Илкај Гундоган се врати во Манчестер Сити. Играчот од средниот ред потпиша едногодишен договор со „граѓаните“ со опција за продолжување на уште една година.

Германецот помина седум многу успешни сезони на „Етихад“ пред да се пресели во Ла Лига во јуни 2023 година, само 16 дена откако беше капитен на тимот на Сити, кој дојде до историската тројна круна победувајќи го Интер во финалето на Лигата на шампионите во Истанбул.

За време на неговиот прв претстој во клубот, Германецот освои пет титули во Премиер лигата, два ФА Купа, четири Лига Купа, два Комјунити Шилд и една Лига на шампиони, забележувајќи 304 настапи и постигнувајќи 60 гола.

И по цела сезона во Барселона во која играше 51 пат во сите натпреварувања и му помогна на каталонскиот гигант да заврши на второто место во Ла Лига, 33-годишниот фудбалер се врати во Сити.

-Моите седум години во Манчестер Сити беа време на чисто задоволство за мене, и на теренот и надвор од него. Пораснав како личност и играч, развив посебен однос со навивачите на Сити и уживав во неверојатен успех. Тоа беше извонреден период од мојот живот. Да имам можност да се вратам овде значи многу, призна Гундоган

The post Гундоган се врати во Манчестер Сити appeared first on Република.

Фудбалерот од средниот ред на Барселона, Илкај Гундоган нема намера да ја напушти Барселона ова лето, пренесува „Мундо Депортиво“.

Застапниците на фудбалерот го информирале раководството на каталонскиот клуб за оваа одлука.

Забележано е дека Гундоган се восхитува на шпанскиот град и сака да направи нешто значајно за „Каталонците“.

Претходно беше објавено дека Гундоган би можел да се пресели во катарскиот клуб Ал-Сад.

Минатата сезона, 33-годишниот играч од средниот ред учествуваше на 51 натпревар за Барселона во сите натпреварувања, постигнувајќи пет гола и 14 асистенции. Неговиот договор со тимот е до летото 2025 година

The post Гундоган не сака да ја напушти Барселона appeared first on Република.

Германскиот репрезентативец Илкај Гундоган е на листата на желби на новиот менаџер на Фенербахче, Жозе Мурињо, пренесуваат шпанските и турските медиуми.

Наводно, португалскиот стручњак би сакал во Истанбул да го донесе првотимецот на Барселона, кого многу го цени, а преговорите за реализација на овој трансфер веќе се започнати.

Медиумите не наведуваат колку пари е подготвен да плати Фенербахче, но се проценува дека пазарната вредност на Гундоган е околу 15 милиони евра, но не се исклучува можноста Германецот да пристигне на Босфор како позајмен играч.

Инаку, претставникот на „панцирите“ минатото лето пристигна во Барселона и одигра 51 официјален натпревар за Каталонците, при што постигна пет гола и забележа 14 асистенции.

Сепак, неговата иднина на стадионот „Ноу Камп“ не е светла, бидејќи договорот му истекува следната година, а новиот тренер Ханси Флик не го гледа како стандарден играч, што се виде и на пријателскиот натпревар против Реал Мадрид кога тој влезе од клупата на само 13 минути до крајот на натпреварот во кој Барса победи со 2:1.

The post Mурињо сака од Фенербахче да направи дрим-тим, желба е и Гундоган appeared first on Република.

Играчот од средниот ред на Барселона, Илкај Гундоган и дефанзивецот на Реал Мадрид, Антонио Рудигер, се следните две имиња во германската репрезентација за Европското фудбалско првенство што се игра летово.

Германскиот фудбалски сојуз избра неконвенционален начин да го објави составот преку традиционални и социјални медиуми, инфлуенсери, ТВ познати личности, уметничка галерија, националните превозници Луфтханза, па дури и сопственик на продавница за крофни пред официјалното претставување на тренерот Јулијан Нагелсман, закажан за четврток.

До среда попладне беа објавени вкупно 16 играчи. Конечниот список, кој мора да биде откриен до 7 јуни, не може да има повеќе од 26 играчи, но Нагелсман би можел да избере повеќе играчи на својот прелиминарен список во четврток.

Се работи за создавање многу емотивни моменти за оваа земја, за навивачите, за децата, за луѓето кои се на стадионот, кои се пред телевизорот, кои се надвор и на улиците, изјави неодамна Нагелсман за „Магента ТВ“ во однос на Евро 2024.

Рудигер, беше објавен од сопственикот на продавницата за крофни во Берлин во која играчот одел како ученик.

Здраво Антонио, добар човеку. Сакав да те известам дека си во тимот за Европското првенство. Бидејќи и ти беше мој клиент како ученик, првите 50 ученици ќе добијат бесплатна крофна денеска, рече тој во видео на Инстаграм.

Рудигер одговори во делот за коментари:

Хишар ќебап = најдобриот ќебап. Со нетрпение го очекуваме турнирот“.

Гундоган беше претставен и во главниот град, каде на 14 јули ќе се одржи финалето на еврото, преку билборд на Александарплац.

Гундоган, кој има 77 натпревари, беше именуван за капитен минатата година кога Мануел Нојер беше надвор од теренот поради скршеница на ногата, а тренерот Јулијан Нагелсман рече дека ќе остане капитен иако сега се врати голманот Нојер.

The post Рудигер и Гундоган потврдени во составот на Германија за Еуро 2024 година appeared first on Република.

Шпанскиот фудбалски шампион Барселона го промовира новиот свој играч, Илкај Гундоган.Тој на презентацијата зборуваше за амбициите во новата средина.

Сакам да ја вратам Барса на врвот во Европа. Можноста да се приклучите на овој тим е извор на гордост и чест. Лигата на шампионите е магичен, многу посебен турнир. Има многу тенка линија помеѓу испаѓање и напредување, но нашиот тим е способен да се бори и да се обиде да стигне што подалеку. Се обидував неколку години да ја освојам Лигата на шампионите во Манчестер сити. Пред неколку месеци, конечно сфатив како треба. Се надевам дека ова искуство ќе ми овозможи да и помогнам на Барселона во походот кон европскиот трон, рече Гундоган.

The post Гундоган сака да ја врати Барса на врвот на Европа appeared first on Република.

Германскиот фудбалски репрезентативец Илкај Гундоган ги напушта редовите на актуелниот англиски и европски првак Манчестер сити и без обесштетување ја продолжува кариерата во шпанскиот гигант Барселона, објавија денеска англиските и шпанските медиуми.

Според весникот „Мундо Депортиво“, досегашниот капитен на Манчестер сити потпишал двегодишен договор со Барселона, до јуни 2025, со опција за продолжување на соработката за уште една година.

Сити се обиде да го задржи 32-годишниот играч за врска, нудејќи му едногодишно продолжување на договорот, со дополнителна една година како опција, но понудата од Барселона била поприфатлива за Гундоган, наведуваат Би-Би-Си и Скај Спорт.

Гундоган изминатата сезона со Манчестер сити ги освои титулите во Лигата на шампиони, англиското првенство и ФА купот. е

The post Барса се засилува, доаѓа Гундоган appeared first on Република.