Полициски службеници од Мобилната единица за компензаторни мерки при граничната полиција утринава околу 4:40 часот на наплатната рампа Романовце во два одвоени случаи открија вршење на превоз на патници без поседување соодветна лиценца.

Во двата случаи, како што информира МВР, сопрени се две патнички моторни возила (комби) „фолксфаген крафтер“ со струмички регистарски ознаки, првото сопственост на Р.Р. од Струмица, а управувано од страна на П.Љ. од Струмица, а второто сопственост на Р.Ј. од Струмица, а управувано од страна на Ч.Ѓ. од Струмица.

Притоа, од извршените контроли на возилата утврдено е дека вршеле превоз на патници без лиценца од нашата држава до Италија, по што од страна на Мобилната единица за компензаторни мерки е известен Државниот инспекторат за транспорт, од чија страна на возачите им е изречена глоба во износ од по 500 евра, сообраќајните дозволи им се привремено одземени, а возилата биле исклучени од сообраќај, соопшти МВР.

The post Откриени две комбиња што превезувале патници без лиценци appeared first on Република.

На 22.03.2023 во рамките на акциска контрола на возила кои вршат јавен превоз во Полошкиот регион, на регионалниот пат Тетово-Пирок биле запрени три комбиња „форд транзит“ со тетовски регистарски ознаки, што ги управувале Н.Н.(58) од тетовско Боговиње, М.М.(52) од тетовско Горно Палчиште и М.С.(63) од тетовско Долно Палчиште.

Тројцата возачи не поседувале документи за вршење јавен превоз и ќе им бидат изготвени поднесоци по член 284-а од Кривичниот законик.

The post Возеле патници без дозволи за вршење превоз: Казнети три тетовски комбиња appeared first on Република.

Исконтролирани се 719 возила кои вршат јавен превоз на деца кон училиштата на 212 локации, во рамки на оперативната акција започната изминатата недела од страна на МВР, врз основа на утврдени приоритети за подобрување на јавната безбедност, особено помеѓу учениците во училиштата и во јавниот превоз, како и почитување и доследно спроведување на законите, на целата територија на државата, во која учествуваа сите сектори за внатрешни работи.

При тоа се констатирани 44 кривични дела по член 284-а за вршење на јавен превоз без соодветна документација,

Констатирани биле и 121 прекршок кои произлегуваат од Законот за безбедност на сообраќајот на патиштата, Законот за возила, Законот за заштита на населението од заразни болести и слично.

Од сообраќај биле исклучени 34 возила поради техничка неисправност и други констатирани недоследности. За време на контролата на подрачјата на сите сектори за внатрешни работи биле легитимирани 835 полнолетни средношколци, а извршени се 4.386 прегледи кај ученици, во однос на почитување на Законот за оружјето, Законот за правда на детето и Кривичниот законик, стои во денешното соопштение од МВР.

По документирање на случаите, против сите одговорни лица кои сториле било каков прекршок или кривично дело ќе биде поднесена соодветна прекршочен или кривичен поднесок.

The post 34 возила кои вршат превоз на деца исклучени од сообраќај, откриени 44 кривични дела и 121 прекршок appeared first on Република.

При контрола на 391 возило кои вршат јавен превоз на деца, исклучени се од сообраќај 11 возила и утврдени се 20 кривични дела, информира денеска Министерството за внатрешни работи.

Оттаму соопштуваат дека вчера во периодот од 06.30 до 09.30 часот, врз основа на утврдени приоритети за подобрување на јавната безбедност, особено помеѓу учениците во училиштата и во јавниот превоз, како и почитување и доследно спроведување на законите, полициски службеници од Бирото за јавна безбедност при Министерството за внатрешни работи, спровеле заедничка координирана акциска контрола на целата територија на државата, во која учествувале сите сектори за внатрешни работи.

