Почетокот на финалето на Копа Америка помеѓу Аргентина и Колумбија беше одложен поради стампедо на стадионот „Хард Рок“ во Мајами (САД), каде требаше да се игра натпреварот.

Во близина на арената се собраа голем број навивачи кои немаа билети за натпреварот. Навивачите се обиделе да упаднат на трибините без билети, но полицијата ги спречила насилниците и го блокирала влезот на стадионот.

https://republika.mk/sport/fudbal/argentina-pobednik-na-kopa-amerika/

Поради ова беше одложен почетокот на натпреварот. Првично, натпреварот, кој требаше да започне во 2 часот по македонско време, беше одложен за половина час, потоа за еден час, а потоа и за 1 час и 20 минути.

Финалето на турнирот започна во 3:20 часот по македонско време.

Репрезентацијата на Аргентина ја победи Колумбија и по 15.пат го освои трофејот на Копа Америка.

The post Стампедо во Мајами на финалето на Копа Америка appeared first on Република.

 Репрезентацијата на Аргентина рано утрово ја совлада Колумбија со 1:0 во финалето на Копа Америка 2024 година.

Основните 90 минути завршија нерешено, 0:0. Стрелец на единствениот гол беше Лаутаро Мартинез во 112. минута по асистенцијата на Џовани Ло Селсо. Двајцата играчи влегоа на теренот во продолженијата.

Турнирот се одржа во САД.

Претходно, во мечот за третото место, селекцијата на Уругвај ја победи Канада (2:2, 4:3 пенали).

Репрезентацијата на Аргентина по 16-ти пат ја освои Копа Америка и стана рекордер на турнирот, надминувајќи го Уругвај, кој има 15 трофеи. Бразил е трет со девет титули.

The post Aргентина победник на Копа Америка appeared first on Република.

По последниот судиски свиреж во полуфиналниот натпревар од Копа Америка меѓу Уругвај и Колумбија (0:1), дојде до тепачка меѓу играчите.

https://republika.mk/sport/fudbal/kopa-amerika-kolumbija-go-pobedi-urugvaj-i-ke-igra-finale-so-argentina/

Судирот меѓу играчите предизвика немир на трибините, поради што уругвајските фудбалери Роналд Араухо и Дарвин Нуњез се степаа со колумбиските навивачи.

Колумбија ќе се соочи со Аргентина во финалето на Копа Америка. Натпреварот ќе се одигра на 15 јули.

The post Урувајски играчи се степаа со колумбиски навивачи appeared first on Република.

Капитенот на аргентинската фудбалска репрезентација Лионел Меси ги сподели своите емоции откако се пласираа во финалето на Копа Америка 2024.

Во полуфиналето на турнирот кој се игра во САД, Аргентинците ноќеска ја победија репрезентацијата на Канада со резултат 2:0. Средбата се одржа на стадионот Медоулендс во Ист Радерфорд.

- Ова што репрезентацијата на Аргентина го направи и продолжува да го прави е лудо. Импресивно е што репрезентацијата и нејзината стара гарда стигнаа до уште едно финале. Овој Куп на Америка е исклучително тежок, огромно натпреварување, лоши терени, интензивна жештина, изјави Меси за „ESPN“.

Меси беше прогласен за најдобар играч на полуфиналниот натпревар од Купот на Америка помеѓу Аргентина и Канада. Триесет и седумгодишниот напаѓач постигна гол на овој натпревар во 51. минута.

Противник на Аргентина во мечот за трофејот ќе биде поуспешниот од дуелот Уругвај – Колумбија (почеток 2 часот по полноќ).

The post Меси: Oва што го правиме на Копа Америка е лудо appeared first on Република.

Репрезентацијата на Аргентина ноќеска ја победи селекцијата на Канада со 2:0 во полуфиналето на Купот на Америка.

Средбата се одржа на стадионот „Медоулендс“ во Ист Радерфорд (САД).

Во 22. минута Јулијан Алварез го отвори резултатот. Неговиот гол беше единствен во првото полувреме. На почетокот на вториот дел Лионел Меси го удвои водството на Аргентинците и го постави конечниот резултат.

Вториот финалист ќе биде одреден по натпреварот меѓу репрезентациите на Уругвај и на Колумбија (почеток 2 часот по полноќ).

Финалето ќе се игра на 15 јули во Мајами.

The post Аргентина во финалето на Копа Америка appeared first on Република.

Селекторот на аргентинската фудбалска репрезентација Лионел Скалони изјави дека верува оти неговиот тим може да ја одбрани титулата на Копа Америка, пренесуваат американските медиуми.

Фудбалерите на Аргентина во среда ќе играат против Канада во полуфиналето на Купот на Америка. Репрезентацијата на Аргентина ја брани титулата, откако во финалето на ова натпреварување во 2021 година во Рио де Жанеиро го совлада Бразил со 1:0.

„Целта на овие турнири е секогаш да одиме до крај. Веќе го завршивме првиот дел, се надевам дека ќе стигнеме до финалето, а потоа и до титулата“, рече Скалони на прес-конференцијата.

The post Селекторот на Аргентина верува дека може да дојдат до титулата на Копа Америка appeared first on Република.

Бразилската фудбалска федерација нема намера да го смени селекторот Доривал Жуниор по елиминацијата на националниот тим во четвртфиналето на Копа Америка.

Првиот човек на бразилскиот фудбал Едналдо Родригез најави во изјава за ЕСПН дека Доривал ќе остане на селекторската клупа до Светското првенство во 2026 година.

