Американскиот милијардер Илон Маск и претприемачот и поранешен претседателски кандидат Вивек Рамасвами, кои беа номинирани од новоизбраниот претседател Доналд Трамп да го водат новоформираниот Оддел за владина ефикасност, соопштија дека го поддржуваат предлогот вработените во федералните органи на власта да работат од канцеларија пет дена во неделата.

Повеќе од половина од 2,3 милиони вработени во американската влада во моментов не работат од далечина поради спецификите на нивните позиции, кои бараат присуство на лице место за следење на квалитетот на работата, а останатите поминуваат околу 61 отсто од своето работно време во канцеларија, информира Волстрит Џурнал повикувајќи се на извештај на Канцеларијата за управување и буџет.

Предлогот доаѓа како дел од широката ревизија на државната администрација, а најавената промена може да доведе до „бран доброволни откази што го поздравуваме“, напишаа Маск и Рамасвами во колумна за Волстрит Џурнал.

Ако федералните службеници не сакаат да се појават на работа, американските даночни обврзници не треба да им плаќаат за привилегијата од Ковид ерата да останат дома, велат тие во колумната, истакнувајќи дека ова се некои од првите цели на одделот, за кој Трамп рече дека ќе дејствува надвор од владата и ќе им понуди придонес на федералните службеници.

Во рамките на законот, претседателот има право да воспостави правила со кои се регулира работата на државните службеници со цел да се ограничи административниот апарат.

Маск вети дека ќе елиминира два трилиони долари од годишниот буџет на Соединетите Американски Држави и рече дека на владата и требаат само 99 агенции, не повеќе од 400.

Вкоренетата и растечка бирократија е егзистенцијална закана за нашата земја, а политичарите предолго ја поддржуваа. Затоа ние ги правиме работите поинаку. Ние сме претприемачи, а не политичари. Ќе служиме како надворешни волонтери, а не како федерални службеници или вработени. За разлика од владините комисии или советодавните одбори, нема само да пишуваме извештаи или да сечеме ленсти. Ќе ги намалиме трошоците, велат Маск и Рамасвами.

Тие наведоа дека посебно ќе се фокусираат на иницирање промени преку извршна акција врз основа на постојното законодавство, наместо да се носат нови закони. Што се однесува до најавеното намалување на бројот на федерални регулативи, целта е да се обезбеди „здрава индустриска логика за масовно намалување на бројот на вработени во сојузната администрација“, се посочува во колумната.

Зборувајќи за потребата да се намалат трошоците за државните службеници, Маск и Рамасвами го привлекоа вниманието на законодавните мерки насочени кон заштита на службениците од отпуштање по налог на претседателот и лицата што тој ги назначува.

Истовремено, потсетија претприемачите, целта на законот е да се заштити од персонализирана политичка одмазда, додека претседателот го задржува правото да отпушти вработени без да именува конкретни лица. Според извор запознаен со плановите за спроведување на оваа иницијатива, американските власти би можеле да направат таков чекор што е можно поскоро по инаугурацијата на новата администрација, која ќе се одржи на 20 јануари, пишува Волстрит Џурнал.

Претставниците на синдикалното движење се спротивставија на најавените реформи и порачаа дека за промената на условите за работа треба да се разговара преку колективно преговарање. Во моментов, синдикатот, кој обединува околу 110.000 државни службеници, се консултира со адвокати, рече лидерот на синдикатот Ренди Ервин.

The post Маск и Рамасвами се сложуваат на петдневна работна недела во канцеларија за федералните службеници appeared first on Република.

Илон Маск, кој се промовира во еден од најблиските соработници на одновоизбраниот американски претседател Доналд Трамп, и официјално ја поддржа номинацијата на Хауард Лутник за нов секретар за финансии. Се работи за една од најважните 2-3 позиции во американската влада, а Трамп сѐ уште нема формално најавено кој е неговиот фаворит за ова место.

Во трката за позицијата секретар за финансии во моментов се Лутник, кој е еден од шефовите на транзицискиот тим на Трамп каде се распределуваат кадровските решенија на новата администрација, и инвеститорот Скот Бесент. Илон Маск лично и јавно се вклучи во оваа дискусија со порака на неговата мрежа Х.

