Македонија има најбрз интернет во регионот, а е меѓу подобро рангираните земји и во Европа, покажува истражувањето на Cable.co.uk, што го објави статистичкиот портал „Ландгеист“.

Со брзина на интернет конекциите од 97,9 Mbps, Македонија е пред Словенија, 97,0 Mbps, Србија 60,5 Mbps, Косово 57,3 Mbps, Грција 53,9 Mbps, Црна Гора 49,5 Mbps, Босна и Херцеговина 44,0 Mbps и Бугарија 40,4 Mbps.

Најбрз интернет во Еропа има на островот Џерси (264 Mbps) лоциран меѓу Велика Британија и Франција, во Лихтенштајн 246,8 Mbps и во Исланд 229,4 Mbps.

Во Франција брзината на интернетот е 152.5 Mbps, во Холандија 142,5 Mbps, во Шпанија 133,3 Mbps, а во Германија 81,7 Mbps.

Најбавен интерен во Европа имаат Хрватска 25,7 Mbps, Албанија 25,4 Mbps и Турција 24,8 Mbps.

Податоците на Cable.co.uk се базираат на анализира на над 1,5 милијарди тестови за брзина на широкопојасен интернет во 229 земји, во текот на 12 месеци, завршувајќи на 30 јуни 2024 година

The post Барем во нешто сме најдобри: Македонија има најбрз интернет во регионот appeared first on Република.

Куче паднато во шахта ги изгризало оптичките кабли на „Македонски Телеком“ поради што без интернет останале дел од ПЗУ „Филип Втори“ и цела Поликлиника „Букурешт“ во Скопје. Но, по јавувањето на 112 во ЦУК, околу осум часот, специфичната невообичаена ситуација дополнително се усложнила поради тоа што вработените од „Телеком“ не можеле безбедно да пристапат за решавање на дефектот во шахтата.

Вработените од „Телеком“, по пријава дека нема интернет во тој реон, откако го лоцирале и пронашле проблемот за прекин на оптичкиот интернет, не се осмелувале да слезат во шахтата каде што било и кучето и околу 15 часот се јавиле на Единствениот број за итни случаи 112 во Центарот за управување со кризи (ЦУК).

Дежурните од Секторот Е-112 и секторот СОК во ЦУК, бидејќи бил неработен ден не можеле да стапат во контакт со ЈП „Лајка“ од Скопје, по што, и покрај предвидените оперативни процедури, го премостиле проблемот. Тие ги поврзале активистите на Граѓанска иницијатива „Кане Корсо“ со вработените од „Телеком“ за понатамошна заедничка постапка.

Кога успешно и безбедно завршило вадењето на кучето од шахтата, вработените од „Телеком“ се симнале и безбедно почнале да работат на отстранување на дефектот.

Не се знаело колку време кучето било паднато во шахтата, тоа било безбедно извадено и згрижено од активистите.

The post Куче во шахта ги изгризало оптичките кабли и без интернет ги оставило дел „Филип Втори“ и цел „Букурешт“ – мајсторите не можеле безбедно да интервенираат appeared first on Република.

Мнозинството млади луѓе ги одбираат Инстаграм, Фејсбук и Јутуб како најинтересни за следење вести, а вестите за образование, наука и технологија им се најпривлечни. Иако веруваат дека само некои од информациите на социјалните медиуми се вистинити, а речиси една четвртина се загрижувачки пречесто на социјалните мрежи, за младите активното пребарување и реагирање на информациите не е вообичаено. Се сметаат за способни да препознаат дезинформации во медиумите, но повеќе од половината можеби споделиле дезинформации без да знаат. Според младите, политиката и политичките партии се извор на најмногу неточни или погрешни информации. Додека нивните политичките ставови за општествените случувања во државата се нечујни.

Ова го покажува анкетата на Институтот за комуникациски студии (ИКС) во пресрет на претседателските и парламентарните избори, чија цел е да се утврдат навиките за користење на медиумите и вестите кај младите луѓе, нивната способност да ги препознаваат дезинформациите во медиумите и како се граѓански и политички ангажирани.

Младите почесто пасивно ги консумираат вестите, односно почесто наидуваат на вести додека прават други работи отколку што активно ги бараат и ги проверуваат информациите. Читањето вести често ги предизвикува да ги споделуваат усно или онлајн со пријатели и колеги и да ги читаат коментарите од други луѓе на вестите на социјалните медиуми, а поретко практикуваат директно и јавно да реагираат со свое пишано мислење за одредена вест. Во однос на темите, кај младите постои помал интерес за политичките случувања во државата, економијата и социјалната правда, а забележале неточни или погрешни информации за политика, познати личности и за криминал и корупција.

Кај младите луѓе се забележува критичен однос кон вистинитоста на споделените информации, но и мала насоченост кон идентификување на емоционалниот тон на веста, на што треба да се посвети повеќе внимание при едукациите за медиумска писменост. Тие за себе мислат дека се успешни во препознавањето на дезинформациите, иако над половина (51 %) одговориле дека можеби споделиле без да знаат дека е дезинформација. Само 13,4 % сметаат дека поголем дел од информациите на социјалните медиуми се вистинити, а 34,3 % пријавиле присуство на дезинформации во медиумите. Речиси 2/3 од младите испитаници сметаат дека главни креатори на дезинформациите се политичките партии.

