Јан Облак би можел да го напушти Атлетико Мадрид. Според „AЅ“, словенечкиот голман го загубил статусот на незаменлив играч, а мадридскиот клуб е подготвен да ги слушне понудите за негов трансфер.

Атлетико сака да го обнови својот тим во текот на летото и да се раздели со своите најплатени играчи. Платата на Облак е една од највисоките во клубот, голманот добива 10 милиони евра нето по сезона.

Самиот голман знае дека Мадрид е подготвен да го продаде. Тој сака да се обиде во Премиер лигата доколку мора да го напушти сегашниот тим.

Забележано е дека Атлетико е заинтересиран за грузискиот репрезентативен голман Џорџи Мамардашвили. Валенсија за 23-годишниот голман ќе бара 25 милиони евра.

Облак за мадридскиот клуб настапува од сезоната 2014/15. Во тековната сезона во Ла Лига одигра 33 натпревари и прими 39 голови

The post Oблак веќе не е како порано, Атлетико е подготвен да го продаде appeared first on Република.

Голманот на Атлетико Мадрид, Јан Облак беше важен за успехот на неговата екипа во пенал рулетот против Интер во осминафиналето на Лигата на шампионите.

Покрај тоа што беше стабилен во текот на целиот меч, Словенецот одбрани два удари на противникот при пеналите на крајот. Призна дека имал и среќа.

-Отсекогаш сум велел дека и во пеналите треба да имаш среќа затоа што треба да го избереш вистинскиот агол. Треба да ја избиеш топката, но ако противникот шутира совршено, не можеш ништо. За среќа, денес јас успеав да ги спасам, но поважно е што победивме и се пласиравме во четвртфиналето“, вели Облак.

Како и неговиот тренер Диего Симеоне претходно, голмано им оддаде чест на навивачите на „црвено-белите“ и ја потврди нивната улога во победата над Интер.

-Атмосферата беше фантастична, како и секогаш дома. Навивачите, стадионот никогаш не нè изневериле. Можеме да потфрлиме, но тие не. И денес тие имаа важна улога и многу ни помогнаа", додаде голманот по мечот

The post Јан Облак: Имав среќа при пеналите appeared first on Република.