Вкупно 1.200 деца се евакуирани денеска од летните кампови загрозени од пожари во близина на приморското одморалиште Лутраки во близина на Атина, соопштија грчките власти.

Спасивме 1.200 деца кои беа во летни кампови“, соопштија локалните власти.

Два пожари избувнаа денеска на истокот и на западот на Атина, додека еден од нив, неконтролиран и поттикнат од силен ветер, избувна на ридовите кај градот Куварас, на 50 километри источно и се шири кон брегот на Атина.

Грчката агенција АНА јави дека вториот пожар избувнал во близина на приморското одморалиште Лутраки. Автопатот кон Пелопонез е затворен и наредена е претпазлива евакуација.

Атинската РТВ Скај објави дека оперираат вкупно 150 пожарникари од шест групи пешадиски одделенија, од кои 31 романски пожарникар, 40 противпожарни цистерни, додека од воздух работат седум противпожарни авиони и четири хеликоптери, од кои еден е за воздушна координација.

Дополнително, волонтерите на противпожарната служба и волонтерски групи на цивилна заштита имаат голем број цистерни во пожарната зона, додава телевизијата.

The post Во Грција поради пожарите се евакуирани 1.200 деца од летните кампови appeared first on Република.

Граѓани на Штутгарт веќе неколку денови во центарот на градот собираат донации за бегалците од Украина кои веќе пристигнуваат во Германија.

Донира секој колку може, најчесто храна, облека, храна за бебиња. Центрите за помош се полни со пакети и чекаат да бидат испорачани на бегалците од војната. „Република“ дојде до фотографии како Германците се подготвуваат за бегалската криза.

Целата работа ја координира германскиот црвен крст. Се подготуваат и кампови доколку бројот се зголеми.Камповите ќе бидат опремени со сите неопходни услови, машини за перење алишта и тоалети.

Дополнително, во речиси целата земја се собираат и парични средства па германските граѓани уплаќаат по 250 евра помош за беглаците.

The post Германците собираат донации за Украинците, подготвени се и кампови со тоалети appeared first on Република.