Касарната Келн-Ван во Германија е опколена откако се појавил сомнеж дека војниците биле отруени од вода, пренесе „Дер Шпигел“.

Околу касарната се полицијата, воената полиција и воената контраразузнавачка служба на Бундесверот кои истражуваат дали се работи за саботажа.

Се сомневаат дека водата од чешмата е загадена. Во внатрешните комуникации, војниците и цивилите кои се во касарната се предупредени да не пијат од водата под никакви околности. На сите други им е забрането да влезат внатре.

Според медиумите, во касарната во Келн-Ван има неколку команданти, како и претставници на воените и цивилните канцеларии на Бундесверот.

„Шпигел“ пишува дека тука се сместени и воздухопловните сили на Сојузното Министерство за одбрана, бидејќи касарната се наоѓа веднаш до аеродромот во Келн.

На локацијата се вработени вкупно 4.300 војници и 1.200 државни службеници.

„Шпигел“ пишува дека касарната има сопствен водовод.

The post Војници и цивили во касарна во Германија отруени со вода appeared first on Република.

„Наместо министерката да го напаѓа целиот тим на ВМРО-ДПМНЕ кој што изнесува скандали кои што се поврзани со безбедносниот сектор, кој што за жал е фрлен на колена, таа треба да се позанимава малку со стандардот на војниците кој што за жал е уништен откако Социјалдемократскиот сојуз дојде на власт. Нивните лаги и манипулации конечно излегуваат на виделина“, истакна Драган Ковачки, пратеник и член на ИК на ВМРО-ДПМНЕ во гостување во емисијата „Што не е јасно“ на Алфа телевизија.

Ковачки потсети на едно ветување на Социјалдемократскиот сојуз кои што го имаат дадено пред граѓаните. Тоа ветување е дадено од Шекеринска каде што ветува дека од март 2023 година во Штип односно во гарнизонот Штип припадниците на АРМ ќе имаат бесплатна храна. А, еве веќе е ноември 2022 година такво ветување не е реализирано. А, Славјанка Петровска е наследник на поранешната министерка за одбрана Шекеринска. Тендерот неколку пати паѓа поради нивните коруптивни скандали.

А, дури и ветено е дека до крајот на годината ќе има храна бесплатна за сите припадници. Такво нешто не може да се случи, појасни тој.

„Министерката за одбрана не сака да се зборува затоа што офицери доставуваат некласифицирани информации до неа како министерка, до државниот секретар, до премиерот на Владата и до нас како пратеници. Значи имаат писмо доставено офицери до нас како пратеници и тоа до сите пратеници, без разлика на пратеничката група, значи каде што сигнализираат дека основните човекови права се кршат односно луѓето се оставени без вода во една од касарните“, нагласи Ковачки.

Тој посочи дека офицерите се жалат до министерката, до премиерот, до претседателот на државата. Но тие на офицерите им посочуваат лаги од тип дека во тек е процесот, се обезбедува вода итн. но, за жал до ден денеска ова прашање не е актуелизирано.

Во касарната на Армијата нема вода за пиење, додека пак кај министерката и тимот околу неа кога доаѓаат гости се служи флаширана вода. Водата во Водоводот – Скопје се пие, колку што јас знам. Значи може да се пие и од чешма. Но, во гарнизонот кој што не е во Скопје водата не се пие од чешма и таму би требало да биде флаширана, нагласи Ковачки.

The post Ковачки: Во касарната на Армијата нема вода за пиење, а кај министерката и нејзниот тим се служи флаширана вода, ете така СДС се грижи за државата appeared first on Република.

59-годишник од Гевгелија, вработен во касарната на АРМ во Велес, бил пронајден мртов.

Имено, случајот бил пријавен вчера во Полициската станица Велес. Било пријавено дека вработениот бил пронајден починат во канцеларија.

Лекар од Итна медицинска помош констатирал смрт без траги на насилство, информира портпаролот на СВР Велес, Ристе Самарџиев.

Тој појасни дека извршен бил увид од увидна екипа од СВР Велес, а телото на починатиот, по наредба на Јавен обвинител, било дадено на обдукција.

The post Гевгеличанец вработен во велешката касарна пронајден мртов appeared first on Република.