Нејасно ни беше зошто мајката на Вања веднаш пријави дека е исчезната, а не да проверат да не е некаде отидена, но потоа класната на девојчето објасни дека пракса била ако ученичката не дојде на настава веднаш да бидат известени родителите, објасни сведокот Дејан Димовски, началник за насилен криминал и крвни деликти на денешното рочиште за убиствата на Вања Ѓорчевска и Панче Жежовски.

[caption id="attachment_828347" align="aligncenter" width="1600"] Од денешното рочиште за убиствата на Вања и Панче (фото: Република)[/caption]

Колегата ми напомена оти му било чудно дека кога го барале девојчето, таткото Александар воопшто не излегувал од возилото и цело време повторувал дека таа е киднапирала, се присети Димовски.

Инспекторот објасни дека од родителите дознале Вања имала виртуелен дечко од Шведска, со кого комуницирала на англиски јазик. Кога влегле на неговиот профил таму имало знамиња на ИСИС. За полцијата тоа значело дополнителна проверка.

На неговиот профил имаше знамиња на ИСИС, па проверивме дали лицето влегло или излегло на граница, но немаше такво нешто, откри началникот.

The post Вања имала виртуелен дечко од Шведска на чиј профил имало знамиња од ИСИС appeared first on Република.

Директорот на руската Федерална служба за безбедност (ФСБ), Александар Бортников, соопшти дека има докази коишто покажуваат дека украинските разузнавачки служби биле вмешани во смртоносниот терористички напад на концертната сала „Крокус Сити“ во Москва во март.

Украинските и западните разузнавачки служби го прошируваат кругот на можни сторители, регрутирани за извршување злосторства од висок профил во Русија, изјави Бортников за време на виртуелниот состанок на Националниот антитерористички комитет (НАК).

Тој додаде дека „Киев и неговите странски поддржувачи, исто така, им помагаат на меѓународните терористички организации кои ги обучуваат и опремуваат овие луѓе“.

Главните цели на украинското и западното разузнавање се помладите луѓе и работниците мигранти, изјави Бортников.

Во нападот на „Крокус Сити Хол“, извршен на 22 март, загинаа 145 лица, а повеќе од 550 беа повредени. Четворица вооружени напаѓачи упаднаа во зградата пред рок концерт, отворајќи оган врз толпата пред да ја запалат зградата.

Осомничените сторители, сите државјани на Таџикистан, беа приведени брзо по нападот додека се обидуваа со автомобил да побегнат кон украинската граница. Оттогаш, речиси десетина нивни соучесници се уапсени.

На социјалните мрежи одговорност за нападот презеде крило на терористичката Исламска држава, но официјални лица од Москва сугерираа дека украинските служби ја користат исламистичката група како свој „застапник“.

Украина негираше каква било вмешаност, додека Западот, веднаш по нападот инсистираа на тоа дека сите докази укажувале на ИСИС како виновник.

The post Директорот на ФСБ презентира докази дека украинските служби се вмешани во терористичкиот напад во „Крокус сити“ во Москва appeared first on Република.

Водачот на една од групите поврзани со Исламската држава, Абу Худајфа, е убиен во операција во пограничниот регион кој опфаќа делови од Мали, Буркина Фасо и Нигер.

Неутрализацијата на терористичкиот лидер беше извршена за време на голема операција во Липтак, триграничен регион кој опфаќа делови од Мали, Буркина Фасо и Нигер, соопштија властите на Мали.

Во соопштението се потсетува дека еден лидер на ИСИС учествувал во напад на Нигер во 2017 година, во кој беа убиени четири американски Зелени беретки и четворица нигериски војници, вклучително и еден преведувач

The post Лидер на ИСИС ликвидиран во Африка appeared first on Република.

„Скај Њуз Арабија“ известува за можноста врските меѓу Украина и Исламската Држава да биле искористине за организирањето и изведувањето на терористичкиот напад на „Крокус“ центарот во Москва, кога загинаа повеќе од 140 луѓе.

Како пример за заедничката активност на Украинците и исламистите, ТВ каналот го наведува испраќањето на вооружените сили на Украина во Судан за учество во граѓанската војна. Оваа украинска операција беше потврдена и од Главната разузнавачка управа на Министерството за одбрана на Украина, а особено од шефот на одделот, Кирил Буданов.

Исто така, за време на борбите во Донбас, беа забележани милитанти со ознаки на Исламската Држава, а и самите припадници на терористичката организација објавуваа материјали за нивното учество во битките на страната на украинските сили.