Кај испитаните млади луѓе се забележува изразена заинтересираност за јавните работи. Во однос на нивниот граѓански ангажман, над половина (53 %) од испитаниците биле вклучени во некаков вид волонтерска активност за решавање на локалните проблеми. Во поглед на изборниот ангажман, 39,8 % испитаници се изјаснија дека редовно гласаат, а понекогаш гласаат 16,7 %. Но, кога беа прашани за нивниот „политички глас“, најчест одговор на младите испитаници е „Не сум го направил/а тоа“ за серија понудени активности што претставуваат манифестација на политички ставови во однос на определени општествени случувања, како што се: акции за собирање средства во добротворни цели, учество во протест, средба со некој политичар функционер, потпишување писмена петиција, бојкотирање компанија поради нејзините општествени вредности и сл.

Во однос на употребата на социјалните медиуми, 5 % од испитаниците спаѓаат во критичната група на висока зависност од социјални медиуми, но забележителен е и процентот на испитаниците (19 %) што се блиску до критичниот резултат за дијагностицирање на ваквата зависност. Кај луѓето што се зависни од социјалните медиуми може да се забележи појава на вознемиреност, особено кога нема достапност до социјалните мрежи, постојано се проверува телефонот кога ќе се слушне звукот за известување, при поставување слика на профилите постојано се проверуваат коментарите и лајковите, користењето на социјалните медиуми е првото и последното нешто во денот, односно вообичаена рутина, а настаните се проценуваат според тоа колку се вредни за „прикачување“.

Анкетниот прашалник е спроведен во периодот од декември 2023 до март 2024 година на примерок од 345 испитаници на возраст од 18 до 29 години со различни демографски и социоекономски карактеристики (средношколци, студенти, невработени и вработени). Истражувањето е дел од проектот „Користи факти“, кој е поддржан од Британската амбасада во Скопје.

The post Анкета: Една четвртина од младите се „загрижувачки пречесто“ на социјалните медиуми appeared first on Република.

Додека се случува метеж во станиците за технички преглед, на неколку страници осамнаа објави кои нудат налепници дури и со достава до домашна адреса по карго, а тврдат и дека се отпорни на надворешни влијанија.

Налепниците „НМК“ се појавија на продажба на страници на интернет, по цена од 50 денари.

извор: денар.мк

The post На интернет се нудат налепници со достава до домашна адреса appeared first on Република.

Илон Маск е познат по размислувањето на долги патеки, а неговите предвидувања од интервјуто што го дал во 1998 година се покажуваат изненадувачки точни.

Во споменатото интервју, кое повторно е популарно на социјалните мрежи, Маск зборува за интернетот, што беше храбро во тоа време. Притоа, Маск вели дека тоа е „суперсетот на сите медиуми“ и дека тоа е „почетокот и крајот на сите медиуми“.

На прашањето за иднината на интернетот, Маск зборува за свет во кој сите медиуми (ТВ, печатени и радио) се спојуваат со интернетот, создавајќи „централен центар“.

https://www.youtube.com/watch?v=zfwK5BvZrY4&embeds_referring_euri=https%3A%2F%2Fstrana.mk%2F&source_ve_path=MjM4NTE&feature=emb_title

Маск го нарекува интернетот „првиот двонасочен комуникациски медиум кој е интелигентен“, дозволувајќи им на луѓето да изберат што да гледаат и кога, што според него, „ќе ги револуционизира сите традиционални медиуми.

Тој додава дека интернетот ќе го промени „нашиот начин на живот“, што секако се случи.

The post Што зборуваше Илон Маск за интернетот во 1998 година appeared first on Република.

Американскиот мултимилијардер, Бил Гејтс, изјави дека првично мислел дека Интернетот ќе го направи светот позаснован на факти, дека ќе стане рационален, но дека подоцна сфатил дека тој станал средство за дезинформации и „луди идеи“.

Според него, тој признава дека така размислувале луѓето кои ја почнале дигиталната револуција, меѓу кои бил и тој.

Основачот на Мајкрософт очекувал дека Интернетот ќе ги наведе луѓето да бараат информации и да бидат поодговорни. Како што вели, очекувал да се отвори сократска дебата на Интернет.

Сепак, тој смета дека се случило спротивното од очекуваното, односно интернетот станал средство на луѓето со „луди идеи“.

Имаше многу од нив (луѓе со „луди идеи“). Тие порано, едноставно не се наоѓаа еден со друг, а сега со дигитални алатки велат: „О, и ти веруваш во таа лудост? И јас. Ајде да се собереме и да имаме критична маса на луди луѓе. Да се ​​наречеме QAnon (прекар за теоретичарите на заговор), нагласи Гејтс.

Тој се надева дека младите генерации ќе бидат доволно креативни за да го решат проблемот со дезинформациите.

Гејтс изјави дека го поддржува регулирањето на вештачката интелигенција и смета дека е глупаво да се бориме против вештачката интелигенција, за која вели дека може да го намали недостигот на работна сила и да го направи светот побогат, пренесува „Бизнис инсајдер“.

The post Бил Гејтс: Интернетот им овозможи на „лудите“ луѓе да се најдат едни со други appeared first on Република.

Мултимилијардерот Бил Гејтс изјави дека првично мислел дека Интернетот ќе го направи светот позаснован на факти, дека ќе стане рационален, но дека подоцна сфатил дека тој станал средство за дезинформации и „луди идеи“.

