Поранешниот предводник на германската репрезентација Јоаким Лев е меѓу главните кандидати за нов селектор на Бразил, објави денеска весникот „Билд“.

Бразил е без селектор од елиминацијата во четвртфиналето на Мундијалот во Катар кога Тите поднесе оставка по поразот од Хрватска.

Бразил на 25 овој месец ќе одигра пријателски натпревар против Мароко, а на клупата на Кариоките ќе седи селекторот на репрезентацијата до 20 години Рамон Менезес.

Лев (63) беше селектор на Германија од 2006 до 2021 година, освојувајќи ја титулата светски првак на Мундијалот 2014 во Бразил

The post Го паметите Германецот што си го чепкаше носот: Лев е можно да биде селектор на Бразил appeared first on Република.

Поранешниот германски селектор Јоаким Лев изјави оти се чувствува подготвен за нов ангажман во фудбалот.

Лев беше 17 години дел од стручниот штаб на германската репрезентација, првите две како помошник на Јирген Клинсман, а од 2006 до 2014 како селектор.

Во неговиот мандат Германија ја освои титулата светски првак на Мундијалот 2014 во Бразил, а беа поразени во финалето на ЕУРО 2008 од Шпанија.

Лев се повлече од должноста по ЕУРО 2021, а неговото место го наследи Ханси Флик.

-Веќе имав намера повторно да прифатам работа во фудбалот. Премногу е забавно да се биде во тој спорт. Повторно сум мотивиран кога гледам фудбал, што не беше случај во месеците пред тоа, изјави Лев во интервју за германскиот весник „Кикер“.

Лев најави дека неговото враќање во фудбалот ќе се случи по Мундијалот во Катар.

The post Јоаким Лев се враќа во фудбалот appeared first on Република.