Шокирани сме од одлуката на Комесарот за натпреварување при КФСМ и жестоките казни за КК Пелистер и членови на нашата управа, за инцидентите пред самиот финиш од натпреварот со Кожув, велат од КК Пелистер по одлуката на комесарот за натпреварување, Александар Милојевиќ да им додели суспензија поради хаосот на трибините пред крајот на неодамнешната средба пресметка со Кожув, а мечот против Феникс од 6. коло од Првата лига ќе се одигра без публика во Битола.

Реакцијата ви ја пренесуваме во целост:

Почитувани,

Сакаме да Ве информираме дека натпреварот од 6. коло што според распоред требаше да го играме на гостински терен против Феникс, во договор на двата клуба ќе биде одигран во Битола, но пред празни трибини.

Шокирани сме од одлуката на Комесарот за натпреварување при КФСМ и жестоките казни за КК Пелистер и членови на нашата управа, за инцидентите пред самиот финиш од натпреварот со Кожув кои беа иницирани од страна на членови на највисокото раководство на гостинскиот клуб.

Сведоци бевме на 39 минути перфектна спортска атмосфера на теренот и на трибините, и кога нашиот тим беше во водство, но и кога противникот имаше позитива.

Пред крајот дојде до тензија, но истата беше иницирана исклучиво од гостите. Конкретно, од поранешниот македонски репрезентативец Александар Димитровски, сега претседател на КК Кожув, како и од неговата втора животна сопатничка, Едина Муса, исто така поранешна македонска кошаркарска репрезентативка.

Видео-снимката јасно покажува како Муса удира женско лице кое со своето дете го следи мечот на трибините, по што се вклучува и Димитровски, па мораше да следи интервенција од обезбедувањето, по што се крена и тензија во салата.

Како во целокупниот опширен извештај на КФСМ на официјалните лица не е наведено кој е виновникот за она што се случи, ниту пак истите се санкционирани, би сакале некој јасно и децидно да ни објасни. Во прилог на ова соопштение го објавуваме и видеото од немилата случка иницирана од Димитровски и Муса, од кое сите јасно можат да видат кој е иницијаторот....

Гостите беа свесни дека го губат мечот на терен,па почнаа да прават притисок врз официјалните лица, а во главна улога беше токму таткото на претседателот, кој влезе во конфликт и со дел од нашата управа, во обид уште повеќе да ја крене тензијата. Сето ова е јасно видливо на видео-снимката од натпреварот што Комесарот за натпреварување ја има на располагање, ако сака да ја види истата, кога веќе се повикува на неа и решава да казнува едни, а однесувањето на другите целосно да го игнорира. Таткото на претседателот заедно со помошниот тренер се закануваа на нашата публика, а првиот тренер на Кожув се обраќаше на публиката, повикувајќи ги на физичка пресметка плукајќи кон нив.

Членот на нашата управа, Марјан Илиевски мечот го следеше од трибините и се спушти долу на терен со една единствена цел – да ги смири тензиите за да не се расплинува ситуацијата и да се случи нешто несакано. Тој успеа во тоа, причинителите на инцидентот ги напуштија трибините и ги снема по своја желба, а останува нејасно зошто тие што го направија инцидентот ја одбија поканата на управата на КК Пелистеер, на која беа само членовите на раководството на битолскиот клуб.

Илиевски се обрати кон клупата на гостите со сугестија да се смират тензиите и да не се разгоруваат непотребно страстите. Целта беше добронамерна, но првиот тренер на Кожув наспроти тоа му се обрати со вулгарни зборови покажувајќи сила (сето ова исто така е видливо на видео-снимката). Ако Комесарот смета дека тоа е „злочин“ за казна од 32.000 денари, секоја чест за неговите критериуми...

КК Пелистер отсекогаш бил и ќе биде беспрекорен домаќин, честитки за тоа добиваме од сите гости кои доаѓаат во нашата Битола за АБА2 лигата, за што сме особено горди. Ланската сезона загубивме куп-финале на една топка од МЗТ, пред полни трибини и немаше апсолутно никаков инцидент. Тоа е најдобар доказ за спортската култура на КК Пелистер и на битолската публика.

Проблем немаше да има ниту викендов, да не беше истиот инициран од гостите од Гевгелија.

На нив, но и на оние кои ги изрекоа овие трагикомични санкции, нека им служи на чест, а Пелистер и во иднина ќе продолжи по зацртаниот пат, на спортски терен, а не преку шеми и „монтирани проблеми“ ми да доаѓа до највисоки резултати.

А ако веќе го казнувате КК Пелистер (како што очигледно сте решиле, по секоја цена), покажете храброст па санкционирајте ги и вистинските виновници...

Со почит,
КК Пелистер

The post Видеото јасно покажува дека Едина Муса прва удри навивачка со дете, се вклучува и Мачка, реагираат од КК Пелистер appeared first on Република.

Вчера во 15.40 часот во с. Врапчиште, гостиварско, полициски службеници од ПО Галате ги лишиле од слобода Ѓ.М.(61), Е.М.(30), М.М.(35), Џ.М.(56) и Н.М.(61) сите од с.Врапчиште, кои во 15.00 часот во ОВР Гостивар, биле пријавени од Б.И.(41) судија во Основен суд Гостивар, дека истите во Врапчиште спречувале судски службеници во извршување на службени дејствија и задачи, при што и физички ги нападнале.

Тие се задржани во полициска станица и по документирање на случајот против нив ќе следува соодветен поднесок, велат од СВР Тетово.