Според него, тој признава дека така размислувале луѓето кои ја започнале дигиталната револуција, меѓу кои бил и тој. Основачот на Мајкрософт очекувал дека Интернетот ќе ги наведе луѓето да бараат информации и да бидат поодговорни. Како што рече, очекувал да се отвори сократска дебата на Интернет. Сепак, тој смета дека се случило спротивното од очекуваното, односно интернетот станал средство на луѓето со „луди идеи“.

- Имаше многу од нив (луѓе со „луди идеи“). Тие едноставно не се наоѓаа еден со друг, а сега со дигитални алатки велат: „О, и ти веруваш во таа лудост? И јас. Ајде да се собереме и да имаме критична маса на луди луѓе. Да се ​​наречеме QAnon (прекар за теоретичарите на заговор), нагласи Гејтс.

Тој се надева дека младите генерации ќе бидат доволно креативни за да го решат проблемот со дезинформациите. Тој го поддржува регулирањето на вештачката интелигенција и смета дека е глупаво да се бориме против вештачката интелигенција, за која вели дека може да го намали недостигот на работна сила и да го направи светот побогат, пренесува Бизнис инсајдер.

The post Интернетот наместо да го направи светот порационален, тој стана средство за „луди идеи“ appeared first on Република.

Во првото тримесечје од годинава, 88.0 % од домаќинствата имале пристап на интернет од дома, покажуваат податоците на Државниот завод за статистика.

Во првото тримесечје, од вкупното население на возраст од 15 до 74 години, интернет користеле 85.3 %, а 67.7 % го користеле неколкупати во текот на денот.

Преку интернет во последните 12 месеци нарачале или купиле стоки или услуги 53.5 % од граѓаните во земјава.

The post Пристап до интернет имаат 88 отсто од домаќинствата во Македонија appeared first on Република.

Целосниот прекин на вториот по големина австралиски оператор за мобилни телефони „Optus“ ги парализираше телефонските и интернет конекции на повеќе од десет милиони луѓе во средата.

Од раните утрински часови корисниците ширум земјата не можат да телефонираат ниту да пристапат на интернет, јавуваат австралиските медиуми. Според извештајот на телевизијата 9News, ова е најголемиот прекин на телекомуникациите во историјата на земјата. Во соопштението објавено од компанијата напладне по локално време, се вели дека најверојатно ќе бидат потребни часови за да се врати мрежата.

Ова е многу невообичаена појава и штом ќе разбереме што точно се случило, ќе ги споделиме деталите“, изјави извршната директорка на „Optus“, Кели Баер Розмарин за радио станицата 2GB во Сиднеј.

Не е јасно што го предизвикало падот на системот, но властите ја отфрлија можноста за сајбер напад. Интернетот, мобилните услуги и врските со некои владини оддели биле прекинати, вклучително и телефонските врски со болниците и службите за итни случаи.

На својата веб-страница, „Optus“ ги советуваше клиентите кои треба да се јават во службата за итни случаи да најдат член на семејството или сосед на друга мрежа што може да им помогне.

Прекинот на услугата предизвика хаос во мрежите на јавниот транспорт во некои градови и дефект на мобилните системи за плаќање. Од „Optus“ подоцна во средата соопштиле дека услугите се обновени, пренесува Reuters.

„Optus“ е вториот најголем телекомуникациски провајдер во Австралија по „Telstra“. Компанијата се најде на насловните страници минатата година кога хакери ги украдоа чувствителните податоци на милиони Австралијци во нападот на системот на „Optus“.

The post Австралијците останаа без мобилни телефони и интернет appeared first on Република.

Пристап до интернет во домаќинствата имаат 98,6 проценти од анкетираните во Испитувањето на јавното мислење на резиденцијалните корисници во однос на пазарот на електронски комуникации во државава, што го спроведе Агенцијата за електронски комуникации (АЕК) во периодот  од 26 јуни до 18 јули годинава.

Според технологијата за пристап до интернет во домот, оптички интернет користат 33,6 проценти, кабелски 31,5 проценти, ADSL\VDSL (21,8 проценти), 3G/4G (10 проценти), интернет преку USB 0,3 проценти, а безжичен интернет (WiMax, Canopy, WiFi), 0,2 проценти.

На прашањето дали вие лично користите интернет, потврден одговор дале 99,6 проценти од испитаниците.

Најголемиот дел, 37,9 проценти, рекле дека интернет користат три до пет часа, 18,2 проценти користат шест до осум часа, 14 проценти од девет до 12 часа, а 14,5 проценти повеќе од 12 часа.

Во однос на тоа каде најчесто користат интернет, 42,7 проценти одговориле „Дома“, 42 проценти „Секаде, бидејќи имам мобилен интернет“, 14,6 проценти „На работа“, а по 0,2 проценти од испитаниците дале одговори: на факултет, училиште, кај пријатели и во интернет кафе по 0,2 проценти.

Интернет провајдерот кој го користат во последната година го смениле 4,9 проценти од испитаниците.

На прашањето дали во последните 12 месеци конкуренцијата на пазарот довела до промена на квалитетот на интернет услугата,  47,2 проценти одговориле дека квалитетот на услугата останал ист, за 22,2 проценти од испитаниците квалитетот се зголемил, а за 12,9 проценти се намалил.

Според истражувањето, 36,8 проценти користат интернет од Македонски телеком, 36,5 проценти од А1, 13,8 од Телекабел, ....

