачевски и Груби, туку и за сериозни кривични пријави, кои ако не ги добијат сега по промената на власта и формирањето на Влада предводена од ВМРО-ДПМНЕ не им бегаат!

The post Дури и да биде донесен законот по 45 дена, сумата од 53 милиони евра ќе се плати! appeared first on Република.

„Плусинфо“ ги објави од најважните делови од Договорот за Коридорот 8 (Гостивар – Букојчани и Требеништа – Струга – делницата на експресниот пат Ќафасан) и Коридорот 10 (експресниот пат Прилеп – Битола).

Судејќи според бројките на дното на секоја страница, станува збор за обемен материјал од вкупно 438 страници, кој ги дефинира сите детали од Договорот помеѓу нашата држава, која во случајов се јавува како Работодавец и конзорциумот „Бехтел и Енка“, кој е во ролјата на Контрактор.

На страницата 427 од документот Schedule 18, станува збор за тоа какви пенали ќе му плати Работодавецот на Контракторот, во случај да не обезбеди 60-работна недела за неговиот персонал, во рок од 45 дена од потпишувањето на Договорот.

Целата сторија на „Плусинфо“

The post Што потпишала Владата: 53 милиони евра казна ако Македонија не обезбеди 60 часовна работна недела за Бехтел appeared first on Република.