The post Инцидент во Врапчиште, нападнати судски службеници appeared first on Република.

Комисијата за натпревари на Фудбалската федерација на Македонија на денешната седница донесе одлука според членовите 41,42 и 75 од Правилник за натпревари на ФФМ за суспензија на стадионот „Башкими“ Куманово поради присуство на неслужбени лица на теренот веднаш по завршување на натпревар во рамки на 4 коло на Втора МФЛ помеѓу екипите на ФК Башкими 1947 АД – ФК Беласица АД одигран на 25.09.2024 година во Куманово.

Стадионот „Башкими“ Куманово е суспендиран се до донесување на одлука на ДК на ФФМ. Суспензијата стапува на сила веднаш, соопштија од ФФМ.

Одлуката следува по инцидентот од средата, кога судиите биле попречувани да влезат во нивните службени соблекувални.

https://republika.mk/sport/fudbal/politsijata-morala-da-intervenira-na-stadionot-na-bashkimi-na-kraj-nastrada-avtomobilot-na-sudijata/

Претходно суспензија беше одредена и за Градскиот стадион Неготино каде беше нокаутиран голманот од гостинската екипа.

https://republika.mk/sport/fudbal/navivach-nokautira-golman-na-ohrid/

The post ФФМ го суспендираше и теренот на Башкими appeared first on Република.

Ноќва во 02.50 часот во Комплексот клиники „Мајка Тереза“ во Скопје, полициски службеници од Единицата за интервентна полиција при СВР Скопје го лишиле од слобода Б.М.Ѓ.(38) од Скопје.

Како што соопшти МВР, тој претходно со остар предмет се заканувал на полициски службеници кои извршувале службени дејствија.

The post Ноќва инцидент на Клиники: Маж со нож им се заканувал на полицајците appeared first on Република.

Вчера во СВР Куманово било пријавено дека по завршување на фудбалски натпревар од втората фудбалска лига помеѓу екипите на Башкими и Беласица, на стадионот на Башкими, судиите биле попречувани да влезат во нивните службени соблекувални.

По интервенција на полициските службеници, судиите влегле во соблекувалните, а откако го напуштиле стадионот забележале дека возилото „фиат браво“ со скопски регистерски таблички, сопственост на еден од судиите, било оштетено.

Се преземаат мерки за расчистување на случајот, велат од МВР.

The post Полицијата морала да интервенира на стадионот на Башкими, на крај настрада автомобилот на судијата appeared first on Република.

За случајот со грчки патролен брод што во потера по чамец со криумчар стигнал до Бодрум, разговарале, меѓу другото министерот за поморство на Грција Христос Стилианидис и министерот за внатрешни работи на Турција Али Јерликаја, јави дописничката на МИА од Атина.

Како што објавија грчките и турските медиуми, во петокот, бродот на крајбрежната служба на Грција додека бркал криумчар навлегол во турските територијални води во близина на градот Бодрум, за што, според „Катимерини“ Министерството за надворешни работи на Турција упатило демарш до грчкото МНР.

Од Министерството за поморство на Грција денеска соопштија дека во телефонски разговор по иницијатива на турскиот министер, Стилианидис и Јерликаја  во однос на инцидентот се согласиле дека треба „да се избегнат слични инциденти кои можат да создадат погрешни впечатоци“.

Паралелно ја потврдиле добрата соработка на двете страни во управувањето со мигрантските бранови и „особено добрата соработка на грчката и турската крајбрежна служба“.

The post Телефонски разговор на надлежните министри од Грција и Турција за инцидентот кај Бодрум со грчки патролен брод appeared first on Република.

Во инцидент во просториите на руската компанија „Вајлдберис“ во Москва денеска се убиени двајца полицајци, а двајца се ранети, јавија руските медиуми.

По инцидентот уапсени се речиси 30 лица. Основачот на „Вајлдберис“ и мнозински сопственик Татјана Бакалчук ​​и нејзиниот сопруг Владислав, против кого таа покрена постапка за развод и кој имаше мал удел во компанијата, се обвинуваат меѓусебно за инцидентот.

Како што соопшти компанијата, до пукањето дошло откако група вооружени луѓе, предводени од Владислав, се обиделе насилно да влезат во канцеларијата. Владислав, пак, рече дека тој и неговите соработници не биле вооружени и дека дошле само да разговараат за бизнис, а во нив пукало обезбедувањето на придружната фирма РВБ.

Компанијата наведе дека немало план за средба со Владислав и објави видео од внатрешноста на зградата на кое се гледаат мажи како се тепаат на крајот од ходникот и се слушаат истрели.

Вајлдберис  ги објави плановите за спојување со помалата фирма за надворешно рекламирање Рус во јуни, велејќи дека целта е да се создаде платформа за дигитална трговија, а Владислав се спротивстави на спојувањето.

На крајот на јули, Татјана Бакалчук, која е најбогатата жена во Русија според магазинот Форбс, изјави дека поднела барање за развод од Владислав. Компанијата, која започна како онлајн платформа за препродажба на облека, сега испорачува различни производи - од електроника до кујнски прибор, со обрт од милијарди долари.

The post Инцидент во руската компанија Вајлдберис, убиени двајца полицајци, двајца ранети appeared first on Република.

Комитетот за истрага на воздухопловни несреќи и сериозни инциденти (КИНСИВ) најави дека ќе отвори истрага во врска со безбедносниот настан на небото над Скопје на 7. месецов во кој е избегнат судир на два цивилни авиона.