Сите испитаници во истражувањето се корисници на мобилна телефонија. Над 98 проценти од испитаниците имаат паметен (smart) телефон. Најголем дел од испитаниците се корисници на мобилниот оператор А1 (55 проценти), додека 41 процент на мобилниот оператор Македонски Телеком Lycamobile и Телекабел имаат по два процента учество на пазарот во 2023 година. Во изминатите години, може да се забележи тренд на зголемување кај бројот на испитаници кои користат службен мобилен телефон. Голем процент на испитаници користат мобилен интернет (92 проценти) на мобилен телефон во 2023 година, а од нив 76,8 проценти користат апликации за видео клипови и филмови. Скоро сите испитаници кои користат интернет преку мобилниот телефон, користат и апликации за комуникација, а меѓу најкористени се Viber, Facebook Messenger и Instagram. Две третини од корисниците на мобилна телефонија би го смениле својот оператор доколку истиот ја зголеми цената за 10 проценти. Во таа насока, доколку нов оператор се појави на пазарот, половина од испитаниците ќе станат негови корисници доколку им се понудат пониски цени за разговор.

Според клучните наоди од истражувањето, во изминатите пет години може да се забележи стагнација на користење на фиксна телефонија во домаќинствата. Најголем дел од корисниците на фиксна телефонија се постпејд корисници (93,3 проценти). Само 5,8 проценти од корисниците на фиксна телефонија го смениле својот оператор на фиксна телефонија во последните 12 месеци. Три четвртини од испитаниците кои не поседуваат фиксна телефонска линија изјавиле дека ја исклучиле фиксната телефонија кога започнале со користење на мобилни телефони. Дури 93 проценти од нив немаат намера во следните 12 месеци да станат корисници на оваа услуга во годината што претстои.

Речиси сите испитаници поседуваат телевизор во домаќинството 99,5 проценти, од кои мнозинството (89,1 процент) плаќаат месечен надомест за телевизиски услуги. Забележан е благ, но континуиран раст на домаќинства кои имаат смарт телевизор. Над 90 проценти од оние кои имаат смарт телевизор, го поврзале со интернет. Најчесто користена апликација на смарт телевизорот е Youtube. Половина од домаќинствата што плаќаат месечна претплата за телевизија сигналот го добиваат преку кабелски приклучок (52,9 проценти), по што следува IPTV (28,5 проценти), DVB-T (9,1 процент). Дополнителен пакет или канали со доплата имаат активирано 32,3 проценти од корисниците на платени телевизиски услуги.

Над 70 проценти од испитаниците се корисници на телекомуникациските услуги во пакет. Интернет и телевизија се најзастапени услуги во пакетите, но податоците покажуваат континуирано зголемување на бројот на корисници кои ја користат услугата мобилната телефонија во пакет со други услуги. Најголем дел од корисниците (36,6 проценти) ги користат сите четири телекомуникациски услуги заедно во пакет. Главен двигател за корисниците да земат услуги во пакет останува поевтината цена на пакетот во однос на поединечните цени на услугите. Една четвртина или 23,3 проценти од испитаниците сметаат дека во пакет имаат услуга која не им е потребна и која би сакале да ја исклучат. Мнозинството од нив (над 90 проценти) сметаат дека таа услуга е фиксната телефонија.

Во клучните наоди од истражувањето е наведено дека над 80 проценти од испитаниците се свесни, односно слушнале за Агенцијата за електронски комуникации.  Свесноста за АЕК е највисока кај населението на возраст од 30-55 години.

The post 98,6 проценти од домаќинствата имаат пристап до интернет appeared first on Република.

The post Oд изутрина цела Македонија има проблем со интернетот appeared first on Република.

Малолетничкото насилство станува еден од најсериозните проблеми во општествата. Не само на улица и во училиштата, туку и во семејните домови.

Вo селото Долна Трница, кај Трговиште (Србија), 12-годишно момче во семејниот дом со кујнски нож ја избоде сестра си во препоните од левата страна по расправија за користење на интернет.

На оштетената и била укажана лекарска помош во Здравствениот дом во Врање, а потоа била препратена во Универзитетскиот медицински центар во Ниш.

Животот на девојчето не е во опасност и според првите податоци се работи за полесна повреда.

Од Вишото јавно обвинителство го потврдија инцидентот, но не соопштуваат детали, со оглед дека се работи за малолетно лице.

The post Сестра му го нервирала за интернетот па ја избодел со нож appeared first on Република.

Градоначалникот на Општина Аеродром Тимчо Муцунски, утрово на прес конференција ги објави деталите за проектот „Смарт Аеродром“, кој како што најави, ќе биде визионерски потфат што ќе ја искористи моќта на технологијата за да создаде поповрзана, одржлива и помодерна општина. Тој најави дека веднаш откако Советот на Општина Аеродром ќе донесе одлука, преку јавен повик за избор на партнер, ќе биде воспоставено јавно-приватно партнерство со кое ќе се реализира овој проект. На јавниот повик ќе може да аплицираат сите заинтересирани компании кои ги исполнуваат дадените услови.

Проектот „Смарт Аеродром“ претставува сеопфатен напор за интегрирање на напредните технологии во нашата општина, во насока на подобрување на различните аспекти на секојдневното живеење. „Смарт Аеродром“ е проект кој е важен технолошки исчекор напред, проект во чии рамки се пресретнуваат технологија и одржливоста, а се реализира за првпат во Македонија, токму во општината Аеродром.