- Моето мислење, колку и да вреди тоа, е дека Бесент ќе биде избор со кој работите ќе продолжат како до сега. Од друга страна, од Хауард Лутник можеме да очекуваме вистински промени. Работењето како до сега ја банкротираше Америка. Мораме да ги смениме работите, напиша Маск, по што размени и неколку твитер пораки во поддршка на овој предлог и со основачот на Рамбл Крис Павловски.

Courage during tough times is a great virtue https://t.co/4kVCwdiOi8

— Elon Musk (@elonmusk) November 16, 2024

Лутник и Павловски ја посетија Македонија во јули, при што имаа интензивни средби со премиерот Христијан Мицкоски и македонската влада. По средбите, Мицкоски соопшти дека разговарал за повеќе развојни проекти од кои Македонија може да има голема полза.

The post Илон Маск го поддржа Хауард Лутник за секретар за финансии appeared first on Република.

Американското Федерално истражно биро (ФБИ) треба да биде укинато, а 1,5 милиони вработени во владата да бидат отпуштени како дел од новото Одделение за намалување на трошоците (DOGE), предложено од новоизбраниот претседател Доналд Трамп. Ова е ставот на Вивек Рамасвами, кој е назначен да го води новото одделение заедно со најбогатиот човек во светот, Илон Маск.

Рамасвами, чиј слоган „згасни го!” стана препознатлив, за време на кампањата истакна дека планира да започне крстоносен поход против големата администрација во Министерството за образование, Даночната служба и странската помош за Украина, Израел и Тајван.

Меѓутоа, за затворање на цела федерална агенција би било потребно одобрение од Конгресот. Сепак, Рамасвами ќе има моќ да ги обликува приоритетите на новото одделение, создадено од нула за да ја намали бирократијата за само две години.

Новата агенција ќе функционира надвор од владата и ќе ѝ дава препораки на Белата куќа за намалување на регулативата и буџетските трошоци, кои изнесуваат скоро седум трилиони долари.

Ова е идеја на Маск, технолошки милијардер кој стана еден од најблиските советници на Трамп, предложувајќи комисија за намалување на трошоците. Новоизбраниот претседател, на оваа специјална двојка, која ја опиша како „два одлични Американци,” ѝ даде рок до 4 јули 2026 година, 250-годишнината од Денот на независноста, да поднесат извештај.

Трамп во своето обраќање истакна дека ова тело ќе воведе „драстични промени“ со давање на предлози за „структурни реформи на големо“. Препораките би го поттикнале федералниот апарат кон „подобрено претприемачко управување“ со фокус на федералните агенции и намалување на бирократијата и трошоците.

Трамп веќе истакна дека сака да го укине Министерството за образование и да им ја препушти контролата над училиштата на сојузните држави и да ја елиминира „длабоката држава,” како што ги нарекува кариерните федерални службеници и за кои вели дека тајно ги следат сопствените цели.

Големите буџетски промени генерално се под јурисдикција на Конгресот, кој може да ги прифати советите од надворешни панели, како што е предложениот панел за ефикасност, или да ги игнорира. Ова може да биде спротивно на тврдењата на Рамасвами дека може да укине одделенија со извршни наредби преку Трамп.

Во насока на транспарентност, Маск рече дека DOGE ќе ги објавува своите „акции“ за јавен коментар. Спомена и листа на „глупави“ трошоци, за која кажа дека би била „крајно забавна“.

Според сегашниот буџет, одделенијата со најголема потрошувачка се Здравство и човечки услуги, Администрација за социјално осигурување и Трезор.

Социјалното осигурување изнесува 1,46 трилиони долари, здравството 912 милијарди долари, додека Medicare троши 874 милијарди долари државна потрошувачка годишно.

Целосниот обем и механизми на DOGE се уште се во изработка, а се уште не е јасно како ќе се финансира комисијата, што отвора дополнителни прашања. Законот за федерални советодавни комитети не бара од советодавните тела да плаќаат на своите членови.

Некои веќе сугерираат дека е иронично тоа што во одделение за ефикасност има кое двајца луѓе, Маск и Рамасвами, кои работат иста работа.

Рамасвами, милијардер, фармацевтски претприемач и поранешен кандидат за претседател, ја водеше кампањата со платформа за намалување на големината на американската влада.

Тој рече дека ќе користи извршни наредби за затворање на агенции, а во случајот со ФБИ, сака дел од буџетот од 11,4 милијарди долари да го прераспредели во Тајната служба и Одбранбената разузнавачка агенција.