Претседателот на КИНСИВ Зоран Илиевски за МИА изјави дека веднаш се вклучиле бидејќи станува збор за сериозен инцидент.

В понеделник влегуваме во М-НАВ и ќе ги направиме потребните разговори, ќе ги преслушаме снимките од разговорите на контролорите со пилотите на авионите, а и ќе ги погледнеме и снимките. Ние не утврдуваме вина, туку причина која довела до ваков инцидент. Исто така, ќе побараме изјави од пилотите на двата авиона преку нивните воздухопловни власти, па ќе ја информираме јавноста. Се друго во моментот ќе биде шпекулација - изјави Илиевски.

Давателот на навигациски услуги М-НАВ, претходно соопшти дека во пропишаниот рок поднесена е пријава за безбедосниот настан и отворена е истрага за утврдување на фактичката состојба и причините.

Од М-НАВ потенцираа дека таквите настани како и секаде во Европа, секогаш се навремено пријавени и процесирани од сите релевантни одделенија.

На 7 септември во 18.30 часот поднесена е пријава за безбедосен настан во пропишаниот рок од извршителите кои работеле на засегнатиот сектор. Согласно правилата и пропишаните процедури, пријавата е регистрирана од страна на одделението ИМС (Integrated Management Systems) и доставена до Агенцијата за Цивилно Воздухопловство. Исто така, согласно важечките процедури, од страна на одделението ИМС (Integrated Management Systems) отворена е истрага за утврдување на фактичката состојба и причините за настанот. Би сакале да укажеме дека ваквите настани како и секаде во Европа, секогаш се навремено пријавени и процесирани од сите релевантни одделенија, служби и институции, согласно постоечките правни процедури - наведе М-НАВ во соопштение.

Претходно и од АЦВ за МИА потврдија постапуваат по настан пријавен од Давателот на навигациски услуги М-НАВ.

Давателот на навигациски услиги М-НВ уредно го пријави настанот и АЦВ ќе постапи по истиот - изјавија од АЦВ.

Порталот СДК.мк, повикувајќи се на сајтот за следење летови Флајтрадар24, објави дека авиони на „Туркиш ерлајнс“ и на „Санекспрес“ за малку ќе се судреле на небото над Меѓународниот аеродром во Скопје на 7 септември во 18.32 часот.

The post КИНСИВ ќе отвори истрага за безедносниот настан на небото над Скопје appeared first on Република.

Во пропишаниот рок, поднесена е пријава за безбедосниот настан на небото на Скопје што се случи на 7.месецов и отворена е истрага за утврдување на фактичката состојба и причините, информира денеска Давателот на навигациски услуги М-НАВ, по објавите за избегнат инцидент со судир на два авиона.

Од М-НАВ потенцираат дека таквите настани како и секаде во Европа, секогаш се навремено пријавени и процесирани од сите релевантни одделенија.

- На 7 септември во 18.30 часот поднесена е пријава за безбедосен настан во пропишаниот рок од извршителите кои работеле на засегнатиот сектор. Согласно правилата и пропишаните процедури, пријавата е регистрирана од страна на одделението ИМС (Integrated Management Systems) и доставена до Агенцијата за Цивилно Воздухопловство. Исто така, согласно важечките процедури, од страна на одделението ИМС (Integrated Management Systems) отворена е истрага за утврдување на фактичката состојба и причините за настанот. Би сакале да укажеме дека ваквите настани како и секаде во Европа, секогаш се навремено пријавени и процесирани од сите релевантни одделенија, служби и институции, согласно постоечките правни процедури, наведе М-НАВ во соопштение.

Претходно од АЦВ за МИА потврдија постапуваат по настан пријавен од Давателот на навигациски услуги М-НАВ.

Давателот на навигациски услиги М-НВ уредно го пријави настанот и АЦВ ќе постапи по истиот, изјавија од АЦВ.

Порталот СДК.мк, повикувајќи се на сајтот за следење летови Флајтрадар24, објави дека авиони на „Туркиш ерлајнс“ и на „Санекспрес“ за малку ќе се судреле на небото над Меѓународниот аеродром во Скопје на 7 септември во 18.32 часот.

Станува збор за авионот на „Туркиш ерлајнс“ на летот ТК1358 од Мадрид за Истанбул и авионот на „Санекспрес“ од турскиот крајбрежен аеродром Даламан за Лондон – Гетвик. Според Флајтрадар24, 30 секунди пред да се разминат двата авиона биле на иста висина од 36.000 стапки. Непосредно пред да се разминат, едниот се кренал на 36.325 стапки, а другиот се спуштил на 35.475 стапки. Според правилата на авиосообраќајот, меѓу авионите треба да има 2.000 стапки вертикална далечина, пишува порталот .

The post Се огласи и М-НАВ: Отворена е истрага за безбедносниот настан на небото над Скопје на 7 септември appeared first on Република.

Вчера во 11.30 часот во Скопје, на подрачје на Центар, полициски службеници од СВР Скопје ги привеле Д.Џ.(20) и 35-годишната Џ.К.М., двајцата од Скопје, затоа што го нарушиле јавниот ред и мир и агресивно се однесувале кон случајните минувачи.

По целосно документирање на случајот против нив ќе биде поднесен соодветен поднесок.

The post Инцидент во Центар: Прво се карале меѓусебе, па малтретирале и случајни минувачи appeared first on Република.

