Вчера во 12:00 часот во СВР-Гостивар, 48-годишен маж од Гостивар, пријавил дека во текот на месец март 2024 година бил во работилница кај лицето Е.„Н“. од Гостивар за поправка на мобилен телефон, каде му било кажано дека мора да го остави и дека за услугата кај производителот треба да уплати 2,99 евра со платежна картичка. Тој се согласил и на Е.„Н“. му пратил фотографија од својата кредитна картичка.

Потоа, на 14.03.2024 на неговиот мобилен телефон добил СМС известување дека од неговата платежна картичка се извршени повеќе плаќања и веднаш го
контактирал пријавениот, кој го убедувал ќе го расчистат направениот пропуст. На 01.04.2024 година оштетениот добил информација од својата банка дека
нема повеќе средства на сметката, односно дека му се земени 535 483 денари, велат од СВР Тетово од каде додаваат дека се преземат мерки и активности за расчистување на случајот.

The post Наместо три евра за поправка на мобилниот, на гостиварец му ги зеле сите 9.000 евра од картичката appeared first on Република.

Поради постоење основано сомнение за сторено кривично дело „оштетување и неовластено навлегување во компјутерски систем“, СВР Охрид поднесе кривична пријава против А.А.(18) од Охрид.

Тој, на 05.03.2023 година, на улицата „7 Ноември“ во Охрид, пронашол паричник во кој имало платежни картички и други документи, при што противправно во неколку наврати, неовластено ја искористил платежната картичка во неколку продавници и бензински пумпи.

The post Млад Охриѓанец пронашол паричник со платежна картичка, па со неа си точел гориво и си пазарел appeared first on Република.

Надворешната канцеларија за криминалистички работи Пробиштип поднесе кривична пријава против И.Ј.(39) од Пробиштип, поради постоење основи на сомнение за сторено кривично дело „изработка и употреба на лажна платежна картичка“.

Во периодот од март до октомври 2022 година, пријавениот набавил банкарски податоци од дебитна платежна картичка на неговиот татко, по што преку интернет извршил 39 успешни трансакции кон повеќе домашни правни лица.

Со тоа го оштетил за износ од 74.465 денари.

The post Седум месеци со измама ја користел картичката на својот татко appeared first on Република.

Возрасните лица кои ќе ја користат можноста за бесплатен јавен градски превоз неопходно е да поседуваат персонализирана електронска картичка „Скопска“, заверена/продолжена за тековната 2022 година, порачуваат од ЈСП Скопје и нагласуваат дека бесплатниот градски превоз за возрасните лица почнува од утре.

Како што информираат, продолжувањето на „Скопска“ може да се изврши во некој од седумте центри за персонализација.

Такви центри има во Автокоманда (на автобуската постојка кај Шумарски факултет), во Аеродром (до ТЦ Капитол, во зградата на „Телекабел“), на Бит пазар (спроти некогашен „26 јули“), во Влае (во Порта Влае, на автобуската постојка), во Центар (во Градски ѕид, во просториите на ЈСП ТУРС), во Карпош 2 (на автобуската постојка кај Педагошки факултет) и на Транспортен центар (на терминалот, во автобусот). Сите центри за персонализација работат од понеделник до петок од 6:00 до 19:30 часот, а во сабота од 7:00 до 19:30 часот, посочуваат од ЈСП.

За купување нова персонализирана електронска картичка „Скопска“, додаваат, се плаќа еднократен надомест од 200 ден, неопходна е лична карта на увид, а фотографирање се врши на лице место.

Возрасните лица при бесплатно користење на превозот имаат обврска да се валидираат, а во случај на линиска контрола да ја приложат „Скопска“. Потсетуваме дека посочената категорија патници има право на бесплатен превоз секој ден, со месечен доплатен билет од 300 ден. Бесплатниот превоз во вторник, петок, сабота и недела важи за жени над 62 години и мажи над 64 години и е согласно одлуката на Советот на Град Скопје, а средствата за оваа намена се обезбедени од градскиот буџет, велат од ЈСП Скопје.

The post ЈСП: За користење бесплатен јавен градски превоз неопходно е возрасните лица да поседуваат „Скопска“ appeared first on Република.