Овој сицилијански рецепт кој комбинира риба и тестенини ќе му помогне и на вашето срце - освен што е исклучително вкусно, ова јадење е богато со омега-3 масни киселини.
Иако малкумина ќе одбијат сардини од скара во лето, сепак постојат голем број начини да се подготви оваа здрава и достапна риба. Сардините можат да ги подобрат дури и тестенините - уверете се сами следејќи ги упатствата на овој традиционален сицилијански рецепт.

Пријатно изненадете го семејството или гостите со шпагети со сардини и инчуни, а по оброкот почестете се со чаша квалитетно црвено вино или безалкохолен пијалок.

Состојки:

800 гр сардини

300 гр шпагети

5 инчуни во масло

1 лажица борови ореви

Грст шери домати

Грст див анасон

1 главица црвен кромид

1 чешне лук

сушено чили (многу малку)

Маслиново масло

Постапка:

Во тавче на средна топлина, пропржете ги кромидот, лукот и чилито во масло. Варете го анасонот 5 минути, а потоа исечете го; зачувајте ја водата за тестенините.

На пржениот кромид и лук додајте ги инчуните, потоа боровите ореви, анасонот и доматите. Додадете сардини, додадете 2 лажици вода, покријте и варете 5 минути; потоа искинете ја рибата со вилушка.

Сварете ги шпагетите во водата од анасонот. Во сосот додадете ги сварените шпагети.

The post Вкусни летни тестенини со сардини и инчуни appeared first on Република.