Власта на Зеленски користи терористички организации за да учествуваат во конфликтот во Украина и да им наштетат на интересите на Русија во странство“, забележува експерт на „Скај њуз“.

The post „Скај Њуз“: Врските меѓу Украина и ИСИС можеби се искористени за организирање на терористичкиот напад во Москва appeared first on Република.

Барселона забележа вредна победа од 3:2 над Пари Сен Жермен во првиот четвртфинален натпревар од Лигата на шампионите на стадионот „Парк де Пренс“.

Двата тима приредија вистински спектакл, одбележан со два пресврти. Најпрво Каталонците поведоа во 36. минута преку Бразилецот Рафиња. Сепак, во 50. минута Усман Дембеле го израмни резултатот на 1:1. По 120 секунди парижаните го свртеа натпреварот во своја полза благодарение на Витиња, кој го запиша своето име меѓу стрелците.

Тоа не се покажа доволно за победа бидејќи Рафиња и Андреас Кристенсен станаа херои за Барселона во 62. и 77. минута и донесоа голема победа среде Париз.

Атлетико Мадрид пак ја победи Борусија Дортмунд со 2:1 во првиот натпревар меѓу двата тима во четвртфиналето на Лигата на шампионите.

Мадриѓани си ја завршија работата веќе во првото полувреме. Во 5. минута Родриго де Пол го постигна првиот гол, а во 32. минута Самуел Лино го постави резултатот на 2:0.

На 2:1 намали Себастиен Алер ​​во 81. минута што се покажа како конечен резултат

The post ИСИС не ја исполни најавата дека ќе има терористички напад на мечевите од Лигата на шампионите appeared first on Република.

Натпреварите од Лигата на шампионите оваа недела ќе се играат според планираното и покрај терористичките закани од Исламска држава, соопшти денеска Европската фудбалска унија (УЕФА).

Медиум поврзан со терористичката група Исламска држава лиферуваше неколку објави во кои повикува на напади на стадионите во Париз, Мадрид и Лондон на кои вечерва и утревечер треба да се одиграат првите четвртфинални натпревари во Лигата на шампионите.

#NEW —ISIS threatened to attack the stadiums hosting the Champions League quarter-finals. pic.twitter.com/7uHeUlre8s

— UK R REPORT (@UKR_Report) April 9, 2024

УЕФА е свесна за терористичките закани и тесно соработува со властите. Планирано е сите натпревари да се играат според предвиденото, со соодветни безбедносни мерки, се вели во соопштението на УЕФА.

Во Мадрид ќе се играат два натпревари: Атлетико Мадрид-Борусија Дортмунд и Реал Мадрид-Манчестер Сити. Арсенал во Лондон ќе го пречека Баерн Минхен, додека ПСЖ во Париз ќе ја пречека Барселона.

Исламска држава ја презеде одговорноста за нападот на 22 март во концертната сала „Крокус“ во близина на Москва, во кој загинаа 144 лица.

The post ИСИС со терористички закани кон Лига на шампиони, натпреварите сепак ќе се играат appeared first on Република.

Турција уапси 48 осомничени поврзани со Исламската држава, која ја презеде одговорноста за нападот на католичката црква Санта Марија на 28 јануари во Истанбул, изјави денеска турскиот министер за внатрешни работи, Али Јерликаја.

Јерликаја на платформата „Х“ напиша дека се уапсени 48 осомничени, главно поврзани со сторителите на нападот во црквата Санта Марија на 28 јануари, во кој загина едно лице, како и оние кои биле во контакт со конфликтните зони.

Јерликаја изјави дека акцијата за апсење ја извршиле полициските одделенија на Истанбул и Анкара во координација со Генералниот директорат за разузнавање и Одделот за антитероризам.

За време на операциите, 30 осомничени за кои се верува дека се вмешани во нападот на црквата Санта Марија беа уапсени од антитерористичкиот тим на полицијата во Истанбул, додека 18 други поврзани со ИСИС беа уапсени од полицискиот оддел во Анкара, јавуваат турските медиуми.

Терористичката група ИСИС ја презеде одговорноста за вооружениот напад на црквата Санта Марија во истанбулскиот кварт Сариер на 28 јануари.

Во тој напад загина 52-годишен маж.

The post Турција уапси 48 осомничени поврзани со ИСИС и напад во црква appeared first on Република.

