Во Францускиот институт во Скопје денеска ќе се одржи книжевна средба со Катарина Лоа ван Хоф, основач на француската издавачка куќа „Les Argonautes“, и Лали Бернар, книжевен агент, во чест на 50-годишнината на Францускиот институт во Скопје, а како дел од програмата на 12. издание на Фестивалот „Про-за Балкан“.

Тема на средбата е издаваштвото во Франција. Настанот е прв во редицата настани за претстојната сезона, кои се организираат во чест на 50 годишниот јубилеј.

Како што соопштија од Францускиот институт во Скопје, во рамките на книжевната средба, Катарина Лоа ван Хоф и Лали Бернар ќе проговорат за нивните професионални ангажмани, за издаваштвото во Франција, како и за предизвиците на младиот автор во процесот на издавање литературно дело. На средбата ќе се споменат и најзначајните книжевни наслови за оваа есен во Франција.

Настанот ќе го модерира Иго Бештел, директор на Францускиот институт во Скопје.

The post Книжевна вечер за издаваштвото во Франција по повод 50 годишнината на Францускиот институт во Скопје appeared first on Република.

На 24.09.2022 година (сабота) во фоајето на Националната установа Центар за култура „Трајко Прокопиев” Куманово, со почеток во 18 ч. ќе се одржи „Книжевна вечер со Ана Бунтеска”.

Настанот е дел од Годишната програма за презентација , популаризације и афирмација на книжевноста, поддржана од страна на Министерство за култура. Настанот ќе биде збогатен со музика на пијано од младиот музичар Јован Цветкови.
Ана Бунтеска е родена во Скопје, своето детство го поминува на релација Скопје-Битола -Прилеп а во последно време и Охрид. Таа е поетеса која длабоко навлегува во поривите на душата, а професионално е брокер. Нејзиниот татко е познат новинар Лазо Бунтески за кој таа смета дека е од генерацијата на новинари кои ги поставиле темели на вистинското, професионално новинарство. Ана Бунтеска има пасија кон стари книги, просториите кај баба и биле полни со „купишта книги”, таа особено е горда на сопствената библиотека, и се воодушевува на полжотените страници. Има објавено три книги поезија: „Колку е потребно за среќа”, „Стави лајк на сопствениот живот”. Поетесата Ана Бунтеска е добитничка на наградата „Македонска книжевна авангарда”, наградата ја доделува Фондацијата за културна и научна афирмација и презентација „Македонија презент”.

The post Книжевна вечер со Ана Бунтеска во Куманово appeared first on Република.