Претседателот на ВМРО-ДПМНЕ, Христијан Мицкоски заедно со  потпретседателот на партијата, Тимчо Муцунски и партискиот секретар за меѓународна соработка Стефан Андоновски денеска се сретнаа со Даниел Браун, директор на фондацијата Конрад Аденауер (КАС) во Македонија.

На средбата на претседателот Мицкоски со директорот на фондацијата Конрад Аденауер, Браун беше реафирмирана одличната соработка помеѓу партијата и германската фондација.

Претседателот Мицкоски и директорот на фондацијата во Македонија, Браун разговараа за програмата и проектите кои се планирани да се претстават пред граѓаните на претстојните избори во Македонија.

На средбата помеѓу претседателот Мицкоски, потпретседателот Муцунски и секретарот за меѓународна соработка Андовски стана збор и за општата политичко-економска состојба во Македонија.

The post Мицкоски-Браун: Реафирмирана одличната соработка меѓу ВМРО-ДПМНЕ и фондацијата Конрад Аденауер, разговарано за проектите за претстојните избори appeared first on Република.

Истражувачкиот центар на ВМРО-ДПМНЕ „Љубиша Георгиевски“ и Фондацијата „Конрад Аденуер“ организираат тридневна академија наменета за активисти од ВМРО-ДПМНЕ на локално ниво, насловена „Важноста на ефективната комуникација во градењето успех“.

Центарот за комуникации на ВМРО-ДПМНЕ соопшти дека тренинг-семинарот го отворил претседателот на партијата Христијан Мицкоски кој ја истакнал важноста на транспарентната и отворена и отчетна комуникација со граѓаните во време на кампања, но и по преземањето на одговорноста да се води државата.

Со учеството во политичкиот живот, вие повеќе не сте само граѓанин, туку имате одговорност да ја претставувате на најдобар можен начин ВМРО-ДПМНЕ и сите граѓани. Затоа, таа комуникација мора да биде сериозна, посветена и достоинствена. Граѓаните заслужуваат политичари кои вистински се грижат за државата, нагласил Мицкоски.

На отворањето се обратиле и Даниел Браун, официјален претставник на Фондацијата „Конрад Аденауер“ во државава, и Гринтер Крихбаум, пратеник во германскиот Бундестаг и портпарол на ЦДУ.

Во  поздравното обраќање Даниел Браун истакнал дека професионалниот и позитивен настап е од големо значење за една политичка партија на сите нивоа.

Локалното ниво е првата визит-карта на една партија за да ги убеди граѓаните во нејзината суштинска и лична компетентност во политичкото работење. ВМРО-ДПМНЕ е партија со силни корени во градовите и општините. Важно е истите да се зајакнат и понатаму да се развиваат овие вештини и способности, бидејќи довербата на граѓаните секогаш одново треба да се придобие, истакнал Браун.

Според пратеникот од ЦДУ Гинтер Крихбаум, политиката е најуспешна кога е најблиску до граѓаните, на локално ниво.

Тој истакна дека се надева дека и ВМРО-ДПМНЕ како членка на Европската народна партија ќе има можност наскоро да учествува на изборите за Европскиот парламент, жалејќи поради билатерални разлики во минатото, што го одолговлечиле процесот на приклучување на земјата во ЕУ. Охрабрувајќи ги учесниците да продолжат со следните чекори во правец кон Европа, при што цврсто можат да сметаат на поддршката на пратеничката група на ЦДУ/ЦСУ во Бундестагот, но особено на ЦДУ како партија, информира ВМРО-ДПМНЕ

Од партијата соопштија дека тридневниот настан ќе се осврне на теми како што се улогата на општинските комитети во ефективната комуникација со граѓаните, комуникација и соработка со општинските комитети во рамки на изборните единици и ефикасни модели на односи со јавноста, етичност во комуницирањето, односите со медиумите, социјалните медиуми и нивната употреба за ефикасна комуникација со различни целни групи, како и стратешко позиционирање.

The post ВМРО-ДПМНЕ и Фондацијата „Конрад Аденауер“ на политичка академија во Крушево appeared first on Република.