Одделот за внатрешна контрола, криминалистички истраги и професионални стандарди при МВР, до надлежното Основно јавно обвинителство за гонење на организиран криминал и корупција - Специјализирано одделение за гонење на кривични дела сторени од лица со полициски овластување и припадници на затворската полиција, поднесе кривична пријава против С. С., началник на Одделение за лично обезбедување на претседател на Собрание поради постоење основи на сомневање дека сторил кривично дело „Загрозување на сигурноста“ по член 144 од КЗ и кривично дело “Спречување службено лице во вршење службено дејствие“ по член 382 од КЗ, соопшти предмалку министерот за внатрешни работи Панче Тошковски.

Пријавениот С.С. на ден 01.08.2024г. околу 10:30 часот на Меѓународен Аеродром Скопје на паркингот пред ВИП салонот пристигнал со возило со поставени ротациони светла, излегол од возилото и од појасот го извадил пиштолот, го репетирал и повторно го вратил во појасот, а на полицискиот службеник од ПС за ГП Меѓународен Аеродром Скопје кој извршувал работни задачи пред вратата на ВИП салонот му се обратил на висок тон, го турнал наназад со двете раце и заканувајќи му се го спречил полицискиот службеник како службено лице во извршување на неговите службени дејствија, информира Тошковски.

Пријавениот С.С., додава, бил испратен на Меѓународен Аеродром Скопје од страна на претседателот на Собрание со цел надминување на недоразбирањето кое настанало со претседателката на Косово во врска со безбедносните процедури за преглед на багаж и електронски уреди при летање со комерцијални летови.

Потоа, заедно со уште двајца полициски службеници од Секторот за обезбедување на личности влегол во ВИП салонот и движејќи се во простории каде немал овластување за движење и престој, на присутните вработените на ТАВ-Скопје, полициски службеници од граничната полиција и Одделот за заштита на определени личности и објекти почнал да им се заканува по животот, водено барајќи да ја спроведе претседателката со возило до авионот, вели Тошковски.

ОВККИПС согласно своите надлежности и овластувања ќе поднесе Предлог за поведување на постапка за утврдување на дисциплинска одговорност против полицискиот службеник С.С. и ќе изрече задолжителни мерки за отстранување од работното место - суспензија до завршување на дисциплинската постапка, а против полициските службвеници С.Р. и Н.Б. ќе поднесе Предлог за поведување на постапка за кршење на работниот ред и дисциплина поради извршување на незаконита наредба, несовесно извршување на работни задачи и рушење на угледот на полицијата.

Како министер, секогаш цврсто ќе се залагам за еднакво применување на законот за сите. Секој мора да го почитува законот, а особено полициските службеници мора да бидат пример за почитување на законите и професионалните стандарди, бидејќи нивната одговорност е клучна за одржување на довербата на јавноста во институциите, порача Тошковски.

The post Кривична и суспензија за обезбедувачот на Гаши за инцидентот на скопски аеродром appeared first on Република.

Министерството за надворешни работи и надворешна трговија на Македонија излезе со став по повод протестната нота од Министерството за надворешни работи и дијаспора на Косово, во којашто се бара целосно објаснување во врска со настанот на Скопскиот аеродром со косовската претседателка Вјоса Османи. Македонското Министерството побарало информации од надлежните институции и по анализата на собраните податоци ќе преземе мерки, со цел, како што соопшти Министерството, во иднина да се избегнат вакви ситуации.

-Република Македонија и Република Косово одржуваат позитивни и конструктивни билатерални односи и соработка, без отворени прашања и со искрен и континуиран дијалог на сите нивоа и во сите области. Во наведениот контекст изразувуваме жалење за недоразбирањата кои се случиле во текот на вчерашниот ден, при патувањето на претседателката на Република Косово Вјоса Османи на меѓународниот Аеродром во Скопје, стои во соопштението на Министерството.

Оттаму напоменуваат дека од страна на Министерството за надворешни работи и надворешна трговија на Република Македонија во врска со вчерашниот настан веќе се побарани информации од сите надлежни институции.

-Откако ќе биде направена соодветна анализа на прибраните податоци во непосредна соработка со Министерството за внатрешни работи, ќе бидат преземени сите потребни активности и мерки, а со основна цел во иднина да се избегнат вакви или слични појави и ситуации, стои во реакцијата на Министерството.

Македонското МВР во четвртокот вечерта соопшти дека обезбедувањето на претседателот на Собранието Африм Гаши им се заканувало на вработени во ТАВ кои побарале од претседателката на Косово, Вјоса Османи да го остави телефонот за да помине на секенер кога поминувала низ гранична контрола на Меѓународниот аеродром Скопје. Како соопшти МВР, додека претседателката на Косово поминувала на гранична контрола, во моментот кога било побарано да го остави телефонот да помине низ скенер, едно лице од нејзиното обезбедување го оттргнал вработениот во ТАВ, со цел таа да помине без скениран телефон и рачен багаж. Но, потоа, сепак, багажот бил вратен и поминал низ скенер.

-По половина час, дошло лице од обезбедувањето на претседателот на Собранието Гаши (полициски службеник) со уште две лица (полициски службеници) и почнал да се заканува кон вработените во ТАВ и да бара кој и направил проблем на претседателката. При тоа турнал и полициски службеник вработен на граничниот премин, соопшти МВР додавајќи дека веднаш е известен Одделот за внатрешна контрола, криминалистички истраги и професионални стандарди и во координација со ОЈО за ГОКК се преземаат мерки за расчистување на случајот, по што ќе бидат поднесени соодветни поднесоци.