Зборувајќи за придобивките од проектот, Муцунски на денешната прес-конференција потенцираше дека станува збор за проект кој сериозно ќе го смени ликот на средината, ќе влијае на зголемување на безбедноста и сигурноста, ќе придонесе за ефикасна потрошувачка и заштеда на средства, ќе овозможи олеснет пристап до информации, ќе имплементира одржливи транспортни решенија и ќе придонесе на подобрување на економскиот раст и иновативноста на локално ниво.

Физибилити студијата, предвидува компанијата која ќе биде избрана како партнер на Општина Аеродром да има обврска да имплементира смарт (штедливо) осветлување на територијата на целата општина што сериозно ќе влијае на заштедата на средства за електрична енергија и ќе биде одговор на зачестените забелешки за постоечкиот систем за осветлување кој е застарен и нефункционален. Дополнително, се предвидува компанијата да постави информативни и комерцијални дигитални дисплеи или т.н. тотеми кои општината ќе има право да ги користи за информирање на граѓаните; да нуди ефикасни услуги за изнајмување електрични велосипеди и електрични тротинети кои ќе може да ги користат граѓаните, да постави полначи за електрични автомобили на локации во Аеродром и да формира т.н. хотспот точки со бесплатен безжичен интернет.

Kомпанијата која ќе биде стратешки партнер на Општина Аеродром во реализацијата на овој проект ќе има обврска целосно да го финансира и одржува целиот проект, а Општина Аеродром, освен што нема да има никакви директни трошоци за негова реализација, туку и преку намалување на потрошувачката на електрична енергија, сериозно ќе ги намали трошоците и ќе оствари заштеда на средства од буџетот.

„Убеден сум дека по успешното завршување на повикот и воспоставување на јавно – приватно партнерство ќе може официјално да му посакаме добредојде на проектот кој ќе даде една нова енергија на иднината и живеењето во нашата општина. Со имплементацијата на проектот, Општина Аеродром ќе стане првата високотехнолошка и паметна општина, како и вистински пример на локална самоуправа која поддржува иновации и промовира одржливост“, заклучи Муцунски во своето обраќање.

The post Започнува имплементацијата на проектот „Смарт Аеродром“: Електрични велосипеди и тротинети, паметно осветлување, бесплатен интернет appeared first on Република.

Вкупниот број претплатници на пристап до Интернет со широк опсег во вториот квартал годинава изнесува 502 200, а пристап преку мобилни мрежи (2G/3G/4G) имале 1 418 946.

Во вториот квартал од 2022 година се регистрирани 1 932 608 претплатниците во мобилната телефонија за 3,48 проценти повеќе споредено со вториот квартал од претходната година, а просечно иницирале 110,36 повици месечно, покажува извештајот на Агенцијата за електронски комуникации објавен на крајот на минатиот месец.

Кај резиденцијалните пост-пеид претплатници има раст од 1,17 проценти од претходниот квартал додека во однос на истиот квартал од претходната година зголемувањето изнесува од 4,03 проценти. Деловните пост-пеид претплатници бележат раст од 0,17 проценти во однос на претходниот квартал, а во однос на вториот квартал од 2021 година  пад од 0,02 проценти.

Во вториот квартал од 2022 година има намалување на бројот на испратени СМС пораки во однос на првиот квартал од 1,41 проценти. Кај вкупниот број испратени ММС пораки во вториот квартал од 2022 година има раст од 0,85 проценти во однос на претходниот квартал и пад од 2,88 проценти споредено со вториот квартал од 2021 година.

Најголем пазарен удел има Македонски Телеком со 50,67 проценти, додека А1 Македонија има пазарен удел од 47,77 проценти, Роби од 0,89 проценти, Лајкамобајл од 0,55 проценти, додека Греен Мобиле од 0,12 проценти.

Заклучно со вториот квартал од 2022 година се регистрирани 435 714 претплатници на ТВ услуги, од кои 212 433 на кебалеска, на IPTV е 152 093, на DVB-T 41.297, а 30 081 на сателитска телевизија. И на квартално и на годишно ниво се бележи зголемување на претплатниците на сателитска за 10,11 односно за 22,57 проценти.

Според извештајот на АЕК, заклучно со вториот квартал 2022 година во државава се регистрирани 432 086  фиксни линии, за 1,37 проценти повеќе на квартално, а за 2,66 проценти на годишно ниво.

Целокупниот обем на сообраќај во вториот квартал од минатата година во однос на истиот квартал од претходната година бележи пад од 24,23 проценти, додека во однос на првиот квартал од 2022 година бележи пад од 10,26 проценти.

The post Нема куќа во Македонија без интернет appeared first on Република.

Папата во понеделникот ги предупреди семинариите во Рим за „ѓаволот на порнографијата“, признавајќи дека дури и калуѓерките и свештениците гледаат порно филмови на Интернет.

Тој ги повика да ги користат социјалните мрежи „за личен развој и комуникација“, истовремено предупредувајќи ги на опасностите од дигиталната порнографија, пишува Гардијан.

Тоа е порок на многу луѓе, многу лаици, но и свештеници и калуѓерки. Оттаму доаѓа ѓаволот. И не зборувам само за порнографија како онаа на злоупотреба на деца, која е монструозна, туку и за нормално порнографија. Драги браќа, внимавајте на тоа”, рече Папата.

The post Папата Франциск: Калуѓерки и свештеници гледаат порно филмови на интернет appeared first on Република.

Заклучно со вчерашниот ден, потпишани се вкупно 3.800 договори со ЕСМ снабдување ДООЕЛ Скопје, информираше денеска на прес-конференција помошник-директорот за топлинска енергија во АД ЕСМ, Александра Маројевиќ.

