Актуелната грчка Влада ги распушти комисиите што постоеја за образовните прашања и за трговските ознаки, формира нови, но не постои напредок-изјави пред неколку дена Никос Коцијас, потписник на Договорот од Преспа.

Се работи за Заедничкиот интердисциплинарен комитет на експерти за историски, археолошки и образовни прашања, како и за комисијата за троговски марки.

Овие комисии од македонска страна се формирани и членовите „лапаат“ хонорари од по 1000 евра месечно за ништо.

Овие комисии требаше во рок од три години да се договорат за употребата на трговските марки, географските ознаки, брендовите и комерцијалните имиња кои во себе го содржат терминот Македонија или придавката македонски.

Дека старо-новото вето повторно може да дојде од Атина навестува однесувањето на Грција за спроведувањето на обрврските од Договорот од Преспа. Грчките власти не сакаа ни ден одложување на рокот за пасошите на кои е испишано старото име, како и за возачките и сообраќајните дозволи.

Нешто слично може да се очекува и кога ќе се бараат и конкретни резултати од работата на комисиите.

Иако според Договорот од Преспа Maкедонија го задржа кодот МК, прашањата за троговските марки допрва треба да се договараат.

Но, Грција веќе ја започна својата агресивна кампања по ова прашање.Во Германија веќе се продава ајвар од грчката Македонија, а пак на саем во Франција беа забранети вина од Република Македонија.

Macedonia the GReat“, или во превод Македонија е голема е слоганот кој Грчија го презентираше уште пред четири години и кој стана официјална кампања за „македонските производи“ низ светот.

Комисијата за ова прашање не е ни почната а Грција веќе ја доби битката, а по сѐ изгледа и војната.

The post Назад ни е зимата со Грција: Старо-новото вето може повторно да дојде од Атина поради трговските марки appeared first on Република.