Од ТАВ Македонија соопштија дека одделот за Обезбедување на ТАВ Македонија постапило во рамките на своите овластувања и спровело стандардна проверка на претседателката на Косово Вјоса Османи Садриу и на нејзиниот багаж на пунктот за безбедноста проверка во ВИП - салонот со што воопшто не беше загрозена авијациската безбедност и безбедноста на патниците. Оттаму категорично ги отфрлаат наводите дека нивниот вработен од одделот за обезбедување се обидел да го одземе телефонот на косовската претседателка при прегледот во ВИП-салонот на Меѓународниот аеродром Скопје.

Кабинетот на претседателот на Собранието на Македонија, Африм Гаши, во четвртокот преку соопштение демантираше каква било вмешаност на членови на неговото лично обезбедување во денешниот инцидент на скопскиот аеродром, за кој што, велат, пренесуваат одредени медиуми. Гаши, пак, во изјава за медиуми вчера кажа дека „интервенирал да се смират ситуациите, да не се направи дипломатски инцидент, и мислам дека се заврши како што треба“. Вели дека ако некој ги пречекорил своите овластувања, секако ќе треба да одговара.

Претседателството на Република Косово вчера преку соопштение до јавноста изразило огорченост од „неприфатливите изјави на Министерството за внатрешни работи на Македонија“, како и од „пропагандата што се развива против Република Косово“ по инцидентот со претседателката Вјоса Османи на скопскиот аеродром. Во соопштението по повод инцидентот се наведува дека Османи единствено одбила да го даде на скенирање својот телефон, кој го користи како шеф на државата за официјални комуникации и за прашања од националната безбедност.

The post МНР за случајот со косовската претседателка: Побарани се информации од надлежните институции, ќе се преземат мерки во иднина да се избегнуваат вакви ситуации appeared first on Република.

Иако го споменуваат само со иницијали, евидентно е дека од ВРЕДИ одговорноста за скандалот на скопскиот аеродром ја лоцираат кај лица блиски до Артан Груби. Велат дека не би биле зачудени ако зад инцидентот стои токму тој, пренесува „360 степени“.

Владејачката коалиција партии на Албанците – ВРЕДИ смета дека партијата на Ахмети ДУИ свесно и со умисла се обидува да манипулира со јавноста. Косовските власти јасно и недвосмислено изразија сомневање дека инцидентот е намерно испровоциран со цел влошување на билатералните односи со Косово.

Владејачката коалиција на партиите на Албанците – ВРЕДИ смета дека Демократската Унија за интеграција свесно и со умисла се обидува да манипулира со јавноста, имајќи предвид дека косовските власти јасно и недвосмислено изразија сомневање дека инцидентот е намерно испровоциран со цел да се влошат билатералните односи меѓу Македонија и Косово.

Иако не сакаат да ја попречуваат истрагата која што е во тек, од ВРЕДИ оценуваат дека поради паничните соопштенија кои ги испраќа ДУИ, тие мора да постават отворени прашања за можната вмешаност на кадри од партијата на Ахмети во инцидентот. Велат дека не случајно вчера напоменале дека нема да бидат зачудени доколку луѓе блиски до лицето А.Г. познато по масивна политичка корупција и казино бизниси, биле замешани на некаков начин во аеродромскиот инцидент.

Повод за тоа, според нив е фактот дека пред и за време на предизборната кампања ДУИ отворено покажуваше незадоволство од отсуството на политичка поддршка за нивната платформа од косовските државни функционери.

„Кое е вработеното лице на аеродромот кое објавува фотографии на социјалните мрежи со лицето А.Г. а се појавило на местото на инцидентот и со кои намери и причини? Колку криминал имаат направено поранешни функционери на ДУИ кога на ваков подмолен начин се обидувате да ја вовлечете претседателката на Косово во обид да креирате тензии и да ги направите Албанците заложници, за да се спасите од правосудна одговорност?“, ги прашуваат од ВРЕДИ нивните опоненти од ДУИ.

Од ВРЕДИ им порачуваат дека тоа нема да им помине и ќе мора да се соочат со вистина, која откако ќе биде обелоденета ќе ја засрами политичката партија на Ахмети.

Претходно, ДУИ побара политичка одговорност за скандалот да преземат собранискиот спикер Африм Гаши бидејќи по негов налог, диво и недоволиво на скопскиот аеродром се однесувал шефот на неговото обезбедување, како и заменик министерот во МВР Астрит Исени, кој воопшто не бил информиран за скандалот.

The post ВРЕДИ му возвраќа на ДУИ: Да не излезе дека блиски на Артан Груби се вмешани во инцидентот на скопскиот аеродром appeared first on Република.

Во врска со инцидентот на скопскиот аеродром каде вработен во ТАВ не дозволил косовската претседателка Вјоса Османи да мине без да и биде проверен телефонот и чантата, министерот за надворешни работи Тимчо Муцунски на Косово му порача дека жали за инцидентот притоа меѓу редови оставајќи можност дека за инцидентот виновно е обезбедувањето на косовската претседателка и дел од обезбедувањето на спикерот Африм Гаши кое сакало да се одмазди на вработените во ТАВ.