Бразил во саботата вечер загуби од селекцијата на Уругвај на пенали 2-4 во четвртфиналето на Купот на Америка.

„Целта на Копа Америка беше да се обнови тимот, тоа беше важен период бидејќи тренерот и играчите можеа да комуницираат еден со друг одредено време“, рече Родригез.

„Обично камповите за обука не траат долго, но сега тренерот можеше да види многу и да донесе заклучоци. За два месеци повторно ќе имаме квалификациски натпревари; целта на проектот е да продолжиме со соработката, да го направиме тимот посилен и да работиме за заедничката кауза Целта се натпреварите на есен, за тоа е свесен и стручниот штаб“, додаде Родригез.

Во квалификациите за СП 2026, Бразил е на шестото место со седум бодови по шест кола. Во септември Бразил ќе биде домаќин на Еквадор и ќе гостува во Парагвај

The post Бразил нема да го отпушти селекторот и покрај елиминацијата од Копа Америка appeared first on Република.

Селекторот на Аргентина, Лионел Скалони сѐ уште се сомнева во учеството на капитенот на тимот Лионел Меси во четвртфиналниот натпревар на Копа Америка против Еквадор.

Ќе почекаме неколку часа и ќе донесеме одлука врз основа на неговата состојба. Ќе се обидеме да го натераме да игра, но доколку тоа не се случи, ќе го бараме најдоброто решение за тимот. Денеска ќе разговарам со него. Мислам дека е фер тој да одвои време и да тренира колку што може, изјави Скалони за „Ројтерс“.

Триесет и седумгодишниот Меси кој се здоби со повреда на десната тетива против Чиле, не играше на последниот натпревар од групната фаза против Перу.

Натпреварот меѓу Аргентина и Еквадор ќе се одигра утре, 5 јули, во 3 часот по македонско време.

The post Неизвесно учеството на Меси во четврт-финалето на Копа Америка appeared first on Република.

Лионел Меси забележа уште едно достигнување во својата блескава кариера, соборувајќи го рекордот за најмногу настапи на Копа Америка, учествувајќи на турнирот по 35-ти пат. Бранителот на титулата Аргентина го започна овогодинешното издание на натпреварувањето со победата од 2:0 над Канада во првиот натпревар од групата А.

Триесет и шест-годишниот Меси дебитираше за Копа Америка во 2007 година на 20 години, а во 2021 година триумфираше со титулата. Тој е најдобар стрелец на сите времиња во Аргентина и играч со најмногу настапи за националниот тим.

Меси досега има запишано 13 гола и 17 асистенции во завршницата на Копа Америка.

Натпреварот против Канада во Атланта (САД) беше неизвесен, но светскиот шампион Аргентина доминираше во поголемиот дел од времето и заслужено победи.

Двата гола на натпреварот пристигнаа во вториот дел. Хулијан Алварез го отвори резултатот во 49. минута по додавањето на Алексис Мекалистер, а Лаутаро Мартинез зголеми на 2:0 во 88. минута по асистенција на Лионел Меси.

Самиот Меси имаше две одлични прилики за гол, но тие не беа реализирани.

Во почетниот состав на Аргентина имаше осум играчи кои беа дел од стартните единаесет за финалето на Светското првенство во 2022 година против Франција.

-Знаевме дека ќе биде тежок натпревар. Канада е тежок противник и натпреварот беше многу силен физички. Во првото полувреме имаше малку простори, но по паузата се снајдовме подобро, го прокоментира Меси дуелот.

Во групата „А“ се и Чиле и Перу. Во следниот натпревар Аргентина ќе се соочи со Чиле на 26 јуни.

Копа Америка се одржува во САД и ќе трае до 15 јули. Во него учествуваат 16 екипи поделени во четири групи. Двете првопласирани селекции од секоја група ќе се пласираат во елиминациите

The post Копа Америка во сенка на ЕП: Прва победа за Меси и Аргентина appeared first on Република.

Селекторот на аргентинската фудбалска репрезентација, Лионел Скалони, го објави конечниот список со 26 играчи за Копа Америка.

Светскиот шампион Аргентина повторно ќе биде предводен од Лионел Меси и Анхел Ди Марија, кој најави дека ќе се повлече од националниот тим по турнирот, кој почнува во САД на 20 јуни.

Во аргентинскиот состав од прелиминарниот проширен список ги нема Анхел Кореа, Валентин Барко и Леонардо Балерди.

Репрезентацијата на Аргентина е во групата „А“ заедно со Канада, со која ќе игра на отворањето во Аталанта, потоа Чиле во Њу Џерси и Перу во Мајами.

The post Меси ќе ја предводи Аргентина на Копа Америка appeared first on Република.

Следното издание на Копа Америка ќе се одржи во 2024 година во САД, во заедничко соопштение објавија Јужноамериканската и Северноамериканската фудбалска федерација, КОНМЕБОЛ и КОНКАКАФ.

Договорено е да настапат сите 10 јужноамерикански репрезентации, како и шест најдобри селекции од Cеверна и Централна Америка.

Ова ќе биде втор пат натпреварувањето на кое низ историјата најчесто настапуваа јужноамериканските репрезентации да се одржи во САД, кои беа домаќини во 2016 година, на вонредното издание на Копа Америка по повод 100 години од првото издание.

САД, заедно со Канада и Мексико, ќе биде домаќин и на Светското првенство во фудбал во 2026 година.

The post САД ќе биде домаќин на Копа Америка 2024 appeared first on Република.