Изложбата насловена „Првите 30 години“ на уметницата Касиопеја Наумовска ќе биде отворена вечерава, во 19 часот, во галеријата на Кинотеката. Поводот за изложбата е тридецениското нејзино творештво.Таа ќе се претстави со 42 дела.

Генералниот наслов за оваа изложба е „Првите 30 години“ професионално ликовно учество во и вон државата. На изложбата ќе бидат претставени 42 дела, најмногу сработени во последниве три години. Распонот на годините од создадените слики е од 1996 па се до 2023 година. Гледајќи според просторот на галеријата немаше можност а и потреба да се изложат дела со монументална димензија. Оваа изложба ми значи како лично заокружување на три децениско творештво, сосема доволно да се одбележи, вели Наумовска.

Таа е родена во 1968 година. Во 1993 година дипломирала на Факултетот за ликовни уметности во класата на проф. Рубенс Корубин. Во 2016 година магистрирала Студии за култура на Институтот за општествени и хуманистички науки во Скопје. Има реализирано над 40 самостојни изложби и перформанси во земјава и странство. Учествувала во над сто меѓународни групни изложби во САД, Канада, Бугарија, Турција, Грција, Полска. Добитник е на повеќе награди, меѓу кои и наградата за сликарство „Петар Мазев“ од Друштвото на ликовни уметници, во 2003 година.

The post Отворање на изложбата „Првите 30 години“ на уметницата Касиопеја Наумовска во Кинотека appeared first on Република.