Република Македонија и Република Косово одржуваат позитивни и конструктивни билатерални односи и соработка, без отворени прашања и со искрен и континуиран дијалог на сите нивоа и во сите области. Во наведениот контекст изразувуваме жалење за недоразбирањата кои се случиле во текот на вчерашниот ден, при патувањето на претседателката на Република Косово Н.Е. Вјоса Османи на меѓународниот Аеродром во Скопје. Напоменуваме дека од страна на Министерството за надворешни работи и надворешна трговија на Република Македонија во врска со вчерашниот настан веќе се побарани информации од сите надлежни институции. Откако ќе биде направена соодветна анализа на прибраните податоци во непосредна соработка со Министерството за внатрешни работи, ќе бидат преземени сите потребни активности и мерки, а со основна цел во иднина да се избегнат вакви или слични појави и ситуации, пишува во реакцијата на Муцунски за случајот кој беше предизвикан од страна на Косово.

Претходно Косово побара извинување од Муцунски и претседателката на Македонија Гордана Сиљановска Давкова.

Доколку Косово по дипломатската реакција на Муцунски продолжи да прави случај од инцидентот во приватната турска компанија ТАВ на денот на најголемиот македонски национален празник тогаш не е исклучено дека целта на официјална Приштина не е расчистување на случајот туку свесно креирање на тензии со Македонија, коментираат западни дипломати за expres.mk.

Според МВР, додека косовската претседателка поминувала на гранична контрола на Меѓународниот аеродром „Скопје“, во моментот кога од неа било побарано да го остави телефонот за да помине низ скенер, едно лице од нејзиното обезбедување го оттргнало вработеното лице од ТАВ, за таа да помине без скениран телефон и рачен багаж. Иако вработениот бил оттргнат, сепак багажот бил вратен и поминал на скенер.

Од компанијата ТАВ Македонија известија дека одделот за обезбедување, постапувајќи во рамките на своите овластувања спровел стандардна безбедносна проверка на косовската претседателка Вјоса Османи, како и на нејзиниот багаж, на пунктот за безбедноста проверка во ВИП- салонот, со цел обезбедување на конкретниот комерцијален лет.

Вчера пратеникот Беким Сали од коалицијата Вреди за инцидентот со косовската претседателка Вјоса Османи на аеродромот во Скопје рече дека оваа крајно вознемирувачка случка е продолжување на проектот за радикализација на ДУИ.

The post МНР не наседнува на провокациите, Косово доби дипломатски одговор appeared first on Република.

Министерството за надворешни работи и дијаспора на Косово соопшти дека во петокот упатило протестна нота до Македонија, барајќи итно и целосно објаснување во врска со инцидентот на скопскиот аеродром со косовската претседателка Вјоса Османи, јави дописникот на МИА од Приштина.

Според соопштението на МНР, претседателката Османи била соочена со „несоодветен и незаконски третман“ од обезбедувањето на скопскиот аеродром.

Министерката (Доника) Грвала достави протестна нота до властите во С Македонија, барајќи итно и целосно објаснување за овој инцидент. Истовремено, побарано е македонските власти да преземат итни мерки за расветлување на случајот и да се погрижат вакви настани во иднина да не се повторуваат, се вели во соопштението на Министерството.

Грвала, според соопштението, веднаш по инцидентот, во четвртокот вечерта и во петокот се сретнала со амбасадорката на Македонија во Косово за да побара појаснување за случајот.

Министерката Грвала денеска во МНР оствари средба и со вицепремиерот на С Македонија, Арбен Фетаи со кого разговараше за предметниот инцидент и потребата од преземање брзи институционални дејствија. Во рамки на преземените дејствија, министерката Гервала попладнево прими телефонски повик од нејзиниот македонски колега, министерот за надворешни работи Тимчо Муцунски, при што беше изразена загриженоста на косовските институции за вчерашниот инцидент, се наведува во соопштението.

На претседателката Османи, според соопштението што го објави Претседателството, во четвртокот имало обид да ѝ се одземе телефонот од обезбедувањето на скопскиот аеродром. Дури, како што велат, имало обид и Османи физички да се оттурне.

https://republika.mk/vesti/makedonija/tav-makedonija-nashiot-vraboten-ne-se-obide-da-i-go-odzeme-telefonot-na-kosovskata-pretsedatelka/

Претседателството на Република Косово во соопштение до јавноста ја изразува својата огорченост од „неприфатливите изјави на Министерството за внатрешни работи на С Македонија“, како и од „пропагандата што се развива против Република Косово“.

The post Косово испратило протестна нота до Македонија за инцидентот на скопскиот аеродром со Османи appeared first on Република.

Немилиот и крајно вознемирувачки инцидент што се случи вчера на скопскиот аеродром е продолжување на проектот за радикализација на ДУИ, реагира пратеникот Беким Сали од коалицијата Вреди за инцидентот со косовската претседателка Вјоса Османи на аеродромот во Скопје.

https://republika.mk/vesti/makedonija/skeniraneto-na-mobilniot-na-kosovskata-pretsedatelka-bil-glavna-prichina-za-intsidentot-na-skopskiot-aerodrom/

Полициски функционер познат по својата блискост со челниците на ДУИ, покажувајќи отворено непочитување на ВИП протоколите и достоинството на државна делегација, ја запре претседателката Османи, напиша Сали.

Според него, со овој чин не само што се прекршуваат дипломатските норми, туку се ризикува и влошување на односите меѓу нашата држава и Косово.

Депресивно е да се забележи дека ДУИ уште еднаш ја покажа својата апатија кон институциите на Косово, со цел во секој случај да ги влоши нашите односи. Овој инцидент е горчлив потсетник на 20 години владеење и на деструктивното ниво на кое се подготвени да одат сега кога се во опозиција. Во овој критичен момент, сакам да истакнам дека секој член на Вреди е посветен на почитување на принципите на почитување, достоинство и силни дипломатски односи. Ние се разликуваме од ДУИ и нема да дозволиме нашата земја да биде сфатена како сираче на меѓународната сцена. Нашата посветеност за негување на позитивни и почитувани односи со сите наши соседи останува непоколеблива, нагласуува Сали во својот одговор на неговиот Фејсбук профил и сподели фотографија од Вјоса Османи и собранискиот спикер Африм Гаши на која пишува: „Како брат за сестра, нашиот Гаши!“.

