Грузискиот фудбалски репрезентативец Хвича Кварацхелија е на чекор да договори продолжување на соработката со калчолигашот Наполи, пренесуваат италијанските медиуми.

Менаџерот на Кварацхелија и претставници на Наполи ги договориле личните услови за Грузиецот да го продолжи актуелниот договор со значително зголемување на неговата плата, пишува весник „Ил Матино“.

Кварацхелија дојде во Наполи од грузискиот тим Динамо Батуми во летото 2022 година за 13,3 милиони евра,

Новиот договор се очекува да му донесе 5,5 милиони евра годишна плата, плус дополнителни 1,5 милиони евра годишно во бонуси.
Неговиот актуелен договор истекува во 2027 година, но ќе биде продолжен до јуни 2029 година со опција за уште една сезона

The post Кварацхелија не сака да си замине од Неапол appeared first on Република.

Пари Сен Жермен веќе се подготвува за живот по заминувањето на Килијан Мбапе, а актуелниот француски шампион во Хвича Кварацхелија гледа идеална замена за сега веќе поранешниот играч.

Според италијанскиот новинар, Џанлука ди Марцио, Наполи добил понуда од 100 милиони евра за грузискиот репрезентативец.

Познато е дека Наполи во новата сезона ќе влезе со нов тренер. Најгласно се споменува името на Антонио Конте. Поранешниот тренер на Јувентус, Челси и Интер ќе пристигне на стадионот „Диего Армандо Марадода“ откако во март минатата година доби отказ од Тотенхем.

Клубот од градот под Везув наводно му дал некои гаранции на искусниот тренер, а една од нив е целосна поддршка во преодниот рок. Сепак, бидејќи Наполи нема да учествува во европските натпреварувања, постојат сите шанси да мора да продаде некоја од скапите ѕвезди во тимот.

Така, не би било изненадувачки доколку претседателот Аурелио Де Лаурентис одлучи да се ослободи од Хвича Кварацхелија во замена за гореспоменатата компензација. Продажбата на Грузиецот би решила одредени проблеми, а медиумите од Апенините пишуваат дека е сосема реална опција Виктор Осимен да го напушти клубот ова лето

The post ПСЖ не прашува за цена за Кварацхелија appeared first on Република.