Полицијата информира дека во селото Слатино приведен е 47- годишник поради пронајден кокаин и мини лабораторија. Полициските службеници од СВР Тетово денеска приведувањето го извршиле по претходно обезбедена судска наредба и претрес во домот на осомничениот.

Кај 47-годишниот Џ.Н. во тетовско Слатино при претресот, пронајден е кокаин и мини лабораторија во која кокаинот се подготвувал за продажба, три дигитални ваги и рамка со 8 куршуми пиштолска муниција, калибар 7, 62 милиметри. Џ.Н. е лишен од слобода и по целосно документирање на случајот, против него ќе биде изготвена соодветна кривична пријава, информира Марјан Јосифоски, портпарол на СВР Тетово.

Осомничениот ќе биде изведен пред судија во претходна постапка на Основниот суд Тетово.

The post Пронајден кокаин и мини лабораторија во Тетовско, приведено едно лице appeared first on Република.

Основното јавно обвинителство Скопје соопшти дека е донесена Наредба за спроведување истражна постапка против 32-годишен жител на Скопје, кај кого, во изнајмена барака, била пронајдена импровизирана лабораторија за одгледување марихуана.

Во соопштението се наведува дека при претрес во бараката била пронајдена вреќа со исушени цветови, листови и гранки од растението канабис со вкупна тежина од 922 грама, како и три саксии со засадени стебла. Освен ова, во различни помали пакувања биле пронајдени уште 505,4 грама марихуана, дигитални ваги и друга опрема за одгледување на растенијата.

Јавниот обвинител против осомничениот поведе истрага за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик, а со оглед на тоа што оцени дека се исполнети законските основи, до надлежниот суд достави предлог за определување мерка притвор за осомниченото лице - велат од ОЈО Скопје.

The post Скопјанец во изнајмена барака направил лабораторија за одгледување марихуана appeared first on Република.