Претседателот на ВМРО-ДПМНЕ Христијан Мицкоски, заедно со потпретседателот Тимчо Муцунски, оствари средба официјалниот претставник на Фондацијата Конрад Аденауер (КАС) во Македонија, Даниел Браун.

На средбата се разговарало за актуелната политичка и економска состојба во државата, како и за претстојните претседателски и парламентарни избори.

Мицкоски потенцирал дека во Македонија, власта е извор на високата корупција и криминал, практично да нема ден во кој не излегува афера поврзана со лица од власта.

Воедно, Мицкоски укажал на катастрофалната економска состојба во државата, огромната сиромаштија која постојано расте, како и на тоа дека актуелната власт не е способна да се справи со кризата, туку напротив нејзините политики ја продлабочуваат кризата, а за истото сведочи и последниот извештај на Светската банка за земјава.

На средбата е истакната одличната соработка на ВМРО-ДПМНЕ и КАС, при што бил посочен големиот придонес што Фондацијата го дава преку бројните обуки и помош за партијата како и тоа дека соработката продолжува и понатаму.

Воедно била нагласена и поддршката и соработката која ВМРО-ДПМНЕ ја има со германската сестринска партија ЦДУ.

The post Мицкоски на средба со Даниел Браун: Oдлична соработка помеѓу ВМРО-ДПМНЕ и фондацијата Конрад Аденауер appeared first on Република.

Најпрво да се заблагодарам Конрад Аденауер Фондацијата која што е уште еднаш потврдува дека е партнер на ВМРО-ДПМНЕ, на општините каде што ВМРО-ДПМНЕ и коалицијата имаат свои градоначалници, ова денеска преку изјава за медиумите го истакна претседателот на ВМРО-ДПМНЕ, Христијан Мицкоски.

За нас претставува исклучителна можност и исклучителна чест што континуирано имаме можност да соработуваме заедно со луѓето кои што се дел од Конрад Аденауер Фондацијата овде во Македонија. Јас им благодарам на Даниел, на Давор на останатите, но и на оние кои што се во пријателска Германија кои што овозможуваат дел од своето искуство каде што таму се дел од своите градоначалници, од различна област, тоа искуство го пренесат и до градоначалниците кои што на минатите локални избори беа избрани од редот на ВМРО-ДПМНЕ и коалицијата. Овие настани претставуваат одлична можност да видиме до каде сме, да научиме нешто и од тоа што ќе научиме да можеме да го примениме и да го адаптираме на спецификите кои што ги има Македонија и општините во Македонија, вели Мицкоски.

Тој додава дека така што јас ќе ги охрабрам учесниците на овој викенд настан да се фокусираат на тоа што ќе го слушнат од соговорниците кои што ќе бидат вклучени директно и ќе пренесат дел од своите искуства. Но, и да меѓу себе споделат дел од искуствата на овие први 5 – 6 месеци кои што ги затекнаа во општините каде што се градоначалници, бидејќи навистина ситуацијата која што ја затекнаа во општините не беше би рекол идеална, напротив беше многу лоша. Со макотрпни напори, со надчовечки напорит, со макотрпна работа истите тие градоначалници кои што ги гледате овдека во просторијата, успеаја некако да ги стабилизираат општините и да повеќето отпочнат со реализација на проектите кои што се дел од програмата на новите градоначалници кои што ги презентираа за време на кампањата, пред кампањата и кампањата на овие локални избори.

И ценам дека тоа се луѓе кои што треба да ја покажат разликата помеѓу ВМРО-ДПМНЕ и коалицијата, и коалицијата кој што е на власт помеѓу СДСМ и ДУИ. Така што уште еднаш сакам да се заблагодарам на Даниел, на луѓето од Конрад Аденауер Фондацијата за можноста и да посакам успешен викенд и нормално што повеќе искуство да бидат корисни и истите тие да ги пренесеме овде во општините во нашата држава, рече Мицкоски.

https://www.youtube.com/watch?v=ydlpLW68yUE

The post За нас претставува исклучителна можност и чест што соработуваме со луѓето кои што се дел од Конрад Аденауер Фондацијата овде во Македонија, рече Мицкоски appeared first on Република.