Маројевиќ, во изјава за медиумите соопшти дека АД ЕСМ почна со воведување нови начини за олеснување на процесот на префрлање на потрошувачите на топлинска енергија во градот Скопје од претходниот снабдувач на новиот снабдувач ЕСМ Снабдување со топлина.
Во продолжение ја пренесуваме интегралната изјава.„ЕСМ Снабдување со топлина засилено работи на изнаоѓање поедноставени начини за склучување договори со потрошувачите, со кои тие ќе се префрлат од претходниот снабдувач со топлинска енергија на сегашниот, ЕСМ Снабдување.

Во изминатата недела потрошувачите склучуваа договори само преку директно пристапување кон пунктовите каде документите се пополнуваа и потпишуваа.

Од денеска, Договорот е поставен на интернет страницата на АД ЕСМ и ќе биде поставен и на нашите официјални канали на социјалните мрежи, од каде потрошувачите ќе можат да го симнат, да го испечатат и да го пополнат. (Линк до договорот)

Два пополнети примероци од договорот потрошувачот ќе однесе во еден од пунктовите, со приложување на увид документ за лична идентификација и една фактура (или копија) од претходниот снабдувач. На овој начин ќе се намали времето на задржување на потрошувачите во пунктовите, со оглед на тоа што документот ќе биде веќе пополнет од нивна страна дома.
Доколку потрошувачот нема одредени податоци кои се бараат во договорот и не ги внел, како број на имотен лист итн., тие податоци ќе му бидат внесени од службениците на шалтер, кои имаат електронски пристап до катастар и ќе проверат на лице место, значи граѓаните нема потреба да одат да вадат други документи за да пополнат во договорот.

На шалтер ќе го потпишат договорот и со тоа постапката е завршена.Како што реков, договорот треба да го поднесе лично потрошувачот на чие име се води сопственоста на станбениот простор во објектот. Доколку сопственикот на имотот не е присутен во државата и затос не е во можност лично да дојде во наплатниот пункт, засега може да ополномошти друго лице, кое во негово име ќе го потпише потребниот договор.

Тековно ќе се изнаоѓаат решенија и за други корисници, кои од лични, здравствени причини, возраст итн. не можат да ги напуштат своите домови, и на овие наши граѓани ќе им излезеme во пресрет и ќе им овозможиme Договорот да го склучат во нивниот дом.Доколку е настаната статусна промена на сопственост (купопродажба, решение за наследување и сл.) новиот потрошувач потребно е да приложи на увид документ за идентификација, како и документ со кој се докажува сопственоста на станот, или објектот, како што е имотен лист, купопродажен договор или решение за наследување.

(Линк до упатства)

Засега договорот како што реков потрошувачите можат да го најдат на интернет и да го испечатат, но работиме на тоа во следниот период да ги испраќаме договорите i по пошта за потрошувачите кои во меѓувреме не се префрлиле на новиот снабдувач и кои од свои причини не можат да пристапат на страната и да го симнат и испечатат документот. Значи тие ќе добијат два примерока по пошта и постапката натаму ќе биде иста. Ќе ги пополнат и ќе ги предадат на пунктовите.

Повторно напоменуваме, додека тече префрлувањето на граѓаните од еден на друг снабдувач, греењето непрекинато ќе се испорачува и во ниеден момент испораката нема да биде загрозена, и граѓаните треба да бидат спокојни, парно ќе имаат сите.

Да информираме и дека заклучно со 21.10.2022 година, односно со вчера, склучени се 3.000 Договори за снабдување со топлинска енергија со потрошувачите.

Сакаме да дадеме одговор и во однос на прашањата зошто во овој период не се испорачува топлина навечер и да потенцираме дека динамиката и интензитетот на греењето кое се испорачува е регулирано со мрежните правила одобрени од Регулаторната комисија, кои и сега се исти како што биле и кога бил претходниот снабдувач.

Имајќи предвид дека на почетокот на грејната сезона односно после 15 октомври надворешните временски услови се променливи, тие се посебно третирани во регулативата поврзана со условите за испорака на топлинска енергија во овој период на годината. Испораката на топлинска енергија до крајните потрошувачи се одвива под јасно регулирани правила согласно законските и подзаконските акти.Според правилата, снабдувањето со топлинска енергија на потрошувачите во месеците октомври и ноември, односно на почетокот од грејната сезона, зависи од надворешните температури и од атмосферските услови во различни периоди од денот.

Така, за периодот од почеток на грејната сезона до 15 ноември, доколку е времето сончево и мирно, а надворешната температура е повисока од 11˚С, во периодот меѓу 09:00 и 14:00 часот работата на котлите се прекинува.

Ако пак времето е облачно, котлите се гасат кога надворешната температурата ќе порасне над 14 степени.
Следно мерење се прави во 18:00 часот, и греење се вклучува ако температурата во 18часот е 15 или пониска од 15 степени.

Така што оваа грејна сезона не е ништо поразлична од ланската или таа пред неа.Повторно апелираме до потрошувачите, заедниците на сопственици и управителите да ги обезбедат потребните услови за непречена испорака на топлинска енергија во објектите по почетокот на грејната сезона.