Слоганот „згасни го!” стана клучна фраза за бизнисменот кој стана конзервативен инфлуенсер, а кој се повлече од републиканските предизбори за да му даде поддршка на Трамп.

Предлогот на Рамасвами за укинување на ФБИ веројатно ќе наиде на поддршка од неговиот шеф.

Според планот на Маск, американската влада ќе го намали бројот на околу 400 агенции и бирократии на само 99.

Технолошкиот могул има историја на драстични отпуштања, откако отпушти околу 3.700 од 7.500 вработени на Твитер кога ја презеде социјалната мрежа во 2022 година, велејќи дека тоа било најефикасниот начин за намалување на трошоците.

Лари Самерс, поранешен министер за финансии, рече дека би биле среќни да најдат само една десетина од заштедите што ги бараат бидејќи можностите се ограничени.

Намалувањето на помошта за Украина би заштедило околу 175 милијарди долари, што е сума одобрена од Конгресот од почетокот на руската инвазија пред речиси три години.

Агенциите што се соочуваат со проблеми, вклучувајќи го Министерството за образование (238 милијарди долари) и ИРС (12 милијарди долари), исто така нема да претрпат сериозен удар во буџетот.

Секоја голема заштеда, исто така, најверојатно ќе треба да се канализира во други владини агенции или одделенија кои ќе ја преземат работата.

-Едноставно е математички невозможно да се најдат два трилиони долари - рече Глен Хабард, поранешен претседател на Советот за економски советници.

Марк Голдвајн, висок политички директор на Комитетот за одговорен федерален буџет, рече за Си-ен-ен дека DOGE ќе мора да се насочи кон клучните области на трошење, како што се социјалното осигурување, Medicare и одбраната, доколку се покаже успешен.

Тој додаде дека ваквите шеми често служат како изговор „да не се прави ништо“ од страна на републиканците кои ветуваат заштеди за време на кампањата.

The post Ќе прават чистка: Рамасвами и Маск со план за укинување на ФБИ и масовно отпуштање владини службеници appeared first on Република.

На денешното рочиште за убиствата на Вања Ѓорчевска и Панче Жежовски сведочеше братучетката на Зорица Ѓорчевска, Маја Спировска. Таа го објасни однесувањето на таткото на Вања, Александар Ѓорчевски. За Спировска било чудно што Александар и неговиот кум Гоце го посочиле „цитроенот“ дека е можеби поврзан со грабнувањето на Вања.

https://republika.mk/vesti/crna-hronika/ke-odgovori-li-kumashinot-gotse-zoshto-im-ja-dal-na-politsijata-snimkata-od-tsitroenot-na-benziska/

Тие мислеле дека возачот на автомобилот ја киднапирал Вања пред влезот на зградата.

Но, Александар имал и чудни предлози.

Да му пратиме порака на Илон Маск да ја најде Вања преку сателит. Не знам како да стапиме во контакт со него, прашувал таткото на Вања, раскажа сведокот.

The post Да му пратиме порака на Илон Маск да ја најде Вања преку сателит, предлагал таткото Александар appeared first on Република.

Извршниот директор на Тесла и Платформата X, Илон Маск, и поранешниот републикански претседателски кандидат Вивек Рамасвами ќе го предводат Одделот за владина ефикасност во администрацијата на новоизбраниот претседател Доналд Трамп.

„Тие двајца исклучителни Американци ќе и помогнат на мојата администрација да ги намали непотребните регулативи и трошоци и да ги реорганизира федералните агенции - што е од клучно значење за движењето „Даја спасиме Америка“, наведе Трамп во изјавата, пренесе Би-би-си.
Трамп го назначи поранешниот директор на Националната разузнавачка агенција Џон Ретклиф за нов директор на американската Централна разузнавачка агенција (ЦИА), а гувернерката на Јужна Дакота Кристи Ноем за нов секретар за внатрешна безбедност

The post Илон Маск доби функција од Трамп, ќе ја подобрува ефиканоста на администрација appeared first on Република.

Американскиот милијардер Илон Маск најверојатно нема да биде во идната администрација на Доналд Трамп, а во исто време расте неговото влијание врз новоизбраниот претседател на Соединетите Американски Држави, објави денеска Си-Ен-Ен, повикувајќи се на повеќе извори.

