Доскорешниот директор на Дирекцијата за технолошко-индустриски развојни зони и кандидат за претседател на СДСМ, Јован Деспотовски, отвора свој приватен бизнис за кој засега не сака да изнесува детали во јавноста.

Деспотовски сам поднесе оставка како директор на дирекцијата која раководи со слободните индустриски зони, не чекајќи да биде заменет со нов управител од новата власт. По нешто повеќе од два месеци е сопственик на претпријатие за „управувачки дејности“, објави Фактор.

Тој од средината на овој месец е основач на новоформираното друштво за услуги и управување „ТФ Капитал“ во скопско Пржино. Помина една недела откако од него побаравме да даде објаснување со каков бизнис ќе раководи, за потоа да ни рече дека не сака да изнесува детали.

Не би објавувал сега ништо. Ќе имаме нешто интересно следната недела. Сега не би брзал, одговорил Деспотовски, за Фактор.

Деспотовски пред да биде директор на Дирекцијата за ТИРЗ, од 2017 раководеше со Фондот за иновации и технолошки развој. Дипломираниот економист и долгогодишен член на раководството на СДСМ претходно беше секторски раководител на проекти во Секретаријатот за европски прашања.

Тој речиси четири години раководеше со Дирекцијата за ТИРЗ, која е една од институциите во земјата со најголем буџет, бидејќи покрај големите субвенции кои ги одобрува за инвеститорите, организира и други услуги во развојните зони како изградба на придружна инфраструктура и снабдување со природен гас.

Деспотовски на два пати беше кандидат за претседател на СДСМ - еднаш во 2021 и еднаш во 2024, со тоа што вториов пат заврши зад новоизбраниот претседател Венко Филипче по бројот на партиски гласови.

Во моментов немаме потврда дали ќе ги користи менаџерските и политички контакти како ресурс за водење на приватниот бизнис, но барем е сигурно дека како основач на приватен бизнис нема да добива апанажа од државата, како некои други актуелни и поранешни функционери.

The post Јован Деспотовски по оставката во ТИРЗ отвора приватен бизнис appeared first on Република.

Во последната епизода на емисијата „На кавга со Иван“, еден од кандидатите за лидер на СДСМ, Јован Деспотовски, упати сериозни критики кон новоизбраниот лидер на СДСМ, Венко Филипче. Деспотовски истакна дека Филипче не успева да го обедини партиското членство и да ја врати довербата на гласачите. Според него, Филипче покажува недостаток на визија и неспособност за справување со предизвиците што ја очекуваат партијата.

https://youtube.com/shorts/s6QxHi_rLUk?si=IGob2YyV0Fo1-_Z7

Поделби во СДСМ

Според експертите, СДСМ е поделена на групи на интерес кои се фокусирани на лични борби за моќ и превласт, наместо на потребите на народот. Овие групи, вклучувајќи ја и онаа што го контролира Филипче, се обвинети за зачувување на сопствените интереси, што дополнително ја комплицира ситуацијата во партијата.

https://republika.mk/vesti/makedonija/konfliktot-vo-sdsm-eskalirashe-karanitsi-i-nevredi-na-site-strani/

Јавни реакции

Критиките на Деспотовски предизвикаа бурни реакции во јавноста откако многу граѓани ја изразија својата загриженост за иднината на партијата. Политичките аналитичари велат дека ваквите поделби можат да доведат до сериозни последици за СДСМ, особено во поглед на престојните избори и довербата на гласачите.

Оваа ситуација ја отвори вратата за дебати околу потребата од ново лидерство и стратегија во партијата, кое ќе успее да ги обедини сите членови и да се справи со тековните предизвици.

https://republika.mk/vesti/makedonija/bogoev-preku-slika-ja-opisha-loshata-sostjba-vo-sdsm/

The post Да не беше Заев, Филипче немаше да победи appeared first on Република.

Заслужува да се поздрави решеноста на Владата „да пресече” и оваа инвестиција која е важна за сите граѓани да се случи, напиша на својот фејсбук-профил Јован Деспотовски од СДСМ по информацијата дека македонскиот премиер Христијан Мицкоски во Вашингтон го потпишал договорот со „Вабтек“, американска компанија која ќе инвестира 35 милиони евра во фабрика во Македонија за производство на сопирачки за шински возила.

https://republika.mk/vesti/ekonomija/ke-bidat-vlozheni-35-milioni-evra-i-ke-se-otvorat-100-rabotni-mesta-amerikanskata-kompanija-vabtek-nova-stranska-investitsija-vo-makedonija/

Навистина е добра веста дека американската Вабтек (Wabtec) ќе ја реализира својата нова инвестиција и значително ќе ги прошири своите капацитети во Македонија.
Повеќе од две години со тимот од ТИРЗ работевме заедно со оваа компанија, која веќе вработува над 350 наши сограѓани. Се боревме заеднички со предизвиците од различни институции. Институции и политичари кои заборавија дека работат за интересите на државата и граѓаните. Се боревме и на суд, каде добивме заедно со компанијата. Одлуката сè уште не е спроведена. Сепак, добро е што овие предизвици се сега минато.
И затоа заслужува да се поздрави решеноста на Владата „да пресече“ и оваа инвестицијата која е важна за сите граѓани да се случи.
Честитки за сите, напиша Деспотовски на својот фејсбук-профил.

