Министерот за надворешни работи и надворешна трговија, Тимчо Муцунски, се сретна со Килиан Вал, шеф на Мисијата на ОБСЕ во Скопје.

На средбата беше потврдена континуираната и долгогодишна соработка со ОБСЕ во различни области опфатени со мандатот на Мисијата.

Соговорниците разменија мислење за актуелните аспекти од работењето на Мисијата на ОБСЕ и во таа насока заеднички беше реафирмирана определбата за продолжување на активностите и натамошно фокусирање на проектите во поддршка на реформските процеси на новата Влада.

The post Муцунски на средба со шефот на Мисијата на ОБСЕ во Скопје appeared first on Република.

Претседателката Гордана Сиљановска Давкова денеска го прими шефот на Мисијата на ОБСЕ во Скопје, амбасадорот Килиан Вал.

На средбата беше потврдена важноста на долгорочната соработка со ОБСЕ за поддршка на македонските реформи во различни области предвидени во мандатот на организацијата, при што претседателката Сиљановска Давкова изрази поддршка за активностите насочени кон зајакнување на соработката и воспоставување мир во регионот на ОБСЕ.

Претседателката изрази благодарност и за важната улога на ОБСЕ/ОДИХР во процесите поврзани со изборните реформи, особено во напорите за организирање слободни и фер избори, додавајќи вредност на легитимитетот, кредибилитетот и довербата на процесот.

Соговорниците изразија задоволство од досегашната соработка на ОБСЕ со македонските релевантни институции и со граѓанското општество која е динамична и продуктивна и изразија подготвеност за продолжување на соработката и во понатамошниот период во однос на прашања и предизвици поврзани со напредокот на нашата земја.

The post Претседателката Сиљановска Давкова го прими Килиан Вал, шеф на Мисијата на ОБСЕ во Скопје appeared first on Република.

Претседателот на ВМРО-ДПМНЕ проф. д-р Христијан Мицкоски денеска заедно со меѓународниот секретар на партијата Стефан Андоновски, остварија средба со амбасадорот Килиан Вал, шеф на мисијата на ОБСЕ во Македонија.

Соговорниците разговараа за актуелната политичка и економска состојба и за актуелните измени за Изборниот законик.

Од страна на претседателот Мицкоски беше потенцирано дека состојбата во државата секојдневно станува полоша, поради високиот степен на криминал и корупција од страна на владата на ДУИ поддржана од СДСМ и поради катастрофалната состојба во економија и осиромашување на граѓаните.

Воедно, во однос на измените во Изборниот законик, Мицкоски го истакна ставот на ВМРО-ДПМНЕ дека за партијата е се прифатливи техничките препораки и заложби од страна на ОБСЕ/ОДИХР по однос на спроведување на фер и демократски изборите, но потенцираше и дека владата мора прво да се усогласи кој изборен модел им одговара а потоа да се разговара за измените во македонскиот парламент.

Владата треба да се усогласи меѓусебе за тоа кој изборен модел и одговара, па потоа да се разговара во Собранието. Ние сме подготвени да ги прифатиме техничките препораки од страна на ОБСЕ/ОДИХР за да осигураме транспарентни, фер и демократски избори, дециден е Мицкоски.

Соговорниците се согласија средбите и соработката да продолжат и во следниот период.

The post Мицкоски на средба со Вал: За ВМРО-ДПМНЕ се прифатливи препораките од ОБСЕ/ОДИХР, но владата не е усогласена кој изборен модел им одговара appeared first on Република.