Американскиот ТВ канал потсетува дека на Маск јавно му било понудено да раководи со комисијата за ефикасност за намалување на трошоците во американската сојузна влада.

Сепак, извор запознаен со ова прашање рече дека е малку веројатно дека тој воопшто би сакал владина позиција со полно работно време, со оглед на тоа што би значело за неговата улога во компаниите што ги води.

The post Маск не е заинтересиран за позиција во идната администрација на Трамп appeared first on Република.

По распадот на германската владејачка коалиција на социјалдемократи, либерали и зелени, американскиот милијардер Илон Маск го нарече германскиот канцелар Олаф Шолц будала

Маск на неговата мрежа Х напиша „Олаф е будала“ (Olaf ist ein Narr).

Маск беше голем приврзаник на републиканецот Доналд Трамп во кампањата за негово враќање во Белата куќа.

Тој донираше над сто милиони долари во неговата кампања, а неговите политички ставови во последните години станаа уште подесничарски.

The post Маск го нарече германскиот канцелар будала appeared first on Република.

По прогласувањето на победата на републиканскиот кандидат Доналд Трамп на американските претседателски избори, неговиот пријател и отворен поддржувач, мултимилијардерот Илон Маск на сопствената мрежа Х кусо напиша „Иднината ќе биде фантастична“.

Маск за цело време на предизборието јавно го поддржуваше републиканскиот кандидат Доналд Трамп и беше активно вклучен во неговата кампања.

Трамп во август најави дека ќе му понуди на Маск работа во неговата администрација доколку победи на претседателските избори.

Републиканскиот претседателски кандидат потврдно одговори во интервју за Ројтерс на прашањето дали е подготвен да го назначи Маск на советничка позиција или да му даде место во кабинетот.

Тој е многу паметен човек. Сигурно би му ја дал работата ако тој ја прифати. Тој е брилијантен човек, рече Трамп.

The post Маск: Иднината ќе биде фантастична appeared first on Република.

По прогласувањето на победата на републиканскиот кандидат Доналд Трамп на американските претседателски избори, неговиот пријател и отворен поддржувач, мултимилијардерот Илон Маск на сопствената мрежа Х кусо напиша „Иднината ќе биде фантастична“.

Маск за цело време на предизборието јавно го поддржуваше републиканскиот кандидат Доналд Трамп и беше активно вклучен во неговата кампања.

Трамп во август најави дека ќе му понуди на Маск работа во неговата администрација доколку победи на претседателските избори.

Републиканскиот претседателски кандидат потврдно одговори во интервју за Ројтерс на прашањето дали е подготвен да го назначи Маск на советничка позиција или да му даде место во кабинетот.

„Тој е многу паметен човек. Сигурно би му ја дал работата ако тој ја прифати. Тој е брилијантен човек“, рече Трамп

The post Tрамп и Маск на една маса ги дочекаа резултатите appeared first on Република.

Милијардерот Илон Маск кој отворено застана зад Доналд Трамп на претседателските избори во САД на својата мрежа X сподели хумористична монтажа на која тој носи мијалник во Овалната соба во Белата куќа.

Шегата е потсетување на моментот кога милијардерот купи Твитер и стави мијалник во седиштето на компанијата.

Let that sink in pic.twitter.com/XvYFtDrhRm

— Elon Musk (@elonmusk) November 6, 2024

Претходно, по резултатите од изборите, на кои води републиканскиот кандидат Доналд Трамп, Маск, напиша „Гем, сет, меч“.

The post Маск со мијалникот во Белата куќа appeared first on Република.

Милијардерот Илон Маск најави дека секој ден до претседателските избори, на 5 ноември, ќе доделува по милион долари на гласачите на еден вид лотарија, со цел да ја зајакне кампањата за републиканскиот кандидат Доналд Трамп.

До изборите тој ќе финансира 17 милиони долари за исплата на добитниците на лотаријата, кои претходно потпишале петиција која ефективно ги охрабрува гласачите на Трамп да се регистрираат за гласање за да можат да учествуваат во извлекување на милион долари.

Петицијата ветува дека секој ден од сабота секој кој ќе ја потпише петицијата ќе биде избран да има шанса да ја добие наградата.

Говорејќи на митингот во Харисбург во Пенсилванија, Маск рече дека неговата цел е да натера меѓу еден милион и два милиони гласачи во сојузните држави да потпишат „затоа што мислам дека ова испраќа клучна порака до нашите избрани политичари“.