Во однос на судскиот процес што го споменува Деспотовски, се работи за спор пред Управниот суд на ТИРЗ против Комисијата за заштита на конкурентноста за наводни незаконски услови за реализација на инвестицијата.

The post Деспотовски ја поздрави инвестицијата на Мицкоски со американската компанија „Вабтек“ appeared first on Република.

Досегашниот директор на ТИРЗ, Јован Деспотовски, кој извести дека поднел оставка од функцијата, вели дека нема да бара апанажа. Смета дека функционерите што оставиле чист образ лесно може да се снајдат.

„Навистина не мислам дека е оправдано пред граѓаните, носители на јавни функции, кои патем кажано извршуваа и одговорни позиции, да останат на товар на граѓаните. Ако навистина сите сме толку способни да извршуваме такви одговорни функции, тогаш навистина мислам дека можеме понатаму. Ако сме оставиле чист образ, ќе можеме да се снајдеме и да функционираме понатаму како и сите други“, рече Деспотовски и најави дека неговиот следен ангажман ќе биде целосно посветен на политиката и градењето на СДСМ во силна опозициска партија, која ќе биде контролор на власта.

Тој нема официјална информација кој доаѓа на негово место, но вели дека, освен директор, ќе треба да се избере и нов управен одбор оти таков е системот во ТИРЗ.

Деспотовски е директор од крајот на 2020 година, период во кој смета дека ТИРЗ станал видлив, постигната е просечна плата од 43.000 денари, што е 13 % повеќе од просечната плата, отворени се многу нови работни места и почнати се проекти за кои се надева дека неговиот наследник ќе ги продолжи.

Деспотовски на функцијата директор во ТИРЗ дојде исто така од директорска функција во Фондот за иновации и технолошки развој, каде што беше од 2017 година.

The post Деспотовски нема да бара апанажа: Ако сме способни за функции и ако сме оставиле чист образ, можеме да се снајдеме понатаму appeared first on Република.

Првиот човек на ТИРЗ, Јован Деспотовски утрово до Владата ја поднел својата оставка, пишува ТВ21.

„Иако имам уште од мандатот сметам дека е подобро да се повлечам од функцијата“, рече Деспотовски.

The post Јован Деспотовски поднесе оставка до Владата appeared first on Република.

Кандидатот за лидер на СДСМ Јован Деспотовски по прогласувањето на изборните резултати изјави дека се радува за Венко Филипче како другар, но не и за партијата.

СДСМ е голема и слободарска партија. Не можеме да збориме за избран претседател на партија кога 10.000 членови не гласаа, а имаме избран претседател со 9 илјади гласови. Им благодарам на сите кои гласаа, но им благодарам и на оние кои излегоа, а не им беше дозволено да гласаат, а такви има многу. Додека не одговориме на две прашања во оваа партија, не мислам дека треба да зборуваме за завршени избори. Зошто на тие 10.000 членови не им беше дозволено да гласаат и зошто оние кои излегле, биле вратени. За резултатот немам коментар. Како другар се радувам за Венко, затоа што ми е стварно другар, ама не и за СДСМ. И вечерва зградата е празна и тоа треба да нѐ загрижува – рече Деспотовски.

Тој истакна дека има стотици, илјадници луѓе кои веруваат во промената која ја започнале, а тоа го добил од средбите со граѓаните пред изборите.

Таа промена нема да заврши денеска, бидејќи е почната и нема да запре – изјави Деспотовски.

Деспотовски најави дека утре ќе поднесе приговори поради забележани изборни нерегуларности.

Околу 20 часот Деспотовски постави две клучни прашања и за кои побара итен одговор од Централната изборна комисија.

Како ни се случи над 10.000 наши членови кои се регистрирале за гласање односно изразиле инцијатива да учествуваат во изборниот процесот не можеа односно не го остварија своето право на глас денеска?

Како ни се случи на голем број на наши членови кои беа уредно регистрирани и дојдоа на избирачките места да не им е овозможено правото на глас?

На овие две клучни прашања, но и на останатите забелешки кои дојдоа од мрежата контролори низ цела држава, нашиот тим веќе утре ќе поднесе приговори. СДСМ мора многу сериозно да се позанимава и да одговори на овие прашања пред воопшто да се дефинира став во врска со овие избори. Ова, без разлика на исходот од денешното гласање и резултатите кои ги очекуваме во следните два часа“, вели Деспотовски.

https://republika.mk/vesti/makedonija/despotovski-za-zabeleshkite-od-kontrolorite-niz-tsela-drzhava-nashiot-tim-utre-ke-podnese-prigovori/

The post Деспотовски: Се радувам за Венко како другар, но не и за партијата appeared first on Република.

Кандидатот за претседател на СДСМ, Јован Деспотовски денеска по завршување на изборите во партијата, им се заблагодари на членовите кои излегле да гласаат.