https://youtu.be/qPI65rkMQtM

Притоа биле исконтролирани 391 возило кои вршат јавен превоз на деца кон училиштата на 108 локации, при што биле констатирани 20 кривични дела по член 284-а за вршење на јавен превоз без соодветна документација, и 53 прекршоци кои произлегуваат од Законот за безбедност на сообраќајот на патиштата, Законот за возила, Законот за заштита на населението од заразни болести и сл. Од сообраќај биле исклучени 11 возила поради техничка неисправност и други констатирани недоследности. За време на контролата на подрачјата на сите сектори за внатрешни работи биле легитимирани 469 полнолетни средношколци, а извршени се 2 457 прегледи на ученици, во однос на почитување на Законот за оружјето, Законот за правда на детето и Кривичниот законик, информира МВР.

По документирање на случаите, против сите одговорни лица кои сториле било каков прекршок или кривично дело ќе биде поднесена соодветна прекршочен или кривичен поднесок.

The post Кај 11 комбиња и автобуси кои вршат превоз на деца утврдени 20 кривични дела appeared first on Република.

Полициски службеници од Полициската станица за Граничен премин Табановце при Регионалниот центар за гранични работи Север, денеска при извршена дополнителна контрола на три возила со кои се вршел превоз на патници, и тоа патничко возило „пежо боксер“, со швајцарски национални ознаки,управувано од Т.Г.(22) од с.Ново Село, патничко возило „пежо боксер“, со струмички регистарски ознаки, управувано од С.В.(43) од Струмица и патничко возило „цитроен џампер“, со скопски регистарски ознаки, управувано од И.Р.(44) од Штип, и притоа било констатирано дека пријавените вршеле меѓународен превоз на патници без поседување на соодветна документација, соопштија од МВР.

Од страна на полициските службеници бил известен надлежен инспектор од Одделението за инспекциски надзор над патниот сообраќај при Државниот инспекторат за транспорт и врски за расчистување и санкционирање на случаите.

The post Фатени три комбиња кои без документи вршеле меѓународен превоз на патници appeared first on Република.

Полициски службеници од Полициската станица за Граничен премин Табановце при Регионалниот центар за гранични работи Север, на 19/20 јануари при контрола при влез во државата на четири комбиња за меѓународен превоз на патници, и тоа две „форд“, едно „мерцедес“ и едно „фиат“, од кои три со струмички и едно со скопски регистарски ознаки, управувани од Т.В.(25), П.В.(50), Ч.Т.(28) и М.П.(33), сите од Струмица, констатирале дека возилата вршат меѓународен превоз на патници без поседување на соодветна документација.

МВР соопшти дека од страна на полициските службеници биле известени инспектори од Одделението за инспекциски надзор на патниот сообраќај во рамки на Државниот инспекторат за транспорт при Министерство за транспорт и врски и се преземаат мерки за комплетно расчистувањ ена случаите.

The post Четири комбиња од Струмица возеле надвор од Македонија без документи appeared first on Република.

Петнаесет возачи на автобуси, минибуси и патнички возила кои вршат јавен превоз на патници ја пречекориле дозволената брзина на движење. Откриени се во акциска контрола што ја спроведе Секторот за внатрешни работи од Тетово.

На 04.01.2022 во периодот од 06.00 до 10.00 часот на автопатот Гостивар – Тетово – Скопје и магистралата Гостивар-Кичево, полициски службеници на СВР Тетово спровеле засилена акциска контрола за брзина со која се движат автобуси, минибуси и патнички возила кои вршат јавен превоз на патници. При контролата, биле откриени и санкционирани вкупно 15 ваков вид возила (ТЕ-10 и ГВ-5), кои ја пречекориле максимално дозволената брзина за оваа категорија учесници во сообраќајот, се вели во денешното соопштение од МВР.

Едно од возилата се движело дури со 70 километри на час повеќе од дозволеното.

Против сите се направени соодветни пријави и како што велат од МВР, сите ќе се соочат со законски предвидените санкции.

The post Еден возел и 70км/час побрзо од дозволеното: За само 4 часа казнети 15 возачи на автобуси и комбиња за пребрзо возење appeared first on Република.