The post Полициски функционер близок со челниците на ДУИ е виновен за вчерашниот инцидент, тврди Беким Сали appeared first on Република.

Министерот за здравство и еден од лидерите на ВЛЕН, албанската коалиција во Владата на Македонија, Арбен Таравари, реагираше по инцидентот со косовската претседателката Вјоса Османи на скопскиот аеродром.

Според Таравари, ДУИ, партијата на чело со Али Ахмети, манипулира за да го оштети ВЛЕН, а МВР, како што вели, нема надлежност за аеродромското обезбедување. Тој во реакцијата што ја објави на Фејсбук наведува дека во аеродромското обезбедување има надлежност компанијата ТАВ, а не МВР.

„Како ВЛЕН, ја изразуваме нашата загриженост дека една политичка партија во Македонија, поточно ДУИ, користи лаги и манипулации во обид да му наштети само на ВЛЕН, без да се грижи за последиците што може да ги донесе на Косово. Ја повикуваме јавноста да ги следи фактите, а не пропагандата на ДУИ.

Фактите се како што следува:

1 – МВР и државата немаат надлежност околу безбедноста на аеродромот, но тоа е надлежност на концесионерот, во случајов ТАВ.

2 – Според Виенската конвенција, државните лидери имаат посебен третман за време на патувањето, но деталите за безбедносните протоколи ги одредува концесионерот на аеродромот

3 – Слично недоразбирање се случи и кога технички премиер беше Талат Џафери, зошто ДУИ не зборува за ова? И ги повикуваме ДУИ да одговорат дали ги избегнувале скенерите при патувањата“.

Реакцијата на Таравари следеше откако поранешниот министер за надворешни работи од опозициската ДУИ, Бујар Османи, преку Фејсбук изрази негодување за инцидентот со претседателката на Косово, Вјоса Османи, на скопскиот аеродром. Според него, инцидентот ја покажува неспособноста и неодговорноста на, како што ги нарече, илегалните албански претставници во власта.

И поранешниот вицепремиер од ДУИ, Артан Груби, реагираше на  Фејсбук за настаните на аеродромот, извинувајќи се на Косово со зборовите „Косово, прости ни“.

The post „Државата нема ингеренции за аеродромското обезбедување“, реагира Таравари по инцидентот со Османи: Тоа се случи и кога Талат Џафери беше таму, зошто ДУИ не зборуваше? appeared first on Република.

Не стивнуваат реакциите по тешкиот вооружен инцидент кој вчера утро се случил на аеродромот на ТАВ во Скопје, кога член од обезбедувањето на собранискиот спикер Африм Гаши се заканувал на вработен на аеродромот бидејќи не дозволил косовската претседателка Вјоса Османи да ја прескокне скен контролата.

Според информациите од МВР, во ВИП делот за проверка на патниците кои слетале од Париз била и косовската претседателска Вјоса Османи. Во моментот кога било побарано да го остави телефонот да помине низ скенер, едно лице од нејзиното обезбедување го оттргнал вработениот во ТАВ, со цел таа да помине без скениран телефон и рачен багаж. Но, потоа сепак багажот бил вратен и поминал низ скенер.

По половина час, дошло лице од обезбедувањето на претседателот на Собранието Гаши кој бил полициски службеник со уште две други лица исто така вработени во МВР и почнал да се заканува кон вработените во ТАВ и да бара кој ѝ направил проблем на претседателката.

При тоа турнал и полициски службеник вработен на граничниот премин.

Но, според написите на дел од медиумите расправијата прераснала во инцидент откако обезбедување на Гаши освен вербалните закани извадило и пиштол и го вперило кон вработени на ТАВ и вработен на граничниот премин на Аердоромот.

Од МВР, информираат дека веднаш е известен Одделот за внатрешна контрола, криминалистички истраги и професионални стандарди и во координација со обвинителството при Одделнието за борба проитв организран криминал се преземаат мерки за расчистување на случајот, по што, велат ќе бидат поднесени соодветни поднесоци.

https://republika.mk/vesti/crna-hronika/intsident-na-skopskiot-aerodrom-obezbeduvaneto-na-pretsedatelkata-na-kosovo-ottrgnalo-vraboten-vo-tav-se-vmeshalo-i-obezbeduvaneto-na-gashi/

Од одделот за Обезбедување на ТАВ Македонија реагираат дека постапиле во рамките на своите овластувања и спровеле стандардна безбедносна проверка на претседателката на Косово Вјоса Османи Садриу и на нејзиниот багаж на пунктот за безбедноста проверка во ВИП-салонот со што, како што потенцираат - воопшто не беше загрозена авијациската безбедност и безбедноста на патниците.