Русија денеска изрази сомневање поради американските тврдења дека Исламската држава (ИД) е одговорна за нападот во концертна сала во близина на Москва, во кој загинаа 137 луѓе, а 182 се повредени.

Портпаролката на руското Министерство за надворешни работи, Марија Захарова ги доведе во прашање американските тврдења за одговорноста на споменатата џихадистичка група, која не толку одамна контролираше огромни области на Ирак и Сирија.

Внимание – прашање за Белата куќа: Дали сте сигурни дека е Исламската држава. Можеби треба да размислите повторно“, рече Захарова.Покрај тоа, таа тврди дека САД ја шират верзијата на ИД како „ѓубриња“ за да ги заштитат своите „штитеници“ во Киев и потсети дека САД ги поддржувале „муџахедините“ во борбата против советските сили во 80-тите.

The post Захарова до САД: Дали сте сигурни дека е Исламската држава, можеби треба да размислите повторно appeared first on Република.

Францускиот претседател Емануел Макрон смета дека ИСИС-К, огранок на терористичката организација Исламска држава забранета во Русија, за која се верува дека е вмешана во терористичкиот напад во Крокус во близина на Москва, во последните неколку месеци се обидува да изврши напади во Франција.

САД ја обвинуваат ИСИС за нападот врз концертната сала Крокус. Претходно ФСБ на Руската Федерација соопшти дека по терористичкиот напад, криминалците имале намера да ја преминат границата на Руската Федерација и Украина, имале релевантни контакти на украинска страна.

Безбедносните служби приведоа четворица осомничени меѓу извршителите на терористичкиот напад во областа Брјанск, во близина на границата со Украина.

The post Безбедносното ниво на Франција подигнато на повисоко ниво appeared first on Република.

Федералната безбедносна служба (ФСБ) го информирала рускиот претседател Владимир Путин дека се уапсени 11 лица поврзани со терористичкиот напад во концертната сала Крокус во Москва, по кој засега се евидентирани 93 загинати.

Објавено е и дека меѓу уапсените се и двајца од директните извршители на нападот, кои со огнено оружје ги убиваа луѓето насобрани во концертната сала Крокус, сместена во трговски центар. Наводно, четворицата напаѓачи се државјани на Таџикистан, а објавени се и непотврдени информации дека терористите се обиделе да избегаат до украинската граница.

Веста дека ИСИС (Исламска држава) ја презела одговорноста за нападот, која беше објавена во неколку западни медиуми, од страна на руските медиуми засега се третира како непроверена информација.

The post ФСБ досега усапси 11 лица поврзани со нападот во Москва appeared first on Република.

Како што пренесуваат светските медиуми, ИСИС тврди дека напаѓачите кои го извршија нападот во концертната сала во Москва успеале да побегнат. Руските власти се уште не го коментирале статусот на напаѓачот.

Исто така, руските медиуми тврдат дека се работи за луѓе од Ингушетија. Очевидци сведочеа дека напаѓачите на концертната сала „Крокус“ ​​во Москва изгледале како да се „од Азија и Кавказ“ и дека комуницирале на „странски јазик, а не на руски“, пренесува белоруската телевизија NEXTA, повикувајќи се на руски локални медиуми. Фотографии од наводни терористи беа објавени на сметката на ТВ NEXTA на платформата X.

The post ИСИС тврди дека напаѓачите кои го извршија нападот во концертната сала во Москва успеале да побегнат appeared first on Република.

Вооружените сили на Мали, поддржани од припадници на руската приватна воена компанија „Вагнер“, елиминирале еден од врвните водачи на ИСИС во Сахел (регионот на Сахарска Африка), Абд ал-Вахаб Оулд Шугаиб.

Според информациите, во акцијата бил заробен братот на ал-Вахаб Оулд Шугаиб, кој исто така, имал висока функција во терористичката организација.

The post Војската на Мали, со помош на припадници на „Вагнер“, елиминирала водач на ИСИС во Африка appeared first on Република.

Денеска на аеродромот во Сараево е уапсен маж осомничен за тероризам, потврди Државната агенција за истраги и заштита (СИПА) без да го открие неговиот идентитет, но медиумите јавуваат дека станува збор за Аднан Ќатиќ, кој претходно се борел во редовите на терористичка организација Исламска држава (ИСИС).

Од СИПА наведуваат дека апсењето е извршено во соработка со Агенцијата за разузнавање и безбедност на Босна и Херцеговина (ОСА), поради сомнение за сторени кривични дела организирање терористичка група и незаконско формирање и приклучување кон странски паравоени или параполициски организации.

