Осумнаесет затвореници, од кои некои се осудени на смрт, избегаа од затвор на Хималаите во областа Кашмир во Пакистан, соопштија денеска локалните власти.

Според официјални лица, еден од бегалците имал пиштол со кој го совладал чуварот и ги украл клучевите од затворските ќелии.

Началникот на локалната полиција Ријаз Мугал изјави дека еден од затворениците починал ден претходно кога се обидел да побегне од затворот Равалакот.

Мугал рече дека е започната голема потера по сите оние што избегале, шефот на затворот е суспендиран, а неколку службеници се приведени на сослушување.

Шестмина избегани затвореници беа осудени на смрт, а тројца служеа доживотна казна.

The post Од затвор во Пакистан избегаа 18 затвореници, дел од нив осудени на смрт appeared first on Република.

Уште две сообраќајни несреќи се регистрирани при кои возачите избегале откако удриле во пешак.

Најпрво на 09.01.2023 во 18.35 часот во СВР Битола било пријавено дека нa ул.„Тодор Паница“ во Битола, патничко возило удрило во К.П.(71) од Битола и го напуштило местото. Во несреќата со тешки телесни повреди се здобил К.П., констатирани во Клиничката болница во Битола.

Потоа на 09.01.2023 околу 23.10 часот во Полициската станица Струга било пријавено дека на улица „Партизанска“ во Струга, патничко возило удрило во М.Д.(58) од Република Албанија и го напуштило местото. Во несреќата М.Д. се здобила со тешки телесни повреди, констатирани во Медицински центар Струга.

- Увид бил извршен од полициски екипи и се преземаат мерки за расчистување на случаите, информира МВР.

The post Битола и Струга: Прегазени двајца пешаци, а возачите избегале appeared first on Република.