Докторот и советник во Град Скопје, Никола Пановски, на социјалните мрежи реагира дека изчезначе 29 нови клупи поставени на кејот на Вардар.

Исчезнатите 29 нови клупи на кејот на Вардар во Градскиот Парк, голема мистерија!, пишува Пановски.

Во продолжение реакцијата на д-р Пановски во целост.

На 14.02. годинава мојот другар Николовски Теофил Тофо преку пост информираше дека недостасуваат клупи поставени лани летото. Имаше слика и од една клупа фрлена во Вардар. На 22.02. Претседателот на Советот на Град Скопје, Трајко Славевски лично проверил дека недостасуваат 29 клупи, па побара информација од службите на Градот и од ЈП Паркови и зеленило, поставувајќи ја оваа информација како прва точка на седницата на Советот закажана за 29.02.2024. Помина недела, почна седницата, на која НЕМАШЕ ни писмена ни усна информација. Градоначалничката ја немаше, секретар не е назначен, директорот на ЈП не дојде, сите останати присутни од градската администрација молчеа.

Во мојата дискусија ги предупредив одговорните во градот, а особено во ЈП Паркови и зеленило, дека прикривање на кривично дело (претпоставувам дека е кражба), е исто така кривично дело. На 29.02. Советот едногласно донесе одлука да побара од Градот и ЈП информација за клупите. Денес добив покана за 45седница на Советот закажана за 14.03.2024, со 32 точки на дневен ред. Информација за исчезнатите клупи НЕМА!!!

Претходно пишував за неодржување на седници за советнички прашања. Вакво игнорирање на граѓаните кои бараат одговор "Каде се клупите, како украле 29 клупи без никој да не ги види, ниту да пријави", преку нас советниците е невидена неодговорност. Кои им забрани на вработените да даваат изјави? Па клупите се на сите нас.

Подолу, првата слика, новите клупи.

Четвртата слика, старите клупи од ковано железо, вкопани длабоко во патеката, кои не можеа да се извадат, па се сечени долу кај ногарките за да се отстранат, па место да им ја сменат дрвенаријата, набавиле нови и ги прицврстиле со типли и штрафови од 10 см, кои двајца 'рмпалии за 5 секунди ги откорнуваат и товарат на возило..

Сликата долу лево, клупата ја нема, на патчето лево се товарани во возило, сликата долу во средина, вират штрафовите од откорнатата клупа.

На потезот од стадионот па се до мостот кај А.Палас недостасуваат 29 клупи, пред се на места каде има достапност со возило и не фаќаат камерите од „Калето“, значи како одите од стадион кон А.Палас ги има се поретко. Останати се клупи блиску до стадионот и кај кајакарскиот клуб, каде што нема пристап за возило.

Ги повикувм медиумите да побараат информации од јавен интерес согласно Законот.
На седницата на 29.02. советниците на ВМРО ДПМНЕ и коалицијата не гласаа да се примат донации во износ од 60.000 евра, од УНДП за институции од културата, единствено за инает на нивната како што ја нарекуваа „топ менаџерка во Европа“. Не гласаат за ништо што таа го предлага, па ни за донации. Со тешки маки, по барање за поединечно гласање, се засрамија или освестија пет, шест лица од нив, па некако донациите ги примивме, инаку ќе пропаднеа!!!

Ги повикувам граѓаните да побараат нови избори за градоначалник на 24.04. и за советници на Град Скопје, на 08.05.2024. Не е по Закон? Ок тогаш законски да си го изгубиме градот.
Клупиве се ситница, има многу покрупни проблеми, но ако за клупиве немаме месец дена информација, мислам дека е се јасно колку е страшно.

The post Исчезнати 29 нови клупи на кејот на Вардар во Градскиот Парк appeared first on Република.

Вандалското однесување на несовесни граѓани за време на викендов на Средно Водно. Повторно е направена штета врз урбаната опрема, а екипи на ЈП Паркови и зеленило излегоа на терен и веднаш ги реконструираа парковските елементи во парк - шумата.

Надлежните со апел.

Апелираме на совесно и одговорно однесување на сите граѓани при посета на зелените парковски површини, велат од претпријатето.

The post Вандали ги искршија клупите на Средно Водно appeared first on Република.

Оштетени, искршени и откорнати клупи, расфрлени во зеленилото во парк Македонија, е сликата која утрово нашите екипи ја затекнаа во паркот, велат од ЈП „Паркови и зеленило“ - Скопје од каде остро го осудуваат овој вандализам.

За жал вакви глетки на уништена парковска опрема се сè почеста појава во градот.
Упатуваме осуда кон ваквото вандалско уништување на поставената урбана опрема низ зеленилото и апелираме истата да се чува како општо јавно добро за сите посетители, велат од претпријатието.

Осуда пристигна и од Град Скопје.

The post Откорнати и искршени клупите во паркот Македонија appeared first on Република.

Град Скопје и екипи на јавното претпријатие „Паркови и зеленило“  ги обновија оштетените  клупи  во првиот дел на  Градски парк околу езерцето. Дел од овие клупи пред неколку недели од непознати сторители беа оштетени, откорнати и фрлени во езерцето.

Упатуваме апел до сите корисници на паркот да не фрлаат отпадоци на зелените површини и да не ја оштетуваат поставената урбана опрема што е поставена, бидејќи со нивното уништување се нанесува голема материјална штета, велат оттаму.

The post Обновени оштетените клупи во Градскиот парк appeared first on Република.