Порталот Дневни аваза објави дека станува збор за Ќатиќ, поранешен припадник на радикалната исламистичка заедница чиј штаб бил во Горња Маоча кај Брчко.

Тие наведуваат дека бил припадник на ИСИЛ, односно дека се борел во редовите на исламистичките терористи во Сирија. По поразот на ИСИЛ, тој успеал да побегне од таа земја во Турција, а во саботата од Истанбул полетал за Сараево, каде бил уапсен.

Ќатиќ заминал во Сирија во 2013 година, исто така со лет од Сараево преку Истанбул.

По кривичната постапка од страна на полицијата, тој ќе биде предаден на Обвинителството на БиХ и ќе се соочи со обвинение, односно судење за тероризам. Досега пред Судот на Босна и Херцеговина за вакви кривични дела се осудени 28 лица.

Властите во Босна и Херцеговина собрале податоци според кои меѓу 250 и 300 луѓе заминале во Сирија и Ирак меѓу 2012 и 2016 година и им се приклучиле на тамошните исламистички терористички организации.

По поразот на ИСИЛ, досега во земјата се вратиле 62 возрасни и 22 деца.

The post Припадник на ИСИС уапсен во Сараево appeared first on Република.

Познатиот албански експерт за безбедност, Ермир Ѓиниши, искажа загриженост во однос на потпишаниот договор меѓу Албанија и Италија, за изградба на прифатни центи за имигранти, бидејќи „доаѓањето на имигрантите од Африка може да донесе со себе и опасни експоненти, како што се случи во други земји“.

Додава дека многу членови на ИСИС се камуфлираат со овој вид имигранти за да се прошират низ светот и нагласи дека не е против соработка со партнерите, но тоа треба да се направи во рамки на капацитетот.

Не сме против соработка со партнери, но тоа треба да биде во рамки на капацитетите. Само оваа година во Лампедуза беа заробени 50 експоненти на ИСИС, кои беа инфилтрирани меѓу другите имигранти. Каде ќе одат? Тие ќе се шират низ светот. Запомнете дека имиграцијата е најдобрата камуфлажа за овие луѓе. Во овој дел воопшто не сме заштитени. Изјавите дека имаме полицајци кои ќе го чуваат кампот е празна приказна, изјави Ѓиниши за euronews.al.

Меѓу другото, тој со оценка дека „Албанија е земја на трговија со луѓе“ и ја обвини власта дека ги „крие убиствата што ги извршиле Иранците во МЕК, каде што жртвите потоа биле фрлани во резервоари“.

Нападите што беа извршени во Париз и други европски земји ги извршиле африканци. Имаме земја која има вознемирувачки бројки за трговија со луѓе. Албанија е земја на недозволена трговија. Знам што значи да дојдат 10 луѓе од ИСИС во земјава. МЕК не бил терористички чин? Знам колку припадници на МЕК ги убиле. Иранците и ги фрлиле во резервоари. Нашата држава ги прикрива овие приказни, рече Ѓиниши .

Италија, според договорот, што во понеделникот го потпишаа премиерите на двете земји, на албанска територија ќе гради два прифатни центри, еден во пристанишнот град Шенѓин и еден во Ѓадр, во кои годишно би се сместиле 36 илјади, или месечно по три илјади, додека чекаат одговор на барањата за азил во Италија.

Во близина на пристанишниот град Драч фукцонира камп во кој се сместени над три илјади муџахедини. Првите членови на иранската опозиција, пристигнаа во Албанија во 2013 година, на крајот од вториот мандат на Сали Бериша како премиер на земјата.

Тогаш Владата на Бериша објави дека одлучилe да вдомат 210 муџахедини и оваа одлука беше финализирање на обврската што официјална Тирана ја презеде при посетата на американската државна секретарка Хилари Клинтон на Албанија во 2012 година.

Посветеноста на Албанија во односот со Соединетите американски држави, ја испочитува и социјалистичкиот лидер Еди Рама, кој ја презеде функцијата премиер во септември 2013 година. Албанија до 2016 година ја засолни целата група од 3.000 муџахедини, кои беа во камп во Ирак.

The post Меѓу мигрантите што ќе ги прибира Албанија може да има и членови на ИСИС, предупредува експерт за безбедност appeared first on Република.

Ал Каеда и ИСИС ги повикаа своите следбеници да напаѓаат израелски, американски и еврејски цели, предизвикувајќи загриженост за безбедноста ширум светот.

