Зошто жените одлучуваат да изневеруваат? Преовладува мислењето дека мажите изневеруваат почесто од жените, дека за нив прељубата е чисто физичка работа, додека жените се повеќе склони да влегуваат во афери во потрага по љубов. Но, дали е навистина така ?

Логично е да се заклучи дека човек изневерува затоа што е несреќен во врската, партнерот не му посветува доволно внимание, можеби не добива доволно „акција“… Ова се причините кои најчесто се наведуваат како причина за нивното неверство. Дека не е така лесно да се направи, не е лесно да го лажеш партнерот и да ја сокриеш аферата, открија жените кои искрено на форум кажаа на какви трикови користат. Овој пат седум жени во анонимна анкета на полскиот веб-портал Cluber открија што ги поттикнало да направат прељуба. Ова се нивните објаснувања…

1.) Недоволно романтика и „акција“

Мојот сопруг воде љубов со мене само еднаш месечно и не сака да биде романтичен. Сепак, нашите деца не би прифатиле лесно развод, па…, изјавила 43-годишната учителка која е во брак 20 години.

2.) Врска на далечина

Бев во врска на далечина скоро четири години. Бевме многу млади и немавме многу пари, па се гледавме само четири до седум пати годишно. Последната година од нашата врска беше ужасна, а кога дојде во градот, забележав дека цело време им праќа пораки на други девојки. Не верував дека може да помине цела година без секс, па претпоставував дека ме изневерува, а потоа почнав и јас да превземам апликации за запознавање. Одев на многу состаноци, а на крајот од нашата врска спиев со еден дечко затоа што чувствував дека сè е готово помеѓу мене и моето момче. Сега, гледајќи наназад, жалам што премногу се плашев да го изгубам и немав сила да ја прекинам врската кога почнав да сфаќам дека ме изневерува, изјавила 25-годишната маркетинг експерт.

3.) Забранетото е повозбудливо и послатко

Не изневерувам затоа што сум несреќна. Всушност, многу сум среќна во мојата врска. Понекогаш се чувствувам како да не го изневерувам моето момче како другите. Знам дека звучи како да се обидувам да барам изговори. Знам дека тоа е неморално и тоа е моја вина, но вистината е дека кога изневерувам, само си ги задоволувам сопствените желби. Не го навредувам партнерот, не се обидувам да му се одмаздам ​​или го надополнувам она што ми недостасува во врската. Само сакам да имам врски и го правам тоа. Ова е слепа себичност што ми дозволува да ги ставам моите чувства над неговите, но не сакам да го повредам. Сакам да водам љубов со различни луѓе. И да, пред да прашате, јас и дечко ми сè уште имаме фантастични интимни односи. Ништо не ни недостига во таа сфера. Изневерувањето не ме натера да го сакам дечко ми помалку. Ваквите интимни врски се нервозни, проникнати со страв да не бидам фатена, но и прават да се чувствувам сосема поинаку, вели 26-годишната медицинска сестра.

4.) Пијанство и недостаток на внимание

„Спонтаноста на моментот. Бев пијана, а дечко ми беше многу ладен кон мене некое време. Не ми обрнуваше доволно внимание, не се чувствував пожелна“, открила друга девојка, 24-годишна извршна асистентка.

5.) Лоши интимни односи

„Не се чувствував емотивно задоволна во моите врски“, рекола 45-годишна менаџерка.

6.) Одмазда и бес

„Одмазда. Бев млада (25 години) и знаев дека нашата врска веќе е при крај. Тој почна да ме изневерува, а јас со сите сили се обидов да поправам сè. Но, за жал, тој не мрдна со прст да ни ја спаси врската. Цело време ме лажеше и не му беше гајле што ќе се случи потоа. Бев лута на него па го изневерив. Две недели подоцна се иселив од неговиот стан. Така, по оваа случка не зажалив за ништо. Ова беше прв и единствен пат да изневерам некого“, објаснила 42-годишната наставничка.

7.) Комбинација од депресија и алкохол

Бев депресивна и под стрес, па ми препишаа антидепресиви. Почнав да излегувам повеќе и да пијам повеќе, бидејќи се уште чувствував преголем притисок дома… Работев цела смена, се грижев за децата, се грижев за куќата и плаќајќи ги сметките, мојот сопруг поголемиот дел од слободното време го поминуваше како што му одговара, префрлајќи ги сите домашни обврски на мене. И покрај бројните разговори, расправии и раскинувања, ништо не се смени. Антидепресивите ми дадоа нова енергија, почнав да трошам повеќе време надвор од куќата, други мажи ми обрнуваа внимание, јас се повеќе заборавав на мојата одговорност и често се опијанував додека не ги заборавив сите проблеми. Завршив во врска и подоцна ми беше дијагностицирано биполарно растројство… Сепак, ова не можеше да го ‘оживее’ мојот 18-годишен брак, објаснила 43-годишна шалтерска работничка.