„Денеска, дел од членовите на СДСМ гласаа. СДСМ е единствената партија и во земјава, и во регионот, која има широк модел за избор на претседател. Со тоа треба да ја покаже својата големина и демократски капацитет. Но, тој демократски капацитет денес, но и во деновите што следат треба да биде докажан и потврден. Од срце им благодарам на сите членови на партијата кои излегоа да гласаат, како и на сите оние кои излегоа, дојдоа на избирачките места но од различни причини не им беше овозможено да гласаат. Искрено им благодарам на сите оние кои во изминатите неколку недели беа со нас и дадоа своја енергија во градење на еден нов СДСМ. Пред воопшто да можам да дадам конечна оценка за изборниот процес. Централната изборна комисија и партиските органи мора да обезбедат одговор на две клучни прашања:

Како ни се случи над 10.000 наши членови кои се регистрирале за гласање односно изразиле инцијатива да учествуваат во изборниот процесот не можеа односно не го остварија своето право на глас денеска?

Како ни се случи на голем број на наши членови кои беа уредно регистрирани и дојдоа на избирачките места да не им е овозможено правото на глас?

На овие две клучни прашања, но и на останатите забелешки кои дојдоа од мрежата контролори низ цела држава, нашиот тим веќе утре ќе поднесе приговори. СДСМ мора многу сериозно да се позанимава и да одговори на овие прашања пред воопшто да се дефинира став во врска со овие избори. Ова, без разлика на исходот од денешното гласање и резултатите кои ги очекуваме во следните два часа“, вели Деспотовски.

The post Деспотовски: За забелешките од контролорите низ цела држава, нашиот тим утре ќе поднесе приговори appeared first on Република.

Кандидатот за нов лидер на СДСМ Јован Деспотовски денеска по гласањето во Општина Карпош изјави оти очекува дека до крајот на денот ќе се почитува принципот на демократски изборен процес, но потенцираше дека има информации за голем број на членови на партијата на кои што им било оневозможено да гласаат. СДСМ, како што рече, е политичка партија која што во ниту еден момент не смее да си дозволи своите членови да ги враќа од избирачките места.

-Денеска е голем ден за СДСМ. Денеска избираме претседател во партијата. Добро е што луѓето излегуваат и гласаат. Јас очекувам дека целата оваа енергија што успеавме изминативе денови да ја мобилизираме, енергија за промени, денеска да се ефектуира, односно да се случи преку гласањето. Очекувам до крајот на денот ќе се почитува принципот на демократски изборен процес и дека членовите на СДСМ ќе изберат еден нов почеток кој што треба да почне уште утре, рече Деспотовски.

Загрижувачки е, како што рече, што во досегашниот тек на гласањето има голем број на членови на СДСМ на кои што не им било овозможено да гласаат иако имаат се она што е потребно за гласање.

-Со мојот тим изминатите неколку денови зборувавме на оваа тема, поднесовме и официјално барање да им се овозможи на сите оние членови на партијата кои ќе се појават на избирачките места, да можат да си го реализираат своето уставно загарантирано право. Сите овие случаи се евидентираат секаде, имаме контрола на секое избирачко место низ државата во сите општински организации. Без разлика на исходот од гласањето, ќе мора во наредните неколку денови да се посветиме како политичка партија сите овие случаи да ги расчистиме, додаде Деспотовски.

Тој напомена дека СДСМ е политичка партија која што во ниту еден момент не смее да си дозволи своите членови да ги враќа од избирачките места, особено не да си го дозволи тој „луксуз“ во ситуација во која што се сега, кога навистина секој член е важен.

Прашан за коментар во врска со повлекувањето на кандидатурата на поранешната министерка за одбрана и актуелна пратеничка Славјанка Петровска, Деспотовски одговори дека уште ги чека доказите за наводните нерегуларности.

-Па јас навистина чекам да ги видиме доказите кои што Славјанка ги најави за наводни нерегуларности во самиот тек на постапката. Откако тие докази ќе бидат презентирани јас и нашиот правен тим со кој што работиме ќе дадеме соодветно мислење, додаде Деспотовски.

The post Деспотовски: На голем број на членови на СДСМ не им било овозможено да гласаат, сите овие случаи се евидентираат appeared first on Република.

Кандидатот за претседател на СДСМ, Јован Деспотовски, во поткастот на Плусинфо, ги анализира причините за поразот на изборите и за падот на СДСМ во последните години, но говори и за своите планови за радикален пресврт и за еден нов почеток на партијата во која е цели 30 години.

Ако околу нешто се обединуваат членовите на СДСМ, тоа е мислата дека ова сега не е добро и дека треба да престане. Луѓето бараат промени, радикален рез, а некаде велат – како со сатар. Јас затоа се залагам за радикален дисконитинуитет со досегашната пракса во СДСМ и за нов почеток“, вели Деспотовски.

Тој прв ја објави својата кандидатура за изборите на претседател на СДСМ, што ќе се одржат в недела на 30 јуни.

Деспотовски најавува радикален рез во кадровската политика во СДСМ.

Ниту еден член на досегашното раководство на СДСМ нема да биде дел од мојот тим, од новото раководство. Тука нема да има никакви компромиси“, вели Деспотовски.

The post Деспотовски: Во СДСМ мора да се пресече како со сатар, ниту еден од сегашното раководство нема да биде дел од мојот тим appeared first on Република.

Со средби со членовите во Центар, Карпош и Кисела вода продолжија теренските активности на Јован Деспотовски, кандидат за претседател на Социјалдемократскиот сојуз на Македонија. Членовите отворено зборуваат за состојбите, незадоволството и даваат конкретни идеи како да се реформира партијата во иднина. Најмногу ги интересира кадровската обнова на партијата и како да се врати важноста на месните организации.