Во изминатите две недели, филијалите на Ал Каеда му честитаа на Хамас за „инвазијата на Израел“, мислејќи на терористичките напади на 7 октомври во кои загинаа 1.400 луѓе, главно цивили, но и повикаа на повеќе напади.

Воената офанзива на Израел во Газа, со хуманитарната криза и 4.500 смртни случаи што ја предизвика, предизвика бес низ исламскиот свет. Ова им донесе можност на екстремистичките групи, пишува „Гардијан“.

Во неодамнешната изјава на Ал Шабаб, моќниот огранок на Ал Каеда во Сомалија, се вели дека конфликтот на Блискиот Исток не е само „битка на исламските фракции во земјата на Палестина, туку битка на целиот муслимански уммет“.

„Муслиманите мора да се обединат и да понудат се што можат за да ги поддржат муџахедините против Евреите и нивните лицемерни неверни сојузници. Силата на оваа нација лежи во силата на нејзините џихадистички фронтови“, се додава во соопштението.

Други ограноци на Ал Каеда во индискиот потконтинент, Јемен и Сирија објавија слични изјави.

The post Ал Каеда и ИСИС ги повикаа следбениците да напаѓаат израелски, американски и еврејски цели appeared first on Република.

Во полициска акција во Истанбул уапсени се пет лица под сомнение дека се поврзани со терористичката група ИСИС, изјави турскиот министер за внатрешни работи Али Јерликаја, пишува „Анодолија“, пренесува МИА.

Полицијата спроведе антитерористички операции за фаќање шест лица осомничени дека обезбедувале средства за печатење и продажба на пропаганден материјал во книжарниците во име на терористичка група“, изјави Јерликаја на платформата Икс.

Истакнувајќи дека операциите биле извршени во пет области на Истанбул, тој додаде дека во акцијата биле фатени петмина осомничени, а запленети се бројни дигитални материјали и 73.000 долари.

Во 2013 година Турција стана една од првите земји што ја прогласи ИСИС за терористичка организација.

The post Во Турција уапсени петмина припадници на ИСИС appeared first on Република.

Oбвинителството на БиХ потврди дека во земјата е уапсен маж поврзан со терористичката организација Исламска држава (ИД) кој планирал да изврши терористички напад и затоа од државниот суд било побарано да му одреди притвор.

Како што се наведува во соопштението на Обвинителството на БиХ, станува збор за М.К. (42) кој живее во Зеница и претходно бил осуден за кривични дела поврзани со тероризам и престој на боиштата во странство.

Тој беше уапсен на крајот на јули од страна на членовите на Државната агенција за истраги и заштита, јавуваат медиумите во БиХ.

Го обвинуваат дека користел апликации за комуникација за да контактира со луѓе кои поддржуваат радикални движења и поддржувачи на ИД минатиот месец. Во преписката која ја пресретнала полицијата, тој потврдил дека планирал експлозивен напад врз џамија во Босна и Херцеговина во јули.

Од лицата со кои контактирал побарал упатство за изработка на експлозивна направа со детонатор.

Неговиот план бил да ги нападне научниците на Исламската заедница во БиХ кои објавуваат прогласи против исламските радикали и кои, како што тврдел, ги пријавуваат поддржувачите на радикалните движења и ИД во полицијата во БиХ.

При апсењето полицијата ја одземала електронската опрема што ја користел и на истата сега се врши дополнително вештачење.

Тој е осомничен за кривично дело тероризам.

The post Во БиХ фатен терорист поврзан со ИСИС кој планирал напад врз џамија appeared first on Република.

Министерот за надворешни работи на Република Македонија Бујар Османи денеска ќе учествува на министерскиот состанок на Глобалната коалиција против ДАЕШ/ИСИС во Ријад, Саудиска Арабија.

Како што информира МНР, министерскиот состанок е во организација на државниот секретар на САД Антони Блинкен и министерот за надворешни работи на Саудиска Арабија Фаисал бин Фархан Ал-Сауд.

- Министрите од земјите членки на Глобалната коалиција ќе дискутираат за ДАЕШ/ИСИС во Ирак и Сирија, Африка, централна Азија и Авганистан, и како работните групи на Коалицијата се справуваат со овие закани, се вели во соопштението.

На годишниот министерски состанок на Глобалната коалиција за борба против Даеш/ ИСИС ќе учествуваат  претставници од вкупните 86 земји од сите пет континенти што се дел од Коалицијата.