Првиот чек му го предал на човек од државата.

Според Федералната изборна комисија (ФЕЦ), Маск донирал околу 75 милиони долари во текот на изминатите три месеци на Америка ПАЦ, политички акционен комитет што тој го формираше за поддршка на кампањата на Доналд Трамп.

Маск исто така го искористи својот јавен профил за да ја нападне кандидатката на Демократската партија, Камала Харис.

Трамп посочи дека ќе го назначи Маск да раководи со владината комисија за ефикасност со цел да ги ограничи американските федерални трошоци, доколку победи.

The post Маск ќе подарува по милион долари дневно до изборите на некој што ќе ја потпише неговата петиција appeared first on Република.

Милијардерот Илон Маск се обрати на митингот на републиканскиот претседателски кандидат Доналд Трамп, изразувајќи подршка за поранешниот претседател. Митингот се одржа во Батлер, Пенсилванија, на истото место каде во јули имаше обид за атентат врз Трамп.

Трамп го преживеа атентатот, што го поттикна Маск неколку минути подоцна да објави дека ја дава својата подршка зе него.

Носејќи темна капа со натпис „Да ја направиме Америка повторно голема“ и нарекувајќи се „Темниот МАГА,“ Маск ја повтори мантрата на Трамп „Борба, борба, борба“ и ги повика присутните да се регистрираат за гласање.

Не постои поголем тест од тоа да се биде храбар под оган. Другата страна сака да ви го одземе правото на слободен говор, сакаат да ви го одземат правото на носење оружје, сакаат да ви го одземат правото на ефикасно гласање, рече Маск, кој помогна во креацијата политички комитет за акција кој вложува милиони за поддршка на Трамп на изборите.

Маск недвосмислено укажа дека „претседателот Трамп мора да победи за да се зачува Уставот. Тој мора да победи за да ја зачува демократијата во Америка.“

Веднаш по обраќањето тој објави соопштение на социјалната мрежа Х.

Ова се најважните избори во вашиот живот. И остануваат само два дена да се регистрирате да гласате во Аризона и Џорџија. Осигурајте се дека секој што ги знаете и кои го среќавате да се регистрираат да гласаат. Судбината на нашата земја е ставена на коцка“, порача Маск.

Маск е сопственикот на X, социјална мрежа претходно позната како Твитер, и кога ја купи вети дека ќе ја врати „слободата на говор“ на сајтот.

The post Илон Маск: Трамп мора да победи за да се зачува Уставот и демократијата во Америка appeared first on Република.

Илон Маск е на пат до 2027 година да стане првиот трилионер во светот, според новиот извештај за глобално богатство.

53-годишниот Маск во моментов е најбогатиот човек во светот, со нето богатство од 251 милијарда долари, според индексот на милијардери на Блумберг.

Меѓутоа, според наводите на Informa Connect Academy, неговото богатство расте со просечна стапка од 110 проценти годишно. Тоа значи дека, под услов неговото богатство да продолжи да расте со иста брзина, би можел да стане трилионер во наредните три години.

Microsoft и Apple веќе ја пробија границата од трилион долари

Компанијата Тесла има пазарна вредност од 669.3 милијарди долари. Пазарната вредност на Тесла расте со 17,3 процент годишно, што значи дека компанијата веќе следната година би можела да надмине трилион долари.

Двете највредни компании веќе пред неколку години ја поминаа границата од трилион долари. Microsoft вреди 3.4 трилиони долари, a Apple 3.3 трилиони долари.

Останатите компании на Маск се за производство на вселенски летала SpaceX, невротехнолошка компанија Neuralink и компанија за изградба на тунели The Boring Company.

The post До 2027 година Маск може да стане првиот трилионер во светот appeared first on Република.

Илон Маск е на пат до 2027 година да стане првиот трилионер во светот, според новиот извештај за глобално богатство.

53-годишниот Маск во моментов е најбогатиот човек во светот, со нето богатство од 251 милијарда долари, според индексот на милијардери на Блумберг.

Меѓутоа, според наводите на Informa Connect Academy, неговото богатство расте со просечна стапка од 110 проценти годишно. Тоа значи дека, под услов неговото богатство да продолжи да расте со иста брзина, би можел да стане трилионер во наредните три години.