Охрабрува тоа што луѓето отворено зборуваат, критикуваат, но и активно даваат свои предлози за промените кои ни претстојат. Тоа е здраво и суштинско, и јас сакам да слушам сè што имаат да ни кажат. Бидејќи ако не си ги кажеме сега работите какви што сè нема да можеме да влеземе во процесот на заздравување. Никој не треба да се „вознемирува“ од зборовите на членството и од критиките на луѓето. Напротив треба да ги слушаме и да постапиме така како што зборуваат ако сакаме да одиме напред, рече Деспотовски.

Членовите во Карпош и Кисела Вода отворено зборуваа за потребата од расчистување со досегашната кадровска политика, изгубената комуникација на општинските и месните организации со партискиот врв и потребата од обединување.„Пораката е дека се незадоволни од состојбите во партијата и на 30.06, во недела сите тие ќе се определат дали се за нов почеток или ќе одиме по старо. На 30.06 ние ќе имаме референдум и тој референдум ќе биде успешен. Она што е важно е дека СДСМ нема да се обедини околу човек ниту програма, СДСМ ќе се обедини околу јасен став, принципи и нов почеток. Заедно ќе дефинираме јасни принцип и ставови за клучни прашања важни и за државата и за граѓаните, коишто ги немавме изминативе години,“ порача Деспотовски и додаде дека “не е можно да се гради нов почеток со стари кадри“.

Како следни чекори Деспотовски појасни дека програмата Нов почеток, Нов СДСМ е веќе дополнета со сите, над 200 пристигнати предлози од членовите, меѓу кои е и подготовка на правилник со утврдување на критериуми за кандидати за функции, навремено профилирање на потенцијални кандидати за функции и следење на фидбекот на јавноста за потенцијалните кандидати кое ќе се примени веќе од октомври за кандидатите за градоначалник, воведување на принцип на менторство за избрани односно предвидени кандидати за функции, финансиска независност на СДММ и Форумот на жени со одреден процент на надомест од средствата добиени од буџетот.

Оваа програма и предвидените промени по 30.06 ќе бидат интегрирани во идниот Статут на партијата за да не останат само убави желби на хартија. Според планот на активности до крај на летото веќе ќе треба да ги избереме сите нови општински раководства и делегати и потоа да свикаме Конгрес на кој ќе се изгласа новиот Статут, појасни Деспотовски.

The post Деспотовски: Бранот на промени е тргнат и нема запирање на 30 јуни appeared first on Република.

Кандидатот за нов лидер на опозициската СДСМ, Јован Деспотовски, објави видео во кое разговара со членови од партијата, посочувајќи им Доста е!

Партијата си има куќен ред. Од 30.6 се надевам дека ќе има нов куќен ред. Во куќниот ред ќе се договараме кои ни се ставовите и ќе се договараме кој ги пласира тие ставови. Дали ќе искачаат од зградата таму, ќе седиме овдека на улица ќе одржиме прес или ќе збориме во Собрание. Ама ќе се договориме. Ако не се почитува куќниот ред, знаеш како е редот. И тебе дома нема да те толерираат твоите ако не се однесуваш како што треба. И тоа треба да им биде јасно на сите. Јас немам проблем. Тоа отворено го кажувам. Ја имаа можноста и мене ми е навистина жал затоа што сега не ја препознаа таа прилика и да се повлечат еден чекор назад. И сега пак се вклучени во изборите. Што не беше јасно минатиот пат, седум години, десет години. Доста е! Мислам стварно е доста! Најдругарски да си кажеме значи не бива, значи знаеш како, сега со сила ги туркаме работиве. Види, ако не те сакаат дома, а нас не нѐ сакаат ни во Струмица, ни во Паланка, нигде не нѐ сакаат. И сега пак истото ќе им го вратиме на луѓево?! Знаеш каков впечаток имав? Имав впечаток дека сите околу нас точно знаат што се случува и што не треба да направиме, само ние уште не знаеме што не треба да направиме. И само ние уште глумиме лудило и си мислиме дека имаме трка во која што Јово се натпреварува со Венко. Ние уште тоа си го тераме. Ние уште мислиме дека Јово и докторот се. Не бе, не се Јово и докторот.

Видеото погледнете го на следниот линк

The post Деспотовски: Нас не нѐ сакаат ни во Струмица, ни во Паланка, нигде не нѐ сакаат appeared first on Република.

Јован Деспотовски, еден од кандидатите за претседател на СДСМ, преку социјалните мрежи објави видео во кое објаснува дека завчера имал, како што вели, мала здравствена криза поврзана со слепото црево.

Операцијата, како што објаснува Деспотовски, поминала како што треба и поради тоа морал да ги откаже сите теренски активности.

Веќе во текот на денешниот ден сме оперативни и во 19 часот продолжуваме со чет во живо за сите предлози и коментари што ќе ги имаме. И од утре, секако, продолжуваме со иста динамика и темпо во теренските посети бидејќи навистина успеавме во изминатите неколку недели да иницираме еден сериозен бран енергија и желба за промени. Нема да ве разочарам, продолжуваме понатаму заедно, порача Деспотовски во видеопораката што ја објави вчера.

The post Деспотовски во болнички кревет, ги откажа теренските активности appeared first on Република.

