Со традиции и благослови, крушевчани вечерва официјално ги пречекаа коњаниците од повеќе градови и места од земјава пред столбот на Републиката во центарот на Крушево кај црквата Свети Никола.

Годинава по врвиците на востаниците во Илинденско Крушево пристигнаа повеќе од 150 коњаници од целата држава.

Коњаниците ги пречека градоначалникот на Крушево и претседател на Манифестацијата „10 дена Крушевска Република“, Томе Христовски посакувајќи им добредојде и да е вековит големиот Илинден.

Меѓу пристигнатите се и коњаниците кои тргнаа кон Крушево од Аеродром.

Во меѓувреме, во тек е полагањето венци и свежи цвеќиња на бројните делегации на значајни востаници и дејци: на гробот на Питу Гули на Гумење, на партизанските гробишта, пред криптата во споменичниот комплекс Илинден, на гробот на Тоше Проески на Гумење.

Делегацијата на Министерството за култура и туризам ја предводи министерот Зоран Љутков.

Од 20 часот на Гумење во Крушево свечено ќе бидат отворени културно – научните средби „10 дена Крушевска Република“, манифестација која од годинава е национална.

На Манифестацијата ќе биде подигнат бајракот на Крушевската Република, симболично ќе се испука од Црешовото топче, а пред присутните ќе се обратат градоначалникот на Крушево и претседател на Манифестацијата, Томе Христовски и министерот за култура и туризам, Зоран Љутков, по што официјално почнуваат чествувањата за големиот Илинден и 121 година од Илинденското востание и Крушевската Република.

The post Во Крушево пристигнаа повеќе од 150 коњаници appeared first on Република.

Во организација на Здружението на граѓани „Бигорски манастир“, а со поддршка од Општина Ѓорче Петров, попладнево од реонскиот парк во Ѓорче Петров членови на Скопски коњички марш со коњаница тргнуваат за Крушево.

Како што информираат од Општина Ѓорче Петров предвидено е коњаницата да се придружи на централното одбележување на празникот Илинден во Крушево на 2 август.

-Градоначалникот на Општина Ѓорче Петров, Александар Стојкоски ги повика граѓаните да дојдат во паркот и да ја поздрават и поддржат коњаницата која го организира овој подвиг во чест на големиот празник, се вели во соопштението од Општината.

Годинава се одбележуваат 121 година од Илинденско востание и 46 години од првиот Илинденски марш. Целта на ваквите настани, велат од Општината, е да се сочува традицијата, културата, македонските вредности и љубовта кон татковината, по пример на храбрите македонски јунаци низ историјата. 

The post Скопски коњички марш 2024 од Ѓорче Петров тргнува за Крушево appeared first on Република.

Младите социјалдемократи заедно со генералниот секретар на СДСМ, Миле Зечевиќ Вардарски, утрово организираа коњички марш во Крушево по повод Илинден.

Маршот до споменикот кај месноста Слива близу Крушево, беше организиран во чест, слава и почит на македонските востаници и нивното јунаштво при одбрана на Крушевската Република.

СДСМ, како државотворна партија со низа активности оддава почит и одбележувањето на 120 години од Илинденското востание и одбележување на најголемиот државен празник 2 август – Денот на Републиката.

Идеалите и заложбите за слобода, правда и еднаквост од Илинден 1903 и темелите на македонската државност од Илинден 1944 година, од АСНОМ, за СДСМ остануваат водилка во борбата за градење модерна, демократска, слободна држава, идна членка на ЕУ.

The post Зечевиќ „Вардарски“ со „контра“ коњаница на Илинденски марш appeared first on Република.

Илинденската коњаница му испрати јасна порака на Димитар Ковачевски во Крушево „За кого – За Македонија“.

Тие јасно го изразија револтот за придавката Северна.

Денес е Денот на Републиката, а во Крушево се одбележуваат 119 години од првиот Илинден.

The post Илинденската коњаница против Северна на владата на Ковачевски и со јасна порака до него, еве што му порачаа appeared first on Република.