Microsoft и Apple веќе ја пробија границата од трилион долари

Компанијата Тесла има пазарна вредност од 669.3 милијарди долари. Пазарната вредност на Тесла расте со 17,3 процент годишно, што значи дека компанијата веќе следната година би можела да надмине трилион долари.

Двете највредни компании веќе пред неколку години ја поминаа границата од трилион долари. Microsoft вреди 3.4 трилиони долари, a Apple 3.3 трилиони долари.

Останатите компании на Маск се за производство на вселенски летала SpaceX, невротехнолошка компанија Neuralink и компанија за изградба на тунели The Boring Company.

The post Маск би можел да стане првиот трилионер во светот appeared first on Република.

Доналд Трамп ја претстави својата обемна економска програма за намалување на цените и укинување на бирократските пречки, и најави дека ќе го назначи најбогатиот човек на светот, Илон Маск, да му помогне, ставајќи ја економијата во центарот на својата претседателска кампања.

Зборувајќи вчера во Економскиот клуб на Њујорк, републиканскиот претседателски кандидат вети дека ќе ја зголеми енергетската продукција во САД, ќе ги намали даноците и ќе го реформира регулаторниот режим на земјата – со цел да направи контраст со економската визија на Камала Харис.

„Таа ветува комунистички контролирани цени, конфискација на богатството, уништување на енергијата, репарации, најголемо зголемување на даноците што некогаш било наметнато и масовна амнестија и државјанство за десетици милиони мигранти кои ќе потрошат трилиони долари на федерални бенефиции и ќе ја уништат социјалната сигурност и Медикер“, рече Трамп.

„Јас ветувам ниски даноци, ниски регулативи, ниски енергетски трошоци, ниски каматни стапки, сигурни граници, ниско, ниско, ниско ниво на криминал и растечки приходи за граѓаните од секоја раса, религија, боја и вероисповед“.

Поранешниот претседател додаде: „Мојот план ќе ја победи инфлацијата многу брзо, ќе ги намали цените и ќе предизвика експлозивен економски раст“.

Трамп рече дека ќе повлече најмалку 10 регулативи за секоја нова креирана и ќе го назначи шефот на Тесла - Маск да раководи со новата комисија за ефикасност „задолжена да спроведе целосна финансиска ревизија и ревизија на перформансите на целата федерална влада и да дава препораки за драстични реформи“.

Маск изјави на платформата Х дека со нетрпение ја очекува можноста да служи на САД ако се појави можноста. „Ниту плата, ниту титула, ниту признание не се потребни“.

Говорот на Трамп пред публика составена од извршни директори од Волстрит доаѓа во моментот кога тој и Харис се обидуваат да ги убедат Американците дека можат да ги решат високите цени на куќите, прехранбените производи и другите трошоци, кои остануваат централно прашање за многу гласачи два месеца пред изборите на 5 ноември.

na

Додека Харис, демократскиот кандидат, вети дека ќе го прошири пристапот до достапно домување и ќе ги ограничи цените на храната, со фокус на таканаречената економија на грижа, Трамп ги стави во центарот на својата понуда пониските даноци, тарифите на увозот и дерегулацијата.

„Ние испорачавме економско чудо, кое Камала и Џо [Бајден] го претворија во економска катастрофа“, рече Трамп, обвинувајќи ја Харис за високата инфлација во последните неколку години.

Додека инфлацијата растеше за време на претседателството на Бајден поради пандемијата на коронавирусот која ги заглави синџирите на снабдување, таа драматично се намали откако го достигна врвот во 2022 година. Инфлацијата сега се движи кон целта од 2 проценти на Федералните резерви, што ја прави централната банка подготвена да ги намали каматните стапки овој месец.

Пазарот на труд, исто така, остана историски здрав во овој период, со рекорден раст на работни места и ултра ниска невработеност, додека економијата се прошируваше со стабилно темпо. Во текот на сето ова, S&P 500 достигна нови рекорди.

Трамп, исто така, вети дека ќе испорача „енергетско изобилство, енергетска независност и дури и енергетска доминација“ ако победи на изборите, со веднаш прогласување на национална вонредна состојба за да постигне „масовно зголемување на домашното снабдување со енергија“.

Тој тврди дека овие активности ќе ги намалат цените на енергијата за најмалку половина во рок од 12 месеци по стапувањето на должност.