Јован Деспотовски, кандидат за претседател на СДСМ продолжува со средбите на терен. Членовите во Крушево и Кичево ја истакнаа потребата од неопходна реформа на партијата и се наметна дебатата за тоа како ќе делува СДСМ како опозиција по изборот на новата Влада.

Деспотовски посочи дека Новиот СДСМ ќе работи на професионализација на партиските тела и ќе формира и Влада во сенка како коректив на Власта и во заштита на граѓаните.

„За да имаме функционална демократија, настапот на опозицијата е форма на лидерство подеднакво важно за заштита и служба на интересите на граѓаните, како што е и кога партијата е дел од мнозинството. Затоа ќе бидеме гласна, проактивна, критична, конструктивна опозиција која ќе работи на заштита на интересот на сите граѓани. Пратениците, во соработка со партиските тела и комисии, после 30.06 ќе мора детално да ги анализираат и потоа коментираат предлозите кои доаѓаат од владејачкото мнозинство, но и активно да предлагаат решенија кои произлегуваат од потребите на граѓаните. Новиот СДСМ станува движечка, основна опозициска сила во Собранието“, порача Деспотовски и додаде: „На членовите, граѓаните и на земјава и е потребен силен СДСМ кој ќе се наметне како водечка, но и конструктивна опозициска партија и во Парламентот и на сите други нивоа. Со мудра политика и дефинирани јасни ставови за сите прашања кои не засегаат и како држава, а особено за се она што ги засега граѓаните. За да си го вратиме интегритетот и местото во општеството мора да преземеме храбри и одлучни чекори. И ова не е избор, ова е чин на одговорност што им го должиме на сите наши членови“.

Тој додаде и дека се предвидува професионализација на партиските тела како и градење на капацитети за да дејствува и како „Влада во сенка“.

The post Деспотовски: СДСМ станува движечка, основна опозициска сила во Собранието appeared first on Република.

Кандидатот за претседател на СДСМ, Јован Деспотовски, порача дека престојните претседателски избори во партијата се референдум на кој треба членството да одлучи дали ќе се продолжи или ќе се раскрсти со старите пракси и политики.

 Ги слушам презентациите на моите противкандидати и можам да заклучам дека имаме заеднички точки во програмите. И тоа е добро. Општинските организации сами ќе си го бираат раководството, а и кандидатите за градоначалник и пратеник бидејќи само така ќе ви бидат лојални овде на вас луѓето, а не во Скопје. Но, да сме на чисто, ние овде не се обединуваме околу програми. Ние овде треба да се обединиме околу концепт. Во духот на Гоце Делчев и јас би сакал да го разберам сега СДСМ како поле на кое ќе се натпреваруваме со идеи и програми. Ама за жал, не е така. Извинете што ќе „ја расипам забавата“ меѓутоа сите го гледаме “слонот во собата“ и треба отворено да зборуваме за тоа. Избороте на 30 јуни ќе бидат на некој начин референдум за СДСМ – продолжуваме по старо или одиме по ново? И за политиките и за кадровски решенија“, рече Деспотовски на заедничката презентација со останатите противкандидати во Куманово.

Според него, поразително ќе биде доколку се повтори начинот на кој беше поставен претседателот на партијата во 2021 година. Деспотовски нагласи дека се разликува и во однос на ставовите по клучни прашања за земјава.

Ме прашуваат дали кога ќе бидам претседател на СДСМ ќе го сменам ставот во однос на уставните измени. Да! Но, не од инат. Ние три години по ред застапувавме концепт кој го ставивме на тест пред еден месец и граѓаните му кажаа не. И ако сакаме да бидеме чесни кон тие луѓе кои гласаа 3 наспрема 1 за решението што го понуди ВМРО-ДПМНЕ и да покажеме дека ја разбравме нивната порака ќе им кажеме во ред, ја разбравме пораката, а на ВМРО-ДМПМЕ ќе им кажеме во ред, спроведете тоа што го понудивте. Дајте предлог, ќе го разгледаме и ако ја заслужува нашата поддршка ќе ја добиете - ама на тој концепт. Ако сакаме да се вратиме наназад за она за кое ние сме се залагале три години и за кое доста искрваревме и си плативме дебела цена на изборите, нема да го прифатиме. Исто не од инат. Бидејќи на тој пат и со тој пристап ги заборавивме луѓето. СДСМ е политичка партија која е формирана да ги штити интересите на државата, но и интересите на своите членови и граѓаните, рече Деспотовски.

Тој нагласи и дека една од клучните заложби на партијата ќе биде враќањето на вредностите и традициите од АСНОМ на кои почива партијата како наследник на партизаните.

The post Деспотовски: Изборите на 30 јуни се референдум за СДСМ – дали ќе се продолжи по старо или ќе се оди со нешто ново appeared first on Република.

Кандидатот за претседател на СДСМ, Јован Деспотовски во емисијата „Daily Click“ на ТВ21 истакна дека начинот на кој во 2021 година бил поставен Димитар Ковачевски за лидер на СДСМ, не треба да се повтори.

Начинот на кој што се случи поставувањето на Димитар Ковачевски во 2021 година, не треба да се повтори и сега. Против тоа ќе се борам и се борам… Практично го зема за рака и го седна, вели Деспотовски.