Во моментов во 26 објекти сè уште не се обезбедени бараните услови, односно имаат дефекти во внатрешната грејна инсталација, оневозможен е пристап на екипите на компанијата до топлинските станици или немаат електрична енергија во топлинските станици. Подетални информации за моментално затворените објекти може да се добијат и на веб страната на ЕСМ, во одделот Снабдување со топлина . Соработката од страна на потрошувачите е во интерес на сите страни за да се обезбеди навременa и квалитетна испорака на топлинската енергија.
За информации или пријави на дефекти и завршени интервенции, ги повикуваме потрошувачите да се јават во Центарот за грижа за потрошувачи на телефонските броеви 02 3076 200 и 075 400 100″.

The post Потпишани 3.800 договори со ЕСМ снабдување, договорот поставен на интернет страницата appeared first on Република.

Речиси половина од американските тинејџери велат дека користат интернет „речиси постојано“, според најновото истражување спроведено на 1.316 тинејџери. Процентот на тинејџери кои пријавиле речиси постојано ниво на присуство на интернет е значително повисок од истражувањето од 2015 година во кое само околу една четвртина од тинејџерите го пријавиле тоа ниво на употреба на интернет.

Истражувањето покажа дека платформите за социјални медиуми кои најмногу ги користат тинејџерите исто така се менуваат, при што платформите фокусирани на видео како YouTube и TikTok предничат по популарност. Фејсбук повеќе не е толку доминантна сила во животот на американските тинејџери. Само 32% од американските тинејџери на возраст од 13 до 17 години велат дека сега користат Фејсбук. Тоа е помалку од 71% од тинејџерите кои рекле дека користат Фејсбук во истражувањето спроведено помеѓу 2014 и 2015 година.

Конкретно YouTube го користеле 95% од тинејџерите, според истражувањето, при што скоро 20% пријавиле речиси постојана употреба на платформата, што ја прави најпопуларна социјална мрежа, по што следи TikTok. Од тинејџерите кои користеле TikTok, речиси една четвртина пријавиле речиси постојана употреба. Во последниве години, Facebook и Instagram презедоа чекори за да ја надминат конкуренцијата. Двете платформи објавија функции кои ја реплицираат функцијата со потпис на Snapchat Stories, која им овозможува на корисниците да објавуваат содржини што исчезнуваат по 24 часа. Instagram, исто така, воведе опција за кратко видео наречена Reels за да се натпреварува со TikTok.

Мета, исто така, се најде под лупа за влијанието на нејзините услуги врз помладите корисници, особено тинејџерите. Иако употребата на Фејсбук можеби е намалена кај тинејџерите, оваа возрасна група се повеќе е онлајн. Севкупно, 97% од испитаниците рекле дека користат Интернет секојдневно, во споредба со 92% од тинејџерите кои рекле дека користат Интернет секојдневно во извештајот од 2015 година.

The post Половина од американските тинејџери интернет користат речиси постојано appeared first on Република.

Триесет и девет проценти од испитаниците опфатени во анкета на Агенцијата за електронски комуникации рекле дека малолетните лица во нивното домаќинство во просек поминуваат и повеќе од пет часа приклучени на интернет.

Приближно половина од испитаниците или 46,3 проценти знаат дека постои програма за родителска контрола која на лицата помлади од 18 години ќе им овозможи безбеден интернет. Од нив само 10,2 проценти имаат веќе инсталирано таков софтвер, додека од оние испитаници кои немаат инсталирано таков софтвер, а знаат дека истиот постои, околу 61 процент би инсталирале. Околу 10 проценти од испитаниците кои имаат позитивен став кон инсталирање на софтвер за родителска контрола, знаат каде може да го најдат, стои во клучните наоди од Извештајот од испитувањето на јавното мислење од аспект на заштита на корисници на електронски услуги.

Во последните четири години, се наведува во наодите, се забележува тренд на раст во бројот на домаќинства каде интернет пристапот го користат и малолетни лица. Во 2022 година, дури 43,2 проценти од испитаниците одговориле дека малолетни лица користат интернет во нивното домаќинство, а кај дури 85,6 проценти од нив малолетните лица користат интернет секој ден.

Според испитувањето, бројот на корисници на услугата интернет во домаќинството се зголемил од 79 проценти на 89 проценти во последните пет години. Од испитаниците кои имаат интернет пристап во своето домаќинство, само 29,5 проценти ја знаат брзината на интернет конекцијата што треба да ја обезбеди операторот, а од нив 76,8 проценти сметаат дека ја добиваат предвидената брзина и количество податоци од интернет провајдерот.

Како што стои во наодите, во последните четири години има раст на бројот на испитаници кои се соочиле со некаков проблем при користење интернет во домаќинството, односно во 2022 година само 29 проценти од испитаниците немале проблем со својата интернет конекција во домаќинството. Како најчести проблеми со интернетот се наведени непостојана брзина на конекцијата (34,2 проценти), прекини/недостапност на услугата (30,6 проценти) и проблеми со техничката опрема.

Поради прекини или недостапност на услугата во последните 12 месеци, 38,4 проценти од домаќинствата го контактирале интернет провајдерот и за 55,7 проценти од нив проблемот поради кој пријавиле бил отстранет истиот ден.

Околу 27 проценти од домаќинствата со интернет пристап имаат приговарано телефонски до својот провајдер, а 30,7 проценти од испитаниците се изјасниле дека се потполно задоволни со одговорот кој го добиле од интернет провајдерот. Само 1,6 проценти од домаќинствата со пристап до интернет упатиле писмен приговор до интернет провајдерот, се наведува во дел од клучните наоди од испитувањето.

