Неколку стотици илјади парчиња швајцарска муниција од мал калибар наменета за прецизно гаѓање илегално се доставени во Украина без знаење на производителот, јави денеска швајцарската јавна телевизија СРФ, повикувајќи се на извештајот на Министерството за економија.

Вкупно 645.000 куршуми наменети за прецизни стрелци, специјалитет на швајцарската одбрана (Swiss P Defence), биле доставени во јули 2023 година до полската компанија UMO SP, која потоа четири дена подоцна ги извезла во Украина.

Овој реекспорт го прекршува ембаргото за оружје и принципот дека Швајцарија не испорачува оружје на држава во војна. Беше прекршена и забраната купувачите на вооружени компании да го реизвезуваат во завојувана земја.Таквиот став произлегува од швајцарската неутралност.

Швајцарското Министерство за економија соопшти дека повеќе нема да има соработка со полската компанија која извезувала муниција во Украина. Засега не е познато дали таа муниција била користена во Украина.

The post Стотици илјади парчиња швајцарска муниција илегално испорачани во Украина appeared first on Република.

Срспкиот претседател Александар Вучиќ, кој денеска ги посети семејствата на жртвите од масовното убиство во Дубона и Мали Орашје крај Младеновац, во Дневник РТС изјави дека разговарал со родителите кои изгубиле и син и ќерка, јави дописникот на МИА од Белград.

-Единствено што можев да им кажам е дека како граѓанин и како претседател, за оној што тоа го направил и оние што го вооружиле и што му помогнале, ќе барам најтешка можна казна, рече Вучиќ.

Тој напомена дека нема директно да се меша во ништо, туку дека ќе се бори политички за сторителите на двете масовни убиства да добијат максимални казни.

Што се однесува до изборите, Вучиќ оцени дека тоа се реална опција.

-Кога некој на еден или друг начин го оспорува легитимитетот, тогаш тоа е најдобриот начин, посочи Вучиќ.

Тој порача дека нема да го даде мандатот на никој што по наредба однадвор ќе формира некаква преодна влада.

https://republika.mk/vesti/balkan/vuchik-go-posetil-uchilishteto-kade-se-sluchi-masakrot-bez-kameri/

-Со оваа земја ќе управуваат оние кои ќе ја добијат довербата на народот, рече Вучиќ.

Вучиќ, говорејќи за протестите „Србија против насилството“ и собирот што го најави за сабота, рече дека по двете масовни убиства луѓето се згрозени и исплашени, што е логично и дека бараат виновник за се и секого, и дека на протестите присуствуваа голем број луѓе кои сакаат да сменат нешто, да ги направат своите деца побезбедни.

Тој оцени дека на оние кои внимателно ги следат политичките активности им станало јасно дека тоа се обиделе да го искористат политичарите од поранешниот режим или опозицијата, на теми на кои тоа не треба да се прави.

-Мислам дека ќе ѝ се обратам на Србија со долгорочен план и ќе покажам како можеме да излеземе од сето ова, изјави Вучиќ на РТС

The post Вучиќ: 15 години затвор за поседување илегално оружје по 8 јуни appeared first on Република.