The post Деспотовски: Начинот на кој беше поставен Ковачевски во 2021 не треба да се повтори appeared first on Република.

Очекувам  и верувам од поддршката што ја добиваме дека одиме кон целосно нов впечаток, увеврен е кандидатот за нов претседател на СДСМ, Јован Деспотовски. Тој во интервјуто за „Република“ говори за изборите на 30 јуни, за одложенот конгрес, како и за тоа дали има фаворизрање на одредени противкандидати.

Во врска за причините за одложувањето на конгресот, Деспотовски вели дека тие најточно се дознаваат ако разговарате со луѓето.

Мислам дека сето акумулирано незадоволство и гнев мислам дека малку го потценивме, мислејќи дека луѓето и натаму ќе дозволуваат да се однесувме кон гласачите како гласачка машина без да ги слушнеме нивната разочараност, гнев, негативна енергија кон сето тоа што се случи. И да, и тие што дојдоа  и тие што не дојдоа испратија многу јасна порака.И со доаѓањето и со недоаѓањето испратија порака дека се незадоволни.

Тој не е сигурен оти партиското раководство имало проценка декка конгресот ќе пропадне.

Треба да се даде можност на луѓето да го изразат својот став.Во историјата на партијата досега не случило да не се одржи конгрес а сме имале ситуации кога сме доживувале тешки порази.Сепак не станува збор за фракции туку за став, негативен кон состојбите во партијата кој посто насекаде подеднакво.

Деспотовски нема информации дали во неделата кога се одржуваше конгресот во еден ресторан близу хотелот Александар Палас се одржувал т.н паралелен конгрес.Во ресторанот биле собрани Оливер Спасовски и Миле Зечевиќ со повеќе делегати.

За тоа дали на СДСМ му се закануваат фракции,Деспотовски вели дека ќе зависи од тоа како ќе биде воден и завршен изборот за претседател.

Тука не станува збор само за исходот од гласањето, туку и самиот процес.Ако во рамки на самиот процес поттикнеме, овозможиме што е можно поголем број на членови да го препознаат својот интерес и да се вклучат преку активната регистрација и да учестуваат во изборите и во јавните дебати кои се надевам ќе ги имаме во тој случај мислам дека сме на добар пат.Доколку се овозможи да имаме фер постапка во која нема да има наметнати решенија и во која секој глас ќе биде препознаен.Многу е важно и резултатот на самиот изборен процес на кој луѓето ќе треба да кажат дали се за континуитет или радикален дискотинуитет.

Деспотовски е свесен дека има фаворизирање на неговиот противкандидат Венко Филипче од страна на поранешниот лидер на СДСМ Зоран Заев.

Пропуштаме како партија да имаме добар изборен процес во кој сите поранешни претседатели ќе излезат со јасен став дека трката е отворена и дека секој член има право да го изрази својот став за фер и отворен процес без да фаворизираме никого.Тој елемент можеби недостасува, дека ниту еден од лидерите ниту партиски членови не застанува позади никого. Во политиката впечаток е се.Поддршката или перцепцијата за поддршката за некој од кандидатите создава и позитивна реакција кај луѓето, но и негативна реакција. Овие избори не треба да се претворат во референдум „за“ или „против“ туку да бидат аргументи, начин програма.Мора да имаме позитивен пристап.

Тој е разочаран што противкандидати не се јавија на неговиот повик да се потпише заедничка изјава изборот да биде според програма а не според пазарење.

Изјавата е симболичен чекор да ги увери луѓето дека целата таа негативна практика дека луѓе влегуваат во трката за да се афирмираат себеси и да стекнат капитал кој потоа го користат во пазарење.Мислам дека сега не треба да си играме политики бидејќи СДСМ е на едно историски најниско ниво и не претеруваат кога ќе кажат дека ситуацијата ни е „живот или смрт“. Многу зависи од оваа постапка дали ние ќе испливаме од калта во која сме.Мислам дека сега го немаме тој луксуз да ги повторуваме негативните практики од минатото-влегуваат луѓе во трка, стигнуваат до некаде и велат „капиталот што го стекнав ќе го искористам за да станам генерален секретар или заменик претседател“.

Тој не смета дека обединувањето не треба да биде на начин со кој ќе седне со противкандидатите и ќе се договорат.

Тоа е погрешен пристап.Прво треба да видиме за што ќе се договараме, дали имаме програми кои се исти, пристап, имаме иста визија или немаме.Лажна е дилемата ако некој не е функционер не може да даде придонес во партијата.Што станува со тие 80.000 членови?Тоа значи дека сите обичн членови во партијата како мене и трчаат на сите избори и меѓу избори работат, нивниот придонес е недостоен поради тоа што не се функционер, а се брои само придонесот на фунционерите.Јас не сметам дека треба некој да биде фунционер за да даде придонес.Јас со изјавата јавно декларирав дека доколку неуспеам на 30 јуни да ја добијам довербата од членовите јас нема да прифатам ниту една друга фунција во партијата, ќе останам член и ќе продолжам да давам придонес.Истото очекувам дека ќе го направат и другите противкандидати иако исто така пропуштија добра можност при кандидатурата да ја поднесат таа изјава.Taa изјава ќе покажеше дека сите ние сме влезени во трката за да стигнеме до крај.

