Во рамките на проектот за изградба на булеварско решение на Љубљанска, се изведува нова атмосферска мрежа со профил Ф400 со што се превенира преоптоварување и излевање по обилни дождови.

Дополнително, со изградба на атмосферската канализација се создаваат услови за идно приклучување на останатите линии во овој реон на нова атмосферска мрежа, со што дополнително ќе се подобри функционалноста на канализациониот систем, соопштуваат од Град Скопје.

The post Се гради атмосферска канализација на булеварот Љубљанска кај новиот мост appeared first on Република.

Архитектот Реџеп Асани во името на опозициските албански партии - Демократско движење, Алтернатива и Движењето Беса денеска соопшти дека компанијата „Еуровиа“, која е сопственост на синот и внукот на покојниот секретар на ДУИ Абдилаќим Адеми, добила уште тендер од над еден милион евра за трасирање на дел од канализацијата во Арачиново.

На „Еуровиа“ и се доделува уште еден тендер во вредност од повеќе од еден милион евра за трасирање на дел од канализацијата во Арачиново. Во конкуренција биле уште две компании, од кои едната со пониска понуда, но токму „Еуровиа“ го доби бизнисот. Прашањето е колку од овој проект ќе оди на сметката на ДУИ и СДСМ? Уште колку тендери ќе добие „Еуровиа“ до следните парламентарни избори? На кого му се брза да ги наполни џебовите колку што може повеќе пред да оди во опозиција?  праша Асани.

Од опозицискиот албански фронт обвинија дека и покрај опаднатиот животен стандард на граѓаните и инфлацијата, СДСМ и ДУИ „со народните пари делат тендери на партиски фирми и си создаваат своја олигархија“.

Денеска сме тука пред Министерството за транспорт и врски да поставиме неколку јавни прашања – Дали „Еуровиа“ е фирма-ќерка на ДУИ? Дали „Еуровиа“ е бизнис миленичка на ДУИ? Дали владателите сакаат да го изгубаат Путин, па да изградат своја олигархија? Дали „Еуровиа“ е алатка во рацете на властодршците ДУИ и СДСМ? Без око да им трепне за опаднатиот животен стандард на граѓаните, растечката инфлација, ДУИ и СДСМ си создаваат своја олигархија. Со народните пари се делат тендери на партиски фирми. Изгледа „Еуровиа“ го продолжува угледот на донатор на ДУИ и со ова ја проширува својата дејност, добивајќи на секој можен тендер. За оваа компанија не важат ниту едни правила. Прави буквално што сака, рече Асани.

The post Албански опозициски фронт: „Еуровиа“ доби уште еден тендер од над еден милион евра за канализација во Арачиново appeared first on Република.

Силниот дожд што во неделата падна над Москва предизвика нагло зголемување на нивото на водата во понорницата Неглинки, оневозможувајќи им на луѓето да се извлечат од канализацијата.

„Пронајдени се телата на сите членови на водената тура по московскиот канализациски систем. Сите се мртви. Операцијата за пребарување е при крај“, изјави спасувач.

Руската Државна истражна комисија објави дека турнејата била нелегална, поради што е отворена истрага. Именувани се тројца осомничени, од кои едниот претходно е уапсен и обвинет, додека другиот вчера ја напушти земјата.

Инспекторите го започнаа процесот на идентификација на телата. Меѓу смртно настраданите, како што објавија медиумите, се вработен во компанијата, неговата петнаесетгодишна ќерка и седумнаесетгодишниот внук.

Градоначалникот на Москва, Сергеј Собјанин инцидентот го нарече „ужасна трагедија“ и упати сочувство до семејствата на жртвите.

Бројни московски водичи нудат обиколки низ градскиот канализациски систем, чии делови датираат од 19 век.

The post Осум тела се извлечени по несреќа при обиколка на канализациски систем во Москва appeared first on Република.

Градоначалникот на општина Гази Баба Бобан Стефковски, денес направи увид во градежните работи за изградба на фекална канализација во дел од Урбаната заедница Триангла.

За посетата, градоначалникот Стефковски информираше на својата официјална страна на фејсбук на која напиша:

Се решава долгогодишниот проблем со фекалната канализација на жителите од ул. „Модест Мусоргски“ во Триангла. Утрово направивме увид во градежните работи на новата мрежа на фекална канализација која ја градиме на ул. „Модест Мусоргски“ во Триангла. Со оваа инвестиција ставаме крај на долгогодишниот проблем кој го имаа жителите од овој дел на Триангла. Инвестициите за реализација на проекти продолжуваат насекаде низ општина Гази Баба. Дополнително во завршна фаза е и проектната документација за реконструкција и ревитализација на целата улица Модест Мусоргски со изградба на тротоари. Општина Гази Баба од ден за ден станува подобро место за живеење, напиша Стефковски.

The post Стефковски: Го решаваме проблемот со канализацијата во Триангла appeared first on Република.

Првиот вицепремиер на владата, Артан Груби на својот профил на Фејсбук се пофали дека „конечно ќе се санира канализацијата во Општина Арачиново“.

Груби објави дека на владина седница била изгласана одлука за спроведување на постапката за јавна набавка за санација на каналот за отпадни води во оваа општина. За оваа намена Владата ќе издвои 1,1 милиони евра.

Исклучително важна инвестиција вредна околу 66 милиони денари во служба на квалитетен живот на жителите на Арачиново. Исто така, денеска ја усвоивме информацијата од Министерството за земјоделство за обесштетување на штетите на земјоделците од поплавите во 2016, 2017 и 2018 година кои изнесуваат вкупно 10% од претрпените штети. Наскоро ќе почне процесот на исплата на планираните средства“, објави Груби.

The post „Затоа што се редовни плаќачи на данок и струја“: Владата одобри 1,1 милиони евра за санирање на канализација во Арачиново appeared first on Република.

Познатиот биолог Кирил Пржо, преку објава на Фејсбук, сподели податоци за загадувањето на Охридското езеро.

Ова лето кога ќе ги слушате оние патетични приказни за недопрената македонска природа и Охрид – бисерот на Македонија нека ви текне на овој графикон, од истражување на Хидробиолошки Завод. Погледнете го присуството на колиформни бактерии во водата во Охридско кај Трпејца – македонското Сент Тропе. Буквално си пливаме во фекалии. Жива канализација! – констатира тој во својата објава.

The post Буквално си пливаме во канализација во македонското Сент Тропе appeared first on Република.