Производството на нафта и гас во САД достигна рекордни нивоа за време на претседателството на Бајден, иако цените на бензинот и другите енергетски трошоци се повисоки отколку кога Трамп беше на функција.

Трамп, исто така, го повтори својот план за намалување на стапката на корпоративниот данок од 21 процент на 15 проценти за компании кои ги произведуваат своите производи во земјата, додека ќе ги прошири даночните кредити за бизниси кои се фокусирани на истражување и развој.

Минатиот месец, Харис поддржа зголемување на корпоративниот данок на 28 проценти од 21 процент. Во средата, таа исто така предложи зголемување на даночната стапка на долгорочни капитални добивки за најбогатите Американци на 28 проценти, што е помалку драстично зголемување од она што го предложи Бајден.

Предлозите на двајцата кандидати за промени во даночниот код на САД би требало да бидат одобрени од Конгресот.

Изјавите на Трамп дојдоа во моментот кога анкетите покажаа дека Харис води во неколку од клучните свинг (променливи) држави кои ќе го одлучат исходот од изборите во ноември. Најновата анкета на FT-Michigan Ross, исто така, покажа дека повеќе Американци ѝ веруваат на Харис да управува со економијата на САД отколку на Трамп.

Тој повторно го истакна својот строг став за имиграцијата, повторувајќи го својот план за масовна депортација на недокументираните лица. Тој би се обидел да ги блокира федералните бенефиции да не стигнуваат до недокументираните лица.

Зборувајќи пред новинарите, Кевин Хасет, поранешен претседател на Советот на економски советници во администрацијата на Трамп, изјави дека поранешниот претседател ќе „удвои“ кога се во прашање политиките, вклучително и тарифите, кои беа карактеристични за неговиот прв мандат.

Трамп веќе објави планови за обемни протекционистички мерки, вклучувајќи 10 проценти тарифа на сите увози и повеќе од 60 проценти данок на кинеските производи. Во четвртокот тој изјави дека неговиот план е „про-американска трговска политика која користи тарифи за да поттикне продукција овде“ и која ќе доведе до „национална економска ренесанса“.

Трамп предложи дека би можел да ги користи приходите од тарифите за да започне суверен фонд, иако не понуди детали за тоа како би функционирал во пракса, со оглед на тоа што САД моментално имаат дефицити од трилиони долари.

„Зошто немаме суверен фонд? Други земји имаат суверени фондови. Ние немаме ништо“, рече тој. „Ќе имаме суверен фонд, или можеме да го наречеме некако поинаку“.

Многу економисти предупредија дека политиките на Трамп би можеле да додадат инфлаторни притисоци, наместо да ги намалат, и потенцијално да го намалат растот, додека неговиот план за дополнително намалување на даноците би можел да го зголеми долгот на САД.

Хасет ги отфрли тие загрижености, изјавувајќи дека има „силни докази за успех“

The post Трамп го повика Илон Маск на помош за опоравување на Америка appeared first on Република.

Чеченскиот лидер Кадиров од сопственикот на Тесла Илон Маск доби камионет на подарок. Чеченецот веднаш му најде примена и на возилото стави митролез на него .

На ваква иновација би му позавиделе и во Фондот за иновации.

https://www.youtube.com/watch?v=kaN8RgR8FAk

The post На ваква иновација би му позавиделе и во Фондот за иновации: Kaдиров на камионет „Тесла“ стави митролез appeared first on Република.

Во 20 часот по централно американско време, синоќа Доналд Трамп му даде интервју на Илон Маск на платформата Твитер. Маск и Трамп зборуваа за важните прашања, како и за обидот за негов атентат, Тричасовниот разговор беше нарушен од хакерски напад кој го одложи разговорот за 40 минути.

Интервјуто се емитуваше во живо на Х профилот на Трамп. Пристапот на Трамп до неговиот профил @realDonaldTrump е вратен откако Маск е сопственик на X. Претходните сопственици го симнаа од мрежата поради нападот на Конгресот на 6 јануари 2021 година, за којшто обвинија дека е оркестриран од Трамп и неговите соработници.

На крајот од тричасовниот разговор, Маск повторно го поддржа Трамп и ги повика умерените гласачи да го сторат истото.

The post Тричасовно интервју Маск – Трамп: Маск го поддржа претседателот, но сајбер напад го наруши разговорот appeared first on Република.