Деспотовски уверува дека нема да се случи ако било кој од  предложените кандидати биде избран и подоцна се покрене судска постапка тоа да  биде искористено како алиби дека се прави притисок врз лидерот на опозицијата.

Сите граѓани се еднакви пред законот.Ако против било кого има судска постапка и докажана вина немам дилема.Треба да внимавме дека понекогаш и власта, односно институциите знаат да претераат и да се користат тие алатки за наметнување политичка агенда.Во програмата предвидено е формирање на етички совет во партијата со прилично извршни функции.Тоа значи ако во рамки на самата партија ние предвидуваме стрикно почитување на одредени етички норми на однесување јас немам дилема дека тоа ќе се однесува подеднакво за сите функционери без разлика кој на која позиција е во врска со почитување на законите во државата. Лажна е дилемата дека доколку некој се соочи тоа ќе биде протолкувано како политички или не.Македонија е мала држава и работите се знаат. Доколку имаме принципиелен пристап од страна на институциите ќе се потпираме на закони, односно има докази или нема докази.

Деспотовски верува дека СДСМ ќе биде силна опозиција.

Зависи од процесот кој сега го спроведуваме и колку ќе успееме да ги убедиме прво луѓето во партијата а потоа и јавноста дека имаме волја и капацитет да спроведеме чиста постапка.СДСМ беше носител на извршната власта кој даде голем придонес за спроведување на изборен процес за кој може да ни позавидат многу членки на ЕУ. Кога СДСМ е на власт имаме чисти избори.Бидејќи сме придонеле како партија тоа да се случи мислам дека тоа можеме да го направиме и дома во партијата.Исходот од изборите е исто така многу важен.Од исходот на изборите ќе зависи дали членовите ќе се определат за континуитет или ќе има дисконтинуитет.

Како главна причина за поразот на изборите на СДСМ Деспотовски го гледа тоа што ги заборавиле потребите на луѓето.

Има секојдневни проблеми за кои власта е тука да ги решава.Доста работи се направија во делот на економијата меѓутоа потфрливме да ги искомуницираме. Имаше и инстуции тој фокус на ЕУ и на прашањето со Бугарија  го користеа да не прават ништо. Се создаде впечаток дека сме во подредена позиција во сопствената партија,кадровските прашања...има ред прашања на кои потфрливме.Личните карти и пасошите можеби само го зацврст впечатокот дека можеби не сме доволно способни за да владееме.

Деспотовски апелира и се надева дека што е можно поголем број членови на СДСМ  ќе гласаат на партиските избори.

Ни треба што е можно поголем број бидејќи ова е еден од начините  луѓето да ги мобилизираме и враќаме назад.Тоа треба да ни биде примарна цел. Со самиот чин на регистрација настојуваме дополнително да го олесниме овој процес.Разгледуваме мноу можности како тој број што ќе учествува во процесот да го золемиме максимално.Така ќе гарантираме дека изборот на луѓето ќе биде без влијаније бидејќи колку повеќе луѓе се вклучени во процесот влијанието е помало.Тоа е еден од првите чекори што ги правиме за да ги вратиме луѓето назад.Затоа сметам дека е важно да имаме голем број регистрирани луѓе. Верувам дека ќе имаме фер избори-верува Деспотовски.

https://www.youtube.com/watch?v=lm8XKCYAm6U

The post Деспотовски: Верувам дека следниот претседател на СДСМ ќе биде мандатар на некоја идна влада appeared first on Република.

Кандидатот за претседател на Социјалдемократскиот Сојуз на Македонија, Јован Деспотовски, од матичната месна организација „Владо Тасевски“ во Карпош, ја продолжи кампањата за партиските лидерски избори. Деспотовски пред сопартијците ја претстави програмата Нов почеток, нов СДСМ која се темели на враќање на силата на членството и нуди конкретни реформи за иднината на партијата. Дел од клучните реформи е професионализација на партијата, воведување на директен избор на носители на функции во партијата, градоначалници и пратеници, како и влијание на носење одлуки на сите партиски членови и структури.

https://republika.mk/vesti/makedonija/despotovski-propushtame-kako-partija-da-imame-dobar-izboren-protses/

Нема повеќе сервирање готови решенија. Уште пред три години најавив воведување на директен избор на претседатели на општинска организација, кандидати за градоначалници, пратеници и повисоки партиски функции преку непосредно гласање на членовите. Веќе на следните локални избори, кандидатите за градоначалник на СДСМ, па и носителите на листи за советници ќе бидат гласани од членовите во секоја општинска организација. Нема да ги определува централата во Скопје, како досега. Ова е единствениот начин како градоначалникот и пратеникот да бидат одговорни кон луѓето, а не кон централата во Скопје - рече Деспотовски.

Тој посочи дека оваа програма е отворена за предлози и идеи.

Учиме лекции од минатото, кога функционерите се отуѓуваа од луѓето. Затоа одговорноста сега се врти надолу кон членството и граѓаните, а не нагоре кон лидерот. Нема простор за импровизации, нема „криење“ од јавноста, пријателите, соседите. Мора да бидеме достапни и транспарентни и да комуницираме за сите отворени прашања - рече Деспотовски.

За Деспотовски, клучно во оваа фаза од изборите е да се обезбеди поголема регистрација на членовите за гласање. Регистрацијата се олеснува за сите оние што од различни причини ги немаат членските картички. Веќе е отворена можноста за регистрација само со матичен број.