The post Османи ќе го решава и ИСИС appeared first on Република.

Во синхронизирана полициска акција денеска во раните утрински часови во Скопје и во Република Франција лишени се од слобода тројца македонски државјани, од кои двајца во Скопје и едно лице во Франција, поради основано сомневање дека сториле кривично дело „служба во непријателска војска“, известуваат од Јавното обвинителство. Лицата се осомничени за учествување во вооружениот судир во Сирија како припадници на Исламска држава – ИСИС против меѓународните коалициски сили.

Како што информираат од ЈО, Јавен обвинител од Основното јавно обвинителство за гонење на организиран криминал и корупција донесе Наредба за спроведување на истражна постапка против двајца македонски државјани за кои постои основано сомневање дека сториле по едно кривично дело – Служба во непријателска војска од чл. 322 ст.1 од Кривичниот законик.

Денеска во раните утрински часови, под раководство на предметниот јавен обвинител беше спроведена синхронизирана полициска акција во Скопје и во Република Франција која е резултат на повеќемесечна меѓународна и меѓуинституционална соработка. Во акцијата во Скопје се лишени од слобода две лица, додека во Франција едно лице – македонски државјанин. Осомничените, во 2014 година ја напуштиле територијата на РМ, по што пристигнале во Сирија, место кое било под вооружен судир помеѓу припадниците на Исламска држава – ИСИС и меѓународните коалициони сили, се вели во соопштението на ЈО.

Оттаму информираат дека осомничените учествувале во вооружени судири од месец април до месец август 2014 година, како македонски државјани и граѓани, станувајќи припадници на терористичката организација – Исламска држава – ИСИС.

Осомничените ќе бидат изведени пред судија на претходна постапка при Основниот кривичен суд Скопје. Јавниот обвинител кој постапува во предметот ценејќи дека постојат околности што го оправдуваат стравот oд опасност од бегство, дека ќе ги сокријат, фалсификуваат или уништат трагите на кривичното дело и дека со влијание врз сведоци и соучесниците ќе ја попречат истрагата, до судијата на претходна постапка при Основниот кривичен суд Скопје ќе достави предлог за определување на мерката притвор за осомничените, велат од ЈО.

Исламска држава – ИСИС од страна на ОН е прогласена како терористичка организација и согласно одредбите во Кривичниот законик, граѓанин на Македонија кој за време на војна или вооружен судир служи во непријателска војска или во други непријателски вооружени формации ќе се казни со затвор најмалку три години.​

The post Уапсени тројца македонски државјани за учество во ИСИС appeared first on Република.

Во рамки на глобалната борба против тероризмот, МВР односно Бирото за јавна безбедност- Оддел за сузбивање на организиран и сериозен криминал – Сектор за борба против тероризам, насилен екстремизам и радикализам во координирана акција со Агенцијата за национална безбедност и Република Франција, која постапи по меѓународна потерница издадена од нашата држава, реализираше случај, при што од слобода се лишени три лица македонски државјани, кои во текот на 2014 година на територија на Сирија се приклучиле во вооружените формации на терористичката организација Исламска држава ИСИС и како борци активно учествувале во воените дејствија.

Во изминатиот период, лицата О.С (28), Р.С.(33) и М.Г (26), беа предмет на интерес на безбедносните служби и во меѓународна соработка на МВР и АНБ со други партнерски безбедносни служби, активностите резултираа со истовремена синхронизирана полициска акција спроведена на територија на Република Македонија и Франција, при што се лишени од слобода две лица во нашата држава и едно лице во Франција, а сите се државјани на Република Македонија.

Постапувајќи по Наредби за претреси во дом и други простории издадени од Судија за претходна постапка, денеска, во утринските часови, од страна на МВР беа извршени претреси на две локации во Скопје кај О.С и Р.С, каде се пронајдени и одземени огнено оружје, муниција, мобилни телефони и други електронски уреди кои можат да содржат дополнителни докази за извршеното кривично дело.

Согласно обезбедените докази, Секторот за борба против тероризам, насилен екстремизам и радикализам до Основно јавно обвинителство за гонење на организиран криминал и корупција денеска (12.05.2023) поднесе кривична пријава против наведените лица за сторено кривично дело „служба во непријателска војска“ предвидено во член 322 од Кривичен законик.

The post Македонски државјани се приклучиле на терористичката ИСИС, познати нивните идентитети appeared first on Република.