Поради снимање на сцени од филмот „Осветлен“, утре (26 јуни) од 18:00 часот до четврток (27 јуни) во 5:00 часот, ќе има измена на сообраќајниот режим на булевар „Србија“ во Скопје, соопшти продуцентската куќа „Ново македонско видео“.

Предвидено да се снима на потегот помеѓу булевар „Трета Македонска Бригада“ и булевар „Србија“. Ќе биде затворена едната сообраќајна лента од крстосницата со булевар „Борис Трајковски“ до крстосницата со булевар „Трета Македонска Бригада“. На истиот потег за време на снимањето ќе биде овозможено движење само на автобусите на јавниот градски превоз, товарните возила и на амбулантните возила.

За време на снимањето обезбедена е полициска асистенција од СВР Скопје.

Продуцентската куќа „Ново Македонско Видео“ изминатиов период го реализира играниот филм „Осветлен“ во режија на Срѓан Јанаќиевиќ. Филмот се снима на повеќе локации низ Скопје.

The post Утре изменет сообраќаен режим на булевар „Србија“ appeared first on Република.

Поради одржување на митинг од изборната кампања за претседателските избори 2024 година на 21.04.2024 во 13.00 часот пред седиштето на Европската унија на ул.„Св. Кирил и Методиј“ во Скопје, Единицата за безбедност на патниот сообраќај при СВР Скопје ќе преземе мерки за посебен режим на сообраќај на ул.„Св. Кирил и Методиј“ почнувајќи од 19,00 часот на 20.04.2024 (сабота) до 21.00 часот на 21.04.2024 (недела).

Притоа, за сообраќај ќе биде затворена ул.„Св.Кирил и Методиј“ на потегот од крстосница со бул.„Кочо Рацин“ до крстосница со бул.„Св. Климент Охридски“.

Исто така, на 21.04.2024 во 20.00 часот на плоштад „Македонија“ во Скопје ќе се одржи митинг од изборната кампања за претседателските избори 2024 година. Од тие причини, Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.

За таа цел, МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвиваат настаните.

The post Изменет режим на сообраќај во Скопје во сабота и недела appeared first on Република.

Од општина Карпош известуваат дека од денеска започнува реконструкцијата на улицата Варшавска, (од ул. Лондонска до ул. Париска).

Поради изведување на градежните активности, ќе биде воспоставен нов привремен режим на сообраќај бр. 15 – 212/4 од 10.02.2022 година, издаден од Град Скопје, велат оттаму.

Изведувачот на работите ДГПТУ „БИТЕМ“, во понеделник ќе постави и вертикална сообраќајна сигнализација, која ќе важи до завршување на реконструкцијата на улицата.

The post Променет сообраќаен режим во Карпош поради реконструкција на улица „Варшавска“ appeared first on Република.