Повеќе од 170 цивили загинале во руските напади врз главниот град на Украина, изјави градоначалникот на Киев, Виталиј Кличко.

Тој додаде дека повеќе од 400 станбени згради се уништени од почетокот на инвазијата во февруари минатата година.

Киев повеќе пати беше цел на руски воздушни напади, од кои многу беа извршени во текот на ноќта. Москва првично планираше да го заземе главниот град на почетокот на својата инвазија, но не успеа во тоа.

The post Кличко: Над 170 цивили се убиени во Киев appeared first on Република.

Две станбени згради денеска се погодени во руски напад врз Киев, изјави градоначалникот на главниот град на Украина, Виталиј Кличко.

Според британските меидуми, најмалку две експлозии одекнале во Киев, а над градот се издигнал чад.

Шефот на кабинетот на украинскиот претседател Андриј Јермак на Твитер објави дека на обраќањето на украинскиот претседател Володимир Зеленски на самитот на лидерите на Групата 20 на Бали, руските сили одговориле со нов ракетен напад врз украинскиот главен град.

-Дали некој сериозно мисли дека Киев навистина сака мир? Тие сакаат послушност. Но, на крајот на денот, терористите секогаш губат, рече Јермак.

Експлозиите се случија по предупредувањата за воздушан опасност низ Украина, што следеа само неколку часа по обраќањето на Зеленски.

На самитот на Г-20 во Индонезија, Зеленски ги повика најголемите светски економии да го зајакнат своето лидерство и да ја запрат војната во неговата земја во согласност со мировниот план од десет точки за мирно решение на конфликтот со Русија, што тој го предложи.

The post Кличко: Во нов руски напад погодени две станбени згради во Киев appeared first on Република.

Четириесет отсто од жителите на Киев останаа без вода, соопшти вечерва градоначалникот на главниот град на Украина, Виталиј Кличко.

Од овој час без струја се 270.000 станови во главниот град, а без вода 40 отсто од потрошувачите, рече Кличко.

Руското Министерство за одбрана претходно денеска ги потврди ракетните напади врз енергетски капацитети на Украина, како и врз воени инсталации, извршени со прецизни проектили истрелани од авиони-бомбардери и од воени бродови.

The post Речиси половина Киев нема вода appeared first on Република.

Украина не планира да отстапи територии на Русија. Ваков став изнесе градоначалникот на Киев, Виталиј Кличко.

Според него, давањето територии, не е компромис.  Кличко изјави дека руската јавност на крајот ќе сфати дека, како што кажа, нивните млади војници гинат за ништо друго освен за амбициите на рускиот претседател Владимир Путин. Поранешниот боксерски шампион ова го изјави за Би-би-си за време на погребот на познатиот антикорупционер Роман Ратушни (24), кој е убиен во Изум, во областа Харков на 9 јуни.

Војната во Украина поќна пред 116 дена. Руските сили продолжуваат да распоредуваат дополнителни сили за поддршка на офанзивните операции во областа Северодонецк-Лисичанск, а одбраната на Украина и понатаму е силна, според Британскиот институт за војна.

The post За Кличко давањето територии не е компромис appeared first on Република.

Киев и натаму жестоко се брани, а во моментов во главниот град на Украина нема руски војници, изјави градоначалникот на Киев, Виталиј Кличко, во видео порака, пренесена од Укринформ.

Но, нашата војска, нашите законски сили за територијална одбрана продолжуваат да ги откриваат и неутрализираат диверзантите. Синоќа имаше судири и пукотници. Уништени се неколку големи групи саботери, рече Кличко.

Градоначалникот на Киев потсети дека заради безбедноста на жителите во градот е воведен полициски час до утре наутро.

Не излегувајте надвор. Можете да излезете само на сирената за опасност од воздушен напад, за да заминете во засолниште. Русија гранатира станбени населби во главниот град. Русија убива Украинци низ цела Украина!, изјави Кличко.

The post Кличко: Киев жестоко се брани, моментално нема руски војници appeared first on Република.