Секој кој поттикнува насилство на интернет ќе се соочи со целосната сила на законот, предупреди портпаролот на британскиот премиер Кир Стармер откако Илон Маск напиша дека „граѓанската војна е неизбежна“ по неколкудневните немири во Велика Британија.

Маск, милијардерот и сопственик на платформата „X“, го напиша овој коментар на својата социјална мрежа под видеото на кое се гледа како бунтовници фрлаат огномет кон полицијата.

Нема никакво оправдување за ваквите коментари. Секој што поттикнува насилство на интернет ќе се соочи со целосната сила на законот. Онлајн платформите имаат одговорност. Значи, ако поттикнувате насилство, не е важно дали е онлајн или офлајн“, изјави портпаролот на британскиот премиер, пренесе „Скај њуз“.

Тој додаде дека британската влада работи со социјалните мрежи за да обезбеди отстранување на дезинформациите.

https://republika.mk/vesti/svet/ova-e-osomnicheniot-tinejdher-za-ubistvoto-na-trite-devojchina-vo-anglija-zemjata-se-krena-protiv-migrantite/

Министерот за наука, иновации и технологија Питер Кајл изјави дека одговорноста за штетната содржина на социјалните мрежи „лежи во голема мера кај поединците и групите кои ја создаваат“.

Но, неспорно е дека социјалните мрежи обезбедија платформа за оваа омраза“, додаде тој.

Повеќе од 400 луѓе се уапсени од почетокот на немирите минатиот вторник по апсењето на Аксел Рудакубана (17), кој е обвинет за убиство на три девојчиња и десет обиди за убиства.

The post Маск најави граѓанска војна во Велика Британија, па британската влада му се закани со сериозна казна appeared first on Република.

Следната година просториите на најголемиот американски производител на електрични возила, покрај луѓето, би можеле да движат и роботи. Тесла ќе има хуманоидни роботи во мало производство за внатрешна употреба следната година, изјави вчера извршниот директор Илон Маск, неколку месеци откако го објави почетокот на производството до крајот на 2024 година, пишува Форбс.

„Автопроизводителот, се надевам дека ќе има роботи во високото производство за други компании во 2026 година“, рече Маск во објавата на социјалната мрежа X. Маск во април рече дека роботот на Tesla, наречен Optimus, ќе биде способен да извршува задачи во фабриката до крајот на оваа година и би можел да биде подготвен за продажба веќе на крајот на 2025 година.

Хуманоидните роботи се во развој веќе неколку години во јапонската Honda и Boston Dynamics. Тие треба да бидат одговор на недостигот на работна сила и да ги заменат луѓето на повторливи, здодевни или опасни работни места во логистиката и производството.

Маск има историја на неисполнување на смелите ветувања на Wall Street. Во 2019 година, тој им кажа на инвеститорите дека Тесла ќе управува со мрежа на автономни возила – роботакси – до 2020 година. Минатата недела тој го одложи воведувањето на роботаксијата, велејќи дека побарал „голема промена на дизајнот“ на предниот дел на возилото.

Во септември 2022 година, Tesla ја претстави првата генерација на својот робот Optimus наречен Bumblebee. Оваа година, компанијата објави видео од втора генерација на робот со две нозе како преклопува маица во фабриката на Тесла.

Маск се фокусираше на вештачката интелигенција, софтверот за автономно возење, роботаксијата и роботот Optimus во последните месеци бидејќи побарувачката за електрични возила, кои сочинуваат повеќе од 80% од кварталниот приход на Tesla, се намалува.

The post Маск: Во „Тесла“ следната година воведуваме хуманоидни роботи appeared first on Република.

Компанијата „Тесла“ соопшти дека има намера да почне со масовно производство на човековидни роботи до 2026 година. Тоа го најави извршниот директор Илон Маск во објава на „Х“.

'Тесла' ќе има навистина корисни човековидни роботи следната година коишто ќе се користат за внатрешните производствени потреби на компанијата. Се надеваме дека ќе почнеме масовно производство за други компании до 2026 година, напиша Маск.

Тој уште во 2021 година најави дека роботот наречен „Оптимус“ - „за многу скоро“ ќе биде подготвен за работа во фабриките на „Тесла“, но тоа досега не се оствари.

The post „Тесла“ има намера да почне масовно производство на човековидни роботи во 2026 година appeared first on Република.