Хајдук на титулата чека од 2005 година а во клубот доаѓа еден од најдобрите хрватски играчи на сите времиња - Иван Ракитиќ.

Славниот 36-годишен фудбалер го напушти договорот од 15 милиони евра во Саудиска Арабија за да пристигне во Сплит. Наместо тоа, во Сплит ќе заработува 600.000 евра годишно.

Навивачите на Хајдук му приредија спектакуларен пречек пред стадионот Пољуд, скандирајќи „сакаме титула“

Хајдук сериозно се зафати да создаде тим кој конечно треба да ја освои титулата. За селектор беше доведен Џенаро Гатузо, а претходно беа донесени и некои други искусни хрватски репрезентативци како Иван Перишиќ.

The post Ракитиќ во Хајдук ќе заработува 600.000 евра годишно appeared first on Република.

Поранешниот хрватски фудбалски репрезентативец, Иван Ракитиќ потпиша за Хајдук, соопшти вечерва клубот од Сплит.

Ракитиќ доаѓа од саудиски Ал Шабаб и во недела навечер официјално ќе биде претставен како најголемото засилување на Хајдук.

Во својот нов клуб ќе го носи дресот со број 11.

Ракитиќ има 36 години, кариерата ја започна во Базел, а потоа во два мандати играше за Шалке, Барселона и Севиља.

Ја освои Лигата на шампионите со Барселона, две Лига Европа со Севиља, четири титули со Каталонците, УЕФА Суперкупот и Светското клупско првенство.

The post „Пољуд“ ќе гори: Ракитиќ потпиша за Хајдук appeared first on Република.

Хрватскиот фудбалер Иван Ракитиќ од денеска и официјално е нов член на Ал Шабаб, потпишувајќи со саудискиот прволигаш договор до јуни 2025 година.

Поранешниот хрватски репрезентативец се пресели во Саудиска Арабија по 13 сезони минати во шпанското првенство.

Ракитиќ од 2011 година настапуваше за Севиља со која три години подоцна ја освои Лига Европа, по што се пресели во Барселона и ја освои Лигата на шампиони во 2015. По враќањето во Севиља во 2020 со клубот од Андалузија лани освои уште еден трофеј во Лига Европа.

„Севиља му се заблагодарува на Иван Ракитиќ, еден од најважните играчи во својата историја, на вложениот труд и посветеноста сите овие години, и му посакува многу успех во иднина“, соопшти долгогодишниот клуб на Ракитиќ.

Ракитиќ со 323 настапи е странски фудбалер со најмногу настапи во историјата на Севиља

The post Ракитиќ ја одбра богатата Саудиска Арабија appeared first on Република.

Поранешниот хрватски репрезентативец, Иван Ракитиќ е среќен за успехот на своите сонародници, но не пропушти да се пошегува на сметка на трагичарот од натпреварот Ромелу Лукаку, кој промаши неколку стоотстотни шанси и ѝ обезбеди пасош за осминафиналето на Хрватска.

Хрватска со реми (0-0) ја испрати Белгија дома од Светското првенство во Катар.

Иван Ракитиќ преку социјалните мрежи му се заблагодари на Лукаку за промашувањата велејќи дека треба да го почестат еден месец во Сплит.

Rakitic thanking Lukaku 😂😂 pic.twitter.com/UhdT2gNwyu

— CroatianSports (@CroatianSoccer) December 1, 2022

The post Лукаку заработи одмор во Сплит, чести Ракитиќ appeared first on Република.

Фудбалерите на Барселона на домашен терен ја победија Севиља со 1:0 во натпреварот од 30. коло на Ла Лига, со што дојде до втората позиција на табелата.

Сепак, по натпреварот, во центарот на вниманието беше Иван Ракитиќ, кој за првпат се врати на „Камп Ноу“ каде што мина шест одлични сезони во дресот на Барселона.

Колку навивачите на Барса ценат се што хрватскиот играч за врска даде за Барселона се покажа по натпреварот кога Ракитиќ доби аплаузи од целиот стадион, а потоа отиде да ги поздрави најжестоките навивачи.

На еден од нив му го подари дресот, а потоа скоро гол го напушти стадионот бидејќи на крајот ги соблече шорцевите, а во соблекувалната отиде само во боксерки и копачки.

https://twitter.com/AdriaAlbets/status/1510724290412429314?ref_src=twsrc%5Etfw%7Ctwcamp%5Etweetembed%7Ctwterm%5E1510724290412429314%7Ctwgr%5E%7Ctwcon%5Es1_&ref_url=https%3A%2F%2Fsportm.mk%2Fona-shto-rakitik-go-dozhivea-sinoka-vo-barselona-ke-go-pameti-tsel-zhivot%2F

Ретко кој поранешен играч на Барселона добива ваков пречек на „Камп Ноу“, но ова е само показател дека Ракитиќ оставил навистина длабока трага во овој тим и дека навивачите на каталонскиот клуб знаат да го ценат тоа.

The post Гостувањето во Барселона Ракитиќ ќе го памети цел живот appeared first on Република.