The post Зошто жените изневеруваат? appeared first on Република.

Додека вежбала кардио на лента за трчање во локален фитнес центар во Белград, Мара наслушнала вистинска шпанска сапуница, која решила да ја сподели со „Тик-ток“ и така јавно да го разоткрие неверниот тип.

Би го замолил „Тик ток“ да ја направи својата магија. Бев во теретана, не можам да ви кажам која, но салата е во Белград. Ако се викаш Ивана, а дечко ти се вика Игор, само да знаеш дека тој долго време те изневерува со Милица. Тебе не може да те остави, а неа ја сака. Поентата на приказната е што Милица сега си најде ново момче и тој е очаен и не знае што да прави. Сега сака да ти раскине и да ја врати Милица. Не знам што се случува. Во суштина, моралот на оваа приказна, Ивана, раскини со него!, порача девојката преку „ТикТок“.

@maraognjenovic🙏🏼🙏🏼🙏🏼

♬ original sound - Mara Ognjenović

The post Ако си ти Ивана, Игор те изневерува со Милица, раскини му! appeared first on Република.

Неверојатната приказна на зетот Јован С. од Зрењанин, кој на денот на својата свадба ја фатил невестата Санела со друг, се чини како филм. За српско „Еспресо“ тој неодамна се решил да раскаже што точно се случило на денот на венчавката:

Санела ја запознав кога имав 30 години, таа имаше 25. Ја завршив Богословијата и требаше да станам свештеник. Како што оди редот, прво беше време за свадба. Се знаевме можеби една година, за тоа време не живеевме заедно, но бевме ок.

Таа отсекогаш беше малку кокета, но ми допаѓаше тоа, флертуваше со мене и со сите, но имав впечаток дека ќе се смени во моментот кога ќе се венчаме. Ми се чинеше како да ѝ недостига да го чувствува тој семеен мир кој можеби досега не го почувствувала вистински.

Свадбата се случи, се разбира. Ги повикавме сите роднини, нејзините братучеди, моите. Имавме мал инцидент пред свадбата, но сето тоа брзо помина. Нешто се бунеше за тоа зошто воопшто правиме свадба, што беше малку лудо, бидејќи сè веќе беше договорено. И таа го сакаше тоа од самиот почеток. Што сакаше со кавгата да постигне, не знам. Не знам ни дали ме сакаше. Имавме бебе на пат, па свадбата се случи. Напладне кажавме да, направивме и прекрасна венчавка в црква. Со Божја помош, времето баш ни се погоди, навистина сè беше како што треба. Кога луѓето се почнаа да пијат и да се веселат, таа исчезна.

Тргнав да ја барам зошто требаше да ја сечеме тортата, но ја немаше. Мислев дека се фотографира со некого. Сепак, ништо. Во тоалетот - не. Ја прашувам кумата каде исчезнала, збунета е, вели појма нема, некаде тука е.

Потоа излегов надвор од ресторанот. Не беше ни таму. Одам позади, си велам може се скрила да запали цигара, зошто ја карам да не пуши поради бременоста. Кога таму, во еден паркиран автомобил, на стаклото гледам како да се движи бел материјал.

Пријдов, а таа, таа... Се бакнуваше со другар ѝ. Не го познавам добро, рече мора да го поканиме на свадба...

Отпрвин не можев да им верувам на очите. Се приближував за да проверам дали добро гледам. Добро гледам, венчаницата е таа што се движи.

Прво тој ме забележа. Се скамени. И тогаш, таа се сврте. Ме погледна, па почна да плаче. Само стоев таму. Излезе од колата, ја прашав што прави... и не рече ништо, само влезе.

Време беше за торта, влегов и јас, но знаев дека после тоа ќе побарам развод.

А, таа?! Таа почна да гледа што подароци добивме, како ништо да не се случило. После се собрав, реков дека сакам развод и ја оставив кај него.

The post Јован ја фати невестата со друг на свадба: Се правеше луда, гледаше што поклони сме добиле appeared first on Република.