Анкетата е спроведена од 13 април до 15 март годинава на случаен репрезентативен примерок од 1100 испитаници на возраст од 18 и повеќе години, кај корисници на некоја од електронските комуникациски услуги: фиксна телефонија, мобилна телефонија, интернет и телевизија.

Примерокот е репрезентативен според белезите пол, возраст, етничка припадност и место на живеење, во однос на официјалните статистички податоци во моментот на спроведување на истражувањето, достапни во Државниот завод за статистика – Податоците од пописот 2021.

The post Малолетниците дневно приклучени на интернет и повеќе од пет часа appeared first on Република.

Околу шест отсто од германските државјани на возраст од 16 до 74 години, никогаш не користеле интернет, покажаа официјални податоци објавени денеска, јави ДПА.

Заводот за статистика соопшти дека ова одговара на околу 3.8 милиони луѓе, кои никогаш не биле онлајн.

Колку постари се луѓето, толку е поголем процентот на оние офлајн: највисок е меѓу лицата од 65 до 74 години – околу 21 отсто, меѓу 55 до 64 години – осум проценти, а под 55 години е најмногу три отсто.

Заводот за статистика го подвлече тоа, колку е потежок животот, за оние кои живеат надвор од интернетот во изминатите две години, со оглед на тоа колку услуги се префрлија онлајн за време на пандемијата на коронавирусот, од состаноци до испорака до дигитални сертификати за вакцина.

Низ Европската унија, просечната бројка за офлајн корисници беше осум отсто минатата година, но, има големи варијации меѓу земјите.

Според Еуростат, во Ирска, скандинавските земји, Холандија и во Луксембург, процентот на лица од 16 до 74 години, кои никогаш не користеле интернет, е под пет проценти.

Највисок процент имаше во Грција – 20, а потоа следуваа Бугарија и Португалија.

Според проценките на Меѓународната телекомуникациска унија на Обединетите нации, 37 отсто од светската популација никогаш не користела интернет – околу 2,9 милијарди луѓе ширум светот.

The post Околу 3.8 милиони Германци никогаш не користеле интернет appeared first on Република.

Петнаесет македонски агро-производители бесплатно ги усовршија своите дигитални вештини и веќе се во процес на пласирање на нивните производи на македонските платформи за интернет купување во рамки на проектот „Agri E-commerce“, кој го спроведува Асоцијацијата за е-трговија на Македонија.

Проектот има за цел да одговори на потребите што доаѓаат од веб-платформите за е-трговија за продажба на локално одгледувани агро-производи (свежи или преработени) од една страна, и од друга страна да им помогне на локалните агро-производители да ги продаваат своите производи надвор од својата област на живеење - преку Интернет.

Ситуацијата со Ковид пандемијата ја забрза дигитализацијата на македонскиот пазар, оттука сите засегнати во производството и трговијата мора да ги следат новите правила што ги налага ситуацијата и пазарот. Нашиот фокус како винарија Бади е да бидеме присутни на онлајн платформите на македонскиот пазар, а во некои идни планови и на европскиот пазар.“ – изјави Блаже Миневски, од винаријата „Бади“.

Во рамки на проектот, агро-производителите поминаа низ четири различни обуки за зајакнување на нивните дигитални вештини, меѓу кои: учење на основите, можностите и регулативите во е-трговијата, практични примери и совети поврзани со маркетинг на социјалните медиуми, запознавање со алатките за дигитален маркетинг за е-трговија и запознавање со условите за онлајн продажба кај различни е-трговци.

Софија Шутова, од агро-бизнисот „Сид оф лајф“ кој е дел од учесниците на овој проект, вели дека обуките донеле големи придобивки во нивното работење.

Обуките беа пред сè  многу практични и интерактивни. Предавачите имаа големо искуство во областа на онлајн продажбата и маркетингот, па можевме директно да поставуваме прашања и да учиме од нив. Конкретно мене најмногу ми користеа споделените алатки за креирање на  привлечни содржини на социјалните медиуми и советите за креирање маркетинг стратегија.“ – изјави таа.

Во моментов проектот се наоѓа во последната фаза, каде што агро-производителите одржуваат состаноци со е-трговците од најпознатите македонски  веб платформи за е-трговија и договараат детали за пласирање на нивните производи.

Веќе започнавме со примена на некои од насоките за уште поуспешно водење на нашиот бизнис, благодарение на кои ги бележиме и првите резултати во форма на подобрена комуникација на социјалните медиуми, додава Маја Чубриќ од охридскита агри-компанија „Трек Ми“.

Производите од агро-производителите кои се дел од програмата „Agri E-commerce" кои наскоро ќе бидат достапни на дел од најпознатите веб платформи за е-трговија, можат да се погледнат во продолжение: https://www.youtube.com/watch?v=MBeCIjh6QOY

Повеќе информации за активностите на проектот и контакт до агро-производителите кои се дел од него можете да дознаете на следниот линк: https://ecommerce.mk/agriecommerce/ .

Од АЕТМ уште еднаш ја потенцираат важноста од овој проект чија крајна цел е  зголемена понуда и реализирани онлајн продажби на домашните агро-производи на македонските интернет продавници. Проектот „Agri E-commerce“ е поддржан од Програмата за зголемување на пазарната вработливост (ИМЕ), финансирана од Швајцарската агенција за развој и соработка.

The post Домашните агро-производители ќе ги пласираат своите производи на македонските интернет продавници appeared first on Република.