Индексот на перцепција на корупцијата (ИПК) за 2022 година покажува дека повеќето земји не успеваат да ја запрат корупцијата.

ИПК рангира 180 земји и територии низ целиот свет според нивното воочено ниво на корупција во јавниот сектор, оценувајќи ги со скала од 0 (многу корумпирана) до 100 (многу чиста).

Македонија се наоѓа на 85-то место на листата. Со добиени вкупно 40 поени, од можни 100, Македонија е на иста позиција во однос на перцепција на корупција со Гвајана, Индија, Малдиви, Суринам и Тунис.

Од земјите во регионот, подобро рангирани од нашата земја се Словенија - 41-то место, Грција - 51, Хрватска - 57, Црна Гора- 65 и Косово - 84, додека Србија и Албанија се полошо рангирани и се наоѓат на 101-во место.

На врвот на листата како најмалку корумпирани се наоѓаат Данска, Финска и Нов Зеланд.

The post Тука сме со Индија, Суринам, Тунис: Македонија повторно со лош ранг на листата за Индекс на перцепција на корупцијата appeared first on Република.