The post Деспотовски: Функционерите ќе бидат одговорни на луѓето, не на централата во Скопје – воведуваме директен избор appeared first on Република.

Пропуштаме како партија да имаме добар изборен процес, во кој сите поранешни претседатели ќе излезат со јасен став дека трката е отворена и дека секој член има право да го изрази својот став за фер и отворен процес без да фаворизираме никого.

Тој елемент можеби недостасува, дека ниту еден од лидерите ниту партиски членови не застанува позади никого, искрен е кандидатот за нов претседател на СДСМ, Јован Деспотовски.

@republika.onlineЈован Деспотовски♬ original sound - Republika online

Во политиката впечаток е се. Поддршката или перцепцијата за поддршката за некој од кандидатите создава и позтивна реакција кај луѓето, но и негативна реакција. Овие избори не треба да се претворат во референдум „за“ или „против“ туку да бидат аргументи, начин, програма. Мора да имаме позитивен пристап - објаснува Деспотовски во интервјуто за „Република“, кое ќе биде објавено в сабота.

The post Деспотовски: Пропуштаме како партија да имаме добар изборен процес appeared first on Република.

Ги повикувам уште еднаш сите кандидати за претседател на СДСМ да ми се придружат на јавна дебата на која ќе ги презентираме нашите идеи и конкретни реформи. Овој повик доаѓа како одговор на бројните барања од луѓето од цела Македонија со кои се среќавам и зголемениот интерес од медиумите,oбјави Јован Деспотовски.

Нема од што да бегаме, а само преку отворен и транспарентен пристап можеме на луѓето да им дадеме можност да бираат идеи и концепти, а не однапред сервирани решенија.

Охрабрувачки е да се види дека моите колеги активно ги промовираат клучните точки од мојата реформска програма, особено реформата со која се воведува директен избор на клучните луѓе на партиски позиции преку непосредни избори што го промовирав уште пред три години. Силата е во членството. Нема сервирање “готови кадри“ туку членството ќе бира кој ќе ги претставува. Ова е единствениот начин како градоначалникот и пратеникот да бидат одговорни кон луѓето а не кон лидерот.

Гледам дека сега консензуално ги прифаќаат, па сметам дека на една јавна дебата треба отворено да видиме кој каков план има да ги спроведе, како и да си ги споделат и своите идеи за кои ќе се залагаат.

Јавното соочување е нешто за што секогаш сме се залагале и за кое секогаш сме имале храброст да го бараме од нашите политички противници. Со јавната дебата ќе покажеме дека сме отворени и посветени на фер процес, во кој информацијата, можноста, идејата ќе дојде до што е можно поширок круг на наши членови, а не само на тесен избор на партиски структури.  Процесот на избор на претседател на СДСМ е се освен прашање/право на затворен круг на луѓе.

Подготвен сум да се прилагодам на потребите на останатите кандидати во однос за форматот, времето и местото што ќе го одберат.

The post Деспотовски ги повика на јавна дебата другите кандидати за лидер на СДСМ appeared first on Република.

Јован Деспотовски објави дека ќе се кандидира за претседател на СДСМ, а кандидатурата ќе ја поднесе во зависност од роковникот.

Деспотовски вели дека овие избори не треба да се сведат на пазарење, туку на натпревар на концепти и идеи и да им се овозможи на луѓето да се изјаснуваат без притисок и без пазарење.

Деспотовски е уверен дека на партијата, покрај длабоките реформи, и е потребен и лидер кој ќе обединува.

Обединувањето на партијата треба да почне да се случува веќе сега, меѓутоа не на начин на којшто треба сите потенцијални структури или структури внатре да седнат и да се договараат, затоа што тоа е погрешен пристап. Пазарењето е погрешен пристап. Треба да се обединиме околу целта да имаме еден процес во којшто сите членови на партијата ќе им дадеме право, без фаворизирање и без странични игри, самостојно да се изјаснат за програмите кои треба сите кандидати да ги понудат“, рече Деспотовски.

Врз основа на Статутот на СДСМ, одлуките на Централниот одбор и одлуката на Извршниот одбор од денеска СДСМ објавува Отворен повик за самокандидирање на сите заинтересирани кандидати за Претседател на партијата.

Постапката за кандидирање започнува од 31.05.2024 и ќе трае седум дена, до 06.06.2024 година.

https://republika.mk/vesti/makedonija/koj-smee-da-se-kandidira-za-lider-na-sdsm/

Покрај Деспотовски, уште неколку имиња се споменуваат во контекст на изборот на нов лидер на СДСМ. Министерката за одбрана во заминување Славјанка Петровска најави дека ќе се кандидира за претседателка на партијата. Како еден од можните кандидати за нов претседател на СДСМ се споменува и Венко Филипче, па дури не е исклучено и Зоран Заев да се обиде да се врати на лидерската позиција во партијата. Во медиумите се споменува и името на Оливер Спасовски, но според партиски извори тој би имал мали шанси да дојде на лидерската позиција.

Деспотовски пред три години исто така учестуваше во трката за претседател на партијата, заедно со Димитар Ковачевски, Фросина Ременски и Властимир Алексовски.

The post Втор обид: Јован Деспотовски ќе се кандидира за претседател на СДСМ appeared first on Република.