Истарската полиција ја заврши кривичната истрага против маж за кој се сомничи дека сторил кривично дело искористување деца за порнографија, објави „Индекс.хр“.

Имено, завчера, околу 19.30 часот, чувар во туристички објект на подрачјето на Истра затекнал 55-годишен грчки државјанин како снима голи деца со мобилен телефон и го задржал додека не дошла полицијата, соопшти истарската полиција.

По наредба на надлежен суд, полицијата извршила претрес на мобилниот телефон и возилото што ги користел пријавениот и нашла инкриминирачки материјал. На 12 август вечерта мажот со кривична пријава е предаден во притворското одделение на Полициската управа на Истра.

The post Грк снимал голи деца на Истра – го фатило обезбедувањето appeared first on Република.

Во понеделникот околу 19 часот и 20 минути во полиција во Пажин била пријавена сообраќајна незгода во која автомобил удрил во автобус. Несреќата ја предизвикал 41-годишен Македонец кој управувал автомобил под дејство на алкохол.

Од спроведената кривична истрага е утврдено дека 41-годишен државјанин на Македонија управувал автомобил со пулски регистрации на коловозот ДК Бадерна – Пазин под дејство на 1,39 промили алкохол. Возачот не се движел среде обележаната сообраќајна лента, туку слетал надвор од коловозот и удрил во патоказ, по што се вратил на коловозот, каде удрил во автобус, управуван од 45-годишен човек, јавува ПУ Истра.

Во моментот на несреќата во автобусот имало 25 патници и уште еден возач на автобус, но никој од учесниците не е повреден.

-Против 41-годишникот се поведува прекршочна постапка согласно Законот за безбедност на сообраќајот на патиштата, додаваат од полицијата.

The post Пијан Македонец со автомобил удрил во автобус полн со патници во Хрватска appeared first on Република.

Во округот Истра од почетокот на август е забележан тренд на зголемување на бројот на заразени со коронавирус, а според последните информации од болницата во Пула, околу 20 отсто од вкупно тестираните пациенти биле позитивни.

The post Коронавирусот повторно се шири во Хрватска: Во Истра нагло зголемен бројот на заразени appeared first on Република.

Неколку македонски ултра-маратонци викендов настапија на трката во Истра која е дел од светската серија на ултра-маратони.

Голем подвиг на Македонците, некои од нив настапија на трката на 168,6 км, а дел се натпреваруваа на 110 км, имавме натпреварувачка и на 42,1 километар.

Најдобар наш натпреварувач беше Виктор Најдовски кој делницата од 168,6 километри ја мина за 28 часа, 49 минути и 13 секунди. Тој заврши на 68. место.

Јовица Јованчев беше втор наш најдобар натпреварувач, со време од 36 часа, 31 минута и 19 секунди тој го освои 150. место, Дарко Шиповиќ стигна пет секунди подоцна од него и ја финишираше трката како 151.

На трката со делница од 110 километри, најдобра Македонка беше Радмила Јованова со време од 17 часа, 51 минута и 14 секунди. Таа во својата категорија беше 16. место, а како 25. девојка ја мина целта. Во вкупниот пласман на сите натпреварувачи на 110 километри, таа заврши на 152. место.

На оваа далечина настапи и Бобан Стојановски кој оствари време од 20 часа, 25 минути и 48 секунди. Тој го освои 229. место.

Имавме натпреварувачка и на трката од 42,1 километар. Сунчица Близнаковска делницата ја помина со време од 6 часа, 10 минути и 31 секунда.

The post Успешен настап на македонските ултра-маратонци во Истра appeared first on Република.