-Во согласност со Законот за воздухопловство и меѓународната законска регулатива која се однесува на обезбедување на цивилното воздухопловство, ТАВ Македонија како аеродромски оператор има законска обврска за спроведување на безбедносен преглед на сите патници, багаж и стоки на летовите од Меѓународниот аеродром Скопје и од Аеродромот Свети Апостол Павле Охрид, вклучувајќи ги и патниците кои патуваат преку ВИП-салонот. Оттука, Одделот за Обезбедување на ТАВ Македонија, постапувајќи во рамките на своите овластувања спроведе стандардна безбедносна проверка на споменатиот патник како и на неговиот багаж, на пунктот за безбедноста проверка во ВИП- салонот, со цел обезбедување на конкретниот комерцијален лет, велат од ТАВ.

https://republika.mk/vesti/makedonija/tav-makedonija-obezbeduvaneto-postapi-vo-ramkite-na-svoite-ovlastuvana-i-sprovede-standardna-bezbednosna-proverka/

По повод инцидентот на Скопскиот аеродром, се огласија и од Кабинетот на претседателот на Собранието, Африм Гаши, oд каде велат дека тој демантира какво била вмешаност на членови на неговото лично обезбедување во денешниот инцидент на скопскиот аеродром.

Наспроти овие информации, членовите на безбедносниот тим на претседателот на Собранието Гаши биле присутни само за да се смири ситуацијата настаната од недоразбирањето меѓу обезбедувањето на претседателката на Република Косово, Вјоса Османи, и припадниците на аеродромското обезбедување, велат од Кабинетот.

https://republika.mk/vesti/crna-hronika/kabinet-na-gashi-obezbeduvaneto-interveniralo-za-da-ja-smiri-situatsijata/

The post Скенирањето на мобилниот на косовската претседателка бил главна причина за инцидентот на скопскиот аеродром appeared first on Република.

Одделот за Обезбедување на ТАВ Македонија постапи во рамките на своите овластувања и спроведе стандардна безбедносна проверка на претседателката на Косово Вјоса Османи Садриу и на нејзиниот багаж на пунктот за безбедноста проверка во ВИП - салонот со што воопшто не беше загрозена авијациската безбедност и безбедноста на патниците, порачуваат од ТАВ Македонија.

-Во согласност со Законот за воздухопловство и меѓународната законска регулатива која се однесува на обезбедување на цивилното воздухопловство, ТАВ Македонија како аеродромски оператор има законска обврска за спроведување на безбедносен преглед на сите патници, багаж и стоки на летовите од Меѓународниот аеродром Скопје и од Аеродромот Свети Апостол Павле Охрид, вклучувајќи ги и патниците кои патуваат преку ВИП-салонот. Оттука, Одделот за Обезбедување на ТАВ Македонија, постапувајќи во рамките на своите овластувања спроведе стандардна безбедносна проверка на споменатиот патник како и на неговиот багаж, на пунктот за безбедноста проверка во ВИП- салонот, со цел обезбедување на конкретниот комерцијален лет, велат од ТАВ.

Сакаме да потенцираме, додаваат, дека авијациската безбедност не беше загрозена, поради тоа што споменатиот инцидент се случи во јавната зона на аеродромот, односно пред пунктот за безбедносна проверка на ВИП-салонот од каде ВИП-патниците откако ќе бидат проверени од Обезбедувањето се упатуваат во безбедносно-контролирана зона на аеродромот.

-ВИП-салонот е посебна зграда изолирана од главната терминална зграда на скопскиот аеродром, што значи дека е комплетно неточно дека била загрозена безбедноста на патниците. Со цел точна слика за случката и спречување на ширење дезинформации, за сите детали во однос на инцидентот, ги упатуваме медиумите да се обратат до надлежните институции, посочуваат од ТАВ Македонија.

Обезбедувањето на претседателот на Собранието Африм Гаши денеска им се заканувало на вработени во ТАВ Македонија кои побарале од претседателката на Косово да го остави телефонот за да помине на секенер кога поминувала низ гранична контрола на Меѓународниот аеродром Скопје.

Како што информираа претходно од МВР, денеска околу 10 часот додека претседателката на Косово поминувала на гранична контрола, во моментот кога било побарано да го остави телефонот да помине низ скенер, едно лице од нејзиното обезбедување го оттргнал вработениот во ТАВ, со цел таа да помине без скениран телефон и рачен багаж. Но, потоа, сепак, багажот бил вратен и поминал низ скенер.

-По половина час, дошло лице од обезбедувањето на претседателот на Собранието Гаши (полициски службеник) со уште две лица (полициски службеници) и почнал да се заканува кон вработените во ТАВ и да бара кој и направил проблем на претседателката. При тоа турнал и полициски службеник вработен на граничниот премин, соопшти МВР.

The post ТАВ Македонија: Обезбедувањето постапи во рамките на своите овластувања и спроведе стандардна безбедносна проверка appeared first on Република.

На 28.07.2024 во 03.00 часот, полициски службеници од полициското одделение во кичевското село Зајас го лишија од слобода Б.У.(46) од кичевското село Бачишта, на привремена работа во Австрија. Тој, претходно, на семејна веселба во истото село неовластено испукал повеќе куршуми од пиштол „Смит и Весон“, сопственост на неговиот татко Р.У.(64) од истото село, кој го поседувал со дозвола. Притоа, Е.Е.(33), М.Р.(57) и една малолетничка, сите од селото Бачишта, кои биле на веселбата, се здобиле со повреди и биле пренесени во Итната медицинска помош во Кичево, каде им биле констатирани тешки телесни повреди. Од Р.У. бил одземен пиштолот и 300 куршуми, кои ги поседувал со дозвола. По целосно документирање на настанот, ОВР Кичево ќе поднесе соодветни пријави.

The post Инцидент во Зајас: Пукал со пиштол на семејна веселба, ранил три лица, меѓу кои и дете appeared first on Република.