ДУИ и СДС преку ЕСМ, поддружница РЕК Битола, набавува адитиви, кои треба да го намалат замастувањето, во котлите од фирма регистрирана за трговија на мало со весници и канцелариски прибор, преку тендер вреден 4.2 милиони евра, обвинуваат од ВМРО-ДПМНЕ, од каде додаваат дека истата фирма лани имала вкупен обрт, помал од 350.000 евра, а само за една година успева да добие државен тендер, кој за 12 пати го надминува нејзиниот лански приход.

Фирмата е регистрирана во 2017 година и нема никаква допирна точка, со енергетика и со адитиви за одмастување, a исто така сомнително е и тоа дека на огласот, била пријавена само оваа фирма, иако постојат многу фирми кај нас и во регионот, кои со години се на пазарот. Таман граѓаните помислија дека дното е постигнато, со фирмата за долна облека, која стана надзор, за новите автопатишта, еве ДУИ и СДС имаат уште поинвентивен начин, како да наместат тендер и да се збогатат за уште некое милионче. Овие криминали нема да се заборават, веднаш по превземањето на власта од страна на ВМРО-ДПМНЕ, ќе има истраги и одговорност за сите, велат од ВМРО-ДПМНЕ.

The post Фирма за канцелариски материјал набавува средства за одмастување на котлите во РЕК Битола appeared first on Република.

Кога оваа власт даде тендер за надзор над изградба на автопатишта на фирма за долна облека мислевме дека тоа е крај на небулозите, но за жал сме биле во заблуда, СДС и ДУИ можат уште подолу – Фирма за канцелариски материјал ќе набавува средства за одмастувавње на котлите за согорување на јаглен во РЕК Битола, истакна на денешната прес-конференција Марија Митева, портпарол и член на ИК на ВМРО-ДПМНЕ.

Имено власта преку ЕСМ, поддружница РЕК Битола набавува адитиви кои треба да го намалат замастувањето во котлите од фирма регистрирана за трговија на мало со весници и канцелариски прибор, преку тендер вреден 4.2 милиони евра.

Оваа фирма за канцелариски материјали која оваа година го добила тендерот од 4.2 милиони евра од РЕК Битола, лани имала вкупен обрт помал од 350.000 евра, за сега само една година подоцна да успее да земе државен тендер кој за 12 пати го надминува нејзиниот лански приход.

Од јавноста можевме да видиме дека оваа фирма е регистрирана во 2017 година со основачки влог од 5000 евра, и нема никаква допирна точка со енергетика и со адитиви за одмастување, кои се специфична материја и со која работат фирми со долгогодишно искуство во областа.

Крајно сомнителен е и фактот што оваа фирма била единствена пријавена на огласот на РЕК Битола вреден 4.2 милиони евра, иако во Македонија и во регионот има фирми кои или со години се занимаваат со оваа дејност или и сами произведуваат такви адитиви, но за разлика од тоа, фирмата добитник на тендерот на РЕК Битола се јавила само како обичен увозник на адитивот од фирма од Италија.

Се поставува прашањето, зошто РЕК Битола дозволила да дојде во ситуација на тендер од 4.2 милиони евра да има само еден понудувач, и зошто истата не се потрудила за оваа набавка да распише или меѓународен тендер или да анимира што поголем број на фирми производители како би се намалила цената на набавката? Или потребно било да нема негативно наддавање за некој да профитира на штета на буџетот?, запраша Митева.

https://youtu.be/ZmUVweDuNuo?si=WlQKmPJBsMbIPnIj

The post Фирма за канцелариски прибор ќе ги одмастува котлите во РЕК Битола за 4.2 милиони евра appeared first on Република.